атиџе – Вистина.мк

Кој би и дал 80 години? Мајката на Сузана Турунџиева прослави јубилеј и е права дама (фото)

Христина Ѓоргиевска — Fri, 02 Apr 2021 06:42:19 +0000

Македонската водителка, пејачка, писателка Сузана Турунџиева откако ја посети Атиџе во нејзиното родно место стана добри пријателки. Така, изминатата година тие ја искористија за заеднички прошетки, дружења, а неодамна ги вкрстија гласовите и снимија две заеднички песни. Прво, тие ја објавија песната „Иста судбина“. Сузана Турунџиева и Атиџе Муратова ја објавија својата прва заедничка песна – „Иста судбина“ (ВИДЕО) – Вистина.мк (vistina.com.mk) Турунџиева е активна на социјалните мрежи каде често објавува поучни статуси, фотографии од нејзините активности, но се почести се фотографиите и со хероината од „Медена земја“. Овој пат, Сузе и Атиџе за 1-ви април – „Денот на шега“ се маскираа, односно ставија маска околу очите на лицето, а водителката напиша: „Први април го одбележавме скромно и опуштено во кругот на поширокото семејство, бидејќи потесното е далеку...“. Сепак, во домот на Сузана Турунџиева не се славеше само „1ви април“ туку имаше посебен повод за славење. Имено, мајката на водителката славеше роденден и наполни 80 години. По тој повод, Турунџиева и се обрати со емотивна порака: „Мојата мајка е таква мајка, што кога зборувам за неа треба да стојам простум... Што би рекла наша Атиџе: Мајката, и цел живот на грб да ја носиш, пак должен ќе и останеш...Среќен 80ти роденден мајко моја, ти благодарам што беше до мене и тогаш, кога околу мене немаше никој... Биди ми тука уште многу долго, напиша Турунџиева покрај фотографијата на која позираат мајка и, помалата ќерка и Атиџе. Потсетуваме, претходното лето, Сузана во друштво на нејзината мајка и помалата ќерка патуваа низ Македонија посетувајќи разни туристички дестинации.

„Медена“ куќа: Реновиран домот на Атиџе – еве како изгледа сега (фото)

Христина Ѓоргиевска — Mon, 01 Mar 2021 09:07:20 +0000

Атиџе Муратова која публиката ја запозна преку „Медена земја“ односно нејзината животна приказна, деновиве во своето во село Дорфулија имаше убав повод за славење. Имено, нејзината куќа во која ќе живее е потполно реновирана благодарение на инацијативата на Мариа Дуда. Мариа кога ја запознала Атиџе, изразила желба со нејзиниот сопруг Маурисио да го реновираат покривот на куќата. Тие започнале да собираат финансиски средства за да го уредат покривот, но, меѓувреме покривот бил среден, а тие финансии ги насочиле кон уредување на внатрешниот и надворешниот дел од куќата, при што хероината од „Медена земја“ доби нова куќа. Сузана која последната година е добра пријателка со Атиџе објави низа фотографии од реновираната куќа на Атиџе, како и прославата пред новата куќа на македонската хероина. „ Градежните работи во куќата на Атиџе дојдоа во финална фаза. Огромна благодарност до сите добри луѓе кои на иницијатива на Мариа Дудаи нејзиниот сопруг станаа дел од големата донаторска мисија на која спонтано се приклучивме многу луѓе (од целиот свет) со една единствена цел - да и овозможиме достоинствен живот на Атиџе и да ја направиме среќна! Ви благодариме“, напиша Турунџиева. Атиџе доби и торта со илустрации од „Медена земја“. Хероината од „Медена земја“ е пресреќна поради реноивањето и наскоро ќе може да ужива и да се радува на убавите моменти во својот нов дом. Во видеото подолу погледнете како претходно изгледаше домот на Атиџе.

Радоста и задоволството да бидат обострани: Сузана Турунџиева сподели уште една „убост“ од посетата кај Атиџе (видео)

Христина Ѓоргиевска — Tue, 22 Sep 2020 07:33:25 +0000

Иако поради коронавирусот оваа година нема вообичаени летни одмори, Сузана Турунџиева го искористи ова лето за да ужива во убавините на Македонија и да ги посетува природните македонски убавини. Така, Сузе неодамна оствари средба со македонската хероина од „Медена земја“, Атиџе Муратова, а како што истакна самата ова е најдоброто нешто што и се случило во 2020та година. Турунџиева преку фотографи и видео на кое ја пејат „Македонско девојче“ објасни како изгледала нејзината посета кај Атиџе. https://arhiva.vistina.com.mk/radio-mileva/suzana-turundzieva-na-gosti-kaj-atidze-ova-e-najdobroto-koe-mi-se-sluchi-vo-2020-godina-foto-video/ Дека оваа средба поставила впечаток кај македонската водителка и писателка покажува и тоа што Турунџиева деновиве повторно сподели еден момент од оваа гостување кај хероината кој беше номиниран на „Оскарите“. Имено, Сузе на својот „Фејсбук“ им се обрати на оние кои ја критикуваа дека ја посетила Атиџе поради маркетинг, а на оние кои се израдуваа на нејзината посета им подари видео на кое заедно со Муратова ја пејат „Чекор по чекор“. Знам дека многумина се израдувавте на сликите и видеата со Атиџе, ама добро знам дека има и такви кои превртувавте очи и коментиравте дека сум отишла таму за да си правам маркетинг... Е па вам (на вторите) не чувствувам никаква потреба да ви објаснувам зошто бев и како стигнав до таму, а за оние првите, кои се радуваат на се што е добро и кои ја сакаат Атиџе им го подарувам хитот на Атиџе "Чекор по чекор". Радоста и задоволството да бидат обострани“. Меѓутоа, тоа не беше се, па Сузана продолжи да споделува убави моменти од средбата, а овој пат сподели како Атиџе пее турска песна. „Сакам со вас да споделам уште една убост за Атиџе. Кога и реков дека ми е многу интересно што како Турчинка сите песни кои ги има компонирано (Чекор по чекор и Јас ќе одам мајко“) се на македонски јазик, таа веднаш посака (за сите пријатели Турци) да испее една стара турска песна“, пишува водителката во описот, а како изгледаше тоапогледнете во видеото подолу.

Атиџе блесна на Оскарите благодарение на оваа Македонка која пак таму се дружеше со Антонио Бандерас (фото)

Слободанка Илиева — Fri, 21 Feb 2020 09:01:15 +0000

Велат дека секое чудо три дена трае ама кога е во прашање она што го оствари тимот на документарецот „Медена земја“ на Оскарите, особено главната хероина Атиџе, се зборуваше, а сигурно ќе се зборува уште долго. Оскарот не заврши во нивните раце, сигурно ќе бевме сите посреќни да беше така, но и во овој случај ние имаме победници на кои сме горди. За Атиџе се пишуваше многу, се снимаа доста интервјуа, а со возбуда се очекуваше и нејзиниот изглед на црвениот килим во Долби театарот во Лос Анџелес. Како вистинска ѕвезда, Атиџе пред големото случување имаше свој стилист која ја подготви нејзината фризура за појавувањето на црвениот килим, а не случајно за тоа беа избрани две сестри Македонки кои живеат во Америка. Станува збор за сестрите Љупка и Мила Арсовски кои во нивниот салон се погрижија за Атиџе. Дружбата со неа сигурно нема да ја заборават тие, а ниту таа, но секако и вечерта на Оскарите и забавите поврзани со големиот филмски настан каде беа собрани многу од светски познатите актери. Љупка на профилот на Инсатграм од својот салон, објави неколку фотографии заедно со сестра си и Атиџе, неколку од атмосферата, но и таква со славниот Антонио Бандерас. По ваквата објава се редеа коментарите, особено оние дека Љупка и Бандерас изгледааат блескаво. Инаку, Љупка Арсовска пред да замине во Америка работеше како модна дизајнерка, а се претставуваше и на скопската модна недела, нејзината сестра пак, работи како стилист за коса, а со истата професија продолжи и таму во сопствен салон.

Атиџе од „Медена земја“ и гледаше на кафе на Сара Џесика Паркер

Христина Ѓоргиевска — Fri, 07 Feb 2020 08:12:54 +0000

Во недела ќе се одржат „Оскарите“, а македонскиот филм „Медена земја“ е номиниран во две категории: за најдобар документарец и за најдобар филм. Екипата на филмот се наоѓа во Холивуд каде што ги прави последните подготовки за Оскарите, а за оваа прилика Атиџе има и нова фризура. Македонската пчеларка Атиџе Муратова, ѕвездата на филмот „Медена земја“, го шармираше Холивуд. До освојувањето на трите награди на филмот на фестивалот „Санденс“ пред една година, Атиџе живееше во земјена колиба без струја и вода во дивите предели во Македонија, а сега е главна ѕвезда во Холивуд. Како што пишува агенцијата „Франс прес“, Сара Џесика Паркер се сретнала со Атиџе и холивудската ѕвезда била возбудена поради средбата со македонската хероина. „Сара Џесика Паркер беше многу возбудена што ја сретна Атиџе откако го гледала филмот. Атиџе ѝ предвиде иднина гледајќи ѝ на кафе“, вели продуцентот Атанас Георгиев. Кога Атиџе заминала да го проба фустанот кој ќе го носи на „Оскарите“ и биле потребни 20 минути за да помине 200 метри. „Луѓето ја сакаат. Таа стана ѕвезда. Немаме избор освен некако да се носиме со тоа. Антрополошки, не би требало да го правиме тоа, но имаше голем притисок од јавноста во Македонија таа да оди на Оскарите“, додаде Георгиев.

Дали „Медена земја“ ќе освои „Оскар“ останува да следиме во недела.

извор: нетпрес

Атиџе како Ева Лонгорија: Македонската хероина од „Медена земја“ со холивудска фризура (ФОТО)

Антонио Димитриевски — Thu, 06 Feb 2020 08:44:34 +0000

Тимот на „Медена земја“ ги прави последните подготовски пред заминувањето во САД на доделувањето на Оскарите в недела. Главната хероина Атиџе доби и нова фризура и сега таа изледа навистина холивудски. „Денес нè израдува со својата посета во нашето студио за да ја блеснеме за на Оскарите. Мораме да признаеме дека таа е најпрво една прекрасна личност со голема душа и харизма и и’ ја посакуваме целата среќа на светот“. „Беше пресреќна од фарбањето и фенирањето и ни рече дека сега ќе може да им парира на Бред Пит и Леонардо ди Каприо. Убав помин на Оскарите, медена наша, ни беше чест што те запознавме, те чекаме со статуетка и еден куп импресии“ - напишаа од фризерското студио „Ив“ покрај објавените фотографии со Атиџе. Многумина откако ја видоа на фотографијата со новиот имиџ, прокоментираа дека Атиџе сега има фризура како славната холивудска актерка Ева Лонгорија! Ако добиеме уште и Оскар, дефинитивно и ќе ја засени! Извор:Република.мк