Моќен антидепресив од природата: Овој зачин секој треба да го има во својата кујна

Слободанка Илиева — Wed, 19 Feb 2020 13:00:49 +0000

Некогаш, во древните времиња шафранот се користел како лек против депресија и на многумина им помогнал да се справат со неа. Денес шафранот се употребува за медицински цели и за подобрување на циркулација, лечење срцеви болести и подобрување на работата на крвните садови, како превенција за подобрување на циркулацијата, лечење кожни болести.... Оваа древна лековита билка која важи за еден од најскапите зачини на светот уште ја нарекуваат и “кралица на зачините“. Цветот од шафранот има многу лековити антиоксиданси, пигменти и алкалоиди кои допринесуваат во неговата лековитост. Шафранот најчесто се користи за подготвување слатки и јадења од ориз. Во Италија со него го зачинуваат рижотото, а Шпанците го збогатуваат вкусот на нивната традиционална кујна. 100 грама шафран содржи: - 310 калории; - 5.85 масти; - 65.37 јаглени хидрати; - 80.80 витамин Ц; - 3.90 растителни влакна; - 11.10 железо; - 264 магнезиум. извор:точка.ком.мк

Антидепресивите, „магичните“ пилули за решавање на проблемите имаат долготрајни несакани ефекти

Слободанка Илиева — Thu, 06 Jun 2019 11:50:09 +0000

Британските лекари со години ги негираа информациите за несаканите ефекти од земањето антидепресиви, особено во моментите кога ќе се прекине терапијата со нив. Симптомите ги нарекуваа благи, но според најновите информации од Кралскиот колеџ, во одредени случаи тие можат да предизвикаат тешкотии кои траат со недели, па дури и месеци. Новоста е тоа што во иднина ќе мора да се разговара за ризиците со пациентите кои воглавно не се свесни за проблемите кои настануваат после прекинот на терапијата со антидепресиви. Наводно, со ова би се намалило препишувањето антидепресиви, особено на луѓето кои сакаат да престанат да ги земаат. Кралскиот колеџ решил да го промени ставот после изјавите на стотици пациенти кои се пожалиле на криза после прекинувањето на терапијата, а симптомите најчесто се мачнина, несоница и раздразливост. Имено, од сите лекови постојат несакани ефекти, бидејќи нема совршен лек кој би делувал само на еден дел од организмот. Антидепресивите се лекови кои делуваат на промена во хемијата на мозокот, а се користат за лекување на симптомите на болестите како депресија, анксиозност, шизофренија и многу други.

Денешните лекови имаат подносливи несакани ефекти кои најчесто исчезнуваат после една недела. После ова се развива толеранција на несаканите ефекти. Пациентите воглавно се жалат на главоболки, мачнина или други телесни сензации, кои претходно ги немале. Но, не се инсистира на терапија доколку нетолеранцијата е преголема. Пациентите секогаш се информирани за несаканите ефекти од лековите и лекарите ги предупредуваат. Покрај тоа, за време на терапијата треба редовно да се следи крвта, метаболизмот и нивото на шеќер. Антидепресивите се лекови кои се земаат најмалку шест месеци, а можат да се пијат и во текот на целиот живот. Неретко пациентите мислат дека ова се магични пилули кои веднаш ги решаваат проблемите и ретко сфаќаат дека на лекот му се потребни најмалку две недели за да почне да делува. Наводно, антидепресивите не создаваат зависност и немаат таков потенцијал, па може да се земаат подолго време. Но, кога се прекинува лекувањето, се појавуваат симптоми слични како од лековите кои создаваат зависност. Според Светската здравствена организација, околу 300 милиони луѓе ширум светот страдаат од депресија, а во побогатите слоеви, секој шести пациент зема терапија. „Напорно работевме на тоа Кралскиот колеџ да го промени пристапот и да ѝ даде глас на истражувачката заедница. Навистина сум среќна поради овие промени и мислам дека е важно на пациентите да им се објаснат тешкотиите, а не само да се испратат дома. Се надевам дека луѓето ќе бидат повнимателни со препишаните терапии“, изјавила психијатарката Џоана Монкриф од Универзитетот во Лондон. „Како психијатри имаме должност да ги земеме предвид сите тешкотии на пациентите кои страдале од краткотрајни или долготрајни влијанија од земањето на овие лекови. Антидепресивите се добри во лекување умерена и тешка депресија, особено во комбинација со терапија со разговор“, изјавила претседателката на Кралскиот колеџ за психијатрија, Венди Бурн. Според правилникот, доколку пациентот сака да престане со терапијата, лекарот треба постепено да ја намалува дозата во текот на неколку недели или месеци, со цел да се намали ризикот од несакани ефекти. Покрај тоа, веројатно ќе се воведе и дополнителна едукација за лекарите кои препишуваат антидепресиви. извор:кафепзауза

антидепресив – Вистина.мк

Моќен антидепресив од природата: Овој зачин секој треба да го има во својата кујна

Антидепресивите, „магичните“ пилули за решавање на проблемите имаат долготрајни несакани ефекти