антидепресиви – Вистина.мк

Сања Вучиќ се лечела од болест која ја нема: И дале погрешен лек и погрешна дијагноза (фото)

Слаѓана Атанасова — Thu, 04 Jan 2024 08:17:53 +0000

Пејачката Сања Вучиќ отворено проговори за своите здравствени проблеми и откри низ што поминала за да ја разбере причината за нејзините проблеми. - Отидов на психијатар и помислив дека се работи за некаква депресија, која докторот на крајот ми ја дијагностицираше - изјави на почетокот Сања Вучиќ, а потоа продолжи: - Тоа, се разбира, не беше точно. Ми препиша антидепресиви, кои, се разбира, не ги земав - додаде поранешната членка на групата „Ураган“. - Ова е причината зошто секогаш на интервјуата сакам да го спомнувам мојот проблем со тироидната жлезда, бидејќи во тој период не можев да ги препознаам моите симптоми. Воопшто не знаев дека постои - додаде Сања за „Уна“ и им даде совет на сите жени редовно да одат на прегледи. - Жените знаат да си поставуваат дијагноза. Квалитетот на животот ќе им биде многу подобар, само ако отидат да земат крв, антитела и витамин Д - заклучи Вучиќ. Фото: Printskrin/Instagram/sanjalilwolf

Истражување: Антидепресивите предизвикуваат бесчувствителност

Слаѓана Атанасова — Wed, 25 Jan 2023 12:56:08 +0000

Антидепресивите предизвикуваат „емоционална бесчувствителност“, според истражувањето кое нуди нови сознанија за тоа како лековите можат да делуваат и нивните можни несакани ефекти. Трудот посочува дека самите лекови (и тоа од оние што се најкористени) може да предизвикаат „отапеност“ на емоциите кај човек. -Овие лекови одземаат дел од емоционалната болка кај луѓето со депресија, но за жал, се чини, отстрануваат и дел од убавите чувства. Овие наоди би можеле да им помогнат на пациентите да направат поинформиран избор на лекови. Но, од друга страна, нема сомнеж дека антидепресивите се корисни за многу пациенти, појаснува професорката Барбара Сахакијан од Универзитетот Кембриџ, една од авторите на студијата. Истражувањето, објавено во списанието „Невропсихофармакологија“ (Neuropsychopharmacology), било спроведено на 66 доброволци во текот на три седмици. Тоа покажа дека „отапувањето“ на емоциите може да биде една несакана последица од лековите против депресија. Според Националната здравствена служба, на повеќе од 8,3 милиони пациенти во Англија им бил препишан антидепресив во текот на 2021 – 22 година. Сахакијан вели дека овие наоди би можеле да бидат корисни за пациентите, како и за третирањето и на посериозни болести. Извор: Курир.мк

Антидепресивите кај помладата популација предизвикуваат емоционално осиромашување

Слаѓана Атанасова — Tue, 24 Jan 2023 11:21:54 +0000

Антидепресивите, кои се’ почесто се користат, особено кај помладата популација, предизвикуваат емоционално осиромашување, покажа студијата која нуди нови сознанија за ефектите на лековите и нивните можни несакани ефекти. Студијата покажа дека здравите волонтери реагирале помалку на позитивни и негативни повратни информации откако земале селективни инхибитори на репреземањето на серотонинот (SSRI) три недели. Негативните емоции би можеле да бидат дел од тоа како лековите им помагаат на луѓето да се опорават од депресија, но исто така може да предизвикаат несакан ефект. Еден од авторите на студијата, проф. Барбара Сахакијан од Универзитетот во Кембриџ рече дека ова може да биде еден начин на кој делуваат антидепресивите. Тие одземаат дел од емоционалната болка што ја чувствуваат луѓето кои страдаат од депресија, но за жал, изгледа дека одземаат и дел од задоволството, објасни таа. Студијата може да им помогне на пациентите подобро да се информираат пред да ги земат лековите, рече таа, но додаде дека нема сомнеж дека антидепресивите се корисни за многу пациенти. Според Здравствениот орган на ОК, повеќе од 8,3 милиони пациенти во Англија примиле антидепресив во 2021-2022 година. SSRI се меѓу најчесто користените и се ефикасни за повеќето, иако не за сите пациенти. Некои луѓе рекоа дека по користењето на лекот се чувствуваат емоционално блокирани или дека убавите нешта веќе не се пријатни, а студијата сугерира дека ова се однесува на 40-60 проценти од луѓето кои земале лек. Сепак, не е јасно дали овој симптом е несакан ефект на лекот или симптом на депресија. Извор: Курир.мк