анксиозност – Вистина.мк

Водителот Миро Кацаров се исповеда кај Лазаров за најтешкиот период: „Трипати завршив во болница, помислував и на самоубиство!“ (видео)

Слободанка Илиева — Tue, 05 Mar 2024 10:12:40 +0000

Ако во ТВ емисии и во пишани интервјуа, многу ретко можете да сретнете исповед на познатите во однос на нивната приватност, кога поткастите се во прашање, се случува сосема спротивното. Па така, како да стана во мода јавните личности да се исповедаат како во црква на поткаст, а овој пат дознаваме каков проблем го мачел водителот Миро Кацаров кој се исповедаше кај Стефан Лазаров.

View this post on Instagram

A post shared by Miro Kacarov (@miroslavkacarov)

Миро без заддршка кажа дека во 2018 година додека работел во Дубаи и печалел за подобар живот, се соочил со анксиозност и панични напади за кои вели дека биле како ѓавол кој влегол во него, па не го гледал спасот освен да си се врати во родниот Штип каде си го нашол чарето, а денес зборува како победник кој излегол од ваквата психолошка состојба.

View this post on Instagram

A post shared by Lazarov Podcast (@lazarovpodcast)

– Се разболев од анксиозност. Јас бев болен од анксиозност и панични напади. Затоа се вратив, вели Кацаров, а на прашањето од што била предизвикана ваквата состојба, тој додава: – Од ноќна смена, немав сонце, немав Витамин Д и ми се промени биоритамот. Работев 5-6 месеци само трета смена, од 12 ноќеска до 10. И почнав веќе со депресивни мисли, не можев дома да спијам и почнав да се мачам. Почнаа веќе големи панични напади. Тие панични напади не ги чувствував, само чувствував дека ми се ближи смртта, ми се потат рацете, нозете ми се блокираат. Јас завршив 3 пати во болница, многу тежок период ми се деси пред да заминам од Дубаи. Толку јако мава, што дури некогаш те тера и на самоубиство. Две недели јас не излегов, се плашев од сите луѓе, од секој звук се плашев, од секоја храна се плашев. Многу чудно, многу тешка анксиозност, вели Кацаров. Инаку, за спроблемот со анксиозноста досега јавно проговорија и водителката Милена Антовска Станковска, Панчо Шорти (ДНК), Миа Костова, Адријана Ацеска, како и повеќе ѕвезди од регионот. фото:instagram printscreen/ lazarovpodcast

Стравот и депресијата го натераа славниот пејач да го ископа сопствениот гроб

Слободанка Илиева — Mon, 09 Oct 2023 08:37:21 +0000

Славниот пејач Еди Ширан веќе има план каде ќе биде погребано неговото тело по смртта, а местото е неговиот неговиот двор. Откако започнаа гласините дека пејачот изградил гробница во неговата куќа, тој во неодамнешното интервју за GQ откри дека тоа всушност е гробница направена специјално за него. – Тоа е дупка ископана во земјата, а над неа е камен, па кога и да дојде тој ден ќе одам таму – рече тој. Тој ги изненади своите фанови со ова признание. Многумина се прашуваат зошто размислува за смртта кога штотуку навлезе во третата деценија од животот.

View this post on Instagram

A post shared by Ed Sheeran (@teddysphotos)

– Луѓето мислат дека тоа е многу чудно и навистина морбидно, но имав пријатели кои умреа без тестамент, па никој не знаеше што да прави – изјави Ширан. Неговиот најдобар пријател Џамал Едвардс почина на 31-годишна возраст. Го загуби и својот сакан ментор Мајкл Гудински, а потоа и неговиот колега Шејн Вејн. Најтешкиот удар дошол кога неговата сопруга Чери Сиборн се борела со тумор додека била бремена со една од нивните две ќерки, па ѝ било дозволено да се лекува само по породувањето. – Поминував низ страв, депресија и анксиозност. Се чувствував како да се давам, со главата под површината, гледајќи нагоре, но не можев да земам воздух – изјави претходно пејачот. фото:Instagram printskrin

Адријана Ацеска со емотивна исповед за излезот од мракот на анксиозноста: „ Се борев за воздух!“

Слободанка Илиева — Fri, 17 Mar 2023 09:57:47 +0000

Кога си јавна личност пред очите на народот мора да се биде онаков каков што тие те знаат, доживуваат и имаат слика за тебе. Песната можеби доаѓа оттешко, но за пејачите таа мора да биде отпеана, иако во моментот можеби не им се пее. Работата не може да трпи, дури и кога им е најтешко, можеби на само на сцена, туку и подолго... Анксиозност, панични напади, депресија, некој ќе каже дека тоа се измислени состојби на умот од модерното време, но всушност тие се тажната реалност со која се соочуваат многумина, меѓу кои секако и јавните личности. Она што е позитивен пример и кај нас, е тоа што се повеќе познати ликови проговорија и се исповедаа дека имаат ваков психолошки проблем со кој се справуваат и го бараат вистинскиот метод како да си помогнат.

View this post on Instagram

A post shared by 🎼𝐴.𝐴𝑐𝑒𝑣𝑠𝑘𝑎🎵🎶 (@adrijana_acevska)

Меѓу последните е фолк пејачката Адријана Ацевска која откри дека анкциозноста и паничните напади се дел од нејзиниот живот, а за ова знаат и нејзините најблиски и колегите, но сега се реши за проблемот да зборува јавно, а со тоа да биде поддршка и на останатите кои се соочуваат со истото.

View this post on Instagram

A post shared by 🎼𝐴.𝐴𝑐𝑒𝑣𝑠𝑘𝑎🎵🎶 (@adrijana_acevska)

Иако изгледа одлично и навидум, значи со енергија од која не би претпоставиле дека нешто ја мачи, но таа вели дека јавните личности со себе најчесто носат две маски, онаа среќната и тажната. Зборовите „не паничи, не плаши се“ биле оние што се' почесто почнала да ги слуша, а за ваквите непријатни моменти, таа вели: -Kај мене тие зборови , на почетокот во многу наврати делуваше позитивно за денес да ми премине во пракса гласно да си го изговарам секогаш кога ќе почувствувам потреба. Паничните напади не доаѓаат со предупредување. На почетокот ниту самата не бев свесна што ми се случува. И покрај тие проблеми останав професионалец во својата работа и не дозволив никој да забележи освен колегите кои веќе знаеја за мојот проблем… Одев до тоалет… се борев за воздух и останував таму сѐ додека не си дојдев на себе за кога ќе се вратам да продолжам таму каде што сум застанала, во тие моменти не знаејќи што ми се случува. Во тие моменти бев и хипохондрик и во мојата глава боледував од сите болести на кои ќе се сетев во моментот за на крај да се покаже дека сѐ е само еден обичен паничен напад кој денес добро знам да го контролирам со коцка мраз и длабоко дишење, вели Ацевска во својата исповед за Вечер.мк

View this post on Instagram

A post shared by 🎼𝐴.𝐴𝑐𝑒𝑣𝑠𝑘𝑎🎵🎶 (@adrijana_acevska)

Најчесто на сите ни е тешко да си ги признаеме најпрвин самите на себе проблемите кои не мачат, па кога ќе решиме да си ја отвориме душата, тогаш светлото од тунелот појасно се гледа. Дека анкциозноста, депресијата, паничките напади се или биле дел од нивното секојдневие, досега проговорија и водителката Милена Антовска-Станковска, Панчо ДНК, Миа Костова, камионџијата и инфлуенсер Дарко Влогс, а сега и пејачката Адријана Ацеска. Поддршката дека некој друг е тука со тебе, а и дека се соочува со истото, ја јакне врбата за подобри денови и влева мотив за чекор поблиску до вистинските насмевки и живот без потреба од маски. фото:Инстаграм/Адријана Ацеска/@d.r.d_media

Овие шест лоши навики во исхраната ја зголемуваат анксиозноста

Слаѓана Атанасова — Mon, 12 Dec 2022 12:46:48 +0000

Причините што доведуваат до анксиозност не се единствени, туку комбинираното влијание на генетските и еколошките фактори. Најчесто тоа е некаква траума, стрес или едноставно некој е таков тип на личност. Сепак, она што многумина не го знаат е дека исхраната може да влијае на интензитетот на анксиозноста, односно одредени навики може да ја влошат. Нутриционистката Наташа Ѓукиќ откри на што дополнително треба да се внимава: „Анксиозното растројство може да биде последица на интензивен стрес, но и реакција на долгорочно акумулирање на помалку интензивен стрес. Главните симптоми на анксиозното растројство се страв и прекумерна загриженост, проследени со немир, напнатост, напади на паника, тешкотии со концентрирање, чувство на вина, слаб квалитет на спиење, чувство на слабост и замор, како и мускулна напнатост, главоболки, болка во градите и многу повеќе“. Ова се навиките во исхраната кои треба да ги избегнувате: -прескокнување на појадокот -консумирање премногу шеќер -премногу кофеин -нередовни оброци -опсесивно броење калории -консумација на алкохол Извор:Курир.мк

Анксиозност заради разделување од партнерот или семејството: Како да го надминете овој проблем

Слободанка Илиева — Mon, 29 Aug 2022 13:08:00 +0000

Дали имате тенденција да се чувствувате вознемирени кога вашиот партнер оди на работа или сте вознемирени секогаш кога вашето дете оди на училиште? Дали се чувствувате непријатно од помислата дека сте подалеку од вашата омилена личност? Ако вашиот одговор е „да“, многу е можно да имате анксиозност од разделување. Вознемиреноста од разделување може да се види кај деца и возрасни, како и кај животни како вашите миленици. Анксиозноста од разделување може негативно да влијае на вашето ментално здравје и да ве спречи да се концентрирате на секојдневните активности. Затоа во вакви случаи најдобро е да се консултирате со лекар, а во меѓувреме можете да ги испробате овие едноставни начини како да се справите со анксиозноста од одвојување, пишува „Фемина.ин“. Медитација Медитацијата е одличен начин да се надмине анксиозноста. Медитацијата може да ви помогне да го смирите вашиот ум и да се справите со вашите грижи. Само 15 до 20 минути медитација дневно може да ви помогне да се справите со разни проблеми. Групна терапија Разговорот со други кои веројатно минуваат низ слични, ако не и исти проблеми како вас, ќе ви помогне да ги потврдите и да ги слушнете вашите грижи. Групите за самопомош може да ви помогнат да ги разберете вашите проблеми од друга перспектива и да ви помогнат да се поврзете со други луѓе. Разговор со специјалист Разговорот со професионалец и споделувањето на вашите проблеми може да ви помогне да ја прифатите ситуацијата и да направите чекор напред. Неопходно е да го објасните вашиот проблем и да разговарате за третманот за него. Малку простор Ставете простор помеѓу вас и личноста со која сте приврзани, без разлика дали тоа е вашето дете, партнер или дури и домашно милениче. Дури и кратко време може да помогне. Оставете го вашето дете со доверлива личност неколку часа или излегувајте со пријателите и немојте постојано да му пишувате пораки на партнерот. Ова ќе ви помогне да ја развиете навиката и да научите како да се справите со подолгите периоди на одвојување. Обидете се да не се откажувате Кога сте надвор, обидете се да не се предадете на нагонот да тргнете по оној за кој сте приврзани. Научете да се спротивставувате на тој нагон и најдете одвраќање за да не го забележите нивното отсуство. Направете го тоа ваша пракса додека не стане навика. извор:курир.мк

Ќерката на Алек Болдвин за менталното здравје: „Кафето ми е непријател – седам, плачам и повраќам“

Слободанка Илиева — Tue, 22 Mar 2022 09:53:15 +0000

Ајрленд Болдвин пред неколку денови објавила фотографија на која се гледа како лежи на пoдот од тоалетот, а за таквата своја состојба го обвинува кафето. „Време е за напад на анксиозноста. Утрово испив една шолја кафе на празен желудник и тоа се претвори во напад на тегоби. Ова моментално го пишувам додека седам на подот од тоалетот. Вообичаено седам тука или лежам во положба на фетус сè додека не можам да плачам или пак повратам. Кафето за мене е главниот поттикнувач кој ме доведува до ваквите проблеми и до тегоби. Доколку патите од анксиозност како мене, кафето ви е непријател“, напишала таа.

View this post on Instagram

A post shared by ireland (@irelandbasingerbaldwin)

Таа открила дека кафето и е од помош во соочувањето со вистинските проблеми: „Веројатно се прашувате зошто воопшто се напив кафе? Па, тоа е затоа што сум глупава. Ми помага додека ви пишувам за мојата борба, а доколку имате слично искуство, слободно споделете го со мене“, напишала таа. Да ве потсетиме, Ајрленд тргнала по стапките на својот татко, па покрај актерството и уметноста, таа се обидела и во светот на манекенството со оглед на нејзината несекојдневна убавина. Таа претходно не била во добри односи со Болдвин, но со текот на времето успеале да ги решат несогласувањата. фото:инстаграм/irelandbasingerbaldwin

На Елена Петреска и стана удобно да позира без градник: Пејачката во топ форма по прележаната корона (фото)

Слободанка Илиева — Tue, 06 Apr 2021 07:00:12 +0000

Кон почетокот на годината пејачката Елена Петреска беше хоспитализирана на Инфективната клиника во Скопје поради влошена состојба од инфекцијата со Ковид-19. Но, борбата на Елена помина со извојувана победа над злото на денешницата, а таа му се врати на животот со полни гради. Оние што ја искусиле короната на своја кожа, знаат дека пост-симптомите не поминуваат со месеци, а како што откри Петресна на својот Инстаграм, нејзе ја мачи анксиозноста. https://arhiva.vistina.com.mk/radio-mileva/ne-mozev-da-stanam-do-toalet-elena-petreska-snimi-video-kade-vo-detali-go-spodeli-svoeto-iskustvo-so-koronavirusot-video/ Но, лек за тоа си најде самата. -Кога си анксиозен треба да најдеш начин да го смениш фокусот од себе. Мене ова ми е лекот моментално – пишува Елена која преку музика и играње се бори со сите негативни мисли и енергија. А дека е жена полна со самодоверба, тоа се гледа во секоја приложена фотографија, па дури и кога треба да открие повеќе гола кожа на себе. Во една од поновите фотографии таа позира во бебешко розов костум, а под сакото не носи градик и ја нагласува женственоста и сензуалноста. Ова не е првпат да ја видиме во провокативно издание, па може да се заклучи дека на Елена и стана комотно и кога сексапилот е нагласен, но сепак во граници на вкус и префинетост.

„Преку глава ми е“: Многумина погрешно ја разбраа Милена Антовска , па и поставија дијагноза на што таа не остана без реакција (фото)

Слободанка Илиева — Thu, 25 Mar 2021 07:19:26 +0000

ТВ водителката Милена Антовска Станковска неодамна додека се искачуваше на Водно, откри дека таа рекреација во природа е нејзина метода за разбистрување на главата и мислите како една форма за решавање од анксиозноста со која се справува. https://arhiva.vistina.com.mk/radio-mileva/maka-macham-milena-antovska-otvoreno-za-anksioznosta-i-kako-se-spravuva-koga-i-e-najteshko-foto/ Но, веројатно на поголем дел од оние што ја следат, познаваат и слично, не им е баш јасно што значи состојба на анксиозност, па ја помешаа со депресија. Милена почнаа да ја карактеризираат како депресивна личност, по што таа реши да се огласи јавно и да реагира баш кон оние што не разбраа или пак сакаа да си додадат нешто плус кое е надвор од рамката на реалната нејзина состојба.

View this post on Instagram

A post shared by MILENA ANTOVSKA STANKOVSKA♑ (@milena_antovska)

-Никогаш и никаде не сум кажала и изјавила дека сум во депресија. И тоа што јавно проговорив за анксиозност го направив затоа што ми е преку глава од „табу“ теми...и за да помогнам некому ако можам, а не за да ме сожалува некој. Ве молам одсега па натаму не правете „копи-пасте“,не си додавајте зборови. Прашајте ме. Тие што ме познаваат знаат дека сум коректна личност, реагира Милена. За потсетување, според некои процени, дури 10% од населението страда од некоја форма на анксиозност или нејасен страв без очигледен надворешен повод, голем стрес и загриженост. Анксиозноста се манифестира преку повеќе физички и психички симптоми кои се доживуваат како многу непријатни.

„Мака мачам“: Милена Антовска отворено за анксиозноста и како се справува кога и е најтешко (фото)

Слободанка Илиева — Mon, 08 Feb 2021 08:07:16 +0000

ТВ водителката Милена Антовска Станковска на своите следбеници на Инстаграм им откри дека и на познатите не им се се’ така розово како што изгледа на социјалните мрежи. Имено, таа искачувајќи го Водно се снимашее на неколку „стори“ на својот профил и откри дека не се чувствува баш најдобро поради анксиозноста која ја чувствува. Милена имаше прашање до сите оние што ја погледнаа објавата, а тоа е што практикуваат за да ги избистрат главата и мислите? Нејзината техника беше опуштање во природа и слушање музика, а одговорите кои ги доби имаа разни начини и методи како да си помогне бидејќи како што откри мака мачи со оваа своја состојба. Инаку, и Владимир Блажев или попознат како Панчо Шорти многупати зборуваше на оваа тема и манифестафијата на своите симптоми, како и тоа дека си помага што секојдневно го искачува Водно. Според некои процени, дури 10% од населението страда од некоја форма на анксиозност или нејасен страв без очигледен надворешен повод, голем стрес и загриженост. Анксиозноста се манифестира преку повеќе физички и психички симптоми кои се доживуваат како многу непријатни.

Ана Кокиќ долго се бори со опасната болест од која симптомите и стануваат се појаки

Слободанка Илиева — Thu, 20 Aug 2020 08:51:05 +0000

Ана Кокиќ реши да го искористи фактот дека ја следат десетици илјади луѓе на социјалните мрежи, за да го сподели своето искуство со анксиозноста, што многумина ја нарекуваат „болест на модерното време“, и со тоа да му помогне на некого. - Долго време се борев со анксиозност, но некако успеав да го надминам сето тоа. Имав и напади на паника, но за среќа тие беа ретки. Понекогаш ќе се чувствував вознемирено, понекогаш ќе трае подолго, а понекогаш и пократко - започна приказната на пејачката, како што објави „Информер“. - Симптомите на болеста обично се интензивираат пред важен настан. Дури и денес, јас сум многу нервозна кога, на пример, морам да дадам интервју. Некој сега би рекол дека не е ништо страшно, но тоа беше за мене.

View this post on Instagram

? #fashion #music #love #anakokic

A post shared by Ana Kokic (@anakokicmusic) on Jun 13, 2020 at 12:03am PDT

- Ако имате сличен проблем, ве советувам да воведете здрави навики. Поминете што е можно помалку време на Интернет и држете се подалеку од непотребни информации. Избегнувајте луѓе што ве прават нервозни и кои пренесуваат само негативна енергија - додаде Ана. - Кога и да можете, шетајте во природа и бидете физички активни. Правете ги работите што ги сакате, така што никогаш нема да ви биде здодевно. Знаете како велат, „Безумниот мозок е дело на ѓаволот“.