арета френклин – Вистина.мк

Скопски џез фестивал: Изложба на плакати и премиера на документарецот „Aretha Franklin – Amazing Grace“

Антонио Димитриевски — Mon, 18 Oct 2021 12:25:52 +0000

Пред почетокот на овогодишниот 40. Скопски џез фестивал, што ќе се одржи од 20 до 24 октомври, вечерва како програма плус во Галеријата на Младинскиот културен центар (МКЦ) во Скопје ќе биде отворена изложба на плакати на Скопскиот џез фестивал насловена „Complicate Simply“. По отворањето на изложбата во Киното Фросина во МКЦ ќе се одржи и премиера на документарниот филм „Aretha Franklin: Amazing Grace“. Овогодишниот Скопски џез фестивал ќе почне в среда со специјален соло рецитал на саксофони на Матс Густафсон, кој важи за „супер-херојот на скандинавската џез сцена“, а по него ќе настапи квартетот на басистката Линда Меј Хан О. Како што најавија организаторите на Скопскиот џез фестивал, и покрај евидентните предизвици, поради бројните ограничувања што ги донесе кризата со корона-вирусот, го имале императивот за зачувување на високиот интернационален карактер на манифестацијата и традицијата таа да го нуди најдоброто од џезот и импровизираната музика.

Сите зборуваат за Аријана Гранде на погребот на Арета Френклин: Пејачката се појави во тотално несоодветно издание (видео)

Слободанка Илиева — Sun, 02 Sep 2018 09:27:28 +0000

Вчеравечер во Детроит беше последното испраќање на славната соул дива Арета Френклин. Иако во фокусот требаше да биде последното збогум за на другиот свет за легендата, светските медиуми фокусот го насочија кон свештеникот, поранешниот американски претседател Бил Клинтон и младата пејачка Аријана Гранде која пред присутните пееше песна од Френклин. Додека 25 годишната Аријана ја изведуваше песната на Арета Френклин "Natural Woman", камерите го уловија воодушвениот Клинтон како внимателно го набљудува секој нејзин потег и секако озборувањата започнаа. https://www.youtube.com/watch?time_continue=235&v=pkinJsfWmQo Се зборуваше дека дури и свештеникот кој седел до Клинтон исто така ја набљудуваше Аријана, чиј потег беше искоментиран.

Потоа следуваа дискусии дека пејачката не била соодветно облечена за на погреб, бидејќи нејзиниот фустан бил многу краток, што и навистина е така со оглед дека станува збор за погреб.

i have no words tbh... #arianagrande •  [video credit goes to “@leakgrandee”]
A post shared by Ariana Grande ❤ (@arianaisamodel) on Sep 1, 2018 at 5:25am PDT

Кај кого одат 80 милиони долари од богатството на Арета Френклин?

Христина Ѓоргиевска — Thu, 23 Aug 2018 11:20:59 +0000

Арета Френклин не остави зад себе тестемент, па нејзиното богатство кое вреди 80 милиони долари мора да биде распределено според нејзините последни желби. Кралицата на соул, Арета почина претходната недела од рак на панкреасот. Бидејќи не оставила тестамент, нејзиното наследство ќе биде распределно меѓу нејзините четири деца. Арета има четири деца со четири различни мажи: Кларенса, Едвард, Теда и Кекалфа. Исто така има и четири внучиња.

Во вакви случеви кога личноста е позната и богата, не е вообичаено да не биде остави тестамент со упатства за распределба на наследството.

„Повеќе не сакаме да те гледаме“: Говорот на Мадона во чест на Арета Френклин ги налути фановите!

Христина Ѓоргиевска — Tue, 21 Aug 2018 09:53:06 +0000

На доделувањето на МТВ наградите, Мадона имаше прилика да одржи говор во чест на соул кралицата Арета Френклин. Судејќи по реакцијата на публиката и критичарите, Мадона ги разочара присутните! Во говорот кој траеше 10 минути, кралицата на попот ја искористи приликата да се потсети на почетоците на нејзината кариера. Сите очекувале дека ќе зборува за соул кралицата кој почина претходната недела на 76 години. Зборувајќи за својата кариера и своите анегдоти, Мадона ја спомнала Арета само еднаш и тоа за аудицијата на која пеела нејзина песна. „Арета Френклин го промени мојот живот. На 18 години го напуштив Детроит со 35 долари во џеб. Мојот сон беше да станам професионална танчерка. Тогаш одлучив да настапам на една аудиција со песна на Арета“, вели Мадона во говорот. Публиката аплаудираше на овој дел од говорот, но тоа не успеа да го поправи впечатокот кој го остави Мадона. По нејзиниот говор, на Твитер се појавија коментари кои ја осудуваат пејачката.

Почина Арeта Френклин, кралицата на соул музиката

Слободанка Илиева — Fri, 17 Aug 2018 10:23:33 +0000

Арета Френклин, кралицата на соул музиката која стана првата жена што влезе во Рокенрол холот на славните, почина во Детроит на 76 години. На легендарната пејачка во 2010 година и беше дијагностициран рак на панкреас, а лани објави дека се пензионира од музиката. Родена во 1942 година, Френклин ја освои титулата „Кралица на соул музиката” за нејзините музички дела од крајот на 60-тите години. Откако се пријавила на „Атлантик Рекордс” во 1967 година, таа постигнала огромен успех со песните „Spanish Harlem“, „I Say a Little Prayer“ и „(You Make Me Feel Like) A Natural Woman.”

Соул кралицата Арета Френклин се бори за живот

Слободанка Илиева — Mon, 13 Aug 2018 11:24:40 +0000

Дел од светските медиуми јавуваат дека соул кралицата Арета Френклин е на смртна постела опкружена со семејството и пријателите. Сепак, официјална потврда за овие информации нема. Не е познато ниту дали 76 годишната пејачка се наоѓа во својот дом или во болница. Не е прецизирано ниту од која болест таа боледување, бидејќи медиумите јавуваат дека е тешко болна. Според новинарските извештаи, Арета не е почината, но не се чувствува најдобро во овој момент. Веста експресно се прошири на социјалните мрежи, а дел од корисниците помислија дека таа е веќе почината. Дејли Меил известува дека пејачката е сериозно болна и е опкружена со семејството кое ги повикало нејзините обожаватели да се молат за неа, но и да ја почитуваат нејзината приватност. Изминатите години Арета имала одредени здравствени проблеми, но во јавноста не кажувала од што боледува. Во 2010 година се појави информација дека и е дијагностициран рак на панкреасот, но таа набрзо демантираше. -Толку многу се пишува, а многу од тоа вопшто не е вистина. Затоа почувствував потреба да и се обратам на јавноста. Не знам од каде дојде веста дека боледувам од рак на панкреасот. Тоа го прочитав во еден весник во кој се наведува дека тоа е изјавено до член на моето семејство. Никој од членовите на семејството тоа не го кажал, изјави Арета тогаш. Во мај минатата година, Френклин изјави дека се бори со респираторни инфекции. Од лани таа се нема појавено во јавноста, последниот настап го имаше на 2 ноември во 2017 година.