анплагд – Вистина.мк

„Нокаут“ ја носат својата акустична магија во Македонската филхармонија

Антонио Димитриевски — Thu, 28 Sep 2023 11:27:00 +0000

На 10. ноември во Македонска филхармонија свој концерт ќе одржи една од најпопуларните македонски групи, „Нокаут“, а специјален гостин на вечерта ќе биде Дарко Гелев – Брејк, кој после подолго време ќе испее дел од своите хитови. Концертот ќе биде „Unplugged“ и ќе се снима во живо за ново концертно аудио и видео издание. Концертот е во организција на продукција ”Сцена” карти ќе бидат пуштени во продажба од 2 октомври преку мрежата на mktickets.mk. Не чекајте многу, билетите се во ограничен број. Се гледаме и слушаме акустично на 10 ноември, во 20:00 часот, во Македонска Филхармонија.

„Меморија“ со најава за нов концертен спектакл: Акустичен unplugged концерт во живо во 2023-та година

Антонио Димитриевски — Fri, 25 Nov 2022 13:03:54 +0000

По извонредните концерти одржани во 2022 година, како оној во А1 арената „Борис Трајковски“ во Скопје, така и оние низ Македонија, култната македонска поп-рок груа „Меморија“ најува нов концертен спектакл во живо. Овој пат се работи за акустичен концерт (unplugged) на големите хитови на „Меморија“ кои ќе бидат изведени во специјално подготвени за оваа пригода, акустични аранжмани во кои песните на бенот ќе зазвучат малку поинаку од вообичаеното, а сепак толку препознатливо. На концертот, како и досега, учество ќе земат бројни гости кои оставиле белег во македонската поп - музика со децении наназд. Членовите на бендот се ште не ги откриваат локацијата и датумот на одржување, но концертот е најавен во текот 2023 година.

Предновогодишен „анплагд“ концерт на „Љубојна“

Антонио Димитриевски — Sat, 23 Nov 2019 12:33:48 +0000

На 22 декември “Љубојна” ќе има прв акустичен концерт пред македонската публика. Концертот ќе се одржи во Македонската опера и балет, со почеток од 19:30 часот. “Ова е вистинска можност за публиката во една уникатна атмосфера да ги слушне сите големи хитови на групата. Акустичното е за душа, акустичното е за мерак!”, велат од “Љубојна”. “Со ова ќе одбележиме 18 години од формирањето на бендот”, велат тие. Билетите се веќе пуштени во продажба и можат да се набават преку продажната мрежа на kupikartizase.

„2Ве“ имаат анплагд верзија на последната песна на ДНК – „Горе или доле“ (ВИДЕО)

Антонио Димитриевски — Sat, 20 Jul 2019 11:12:08 +0000

Со својата последна песна „Гое или доле“ и особено нејзиното трогателно видео кое за помалку од еден месец собра над 600.000 прегледи на Јутјуб, ар ен би дуото ДНК испратија мошне сериозна порака за важноста на одговорното возење. Емотивните стихови допреа и до нивните помлади колеги од скопското трио „2БЕ“ кои одлучија да направат акустична верзија на оваа песна.

Покрај бројните кавер верзии на домашни и странски хитови, момците лани дебитираа и со авторската „100 песни“ потпишана од Ѓорѓи Крстевски, а познати се и по соработката со колешката Александра Јанева и минатогодишниот проект „ Summer Jam“.

Се надеваме дека наскоро ќе нè почестат со нова авторска песна, а во меѓувреме уживајте со одличната акустична преработка на „Горе или доле“! https://www.youtube.com/watch?time_continue=106&v=AHGFlOYV_zo

Акустичен концерт на „Нокаут“ во Интермецо

Антонио Димитриевски — Tue, 25 Jun 2019 12:55:37 +0000

Овој четврток сите патишта водат кон омиленото скопско кафуле Интермецо каде и за оваа недела домаќините најавуваат богата музичка програма. На неодамна реновираната летна тераса на Интермецо за овој четврток е закажана музичката дружба – овој пат со единствените „Нокаут“. Акустичниот „анплагд“ концертот на Пере и дружината стартува во 22 часот, а присутните ќе можат да уживаат во изведбата на нивните најголеми хитови.

Така, освен актуелниот хит „Кога ме сакаш ти“, кој воедно е најава за четвртиот студиски албум кој треба да излезе годинава, присутните ќе уживаат и во добро познатите „Лебедот бел“, „Што бараш ти во мојата песна“, „За нас“, „Знаеш каде да ме најдеш“, „Би се викал те сакам“, „Позитивно“... Ова ќе бидат само дел од темите кои момците ќе ги отсвират на сцената, на летната тераса на кафулето Интермецо. Затоа не заборавајте – во четврток сите патишта водат кон Интермецо. Старт 22 часот.

Теа Трајаковска со старо-нови навики: Пејачката има нова верзија на старата песна и стара навика со нови фотографии – да се слика разголена (ФОТО)

Антонио Димитриевски — Fri, 23 Feb 2018 10:51:21 +0000

Една од надежните македонски поп пејачки, младата Теодора Теа Трајковска на своите обожаватели им подари нова, акустична верзија од својата стара песна „Пекол“ и нова фотосесија, во која пеајачката ги задржала старите навики... Да се фотографира подразголена!

Овој пат анплагд верзијата на песната и домашното видео за неа Теа го снимала во дневната соба на баба и, а за фотосесијата пејачката соработуваше со креаторките Магда Стејшн и Басилеиа, додека пак фотографиите ги направиле Ладислав Кинг и Мартин Симоновски. На нив Теа одново во по некоја провокативна поза дискретно го истакнува својот младешки сексапил.

„Сакам да се фотографирам, а во оваа фотосесија мислам дека секоја слика има своја приказна и зборува сама за себе. Нашата професија бара постојано да ја изненадуваме публиката со нешто ново, без разлика дали станува збор за нова песна, нов албум или нови фотки“ – ќе изјави неодамна Трајковска за Вечер.

Штом ја снимале песната во дневната соба на баба и, баба сакала-не сакала, морала да се „соочи“ со „Пекол“-от на внучката...

Само прашање е дали баба има Фејсбук и Инстаграм за да ги види нејзините скокотливи фотографии? И овие поновите и оние постарите?

„Пеколот“ на ТЕА во собна анплагд варијанта (ВИДЕО)

Антонио Димитриевски — Wed, 21 Feb 2018 11:34:13 +0000

Младата и талентирана пејачка Теодора Трајковска, или само Теа како што ја познаваат, претстави акустична верзија од својата последна песна „Пекол“, кој го објави во октомври минатата година.

И двете песни се авторски дела на братско-сестринскиот тандем Лазар и Магдалена Цветкоски, а за одличните акустични изведби Теа ја придружуваа колегите Неврус Бајрам на гитара и Дејан Митровиќ на бас-гитара, сето тоа снимено како црно-бело домашно видео од страна на Нино Спиркоски.

Погледнете го видеото и слушнете како звучи „пеколот“ на Теа во собна анплагд варијанта: https://www.youtube.com/watch?time_continue=90&v=WFUL1BhzW_M