азис – Вистина.мк

„Зошто пееш на бугарски кога си Македонец“? – Дарко Ѓорѓески во „Ѕвездите на Гранд“ за малку не доби директна дисквалификација од Саша Поповиќ (ВИДЕО)

Антонио Димитриевски — Mon, 05 Jun 2023 06:25:47 +0000

Младиот македонски пејач кој живее во Грац, Австрија, Дарко Ѓорѓески од тимот на Цеца, во последната емисија на „Ѕвездите на Гранд“ настапи во дуел со Амна Јусиќ од тимот на Марија Шерифовиќ. Тие настапија последни во емисијата, а Дарко најпрвин се претстави со баладата „Тајно моја“ од Тоше Проески и на изненадување на многумина, па и на самиот Саша Поповиќ, следна песна што ја испеа беше „Сен Тропе“ од популарниот бугарски пејач Азис. И двајцата кандидати освоија по пет гласови што не беше доволно директно да се пласираат во следниот круг. Но она што ги изненади сите во студиото беше коментарот на Саша Поповиќ наменет за пејачот од Македонија. „Што си ти по националност?“ -го праша креативниот директор Поповиќ нашиот натпреварувач. „Македонец“ - му одговори Дарко кој има гостиварско потекло. „Па, зошто тогаш пееш на бугарски? Ова е дисквалификација затоа што го прекрши правилото“, заклучи Поповиќ по што во разговорот се вклучија и останатите претставници на жирито. Босанац му се придружи на Поповиќ во мислењето, но, на Дарко „главата му ја спасија“ другите членови на жирито кои се спротиставија велејќи дека ние на Балканот сите сме слични и се разбираме?! Ја поддржувам идејата тука да се пее на сите балкански јазици. Кај мене на Милиграм ми гостува Азис со една интересна песна, но тој инсистираше да пее на српски. Тоа го поддржувам, додаде Александар Милиќ Мили. Ставот на Мили веднаш го подржа Вики Миљковиќ, но дискусијата околу јазиците ја прекина Поповиќ кој им кажа на кандидатите: „Добро, повеќе не мора да дискутираме, и двајцата кандидати одите во бараж и нека ви е со среќа“, им порача тој на Дарко и Амна, а Цеца затоа што го пушти нејзиниот кандида да се бори понатаму го награди Поповиќ со бакнеж... овој пат во образ! Но затоа во баражот беше густо и напнато до самиот крај, но Дарко и Амна сепак успеаја да поминат во следниот, седми круг. Настапот на Дарко погледнете го во видеото во продолжение на 2 часа 39 минути и 30 секунди (02:39:30):

Повторно ќе стане татко: Азис чека трето дете (видео)

Слободанка Илиева — Fri, 20 Jan 2023 10:20:42 +0000

Васил Тројанов Бојанов, попознат како Азис или еден од најпопуларните бугарски поп-фолк пејачи од почетокот на својата кариера помина низ бројни трансформации. Пејачот сега откри дека станува татко по третпат. Имено, Азис во јавноста се претставуваше како травестит и хомосексуалец. Меѓутоа, сега ситуацијата е поинаква, фолкерот целосно го промени изгледот и е оженет за жена. Пред речиси 15 години тој беше во врска со Ники Китаец, а во октомври 2006 година се венчаа, нивниот брак не беше легален бидејќи бугарскиот закон не ги поддржува истополовите бракови.

View this post on Instagram

A post shared by Azis Online (@azis_online_new)

Азис не долго потоа се разведе и ја доби ќерката Раџа во 2007 година со неговата најдобра пријателка Гала. Бугарскиот фолкер претходната година доби син и по втор пат стана татко.

View this post on Instagram

A post shared by Azis Online (@azis_online_new)

Азис на Инстаграм објави видео од ултразвук од неговата партнерка Гала и откри дека по третпат станува татко.

Бакнеж во уста: Јелена Карлеуша ги „запали“ социјалните мрежи откако падна во прегратка на познатиот бугарски пејач (фото)

Слаѓана Атанасова — Mon, 19 Dec 2022 13:27:46 +0000

Карлеуша објави фотографија на која се гледа како се бакнува со познат маж, а со тоа ја скокотна фантазијата на многумина. Пејачката Јелена Карлеуша каде и да се појави привлекува внимание, а тоа беше случај и сега. Карлеуша ги изненади сите свои следбеници на социјалната мрежа Инстаграм со новата објава каде се бакнува во уста со нејзиниот долгогодишен пријател, бугарскиот пејач Азис. Васил Тројанов Бојанов, попознат по неговото уметничко име Азис, поп-фолк пејач и музичар, ја започна својата кариера во далечната 1999 година и за десет години стана исклучително популарен во родната Бугарија, но и на целиот Балкан. Воодушевените следбеници веднаш почнаа да пишуваат позитивни коментари: „Тоа е тој натпревар“, „Две икони“, „Љубоморен сум“. Јелена Карлеуша и Азис имале заеднички настап во Швајцарија, а пред настанот им позирале на фотографите.

View this post on Instagram

A post shared by Jelena Karleuša (@karleusastar)

- Среќна сум што те гледам брате мој, голема бугарска ѕвезда - напиша Јелена во рамката на објавата каде се бакнуваат и гушкаат. Фото: Принтскрин/Инстаграм/Јелена Карлеуша

Помаженствено не изгледал никогаш: Ова е новиот имиџ на Азис, кој вели дека никогаш не бил поприроден (фото)

Слободанка Илиева — Tue, 06 Dec 2022 12:00:42 +0000

Бугарскиот пејач Васил Тројанов Бојанов, попознат како Азис, шокираше многумина со својот нов изглед. Имено, Азис беше препознатлив по својот импресивен стајлинг. Пејачот драстично го промени имиџот, заменувајќи ја избелената коса и женската облека со мачо стил. Тој неодамна беше гостин во емисијата Премиера-Викенд Специјал каде зборуваше за своите трансформации. - Среќен човек сум затоа што имам многу пријатели во Белград, поради Ковид малку се оддалечивме, но на сите им праќам бакнеж, вели Азис и додава: - Десет години немам направено трансформации, ова сум јас, природниот изглед е новата црна боја. Оваа година не ја видов вашата евровизиска пејачка, но трите девојки од минатата година се вистински бомби, ги пофали „Хурикејн“. фото:alo.rs/printskrin

Ова беше она што и фали: Северина сними дует со Азис насловен „Ми недостигаш“ (фото+видео)

Слаѓана Атанасова — Mon, 28 Mar 2022 11:50:45 +0000

Популарната хрватска пејачка Северина на социјалните мрежи објави дека на 31 март нејзините обожаватели ќе можат да уживаат во нејзиното ново видео .

View this post on Instagram

A post shared by Severina (@severina)

Таа сними дует со бугарската мегаѕвезда Азис, а песната се вика „Ми недостигаш“. Новата песна е создадена во соработка со Филип Милетиќ, а Северина со фановите сподели неколку фотографии од подготовките за снимањето на самиот спот. фото: Инстаграм принтскрин/severina

Животот на контроверзната бугарска фолк ѕвезда Азис крие многу тајни: Ромскиот славеј е роден во локален женски затвор како Васил Тројанов! (ФОТО)

Антонио Димитриевски — Mon, 15 Mar 2021 12:57:48 +0000

Азис, кој е меѓу учесниците во шоуто „Како две капки вода“, ја трогна својата мајка со објавата на Фејсбук. Фановите на кралот на фолкот беа трогнати, но и изненадени уште еднаш, од неговата храброст да ги сподели тешките моменти и предизвици на патот кон врвот. Азис и должи многу за своите победи на својата мајка, призна тој. https://arhiva.vistina.com.mk/radio-mileva/dozivea-nenajavena-emotivna-sredba-azis-e-golema-estradna-dzvezda-koja-pretrpe-bezbroj-transformacii-ama-majka-mu-ima-povekje-estetski-korekcii-od-nego-foto/ Фановите кои добро ја познаваат неговата биографија знаат дека почетокот на неговата професионална кариера не беше лесено. Васил Тројанов Бојанов, како што е неговото вистинско име, на 7 март го слави својот 43-ти роденден. Роден е во Сливен. Роден е во локален женски затвор. Ова го сподели неговата мајка во интервју за емисијата „Ничија земја“ на Нова ТВ во јануари 2019 година. Мајката на Азис била затворена по пријава на сопствениот татко. Ја сместил таму за да не се омажи за Трајан, таткото на Азис. Гергина е од Калдараши, а неговиот татко е турски ром, како што споделија во нивниот ТВ-интервју. Тој е исто така музичар. Во затворот, Гергина дознала дека е бремена. Кога ќе излезе, нејзините родители нудат да го посвојат Васил, да се грижат за него и таа да е сè уште слободна девојка. Сепак, Гергина категорично одбила да го даде своето дете. „Ние ги победивме нашите родители. Јас се спротивставив. Не сакав да го дадам Васко – сакав од првата секундада биде со мене“, сподели Гергина. Азис пораснал во Костинброд и Софија. Некое време живеел со неговите родители во Германија, каде идната ѕвезда работела рамноправно со нив, најчесто шетајќи кучиња за мала сума на пари. Од рана возраст, Азис го покажувал својот музички талент и често одел на настапи со неговиот татко. Еден од првите настапи на пејачот бил на музичката сцена во ансамблот „Рома“. Тој го потпишал првиот договор во 1999 година со Маратон рекордс. Тогаш се роди Азис – пејачот го избира својот прекар, име на главниот лик во еден турски филм. Неговите први песни беа вклучени во компилацијата „Д фолк маратон“. Пејачот стана познат на пошироката јавност откако започна да работи со продуцентот Крум Крумов и неговата компанија Сони мјузик. Во 1999 година, дебитантскиот соло албум на Азис „Болка“. Со насловната песна, преведена на ромски, идната ѕвезда ја освои својата прва голема награда. Во август беше избран за пејач на годината на ромскиот фестивал во Стара Загора. Популарноста на Азис рапидно растеше не само поради неговите хитови, туку и поради неговата способност да ја испровоцира публиката. Пејачот со право се нарекува камелеон. Сите го паметат во периодот кога тој се појавуваше на сцената со женска облека, шминка и високи потпетици, а во неговите песни честопати има сексуални конотации. Азис отиде уште подалеку. Во 2006 година, кралот на фолкот стапи во брак со маж. Настанот предизвика огромен публицитет. Титулата крал на фолкот ја стекна благодарение на неговите хитови, од кои некои од поновите имаат социјални пораки, како и нивната популарност, која ги надмина границите на земјата. „Постојано велеше: „Мамо, еден ден ќе бидам ѕвезда, ветувам. Кога ќе станам ѕвезда, ќе ви купам најдобра облека и накит. Ти си моја кралица! Ќе видиш!”. Тој ден навистина дојде и ме направи кралица!“, се присети неговата мајка Гергина.

Ненајавена средба: Азис е голема естрадна ѕвезда, која претрпе безброј трансформации, ама мајка му има повеќе естетски корекции од него? (ФОТО)

Антонио Димитриевски — Thu, 11 Mar 2021 11:13:22 +0000

Бугарскиот пејач од ромско потекло Азис е голема естрадна ѕвезда, која доживеа безброј визуелни и естстски трансформации. Неговата мајка Гергина, се појави на телевизија и дури и да не зборуваше многу, предизвика полемики, дали жената има многу повеќе од нејзиниот sвезден син? Ако тој има седум операции, тогаш таа дефинитивно не заостанува зад него. Дамата која се појави во студиото на дебито на шоуто „Забранетата емисија на Рачков“ на бугарската ТВ Нова беше изненадување за фолкерот, кој тој ден славеше роденден. Според сценариото, нејзиниот син Васил (името по лична карта на Азис) немаше идеја дека ќе ја види, бидејќи живее со години во странство, а последната средба им била пред половина година. Жената околу која Азис секогаш градеше култ на најубава жена во неговиот живот, се истакна со безброј операции на лицето. Усните и се видливо зголемени, филерите и ботоксот ги измазнуваат брчките на минимум. И екстензиите на русда коса со темна кожа. Очигледно, Гергина често посетува клиники за убавина, а исто како и нејзиниот син, е подготвена на сè за да го врати времето и да изгледа помладо и поубаво. Азис во шоуто ја изведе „Колку среќа да бидам покрај тебе, мамо“ (песната „Најдобриот збор“ од Росица Кирилова), а во тој момент на сцената се појави неговиот женски родител. Гергина беше облечена во кралско сино палто, а нејзиниот син во сина кошула и искинати фармерки. Двајцата се прегрнаа, а фолкерот пушти солзи покажувајќи емоции. Во својот краток разговор со шоуменот Рачков, дамата се врати во годините кога како многу мала останала бремена со Васил. „Не сакав, сакав да абортирам. Веројатно затоа што бев многу млада, имав само 21 година“, рече таа. По повод Денот на жената, Азис не пропушти да и ја искаже својата љубов и благодарност на неговата мајка. Еве што напиша подоцна на Инстаграм, објавувајќи фотографии од неговата мајка по нејзината посета на студиото: „Честит празник, мила мамо! Не се замори во текот на сите овие години да одиш со мене по сите можни натпревари и слично, верувајќи во мене и мојот талент“, напиша пејачот. „Не се откажа дури и кога ни ги треснуваа вратите пред нос и велеа дека немам музички талент. Во тоа време, барањето изведба за твоето дете, кое е поцрно од другите деца, се сметаше за дрскост. Ти си првиот борец против дискриминацијата во Бугарија! Убава и арогантна, исто како Малена, хероината на Ѓузепе Торнаторе“, продолжи во свој дух да ја опишува мајка си Азис, па и емотивно заврши: „Држејќи ја раката на твоето мало Ромче, ти беше горда мајка која прва веруваше во мене! Се што сум сега, е благодарјќи на тебе! Те сакам!“ - емотивно напиша Азис. Извор: HotNews.bg Фото: Инстаграм принтскрин/azis_online_new

Марија моментално не тезгари, ама затоа троши пари како во најдобрите денови: Бугарската фолк пејачка со чизми од 1150 евра (ФОТО)

Антонио Димитриевски — Wed, 10 Feb 2021 13:37:08 +0000

Бугарската пејачка Марија можеби нема тезги, како впрочем и цеклата естрада заради коронапандемијата, ама затоа троши како во најдобрите денови кога беше на врвот на кариерата. Особено на скапи чевли. Фолкерката ги истакнува своите чизми од најновата колекција на „Луј Витон“, забележа бугарски „Викенд“. Истражувањето на весникот покажа дека тие чинат 1.150 евра (околу 2.248 лева). Моделот е купен од бутикот на брендот во Париз. Очигледно е дека пејачката ги купува само со најскапите брендови на облека и модни додатоци. Марија во повеќе наврати призна дека мажите до неа и помагаат финансиски и тоа е сосема нормално за неа. Малку е веројатно дека пејачката ги купила скапите обувки, туку е поверојатно дека тие и се повеќе подарок од нејзиниот сегашен љубовник. Пејачката моментално се доживува како инфлуенсер и заработува од реклами, но нејзините приходи од тоа се едвај доволни дури и за само една од торбите во нејзината колекција. Инаку, и покрај коронакризата Марија деновиве го претстави музичкото изненадување кое го навести во јануари. Пејачката го промовираше својот нов музички проект „Валкани зборови зборувај ми“, во кој учествуваат и двајца мегапопуларни бугарски музички уметници - Фики и Азис. https://www.youtube.com/watch?v=Cft4hKUzKug

Се’ би дале само да бидат понежен пол: Овие познати балкански пејачи станаа жени! (ФОТО)

Антонио Димитриевски — Mon, 25 Jan 2021 10:33:18 +0000

Сцената е исполнета со личности чиј изглед отстапува од стандардното и традиционалното. Приказните за мажи кои станале жени, привремено, делумно или целосно ја шокираа јавноста и си поиграа со традицијата и стереотипите на нашите простори. На оваа фотографија која кружи на социјалните мрежи, можете да ги видите: Азис, Боки13, Сестри, Наташа Маза, Невен Цигановиќ, Славко Калезиќ, Електра Елит и Божо Вреќо. Фотографија која предизвика вистинско цунами од коментари. Некои беа многу негативни, додека имаше и понекој позитивен каде ја пофалија нивната храброст да се појават во јавноста. Некои од пејач(к)ите тотално го сменија полот, како Наташа Маза и Електра Елит, додека други користеа женска гардероба, обувки на високи потпетици и силна шминка на сцената, но и во приватниот живот. Ќе го споменеме само оној, кој беше пионер на Балканот и прв го шокираше целиот регион. Популарниот бугарски пејач Азис веројатно беше првиот на овие балкански простори што го воведе овој тренд. Изгледаше многу мажествено, но се облекуваша и однесуваше како жена. Кај нас секско најпознат беше и остана Боки13. Особено после аферата „Рекет“, која се уште ја чека својата финална судска разрешница. Тој како и Азис сега направија неверојатни трансформации и од облекување во женска гардероба премина во вистински мажи. Барем навидум! Фото: Социјални мрежи

Пејачот фатен на бендисување во геј клуб: Азис бара маж за… сериозна врска! (ВИДЕО)

Антонио Димитриевски — Thu, 31 Oct 2019 11:26:05 +0000

Фолк-пејачот Азис се чувствувал многу осамен затоа што некое време бил без момче. Неговата долгогодишна врска со мажот кој не го покажуваше визуелно, туку едноставно јавноста го знаеше само по името - Велизар, веќе не е дел од неговиот живот, пишува бугарски HotNews, наводно дознавајќи од сигурни извори. Поради оваа причина, екстравагантната бугарска фолк ѕвезда се вдаде во потрага по нова возбуда. Неодамна, Азис бил забележан во еден геј клуб, каде заминал на бендисување, па гледал момчиња. Тој пристигнал во друштво на неколку лица, од кои едниот бил личниот бодигард од неговото обезбедување. „Васко, (како што му е вистинското име на Азис), постојано стоеше во сепарето на катот и директно ги гледаше одозгора на мажите. Тој изгледаше повеќе мажествено со брада, што е негов фетиш“ - коментирале лица од неговата непосредна околина. Пејачот стоеше простум, но во исто време не одби да се фотографира со фановите кои кога го забележаа, веднаш посакаа да се овековечат со него. Во текот на целата вечер, пејачот покажувал машко однесување, кое веќе некое време е негова нова фикс идеја. Ова очигледнои ги изнервирало дел од присутните посетители со поинаква сексуална оријентација, па удрија по фолкерот кој некогаш беше нивна геј икона: „Очигледно, комплексот од минатото на Азис го мачи. Да се прави 'батка' не му личи, особено затоа што како поинаков беше најзапаметен во целата негова кариера“ - констатирале дел од присутните во клубот таа вечер.

View this post on Instagram

Amazing party ???@elysiumhotelmykonos #azis #azisnewinsta #azisarmy #азис

A post shared by Azis Online (@azis_online_new) on Aug 31, 2019 at 1:28am PDT