Зоран Цветковиќ – арт-директор во белградското „Кратер студио“ за создавање визуелни ефекти во филмови и серии: „Со Моника Белучи се промашивме на сет“ (ВИДЕО)

Антонио Димитриевски — Fri, 14 Oct 2022 12:59:17 +0000

Зоран Цветковиќ е арт-директор во белградското „Кратер студио“ за создавање визуелни ефекти во филмови и серии. Тој досега работел на филмски проекти што се прикажуваат во Холивуд, но и соработувал со балкански режисери и актери. Во неговото професионално портфолио е и соработката со познатиот српски режисер Емир Кустурица за филмот „Млечниот пат“ од 2016 година. Го опишува како спонтан и ноншалантен уметник. На прашањето како оди соработка на нивното студио со светската филмската продукција вели: „Генерално, продукцијата се јавува во студиото, од нас бараат понуда за визуелните ефекти, ние ја даваме, тие нѐ ангажираат. Одиме на сет, правиме супервизија и одиме на снимањето на сегментот што ние треба да го работиме. Конкретно, во тој филм заменувавме заднина. Односно, Кустурица глумеше во филмот. Сцената беше снимена на зелена заднина, а ние го заменивме кањонот“, рече Зоран Цветковиќ за „Репортер“. Одењето на филмски сет не го обожава многу, па затоа најчесто праќа други колеги. Но, токму тоа е местото каде што може да се сретне со познати актери, кинематографи и режисери. Со актерката Моника Белучи, вели Зоран, се промашивме на сет. Цветковиќ беше дел од екипата што работеше на виртуелно оживување преку анимација во реклама на битолското чупе од тетрапак-пакувањето на млекото на „Битолската млекарница“. „Тоа беше тимска работа со маркетинг-агенцијата ЕПП, не бевме многу луѓе што ја стилизираа оваа анимација како за анимиран филм. Соработката одеше супер. Добивате сценарио, концепт, но сепак е тимска работа, јас бев инволвиран во делот за анимација“, раскажа Цветковиќ. Зоран вели дека важно за оваа професија е што не е само за визуелни ефекти за филмови и серии, туку е тесно поврзана и со создавањето видеоигри. Алатките што почнал да ги изучува на факултетските денови, како 3Д, 3Д - моделирање, „Фотошоп“, почнал практично да ги применува и, како што самиот вели, да го надградува занаетот. „Младите имаат интерес за оваа професија. Алатките што се користат за визуелни ефекти во филмовите се истите што се користат и во производство на игри. Младите сѐ повеќе одат во таа насока“, рече арт-директорот. Временската рамка за изработка на визуелни ефекти за еден филм зависи од потребите и категоријата за која треба да се изработи бидејќи има разни потреби - замена на заднина, анимација на фотореални животни или суштества. На прашањето, пак, што мисли за македонските филмови и дали сака да изгледа добар домашен филм, вели: Го сакам оној дел во кој се чувствува балканскиот дух, на пример, омилен ми е „Самоуништување“ со Јовица Михајловски како чичко Кумплунг. Тоа е оној наш карактеристичен хумор, балкански. Ми се допадна и филмот „Сестри“, рече Цветковиќ. Гледајте го интервјуто(КЛИКНИ ТУКА):

Како живеат луѓето кои работат за Сека: Можно ли е вака да се однесува со нив? (фото)

Слаѓана Атанасова — Tue, 06 Sep 2022 07:14:49 +0000

Соработникот на Сека Алексиќ откри како е да се работи со неа. Пејачката Сека Алексиќ важи за голем професионалец, затоа околу себе има голем тим експерти, кои се грижат за се кога е нејзината кариера во прашање. Меѓу нив е и нејзиниот уметнички директор Станислав Закиќ, кој долго време работи со пејачката. Како се препознаа по својата енергија, Сека и Станислав станаа многу повеќе од соработници, па често поминуваат време заедно, патуваат, излегуваат... А колку е „тешко“ да се работи со Сека, откри Закиќ на својот Инстаграм профил. Во видеото кое го објави нејзиниот уметнички директор, Сека објаснува како е да се работи со неа: - Да го имав животот на овој уметнички директор, греби го, стискај му ги мозолчињата на грбот, извади му ги вошките од главата, нахрани го, води го... Страшно - рекла Сека на шега.

View this post on Instagram

A post shared by Stanislav Zakic (@stanislavzakic)

Гледајќи ја насмевката на Станислав, јасно е дека тој и пејачката одлично се забавуваат наоколу, а пејачката е и добар колега и пријател. Фото:Принтскрин/Инстаграм/stanislavzakic

арт директор – Вистина.мк

Зоран Цветковиќ – арт-директор во белградското „Кратер студио“ за создавање визуелни ефекти во филмови и серии: „Со Моника Белучи се промашивме на сет“ (ВИДЕО)

Како живеат луѓето кои работат за Сека: Можно ли е вака да се однесува со нив? (фото)