Прогласена тридневна жалост во Македонија

Антонио Димитриевски — Tue, 23 Nov 2021 13:53:48 +0000

Владата на денешната вонредна седница прогласи тридневна жалост на територијата на целата држава, за трагичната сообраќајна несреќа во Бугарија, во која животите ги загубија 45 македонски државјани. За денови на жалост се прогласени 23, 24 и 25 ноември (вторник, среда и четврток), а за време на деновите на жалост знамето на Република Македонија, како и на дипломатските претставништва на земјава во странство, ќе биде истакнато на половина копје. Се одлагаат сите јавни настани, а медиумите треба да ги прилагодат своите содржини соодветно на прогласената тридневна жалост.

Сузана Турунџиева и Атиџе беа во Истанбул, по автобуската несреќа најблиските и јавноста загрижени за нив (фото)

Христина Ѓоргиевска — Tue, 23 Nov 2021 08:46:05 +0000

Taжно, многу тажно утро за Македонија. Најмалку 45 лица загинаа во тешка сообраќајна несреќа во која се запали македонски автобус на автопатот „Струма“ кога се враќале од Турција. Автобусот сношти нешто по 21 часот влегол преку граничниот премин Капитан Андреево. Околу 3.00 часот се случила сообраќајна незгода на автопатот во правец Софија – Благоевград. Во автобусот патувале 52 лица. Меѓу загинатите има 12 малолетници, меѓу кои и двајца близнаци. Во несреќата загинал и возачот. Македонската пејачка, ТВ водителка, писателка, Сузана Турунџиева и хероината на „Медена земја“, Атиџе Муратова изминатите денови беа во Турција и често објавуваа фотографии од Истанбул како си поминуваат во градот на Босфорот. По веста за кобната несреќа на македонскиот автобусот во Бугарија кој се враќал од Истанбул, најблиските и јавноста беа загрижени за нив. Нашата редакција ја контактираше Сузана, која во порака за Вистина.ком.мк откри дека таа и Атиџе се добро. „Добро сме фала Богу. Благодарам за грижата“, ни одговори Турунџиева. Сузана ни изјави дека не била во автобусот и дека поради пандемијата со коронавирусот ги преземале сите мерки за заштита од Ковид 19. Инаку, Сузана се огласи и на својот „Фејсбук“ истакнувајќи дека цело утро добивала пораки и повици, но дека и таа и Ариџе се безбедни. Тажно, многу тажно утро Утрово како никогаш до сега телефонот ѕвонеше и нотификации стигаа на секои 2,3 секунди. Атиџе и јас сме добри и безбедни. Ви благодариме за грижата Многу не потресе веста за големата трагедија во која настрадаа наши и странски државјани и искрено сочувствуваме со семејствата на настраданите. Бог да им дава сила да ги издржат овие тешки денови. Редакцијата на вистина.ком.мк со сочуство до семејствата на починатите. фото: фејсбук/сузана турунџиева/бгнес

автобуска несреќа – Вистина.мк

Прогласена тридневна жалост во Македонија

Сузана Турунџиева и Атиџе беа во Истанбул, по автобуската несреќа најблиските и јавноста загрижени за нив (фото)