арм – Вистина.мк

Музичка програма за сите генерации на прославата: „30 години Армија“

Антонио Димитриевски — Mon, 15 Aug 2022 12:43:37 +0000

Министерството за одбрана по повод 30 години од основањето на АРМ организира голем хепенинг на стадинот на АРМ во Скопје. На настанот ќе биде изложена воена опрема, ќе се прикажат воени вештини и ќе има многу музика! Настанот по повод Денот на Армијата и јубилејот „30 години Армија“ е закажан за среда – 17 август. Почетокот на програмата е во 18.30 часот. Во музичкиот дел ќе настапат: Кики од „Дајте музика“, Пере од „Нокаут“, Дац и Александар, „Last Expedition“, DJ Babura Junior и Еурека танц студио.

Вака „Меморија“ се подготвува за најголемата „концертна лудница“ под отворено небо: „Ја излези Ѓурѓо“ на „Високи штикли и црни чорапи“, а и ти „Шефе“ заедно со „Дирлада“ на нашата „рок ен рол матурска прослава“ (ФОТО+ВИДЕО)

Антонио Димитриевски — Wed, 25 May 2022 07:50:40 +0000

Денес, 25 мај, некогашниот Ден на младоста, не случајно симболично одбран за втората и поледна ПРЕСС конференција на групата „Меморија“ на која ќе бидат соопштени сите детали за нивниот концертен спектакал под отворено небо кој ќе се одржи на 11. јуни на стадионот на АРМ во Градскиот парк во Скопје. Интересот на медиумите огромен, оној на публиката пак, досега незапаметен... Во меѓувреме се прават сите подготовки голимиот концерт навистина да биде величествен и незаборавен, од оние како ќе изгледа сцената и техниката, звукот и осветлувањето, видео лед скриновите.... па се' до попдготовките на бендот за она што „Меморија“ ќе и го прстатави на скопската, но и на македонската публика, зашто десетици автобуси се најавуваат организирано да дојдат и донесат публика од сите градови во Македонија. Затоа не смее да има ни најситен пропуст, не смее „влакно да фали“ и се' мора да биде беспрекорно увежбано и изведено. А, за да биде тоа така, членовите на бендот и специјалните гости ги прават последните подготовки и музички проби. Дека ќе биде навистина најголемата „концерна лудница“ под отворено небо годинава, потврдуваат и фотографиите и видеата кои се дел од атмосферата на заедничките музички проби на „Меморија“ и нивната гостинска музичка компанија. Групата „Морал“ како едени од специјалните гости, ќе отпатува назад во времето за публиката да ја потсети на некој од нивните најгиолеми хитови. Секако, во спомен на некогашниот нивни вокал, прерано заминатиот Влатко Илиевски, чии вокални делници за оваа прилика ќе ги преземе Ристо Самарџиев. „Конкорд“ беа и останаа македонска рок историја, а „Високи штикли и црни чорапи“, е песна која остана рок евергрин што се свири и пее и денес на секоја клубска рок свирка. Венко Серафимов, лидерот и гитарист на култниот рок бенд заедно со членовите на „Меморија“ на пробите, а пејачот на „Конкорд“, Сеад Јакупи, кој со години живее и работи во Германија преку видео порака го најави своето доаѓање во Македонија специјално за оваа прилика и порача: „Хај еврибади... Со особена чест и радост едвај чекам да дојдам, за сите љубители на рок музиката на концертот на „Меморија“ да го пееме и големиот хит на Конкорд. Се гледаме на 11-ти јуни во Скопје“. „Некст тајм“ се деца од најновата рок генерација иако и тие веќе доволно долго се на сцената. Близнаците Стефан и Мартин Филиповски како дел од големиот рок спектакл под отворено небо, со својата изведба на една од нивните феноменални фолклорни преработки на македонски изворни песни, таа вечер ќе го вдахнат одново патриотскиот дух кај публиката, за уште повеќе да го разгорат оној „Оган под ѕвездите“ што „Меморија“ го запали пред речиси 33 години. „Ласт Експдишн“ беа своевремено предгрупа на првиот концерт на „Меморија“ во тогашниот Дом на млади „25 Мај“, денешен МКЦ во Скопје. Подоцна прераснаа во висински рок ен рол магови на македонската сцена, за денес со триесет и кусур годишна кариера да се култен бенд. Браќата Енко и Сецко Хаџиќ - вистински рок „шефови“, кои на рок спектаклот на „Меморија“ ќе ја потсетат повозрасната публика на тие денови, за помладите да видат дека она што било вредност некогаш, останува - засекогаш! Конечно, големата „рок ен рол матура на генерациите“, како и секоја матура, не може да мине без блех музика. Затоа тука е „Веселата дружина“ заедно со „Меморија“ да кулминира со „Дирлада“... Или ако собереме се' на едно купче, како што тоа ќе биде на 11 јуни на стадионот на АРМ во Скопје, срочено во некаква најава би звучело вака: „Ја излези Ѓурѓо“ на „Високи штикли и црни чорапи“, а и ти „Шефе“ заедно со „Дирлада“ на нашата „рок ен рол матурска прослава“... За „Кога патувам“ длабоко во себе, заедно со вас да се потсетиме на едно време... Она нашето што било, ова нивново што е сега и она, кое многу поубаво и посреќно треба да им го оставиме на оние, чие време допрва доаѓа! Со најдоброто што го знаеме... дружење, забава, песна, музика... Од „Нена до „Дирлада“!

Концертен рокенрол викенд на отворено во Скопје

Антонио Димитриевски — Thu, 10 Sep 2020 06:21:45 +0000

Овој викенд на стадионот на АРМ во Скопје, финалето за оваа концертна сезона ќе бидат три славенички музички настани чија цел е да соберат повеќе генерации, и истите да ги потсетат на духовната моќ на една исполнета музичка вечер под ѕвездите. Концертниот викенд почнува со јубилејниот концерт на “Електрични Оргазам” во петок на 11-ти септември, по повод 40 годишнината од постоењето на бендот. Во сабота, на 12-ти септември е закажано петтото издание на фестивалот “Skopje Calling” на кој ќе настапи најдоброто од македонската музичка сцена: “Last Expedition” , “Фолтин”, “Funk Shui” и “Pluto’s Doubts”. Настапот на култните “Бајага и Инструктори” во недела на 13-ти септември ветува два и пол часовно музичко уживање со нивните хитови, овој пат во комплетно нови аранжмани, хор и оркестар, за заедничка прослава со публиката на 35 годишнината од постоењето на овој култен бенд со чија музика растеа многу генерации. Билетите во ограничен број се сѐ уште во продажба онлајн на avalon.mk и продажната мрежа на Авалон низ Македонија. Се разбира, и овие настани ќе бидат реализирани според сите протоколи за заштита од Ковид-19, а носењето заштитни маски ќе биде задолжително. Од среда, 09 септември, билети ќе се продаваат и на Градскиот плоштад Македонија во Скопје.

Концерт на АКУД „Мирче Ацев“ во АРМ

Антонио Димитриевски — Fri, 10 May 2019 13:15:57 +0000

Aкадемското културно-уметничко друштво „Мирче Ацев“ на 20-ти мај во Домот на АРМ ќе одржи целовечерен свечен концерт, по повод одбележувањето на 70-годишнината од своето постоење. На концертот ќе настапат фолклорниот и хорскиот ансамбл на друштвото како и неговиот народен оркестар. Солистка ќе биде пејачката Елена Петреска. Во текот на следниот период се предвидени голем број настапи и концерти, а во летниот период, пак, во план е и одржување на 40-то издание на Меѓународниот студентски фолклорен фестивал. Концертот е закажанн со почеток во 19:30 часот.

Татјана Лазаревска е мета на закани: Македонската пејачка во Австралија добива заканувачки пораки

Антонио Димитриевски — Thu, 28 Mar 2019 08:20:41 +0000

Фејсбук статусот на Татјана Лазаровска ангажирана како професионален војник во артилериската единица на АРМ, која напиша дека напаѓачот од Нов Зеланд одговорен за масакрот во две џамии каде беа убиени 50 луѓе, заслужува да добие Нобелова награда, беше окарактиризиран како ширење говор на омраза преку социјалните мрежи, при што наиде на остри критики во јавноста.

И додека од дисциплинската комисија од Генералштабот потврдија дека веќе се води дисциплинска постапка и побарана е најстрога санкција, а дотогаш не смее да користи оружје, на другата страна на планетата, вмногу поблизу до местото каде што се случи масакарот една друга Македонка е мета на закани и добива заканувачки пораки.

По игра на случајноста во прашање е познатата македонска фолк пејачка Татјана Лазаревска, која последниве неколку години заедно со својот сопруг, пејачот Новица Василевски се пресели да живее и работи во Австралија. Имено, фолкерката има исто име и многу слично презиме, со дотичната припадничка на АРМ, односно разликата во нивните презимиња е само една буква: жебата - војник е ЛазарОвска, а пејачката ЛазарЕвска, а обете се русокоси, со слични фризури.

Токму оваа сличност предизвикала забуна кај некои, очигледно недоволно упатени корисници на социјалните мрежи па дошло до замена на идентитетот на личноста, при што војникот Татјана ја замениле со пејачката Татјана, која почнала да добива закани, во вид на заканувачки пораки по живот преку социјалните мрежи на своите интернет профили од непознати лица.

Преплашена и избезумена, македонската фолкерка токму преку интернет и се обрати на јвноста со образложение и појаснение дека таа не е ТАА на која се мисли, односно дека се работи за забуна и замена на идентитетот и погрешна личност на која и се обраќаат и закануваат.

„МОРАМ ЈАВНО ДА ВИ СЕ ОБРАТАМ И ДА КАЖАМ ДЕКА ЛИЦЕТО ТАТЈАНА ЛАЗАРОВСКА ВО ДОЛЕ НАВЕДЕНИОТ ТЕКСТ АПСОЛУТНО НЕ СУМ ЈАС, ЗА ОНИЕ КОИ ПОГРЕШНО РАЗБРАЛЕ... ЈАС СУМ САМО ЕСТРАДЕН УМЕТНИК КОЈ НЕ ЈА ДЕЛИ СВОЈАТА ПУБЛИКА И КОЈ НЕ ГО ИНТЕРЕСИРА ПОЛИТИКА ВООПШТО... ЗАРАДИ СОВПАЃАЊЕ СО ИМЕТО И НЕДОВОЛНО РАЗБИРАЊЕ НА ТЕКСТОТ ПОЧНАВ ДА ДОБИВАМ И ПРЕТЕЧКИ ПОРАКИ, КОИ МНОГУ МЕ ВОЗНЕМИРИЈА.... ЈАС СУМ СЕКОГАШ ПРОТИВ ЈАВЕН ГОВОР НА ОМРАЗА... ШИРЕТЕ ЉУБОВ, А НЕ ОМРАЗА... ВИ БЛАГОДАРАМ“ - напишала фолкерката во својот Фејсбук статус со кој ја појаснува ситуацијата и ја разрешува забуната!

Да се надеваме дека и оние кои и се заканувале на нашата фолкерка дека ќе сфатат две работи: Како прво, дека јавните закани се кривично дело казниво по закон, а како второ, дека и ги упатиле на тотално погрешна личност!

Хит претставата „Украдена личност“ со Милан Лане Гутовиќ во Скопје

Антонио Димитриевски — Fri, 30 Nov 2018 12:08:41 +0000

По големата европска турнеја и турнејата во САД хит преставата која експресно ги распродава билетите, „Украдена личност“, конечно ќе игра вечер, 01.12.2018 година во Домот на АРМ во Скопје! Во претставата игра Милан Лане Гутовиќ, а неговите текстови се напишани потпирајќи се на текстот на Миленко Вучетиќ “Бараба”. Во претставата ќе го слушате и валцерот на Штраус. Билетите за преставата можете да ги набавите преку продажната мрежа на mktickets.mk . Организатор на претставата е „Бекстејџ медиа“.

“Украдена личност” е приказ на моралната слика на практичната, модерната и прилагодлива личност, за која условите за постигнување на личните цели, се невообичаено лесни. Истите услови што нему му се лесни, за друга личност би биле целосно неприфатливи, бидејќи тие значат понижување и морална пропаст. Со спретност и дух на селски пробисвет, овој лик се приближува до Европската унија како кандидат за Претседател. Нему ниту еден поставен услов не му е воопшто тежок за исполнување, бидејќи ништо од тоа не го чини. Понудата за него е целосно прифатлива, а колаборацијата тој ја нарекува “соработка”. Карактеристиките на овој лик апсолутно се поклопуваат со некои од актуелните клучни политички фигури кај нас, кои несомнено го красат нашето време и тешкиот политички момент во кој со години живееме. Се разбира, секоја сличност е случајна. само инспирацијата од истите - е намерна!

Предновогодишно стенд ап шоу со Марјан Ѓорѓиевски

Антонио Димитриевски — Thu, 29 Nov 2018 12:23:46 +0000

На 13 декември ќе имате можност да го погледнете предновогодишното стенд-ап комеди-шоу на комичарот Марјан Ѓорѓиевски во Домот на АРМ. Провокативниот македонски стенд-ап комичар е подготвен да им удри шлаканица на ефтините идеологии и скапите безобразлуци. Световите што никогаш нема да се разберат меѓу себе се на дневен ред, погледнати од поинаков агол. Зошто брак? Зошо шопинг? Зошто кредитната ми е на нула… не, не ми е на нула, на минус 100.000 ми е. Зошто банките даваат кредити? Зошто Инстаграм и како Фејсбук им помага на жените. Автомобилот повеќе од жена. 10 чекори до успешно влегување во тајниот хоризонт до срцето на една жена. 1 чекор до срцето на мажот. Психологија за домаќинки и психологија за мажи кладилничари. Татко и како не треба со децата. Јавни фаци и како во Македонија да си славен. Политичари и политика за неупатени, мал водич до МАКЕДОНСКАТА ЕСТРАДА. Глупавите постапки на мажите, „детективскот“ пристап на жените се на анализа оваа вечер. Форуми, просторот за слободно изразување. Статуси и како фејсбук исцелува. Реклами и како не е така. Апликациите и светот на мобилните и како заборавивме да се дружиме. Куќна слава, зошто не постираме слики на инста. Мудрости од социјалните мрежи. Нова година, што сè правевме, а сега не. Како создаваме една претстава и како се снимаат народни приказни. Марјан, кој нагласува дека за него клучен елемент во стенд-ап комедијата е острата социјална критика, настапува со нов материјал кој нема да ве остави рамнодушни. Билетите се пуштени во продажба и истите може да се набават преку продажната мрежа на www.kupikartizase.com, во „Пола Југотон“ и цвеќарница „Розе“ – Веро 2.

Српската хит претстава во Дом на АРМ: „Кој е тука идиот”?

Антонио Димитриевски — Mon, 29 Oct 2018 11:16:05 +0000

Хит театарската претстава “Кој е тука идиот” ќе биде одиграна на 1 и 2 ноември, во Дом на АРМ, во Скопје, со почеток во 20ч. Главните улоги во претставата ги имаат познатиот актер и водител Милан Калиниќ и неговиот колега Срѓан Ивановиќ. Претставата започнува кога идниот младоженец кој го игра Милан Калиниќ, по бурната ергенска забава заминува кај психијатарот кој го глуми Срѓан Ивановиќ, за да ја добие потребната потврда. Влезниците може да се набават преку продажната мрежа на www.kupikartizase.com, “1/2 Југотон” и“Цвеќара Розе” – Веро 2.