Анита Мицова го претстави „Еден ден“ (ВИДЕО)

Антонио Димитриевски — Tue, 08 May 2018 09:06:15 +0000

„’Еден ден’ е дел од албумот, ’Еден ден’ е дел од мене, поради ’Еден ден’ одлучив повторно да пеам, денес ми е за ’Еден ден’“... Вака Анита Мицова го претстави видеото за најновиот сингл од првенчето „Ти сум јас“, кое го објави минатата година.

Како и на останатите песни од албумот, автори на „Еден ден“ се Весна Малинова Бабамова (музика и текст) и Кирил Бабамов (аранжман), а на кларинет гостува Здравко Ангелов.

Талентираната стружанка, која веќе го подготвува материјалот за вториот албум на новиот сингл му даде едноставна, но впечатлива екранизација, соодветна за самата атмосфера на песната.

Како изгледа и звучи „Еден ден“, проследете во продолжение: https://www.youtube.com/watch?v=8j6wB1dYo6E

Анита Мицова покажа како изгледа нејзиниот „Рај“ (ВИДЕО)

Антонио Димитриевски — Mon, 11 Dec 2017 11:53:46 +0000

Пејачката Анита Мицова продолжува со екранизирање на песните од својот деби албум „Ти сум јас“, кој го промовираше во јуни годинава. Од осумте теми што се најдоа на изданието, пет веќе добија свои визуализации („Два животи“, „Снег“, „Биди добар“, „Златно жито“ и „На пат кон југ“), па ги најави и видеата и за нејзините „Рај“ и „Еден ден“ , од кои првата тема е веќе готова и премиерно ја промовираме. Видеото за „Рај“ е снимено е во струшкото село Белица, а оваа љубовна песна со блуз-призвуци , според многумина, ќе биде зимски хит. Второто видео е во финална фаза на подготовка и треба да биде доработено деновиве. „Не сакам да пеам песни што нема да ме допрат емоционално. ’Рај’, како и другите мои композиции, има своја приказна, нешто што јас го имам доживеано. Има луѓе што велат дека на некој начин е клише да се прават љубовни композиции, но грешат. Ако песната ја донесеш на вистински начин, ако преку неа допреш до публиката, притоа е со квалитетен текст, музика и аранжман, тука нема простор за тоа парче музика да не стане хит. Спотот е дополнување на целата приказна, која ќе може да ја гледаат сите“, ќе изјави неодамна Мицова.

Како и останатите песни на албумот, „Рај“ и „Еден ден“ се комплетни авторски дела на тандемот Весна Малинова Бабамова и Кирил Бабамов. Зад изработката на видеото за темата „Рај“ стои продукцијата „Motion Emotion“ , а комплетното авторство ( Directed , Filmed & Edited) го потпишува Јован Куциновски. За шминката и фризурата на Мицова во спотот била задолжена екипата од „Салончето на Марија“, додека стајлингот го осмислиле од Blood Orange boutique. Погледнете ја екранизацијата на „Рај“ и уживајте во неа. https://www.youtube.com/watch?v=97dcpb-LNr0

анита мицова – Вистина.мк

Анита Мицова го претстави „Еден ден“ (ВИДЕО)

Анита Мицова покажа како изгледа нејзиниот „Рај“ (ВИДЕО)