авалон – Вистина.мк

„Авалон“ со „Југотон нова плоча“ во заеднички потфат со „Кроација рекордс“

Антонио Димитриевски — Tue, 16 Jul 2019 12:08:01 +0000

„Авалон“ го најави новиот заеднички потфат со хрватските колеги од „Кроација рекордс“, која е една од водечките издавачки куќи во регионот. Станува збор за првата музичка продавница на „Авалон“ во Македонија, со досега невиден квалитет и концепт на работа на овие простори, велат од продукцијата. Продавницата „Југотон нова плоча“ се наоѓа во срцето на градот, во ГТЦ (веднаш до поранешниот дуќан на „Пола Југотон“) и во моментов работи како продажно место за билети на „Авалон“, а големото отворање е закажано за 17 септември.

„Фанк шуи“ – ова е нивниот последен „Крик“ (ВИДЕО)

Антонио Димитриевски — Sat, 27 Oct 2018 07:20:07 +0000

„Кога никој не слуша, можеби е време да зборуваме потивко. Свету, ова е ’Крик’, паметно гласен, разбирање и љубов“, вака скопското трио „Фанк шуи“ го претстави својот нов сингл и видео насловени „Крик“.

Автори на музиката и стиховите се самите членови на бендот, а продукцијата им е заедничка со Бен Милчев, чиј потпис стои и на миксот и мастерингот, додека снимањето се одвиваше во студијата „Подрумот“ на Ангел Ќосев и „Тралала“ на Мите Димовски.

Ексклузивците на „Авалон продукција“ - Лука, Давид и Михаил се погрижија и за визуализацијата на „Крик“.

Реализацијата на видеото ја потпишува Томи Акимовски кој се потпишува под псевдонимот: лелеТоми, (инаку познат по режијата на новите видеа на „Дупер“ и Наско Џорлев), заедно со самите членови на бендот.

Како изгледа и звучи сето тоа дознајте во продолжение. https://www.youtube.com/watch?v=Rk6EtnM8J58

Славенички концерт: По две децении „Нокаут“ и „Авалон“ се враќаат во „Кале“

Антонио Димитриевски — Fri, 18 May 2018 09:16:34 +0000

Славеничкиот концерт на некогашните ексклузивци на „Авалон продукција“ – групата „Нокаут“ ќе се одржи на 27 октомври во СРЦ „Кале“, на истото она место каде што популарниот бенд го одржа својот прв голем концерт, во организација на оваа продуцентска куќа. Како што велат од „Нокаут“, повод за концертот е и промоцијата на нивниот нов, четврти по ред студиски албум, кој го најавија и со одличната соработка со Игор Џамбазов за темата „Што бараш ти во мојата песна“ која можете да ја слушнете во рубриката „Промотер“ на нашиот портал Вистина.мк.

„Во 1998 година, СРЦ Кале беше местото на кое заедно со Авалон Продукција собравме армија фанови на нашиот прв концерт. Оваа година, на 27 октомври, Нокаут и Авалон се враќаат на истото место, од истата причина - голем концерт! Честа е огромна. Освен двата значајни јубилеи - 25 години Авалон и 20 години од првиот концерт на Нокаут, повод за концертот е и промоцијата на нашиот нов, четврти по ред албум.

Оваа песна, со наслов "Што бараш ти во моја песна", снимена заедно со маестро Игор Џамбазов нека биде тизер за она што ве очекува. Повеќе информации за влезниците ќе објавиме на 21 мај. Нокаут и Авалон, заедно одиме понатаму“ - пишуваат Нокаут во својата Фејсбук објава.

„Фанк Шуи“ чекорат на „Стаклени нозе“ (АУДИО)

Антонио Димитриевски — Mon, 25 Dec 2017 09:54:13 +0000

Скопскиот бенд „Фанк Шуи“ ја заокружи годинава со нов сингл. Имено, новите ексклузивци на Авалон продукција деновиве го претставија своето најново музичко парче насловено „Стаклени нозе“, како втор сингл од новиот албум што ќе излезе следната година. Инаку, во прашање е третиот студиски албум на „Фанк шуи“ кој ќе го носи насловот „Импулс“, а ќе ги наследи „Етер“ од 2012 и „R.E.M.“ од 2015 година. Изданието ќе излезе за „Авалон“, а за насловната фотографија се погрижи Лилика Стрезоска.

Песната „Стаклени нозе“ е комплетно авторско дело на триото, а снимањето, миксањето и мастерингот ги направи Ангел Ќосев во студиото „Подрумот“. Придружните вокали ги отпеаја Елени Мицковска и Магдалена Трповска, а на виолончело гостува Ирис Стефановска Арсовска. „Стаклените нозе“ стигнаа со текстуално видео во изработка на Михаил Намичев, а како звучи сето тоа можете да слушнете во продолжение. https://www.youtube.com/watch?v=B9brGcMAQvA

Саботниот концерт на Шербеџија е распродаден, останаа уште малку влезници за в недела

Антонио Димитриевски — Fri, 03 Nov 2017 14:57:41 +0000

Првиот од двата концерти на Раде Шербеџија, кои ќе се одржат викендов во МОБ, е веќе распродаден, соопштува „Авалон“, додавајќи дека пред распродавање се и влезниците за вториот концерт закажан за в недела, 5 ноември. Познатиот музичар и актер со холивудска слава ќе биде придружуван од неговиот бенд „Западни колодвор“, а како специјални гости најавени се Гаро и браќата Тавитјан, Каролина Гочева и Јана Стојановска. Освен што ќе го промовира материјалот од својот нов албум, Шербеџија ќе ги отпее и познатите класици како што се: „Не дај се Инес“, „Мени се душо од теби не растаје“, „Чекај ме“, „Имам пјесму за тебе“ и други. Двата концерта се со почеток од 21 часот.

FUNK SHUI ексклузивци на Авалон продукција

Антонио Димитриевски — Wed, 01 Nov 2017 14:51:58 +0000

Авалон информира дека започнува соработка со македонскиот бенд FUNK SHUI.

Оваа соработка е во рамките на јубилејот- 25 години од постоењето на Авалон Продукција како најголем музички бренд во Македонија и на Балканот, се` со цел за да им дадеме и поддршка на македонските музички артисти.

Во периодот што следува, Авалон Продукција ќе биде извршен продуцент, односно издавач, промотер и букинг-агент на FUNK SHUI.