арчи – Вистина.мк

Синот на популарниот Родни од култната хумористична серија „Only Fools and Horses “ пронајден мртов

Антонио Димитриевски — Thu, 01 Oct 2020 11:31:25 +0000

Синот на актерот Николас Линдхорст, популарниот Родни од серијата „Мучки“, бил пронајден мртов, пренесува „Дејли Меил“. Според овој портал, Арчи имал само 19 години и бил пронајден мртов во неговиот стан. Неговата мајка му напишала на неговиот пријател на Инстаграм дека тој секогаш ќе се грижи за нив. Повеќе детали сè уште не се објавени.

Eве како Меган Маркл и Хари ќе го прослават првиот роденден на синот Арчи

Христина Ѓоргиевска — Tue, 28 Apr 2020 09:05:11 +0000

Синот на Меган Маркл и Хари на 6 мај ќе го прослави првиот роденден во нивниот дом во Лос Анџелес. Иако прво било замислено да направат голема роденденска прослава во Англија, поради короната нивните планови се одложени. Извор за „El news“ вели дека Арчи роденденот ќе го прослави со своите родители. „Бидејќи се откажани настаните поради кои Меган и Хари требаше да се вратат во Велика Британија, но и поради социјалното дестанцирање тие ќе останат во Лос Анџелес“, тврди изворот и додава дека најверојатно ќе им се придружи мајката на Меган Маркл. Изворот тврди дека роденденот ќе го прослават кога ќе заврши целата ситуација. „Пред Арчи, роденден прослави кралицата Елизабета“, вели изворот и додава дека кралското семејство ќе најде начин да ужива во овие моменти. Меѓутоа, роденденот на малиот Арчи нема да помине без еден детаљ. Имено, бидејќи Меган и Хари повеќе не се дел од кралското семејство и не мора да ги почитуваат правилата, тие сакаат нивниот син на овој посебен датум да добие посебни фотографии. „Може да очекувате да ги видите наскоро“, вели извор. Тој не откри за какви фотографии се работи ни кога ќе бидат објавени во јавност.

Хари и Меган заминаа за Африка заедно со синот: Бебето облечено исто како татка си пред 34 години (фото)

Слободанка Илиева — Tue, 24 Sep 2019 09:24:10 +0000

Принцот Хари и Меган Маркл заминаа на службена турнеја по јужна Африка, а со себе го понесоа и четиримесечниот син Арчи Харисон, што беше прилично неочекуван потег. Објавено е дека малиот кралски наследник ќе остане во резиденцијата со дадилка, додека Меган и Хари ќе бидат зафатени со обврски. Меган се појави во бели фармерки и маичка врз која имаше сив капут, додека на нозете носеше балетанки во неутрална нијанса. Во рацето го држеше Арчи, а иако бебето на фотографијата се гледа малку, јасно е дека носи тегет дуксерче и капче со топче на врвот. На социјалните мрежи веднаш се појавија коментари со споредба на Арчи со принцот Хари на негова возраст, каде е слично облечен додека го држи мајка му, принцезата Дајана. Ова не е прв случај членовите на кралското семејство да носат слична гардероба како во минатото, само помодерна.

„Од желба изгорен“: Арчи на прагот од седмата животна деценија стана татко по вторпат!

Слободанка Илиева — Fri, 20 Sep 2019 10:57:45 +0000

Речиси да нема татков што не се сеќава на популарниот пејач од 90-тите, Златимир Аревски или попознат кај сите како Арчи. А веднаш штом се спомене неговото име, во глава веднаш ни доаѓаат стиховите на неговата хитовска „Од желба изгорен“ или народски насловена „Да пукнеш леле што ми направи“. Денес Арчи е на прагот од седмата животна деценија, а годините не претставуваа никаква пречка за тој повторно да се оствари во улогата на татко, пишува порталот „Слободен печат“. Имено, пред месец ипол Арчи доби син од вториот брак, а веќе подог период живее во Дубровник, Хрватска. За потсетување, од првиот брак Арчи има веќе возрасен син.

Кејт Мидлтон и принцот Вилијам го запознаа синот на Меган Маркл и Хари

Христина Ѓоргиевска — Wed, 15 May 2019 10:36:31 +0000

Како што пренесува Е – онлјн, Кејт Мидлтон и принцот Вилијам го запознале новиот член на кралското семејство, синот на Меган Маркл и принцот Хари. Извор тврди дека парот го запознал новиот член на семејството во вторникот попладне во домот на војвотката од Сасекс. „Станува збор за приватна посета“ тврди изворот објаснувајќи дека војвотката и војводата од Кембриџ го запознале кралското бебе една недела по раѓањето.

Парот беше на службено патување во Велс поради што немаа прилика да го запознат најновиот член на семејството. За потсетување, Меган Маркл и принцот Хари на 6 мај станаа родители за првпат на синот Арчи Харисон.

Откако го покажаа кралскиот наследник, Меган и Хари пред јавноста го открија и „неформалното“ име на бебето

Слободанка Илиева — Thu, 09 May 2019 07:48:23 +0000

Обложувалниците во Англија очигледно заработија многу по раѓањето на новиот член на кралското семејство - бебето на принцот Хари и Меган Маркл. Многумина се обложија дека Меган ќе роди девојче, па тука прдна првиот облог, а потоа и дека ќе го носи името Дијана, по трагично починатата принцеза и мајка на Хари. Вчера, откако го покажаа синот пред целиот свет, новопечените мама и тато го открија и името на наследникот кое британските медиуми го нарекоа „неформално“. Синот ќе го носи името Арчи Харисон Маунтбатен-Виндзор!

“Daily Mail” пишува дека Арчи е скратена верзија од традиционалното шкотско име Арчибалд што означува “верен, одважен и храбар”. За разлика од многуте други потомци на кралското семејство, малечкиот Арчи има само едно средно име – Харисон. Како што веќе воочиле фановите на кралското семејство на социјалните мрежи, ова име со абориџинско потекло буквално означува “син од Хари”. Имено, Арчи како име во последните неколку години е сè попопуларно помеѓу Британците и, според податоците на Заводот за национална статистика на Велика Британија, во 2017 година било едно од 20-те најпопуларни имиња за деца во оваа земја. Арчи има еден истоименик во кралското семејство, и тоа од семејната страна на Дајана.

Станува збор за Арчибал Кембел, кој ја носел титулата деветти гроф од Аргил, Шкотска. Во британските таблоиди и пред раѓањето на детето се појави информација дека парот размислува за име кое ќе биде невообичаено за кралското семејство и име кое ќе биде релевантно и за Велика Британија и за САД. “Иако двете имиња се невообичаени за кралските кругови, Арчи е прекрасен избор бидејќи го обединува раскошот и традицијата, но и го одржува помалку “безобразниот” карактер на Хари”, вели Сиџеј Лјунгстром од “ChannelMum.com” за “Daily Mail”. “Харисон исто така совршено го обединува американскиот и општо трендот на Комонвелтот за користење на презимињата како имиња”, смета таа. “Имињата делуваат благородно и кралски, но имаат и топла и грижлива страна, токму каков што е и самиот пар”, заклучила Сиџеј. Арчи нема да поседува службена титула како неговите роднини, децата на принцот Вилијам, туку ќе биде ословуван со “Мастер Арчи”.