Антонио Тасевски – Вистина.мк

Македонскиот пејач кој живее и работи во Чикаго ќе стане татко

Христина Ѓоргиевска — Thu, 27 Aug 2020 07:34:29 +0000

Радосни вести пристигнуваат од домот на македонскиот пејач и неговата сопруга. Имено, младиот пејач Антонио Тасевски кој повеќе од 15 години живее и работи во Чикаго и неговата сопруга Ана Марија ќе станат родители на нивното прво дете. Убавите вести тој ги сподели на социјалните мрежи истакнувајќи дека наскоро ќе станат тројца. Сопругата на Антонио треба да се породи во декември, а ова е нивно прво дете. Антонио повеќе од 15 години работи и живее во Чикаго каде што има своја фирма за транспорт, а и редовно настапува. Неодамна, тој времето во карантин искористи за да сними преработка на големиот хит „Тајно Моја“ од 2000 година на нашата најголема музичка легенда – Тоше Проески.

Антонио Тасевски сними преработка во карантин на „Тајно моја“ од Тоше Проески

Христина Ѓоргиевска — Fri, 01 May 2020 07:37:08 +0000

Македонскиот пејач кој преку своите настапи ја негува македонската песна и култура во Чикаго, Антонио Тасевски времето поминато во карантин го искористи за да сними преработка на големиот хит „Тајно Моја“ од 2000 година на нашата најголема музичка легенда – Тоше Проески. Проектот е објавен на неговиот Јутјуб канал, а снимен е во музичкото студио „МСН Чикаго“. Покрај Антонио како вокал, учество во проектот имаат и Мурис Хубјер (пиано), Ведран Томичиќ (гитари) и Алекс Петковски (кавал). „Тајно Моја“ е деветта по ред песна на студискиот албум „Синот Божји“ на Тоше Проески кој беше објавен во 2000 година од продукцијата „Авалон“ за Македонија и „БК Саунд“ за регионот.