авокадо – Вистина.мк

Три намирници кои може да го заменат мајонезот: Со нивна помош ќе ги намалите маснотиите, а вкусот на храната ќе остане одличен!

Riste Zdravkov — Fri, 13 Aug 2021 06:58:50 +0000

Многу луѓе секогаш бараат едноставни начини да ги направат своите оброци поздрави, и со овие совети ќе внесете помалку калории додека вкусот на храната сепак ќе биде одличен. Ако сте љубители на сендвичи со салата од туна, пилешко или јајца, овие три намирници можат да ви помогнат да го зголемите нутритивното ниво на вашиот оброк и да го намалите внесот на калории. Наместо мајонез, можете да користите: Хумус: Лекарите советуваат да користите намази со хумус наместо мајонез, кој има помалку калории и е богат со протеини и здрави масти. Домати: Наместо да користите голема количина мајонез, заменете половина со свежи домати, со што ќе ги намалите калориите и ќе додадете повеќе хранливи материи. Авокадо: Оваа популарна и вкусна храна ќе ја направи вашата храна кремаста и ќе ги зголеми здравите масти на сендвичот.

Ги сметате за здрави, a можат да бидат опасни: 5 намирници кои се штетни ако ги јадете претерано

Христина Ѓоргиевска — Mon, 31 May 2021 13:00:46 +0000

Општо е познато дека постои таканаречена супер храна за која се смета дека е исклучиво здрава за внесување во организмот. Терминот „супер храна“ првпат беше употребен за промовирање на здравствените придобивки од конзумирање банани во почетокот на дваесеттиот век. Зборот супер храна се користи за да се опише секоја храна што има многу здравствени придобивки, особено онаа што содржи многу хранливи материи и малку калории. Иако има многу придобивки од консумирањето суперхрана, прејадувањето во ваква храна може да биде исто опасно како и пребрзото, нездраво јадење. Ова се некои од „суперхраната“ кои во никој случај не треба да се јадат во прекумерни количини. Брокула Чаша сурова брокула содржи само 31 калорија, 6 грама јаглени хидрати и 0,3 грама маснотии. Богатa е со растителни влакна, протеини, витамин Ц, калиум и други витамини и минерали. Сепак, истражувањата покажаа дека внесувањето премногу брокула може да предизвика иритација на цревата. Исто така, консумирањето на оваа храна со висока содржина на витамин К може да има негативно влијание врз луѓето кои земаат лекови за разредување на крвта и лекување на срцеви проблеми. Лосос Лососот е добар извор на протеини со малку маснотии и омега-3 масни киселини кои се корисни за намалување на воспалителните процеси во телото. Но, прекумерната потрошувачка на омега-3 може негативно да влијае на бројот на тромбоцити во крвта, а исто така може да ја разреди крвта. Покрај тоа, студиите откриле дека диетата што вклучува премногу риби, па дури и лосос може да го зголеми нивото на жива во крвта. Цимет Циметот се смета за суперхрана поради високата содржина на антиоксиданти и многу лековити својства. Се припишува на пониски нивоа на шеќер во крвта, воспаленија и спречување на срцеви заболувања, поради што ја освои титулата една од најдобрите супер храна во семејството на зачини. И покрај сите здравствени придобивки што ги има, количината цимет што ја внесуваме мора да застане на една кафена лажичка на ден за возрасни. Истражувањата покажаа дека премногу цимет може да биде отровен поради кумаринот што го содржи. Кумаринот е особено опасен за луѓето кои имаат здравствени проблеми со црниот дроб, а прекумерното внесување на овој зачин може да го оштети црниот дроб. Авокадо Во последниве години, авокадото се здоби со глобална популарност како супер храна заради изобилството на хранливи својства. Една порција авокадо компензира за четвртина од потребата за витамин К кај возрасните, петтина од потребата за фолати и една десетина од дневната потреба за витамин Е. Богато е и со омега-3 и растителни влакна, но поголеми количини на авокадо може да доведат до воспаление, надуеност и стомачни проблеми. Ако планирате да вклучите авокадо во вашата дневна исхрана, експертите препорачуваат 50 грама на ден, што е приближно од една третина до една половина од едно авокадо. Зелен чај Поради својата висока содржина на антиоксиданси, зелениот чај е обележан како еден од најздравите пијалоци во светот. Откриено е дека антиоксидансите во зелениот чај го намалуваат ризикот од рак и срцеви заболувања, согоруваат маснотии и ја подобруваат функцијата на мозокот. Иако има безброј придобивки од овој чај, прекумерната потрошувачка може да предизвика негативни ефекти, особено поради високата содржина на кофеин. Ефектите од премногу консумирање кофеин вклучуваат несоница, главоболки, палпитации и гадење. Според експертите, 3 до 5 чаши зелен чај на ден е повеќе од доволно за просечен возрасен човек. извор: курир.мк

Ги обновува кожата и косата и ги ублажува трагите на стареење: Секоја жена треба го користи ова масло

Христина Ѓоргиевска — Fri, 05 Mar 2021 13:46:43 +0000

Ладното цедено масло од авокадо содржи висока концентрација на витамин Е, кој е многу важен за одржување на здравјето на кожата. Директното нанесување масло на кожата ја намалува појавата на старечки пеги и другите знаци на стареење, покажуваат истражувањата. Најважните состојки за човечкото здравје во ова масло се лецитин и стеролин. Лецитинот формира заштитен слој на површината на кожата и на фоликулите на косата, додека стеролинот ги хидрира и омекнува.

Зошто маслото од авокадо е добро за косата?

Маслото од авокадо има моќ да ја обнови оштетената коса и да ѝ го врати изгубениот сјај. Исто така, може да го поттикне растот и да го намали нејзиното опаѓање.

Како маслото од авокадо делува на кожата на лицето?

Пред сè, важно да се напомене дека маслото од авокадо е генерално добро за кожата и го забрзува зараснувањето на раните. Некои студии покажале дека на пациентите со сува кожа, особено на заболените од псоријаза, ова масло им помага да се ослободат од симптомите на затегнување и пецкање. Маслото од авокадо првенствено ѝ годи на сувата кожа затоа што ја навлажнува и ја хидрира, притоа не оставајќи масна трага бидејќи кожата брзо го впива. Она што е особено важно денес во негата на кожата е ублажувањето или отстранувањето на брчките. Токму длабинската хидратација придонесува за поголема еластичност на кожата и хидрираност поради присуството на бета каротен, протеини, лецитин, витамини А, Д и Е, а со самото тоа се намалува и можноста за појава на брчки, бидејќи се стимулира производството на колаген. извор: точка.мк

Сите ја фрламе без да знаеме колку е здрава: Што содржи семката на авокадо?

Христина Ѓоргиевска — Wed, 24 Jun 2020 12:00:08 +0000

Сите ја јадеме внатрешноста на авокадото, а ова е одговорот на прашањето што има семката. Во неа има 70 посто аминокиселини, со нив се намалува холестерол, се спречуваат срцеви болести. Помага и за проблеми со штитна жлезда. Може да ја одвоите кафеавата кора и да ја јадете, но знајте дека вкусот не е пријатен, иако е здрава. извор: Курир.мк

Колку авокадо јаде Викторија Бекам во текот на денот?

Христина Ѓоргиевска — Wed, 13 Nov 2019 13:30:38 +0000

Во интервју за медиумите, Викторија Бекам ги откри своите планови за козметичката линија „Викторија Бекам Бјути“ (Victoria Beckham Beauty) и изјави дека за здрава и сјајна кожа не треба да се користат само козметички производи, туку треба да се внесува и потребната количина здрави масти. Мастите му овозможуваат на телото да ги апсорбира витамините од овошјето и од зеленчукот и да ја одржува кожата здрава и хидрирана. Затоа Викторија Бекам јаде по три авокада на ден. Авокадото е одличен извор на добри масти, но исто така содржи и големо количество витамин Е којшто е неопходен за добар изглед на кожата. Витаминот Е е антиоксиданс кој ги штити клетките од надворешните влијанија што го зголемуваат ризикот од стареење на кожата. Викторија им се довери на медиумите и изјави дека нејзината козметичка линија не ветува совршенство и помлад изглед веднаш бидејќи нејзиниот пристап е реален. Таа вели дека нема да ги лаже своите клиенти и дека жените треба да се сакаат себеси иако не се совршени.

Здравје во чинија: Салата со авокадо и варени јајца

Слободанка Илиева — Fri, 17 May 2019 13:15:44 +0000

Направете супер вкусна салата со авокадо и јајца, нешто посебно. СОСТОЈКИ: 6 тврдо варени јајца 1 средно авокадо 2 лажици лимонов сок 3 лажици мајонез 1 лажица сечен власец сол и бибер ПОДГОТОВКА: Се варат јајцата и се лупат, па ситно се сечат, а авокадот осе лупи и сече ситно. Се става во сад а врз нив мајонез измешан со лимонов сок и власец. Се смеша и се ставаат зачини. Уживајте! извор:готви.мк

Грејпфрут салата со авокадо

Моника Пејоска — Sat, 28 Oct 2017 06:28:18 +0000

Мирисната салата од грејпфрут со авокадо и нане е многу вкусна – може да биде вистински десерт или додаток за месо … Состојки: 2 грејпфрута 3 авокада неколку листови на свежо нане 1 лажица сок од лимон 2 лажици мед 4 лажици маслиново масло За авокадото да остане свежо во салатата и со убава боја, премачкајте го со сок од лимон веднаш по сечењето. Ние го користевме нането, но исто така добиваме интересна комбинација на вкус со мајчиниот душица. За љубителите на необични вкусни ароми, можете да додадете малку црн пипер во салатата. Како да се подготви салата од грејпфрут со авокадо? Излупете грејпфрут и исечете го на тркалца или парчиња. Измешајте го маслиновото масло со мед во чаша и додадете неколку листови од сецкано нане. Исечете го авокадото, отстранете ја семката и исечете го парчето. Аранжирајте го авокадото на чинија и посипете со сок од лимон. Потоа ставете го грејпфрутот, додајте го сосот и посипете го со нане. Извор: Локално.мк