априлилили – Вистина.мк

Експлицитни видеа, швалерски СМС пораки, кавги и навреди, кражби на музика: Познатите паднаа на „априлилили“ (ВИДЕО)

Антонио Димитриевски — Mon, 04 Apr 2022 07:44:19 +0000

1-ви април, светски ден на шегата, ден кога многумина се трудат со својата досетливост шеговито да ги „измамат или насамарат“ и да ги насмеат другите. Априлили е најчестата фраза која ќе ја слушнете токму на овој ден. На тој ден луѓето се шегувааат и на своја, но најчесто на туѓа сметка... Затоа тимот на естрадниот магазин Бекстејџ, традиционално како и секоја година, одлучи да се пошегува со дел од македонските јавни и естрадни личности, секако на нивна сметка. Прв на тапет се најде Ламбе Алабаковски. Веднаш по Ламбе, го побараа и Миле Кузмановски. Традиционално продолжија со вечната лага, односно шега, а тоа е дека во нивната редакција стигнале експлицитни видеа и фотографии, овој пат од Агнеса Органџиева. А колку е вистината дека Андреј ќе се повлече од ДНК? Единствена личност која не успеаа да ја измамат беше Александра Јанева, иако на момент и таа се подзамисли. Нивниот обид да ги измамат нашите јавни личности беше прилично успешен. Се надеваме дека успеале и да им измамат насмевка на нивните лица, а секако и на вашите, откако ќе го погледнете видеото во продолжение:

Новопечената пејачка го утна празникот: Место „Бадник“ – „Априлилили…?“ (ФОТО)

Антонио Димитриевски — Thu, 09 Jan 2020 08:04:39 +0000

Бадник, ден пред големиот христијански празник Божик... Денот уште рано изутрина започнува со Коледе и коледарчињата а завршува со семејната вечера и традиционалното крешењето лепче со паричка. Бадник вака некако отприлика го минаа сите, само не таа... Новопечената пејачка, мисица и модел Кристина Димитриевска. Веројатно понесена од еуфоријата од излегувањето на нејзината нова песна, „Само парфем обуци“, русокосата убавица „ги измешала брзините„ или поточно, ги измешала празниците, па денот на Христовото рожество го доживеа како денот на шегата!? Балканската убавица Бадник го славеше облечена како да е 1-ви Април!!? Костимирана како популарниот женски лик Лара Крофт од некогаш многу актуелната видеоигра „Томб Рајдер“, Кристина Димитри(евска) на најсемејниот христијански празник му направи „Априлилили“! И додека сите споделуваа фотографии на социјалните мрежи од бадниковата трпеза, кршењето на лепчето, погачата или питата и паричето, русокосата се сподели себе си и наоружана до заби, со пиштоли околу половината од обете страни. Едни велат: Прости и Боже, русокоса е... Не го погледнала календарот, па ги измешала празниците“. Други пак веќе имаат предлог - идеја за новата пејачка, кога е маскирањето во прашање: Вака костимирана за некој ден да се појави на карневалот во Вевчани, а за 1-ви април...? Кристина да излезе во град „облечена само по парфем“! Сепак, за да нема забуни и недоразбирања, русокосата убавица беше само една од многуте тетовки и тетовци кои и овој Бадник масовно излегоа маскирани по улиците и кафулињата и ја покажаа својата креативност и посветеност на една од најуникатните традиции на градот. Тоа што е карневалот во Вевчани за Василица или „Струмичките тримери“ - карневалот во Струмица, тоа во Тетово е таканаречениот „Б’дњикарскиот маскенбал“, уште познат и како карневал „Б'дње бабе“!

Викторија Лоба се мажи: Вистина.ком.мк e како „Баба Ванѓа“ или уште едно „апри-ли-ли-ли“ на пејачката? (ФОТО)

Антонио Димитриевски — Wed, 24 Apr 2019 08:04:16 +0000

Викторија Лоба ќе се мажи... Пејачката со свршенички прстен на раката... Лоба го покажа вереничкиот прстен...

Ова се само некои од насловите кои осамнаа на македонските портали и информација која осамна во македонските естрадни ТВ магазини.

И додека се чека самата Лоба тоа да го потврди, ние само сакаме да ве потсетиме дека она што другите дури сега го откриваат, ние го откривме во Америка... не, не ја откривме Америка, туку го откривме и напишавме пред точно еден месец, уште додека Викторија Лоба со своето момче беше во Америка.

Викторија Лоба со свршенички прстен на рака: „Ти кажувам ќерко, сети се зете“! - беше насловот во кој ја предвидовме свршувачката... или маркетинг интригата, на пејачката сеедно! Арно ама, ајде да видиме дали зошто Вистина.ком.мк беше како „Баба Ванѓа“ или Лоба си игра(ше) „априлилили“!?

Не дека македонската пејачка со руска крв во вените не сака да са мажи и не е подготвена за брак, напротив! Таа веќе подолго време живее заедно со своето момче, со кое и беа на заедничото патешествие во САД. Што значи дека и добро се познаваат, уште подобро функционираат, а (пред)брачните обврски ги имаат во „малиот прст“ и им се добро познати! Така што само едниот треба да праша, а другиот да се согласи кажувајќи го судбоносното ДА!

О друга страна, во исто време по цело Скопје осамнаа билборди, а по некои медиуми реклами на кои „руската душа“ е фотографирана како невеста, која го покажува вереничкиот прстен или свадбената бурма на раката. Во рекламни цели секако, зашто токму нејзе една позната јувелир фирма ја одбрала за заштитно лице во нејзината кампања за накит и скапоцени камења.

И сега ти види дали е во прашање само добра реклама, „штик проба“ или навистина ќе ја мажиме Лоба? Или конечно рекламата добро и дојде на пејачката, па и легна како „кец на десетка“ за да му прати порака на оној на кој треба да му текне да ја побара по теркот на онаа нашата народна поговорка, за што како што споменавме, веќе пишувавме: „Ти кажувам ќерко, сети се снао“… или поточно, сети се зете!

Дали прстенот е навистина веренички или само спонзорски, се сети ли зетот дека Лоба го нема сето време на светот, туку е време на пејачката да и ја „скрати маката“, па да и ја побара раката... Чекаме да каже несвестата!