асексуалност – Вистина.мк

Асексуалност: Не е дијагноза, ниту минлива фаза

Слободанка Илиева — Thu, 20 Apr 2023 11:59:29 +0000

Сексуалноста е индивидуална работа и секој од нас различно ја доживува. Сосема е нормално да се чувствува сексуална привлечност кон лица од спротивен или ист пол, веднаш по средбата или откако ќе се создаде врска. Но, ако никогаш не сте почувствувале таква привлечност кон никого, дури ни луѓе со кои би биле во врска или кои се објективно убави за вас – не сте чудни. Едноставно сте асексуалец. Асексуалноста се дефинира кога поединецот чувствува романтична привлечност кон некого, но не и сексуална привлечност. – Она што е важно да се нагласи е дека не се работи за незаинтересираност за секс или слабо либидо, туку за сексуална ориентација, исто како и бисексуалноста или хетеросексуалноста – вели терапевтот Паркс. Иако самиот термин стана популарен дури во 2000-тите, луѓето го користат уште од раните 70-ти. Се проценува дека меѓу еден и пет отсто од популацијата е асексуална, што можеби звучи како мала бројка, но го нагласува фактот дека во текот на животот веројатно сте сретнале една или две лица кои спаѓаат во овој спектар. Важно е да се нагласи дека асексуалноста не го исклучува интересот за други луѓе. Имено, луѓето од оваа ориентација се многу способни да развијат чувства, едноставно немаат желба да влезат во сексуална врска. Исто така, важно е да се истакне дека тоа не значи дека интимните односи се нешто што им е „страшно“, туку дека едноставно се неутрални или незаинтересирани за тоа. – Асексуалноста често се меша со ниското либидо, што е медицинска дијагноза. Овој термин го карактеризира недостатокот на психолошки интерес за секс, не вклучувајќи ги физичките аспекти и реакции. Тоа не е избор или здравствена состојба – вели Паркс. Темата е сложена, но наједноставното објаснување е дека асексуалните луѓе можат да се чувствуваат „возбудено“, што значи дека можат да мастурбираат. Некои дури практикуваат секс со партнерот, но не за самиот чин. За некого сексот е алатка за решавање на насобраната физичка напнатост, за некои „правењето услуга“ на партнерот, но никогаш не е желбата таа што ги тера. извор:popara.mk фото:shutterstock

Дали сте знаеле дека постои сива сексуалност? Проверете ги овие 5 индикатори

Слаѓана Атанасова — Thu, 12 May 2022 14:00:40 +0000

Сивиот спектар обично вклучува поединци кои доживуваат сексуална привлечност многу ретко, само под одредени околности или со толку низок интензитет што е занемарлив.

Сивата сексуалност е зона во која луѓето се помеѓу две крајности, односно помеѓу асексуални луѓе и луѓе со нормална сексуалност, кои се нарекуваат и алосексуалци. Под поимот сиво-сексуални луѓе, се нагласува дека постои средина, односно сив дел што им припаѓа ним. Најчесто, сиво-сексуалните луѓе се поблиску до асексуалноста, но тоа не е нужно така. Она што е важно да се напомене е дека ниту една манифестација на овој тип на сексуалност не е иста, бидејќи сите луѓе се различни во тој контекст. Овој тип на сексуалност го разликуваме од либидото, кое е познато и како сексуален нагон, што ја претставува потребата да се почувствува задоволство, а сексуалната привлечност е поврзана со личност која станува привлечна за нас и предизвикува желба за секс, што подразбира дека сиво-сексуалните луѓе можат да имаат изразено либидо. Сиво-сексуалното однесување најчесто се изразува преку следниве однесувања: - не ѝ даваат значење на сексуалната привлечност при изборот на партнер - сексот не им е толку важен како на остатокот од популацијата - понекогаш чувствуваат сексуална привлечност - тие чувствуваат сексуална привлечност само во одредени околности - покажувањето љубов често се искажува со гушкање, зборување... Се разбира, овие форми на однесување не се манифестираат кај сите на ист начин. Извор: Кармин.ком.мк

Немате желба за секс? – Ова се трите најчести причини за оваа појава

Слободанка Илиева — Tue, 17 Sep 2019 13:30:02 +0000

Се помалку желба за сексуален однос, се е поприсутна кај современиот човек, иако многу почеста појава е кај жените отколку кај мажите. Тоа и не е некоја новост кога ќе се земе предвид современиот начин на живот, како и предности и слабости кои со себе тој ги носи. Новата студија од Австралија ги наведува најчестите причини за ваквата појава и објаснува како тие влијаат на самата жена. Според студијата, проблемот во голема мера може да се поправи низ медицинска интервенција, помош од психолог или само низ лично прифаќање и разбирање на проблемот, при што разбирањето на партнерот е можеби најзначајно. Понекогаш само разбирањето на проблемот како и причината за намалената сексуална желба за секс, за жената може да биде дополнителен притисок за кој таа обично молчи и го носи во себе. Студијата наведува три најчести причини за губење на сексуалната желба: Лична незаинтересираност – губењето на сексуален интерес не мора да биде лична работа и лична вина на жената. Постојат многу фактори кои можат на тоаа да влијаат како фрустрација, вина, грижа за други важни работи, незадоволство со својот изглед или изгледот на партнерот и слично. Се наведено се моментални, краткорочни појави кои жената можат да ја одвратат од сексуалната желба, а можат релативно лесно да решат. Незаинтересираност во врската – многу жени се загрижени поради тоа како нивната незаинтересираност влијае на нивниот партнер. Во овој случај, важно е кога сте во здрава љубовна врска, ја да оддржувате емотивната интримност додека не создадете сексуален аспект во својот однос. Исто така, важно е партнерот да разбире дека вашата сексуална незаинтересираност не настанала поради него. Доколку партнерот го разбере вашиот проблем, можете заедно да работите на решавањето на проблемот, на пример, масажа која може да ве возбуди или нешто што ви годи. Грижа за недостаток на хормоните– често се случува жените да се загрижени за хормоните кои се одговорни за сексуалната желба, и мислат дека во тоа е проблемот. Најчесто менопаузата ја сметаат за најголема причина за незаинтересираност. Исто така, и жените кои се под одредена терапија на лекови и инекции својата терапија ја сметаат за одговорна за сексуалната незаинтересираност. Медицинските прегледи на лекар или гиниколог может профеионално да го утврдат проблемот и доколку постои желба кај пациентот тоа најчесто може да се реши. извор:Курир.мк

Десет знаци дека сте асексуални

Слободанка Илиева — Fri, 26 Jul 2019 11:45:21 +0000

Доколку сте асексуални, вие не чувствувате апсолутна никаква сексуална привлечност. Немате желба да се впуштате во сексуални односи или врски воопшто. Асексуалноста е тешка за објаснување, бидејќи е различна за секого. Има асексуални луѓе коишто чувствуваат емотивна привлечност и можат да станат дел од посветена врска. Има и асексуалци коишто се дефинираат како аромантични и не се заинтересирани ниту за секс ниту за врска. Сексуалноста е комплицирана тема, и дури и ако сте во вашите дваесетти или триесетти години од животот, можно е да не знаете како да се дефинирате себеси. Доколку не знаете како да се дефинирате, еве неколку сигурни знаци со чија помош може да проверите дали сте асексуални: 1. Можете да забележите дека некој е атрактивен, но вам не ви е привлечен Можете да препознаете кога некој добро изгледа, знаете да ги распознаете убавите црти, убавата коса и згодното тело. Сепак, тоа што забележувате дека има убави физички особини не ви е доволно за да ве привлече. 2. Сакате гушкање и бакнежи, но не сакате физичката привлечност да премине во секс Некои асексуалци сакаат да бидат допирани, уживаат и во прегратки, љубовни пораки и бакнежи. Да се биде асексуален не значи дека сте против секој вид на физичка љубов, само значи дека не сакате ништо повеќе од тоа, како што е сексот. 3. Многу ретко се вљубувате во некого Помалку сте опседнати со идејата да бидете во врска отколку останатите ваши пријатели. Не се загледувате по непознати кога излегувате и се мешате помеѓу луѓе. Доколку некогаш некој ви се допадне, тоа е некој што веќе многу добро го знаете, т.е. некој кому му верувате. 4. Се исклучувате од муабетот кога пријателите зборуваат за врските Не ја разбирате целата фама околу сексот. Кога вашите пријатели се жалат дека одамна немале секс, не можете да ги разберете зошто се фрустрирани поради тоа. Сепак, за вас е нормално да немате секс со месеци, дури е и полесно. 5. Секс сцените ви се досадни Не ви се јасни непотребните долги секс сцени во филмовите. Повеќе сакате да гледате дијалог помеѓу двајца и како ќе се согласуваат, отколку да ги видите во кревет. За вас, начинот на кој луѓето комуницираат додека разговораат е многу поважен од хемијата во спалната соба. 6. Бракот не ви е главна и единствена цел во животот Среќни сте што не сте во врска. Не сте сигурни дали некогаш ќе се заљубите или венчате. Дури не сте ни сигурни дали воопшто ги сакате тие работи. Позагрижени сте за вашата кариера, фамилијата и пријателите. 7. Не помислувате на секс во текот на денот Понекогаш заборавате колку е опседнат светот со сексот. Тоа не е нешто на коешто вообичаено помислувате. 8. Поважно ви е каков карактер има личноста, отколку како изгледа Кога запознавате нови личности, поважно ви е како тие се однесуваат кон вас, отколку како изгледаат однадвор. Тоа е затоа што сте способни емотивно да се инвестирате во некого, но не и да се поврзете физички. 9. Можете и целиот живот да го поминете без секс, но тоа не значи дека мора да биде така Немате интерес за секс, но тоа не значи дека го избегнувате. Некои асексуалци целосно апстинираат од секс, а некои пак имаат секс за да ги задоволат желбите на партнерот. Некои мастурбираат затоа што тоа прави да се чувствуваат подобро. Нема „правилен“ начин за да бидете асексуален. 10. Се чувствувате поинаку од сите други Да се идентификувате како асексуален може да биде тешко и отуѓувачки, бидејќи за тоа не се зборува доволно во медиумите и секојдневието. Сепак, асексуалноста постои и не треба да се срамите од тоа. извор:нетпрес.ком.мк

Што ги возбудува асексуалните луѓе?

Слободанка Илиева — Wed, 24 Apr 2019 13:50:19 +0000

Иако мислењата се разликуваат, општото разбирање е дека целибатот е избор на апстиненција од секс поради здравствени, верски или други причини. Од друга страна, некои сметаат дека асексуалноста е сексуална ориентација. Иако оваа теза е сѐ уште контроверзна, важно е да се знае дека асексуалноста дефинитивно не е избор. Асексуалноста е недостаток на сексуална привлечност на начин што асексуалната личност не чувствува сексуална привлечност кон луѓето, ниту пак сака да се вклучи во некоја сексуална активност. Сепак, тоа не значи дека асексуалните луѓе целиот свој живот го поминуваат сами и никој не им се допаѓа. Тие едноставно тоа го гледаат на поинаков, платонски начин. Ова се типовите на привлечност што ги доживуваат асексуалците … Романтична привлечност – би сакале да се шетаат покрај плажа со таа личност и да уживааат во зајдисонцето Естетската привлечност – тоа што не доживуваат сексуална привлечност не значи дека не ги привлекува нечија убавина, исто како што некој го привлекува убавината на некое уметничко дело Сензуална привлечност – тие би сакале да мазат, прегрнуваат, да се држат за раце или да се бакнуваат со таа личност