анета Мицевска – Вистина.мк

Откако Џими Мицевски за Вистина.мк го потврди разводот, сега Анета се реши на крупен чекор иако бракоразводната постапка е во тек (фото)

Слободанка Илиева — Fri, 28 Jul 2023 08:35:24 +0000

Музичарот и фронтмен на популарните „Молика“, Џими Мицевски неделава во изјава за Вистина.мк го потврди крајот на 22 годишниот брак со пејачката Анета Мицевска. Тој во телефонски разговор со нас даде одговор на написите кои изминатиот викенд како непотврдени се ширеа во домашните медиуми. -Вистина е. „Молика“ ќе продолжи бидејќи имаме договорени настапи до следната година во август. Не сме ни први, ни последни. Разводот е во постапка, а за останатото и причините не мора да се коментира. „Молика“ ќе продолжи да си работи, а Анета ќе биде со групата, тоа е нејзин избор, завршува Мицевски. Приказните секогаш имаат две страни, па така сега и Анета почувствува потреба да покаже јавно дека и таа е согласна со потврдата дека на бракот му дошол крај по повеќе од две децении заедница. Имено, македонскиот славеј пред три дена го прослави својот 39-ти роденден, а за своите следбеници на социјалните мрежи сакаше да се претстави во едно поинакво стилско светло, но и со една голема промена во одност на нејзиниот профил на Инстаграм. Имено, Анета иако е во бркоразводна постапка, таа уште сега се реши на социјалните мрежи да го промени презимето по кое е препознатлива, па од Мицевска стана Љуманковска, односно го врати моминското. Тоа не беше се’, пејачката се почувствува неискажана, па во изјава за порталот Гламур.мк го кажа своето:

View this post on Instagram

A post shared by Aneta Ljumakovska Official (@anetaljumakovska123)

-Да точно е дека се разведувам и ја напуштам групата. Но ќе го почитувам договорот, до август идната година да ги одржиме сите настапи, вели пејачката која наедно го кажа истото што и екс- сопругот. Истата сцена ќе ја делат уште една година, но не и истиот покрив над главата. Да потсетиме, пред да застанат на лудиот камен Анета и Џими беа во врска една година, а Џими има и син од првиот брак, а пак во заедница ја добија ќерката Мони. фото:Инстаграм принтскрин/Анета Молика

По написите дека се решени да стават крај со Анета по две децении брак, се огласи Џими: „Не сме ни први, ни последни“

Слободанка Илиева — Mon, 24 Jul 2023 08:00:34 +0000

Како гром од ведро небо викендов на домашните портали проструи веста дека музичката брачна двојка Анета и Џими Мицевски од групата „Молика“, се разведуваат по две децении брачна заедница. Додека останатите се потпреа на непроверени информации, редакцијата на Вистина.ком.мк дојде до вистината од прва рака. Имено, во телефонски разговор со Џими добивме потврда на ваквите написи со појаснување од музичарот дека не станува збор за празни муабети, но не многу сака да коментира за детали, освен суштината. -Вистина е. „Молика“ ќе продолжи бидејќи имаме договорени настапи до следната година во август. Не сме ни први, ни последни. Разводот е во постапка, а за останатото и причините не мора да се коментира. „Молика“ ќе продолжи да си работи, а Анета ќе биде со групата, тоа е нејзин избор, завршува Мицевски во изјавата за Вистина.ком.мк. Во интерес на публиката, како и оние што ги ангажирале заено се до следната година, работата во однос на првиватните несогласувања нема да трпи. Инаку, музичката двојка од бракот ја има ќерката Моника, која студира и живее во Германија. Анета му е втора сопруга на Џими, кој пак од претходниот брак има син кој исто така се занимава со музика. За потсетување, минатата година Џими Мицевски беше обвинет во случајот „Транспортер“ ,предмет за наводна злоупотреба во ученичкиот превоз во Битола. На Мицевски за кривично дело злоупотреба на службената положба и овластување му беше изречена алтернативна мерка – условна осуда, така што му се утврдува казна затвор во траење од две години и истовремено се определува дека утврдената казна затвор нема да се изврши, ако обвинетиот во временски период од пет години по правосилноста на пресудата, не стори ново кривично дело. Инаку, Мицевски има транспортна фирма, а пак во 2019 година отвори ресторан во Битола, за кој на отворањето пред гостите раскажал дека го спечалиле само од музика. За новиот предмет развод допрва ќе се оди на суд, а колку разумно и лесно спогодбен ќе биде затворен овој нов судски предмет, останува да видиме...

Порасна во вистинска убавица: Анета Молика јавно и се обрати на својата ќерка со посебен повод (фото)

Христина Ѓоргиевска — Wed, 13 Nov 2019 08:29:08 +0000

Македонската пејачка Анета Мицевска или позната како Анета Молика повеќе од 16 години е во брак со Џими од групата „Молика“. Пејачката вели дека иако се толку години во брак тие се неразделни, а таа е пресреќна со својот сопруг.

-Најискрена ќе бидам. Јас сум пресреќна со Џими иако сме 16 години во брак и една година бевме во врска, значи 17. Љубовта кај нас се уште постои исто како да сме на почетокот. И што е најважно од се ние имаме разбирање и покрај тоа што сме заедно 24/7. Му благодариме на Господ што до сега во ниеден сегмент од нашето живеење ништо не ни е досадно“ изјави Молика во една прилика.

Анета и Џими од бракот ја имаат ќерката Моника, за која велат дека колку и да пораснала опкружена со љубов, таа е единствена жртва на нивната професија. Моника има талент за пеење, меѓутоа студира стоматологија и тоа сака да биде нејзината идна професија. За разлика од другите јавни личности кои постојано се „закачани“ на социјалните мрежи и секојдневно постираат разни објави, Молика е помалку активна и објавува приватни фотографии. https://arhiva.vistina.com.mk/radio-mileva/aneta-molika-retko-ja-pokazuva-kjerkata-a-sega-od-palma-de-majorka-gordo-se-pofali-kolku-porasna-nejzinata-monika-foto/ Пејачката досега неколку пати ја покажа својата ќерка, а сега објави фотографија од Моника и јавно и го честиташе роденденот: „Среќен роденден моја убавице“, напиша Анета на заедничката фотографија. Самата Молика истакна дека со нејзината професија не е лесно да биде и родител и дека за се постои жртва.

Воопшто не ми е лесно. Но, за секоја една работа мора да постои жртва. Во нашиот случај тоа е нашата ќерка Моника. За среќа тука се моите родители, кои се грижат за неа исто како што би се грижела и јас. Многу ми недостасува бидејќи постојано сме на пат. Но, сите имаат разбирање за нашата работа“ изјави пејачката во едно интервју.

Иако, не е лесно да се балансираат професионалните и приватните обврски, веруваме дека Анета и Моника го користат секој момент да уживаат заедно и да го негуваат нивниот однос како мајка – ќерка.

Анета Молика ретко ја покажува ќерката, а сега од Палма де Мајорка гордо се пофали колку порасна нејзината Моника (фото)

Слободанка Илиева — Thu, 27 Jun 2019 07:41:58 +0000

Фолк пејачката Анета Мицевска е горда мајка на 16 годишната ќерка Моника, која не толку често ја експонира во јавноста. Гордоста на мама Анета и тато Џими израсна во вистинска убавица, која се повеќе наликува на својата позната мајка.

Овој месец јуни, Анета и Моника беа заедно во убавата Шпанија, односно на Палма де Мајорка од каде пејачката објави неколку фотографии. Не требаше да помине многу време за мајката и ќерката да соберат многу ласкави коментари.

Младата Моника има талент за пеење, но не сака да биде пејачка, а нејзината баба во едно неодамнешно интервју изјави дека наследничката на Анета учи стоматологија и сака тоа да биде нејзина идна професија. Ова лето мајката и ќерката си дадоа повеќе време за себе. -Воопшто не ми е лесно. Но, за секоја една работа мора да постои жртва. Во нашиот случај тоа е нашата ќерка Моника. За среќа тука се моите родители, кои се грижат за неа исто како што би се грижела и јас. Многу ми недостасува бидејќи постојано сме на пат. Но, сите имаат разбирање за нашата работа“ изјави пејачката во едно интервју.

Инаку, Анета Мицевска и нејзиниот сопруг Џими во брак се 17 години, од кои една беа во врска.

Македонската естрада преку социјалните мрежи се прости од кралот на народна музика, Шабан Шаулиќ

Христина Ѓоргиевска — Mon, 18 Feb 2019 09:13:49 +0000

Кралот на народната музика Шабан Шаулиќ вчера почина во тешка сообраќајна несреќа во Германија.Незгодата се случила во близина на Билефелд каде што пејачот пеел. Тој во автомобилот бил со својот кум и возач кога во нив со автомобил удрил 34 годишен пијан Германец.

Според пишувањата, Шабан веднаш бил пренесен во болница каде што пејачот доживеал срцев удар и починал. Неговото семејство, пријателите, колеги, соработници се во шок по овие трагични вести. Неговите колеги од српската естрада преку социјалните мрежи со емотивни пораки се простија од колегата, а некои од српските телевизии го прекинаа емитувањето на музички емисии. Веста за смртта на пејачот ја изненади и македонската јавност, па многу од јавните личности преку социјалните мрежи се простија од изведувачот на најголемите хитови во регионот. Анета Мицевска на својот „Инстаграм“ сподели фотографија со Шабан, а во описот на истата напиша: „Почивај во мир легендо“.

Освен тоа, Анета сподели и видео каде пее песна од Шаулиќ и напиша: Беше и ќе остане задоволство да се пеат неговите песни, во чест на нашиот крал на музиката.

View this post on Instagram

Beše i ke ostane zadovolstvo da se pejat negovite pesni... vo čest na našiot kral na muzikata. #sabansaulic

A post shared by Aneta Micevska Official (@anetamicevska) on Feb 17, 2019 at 12:09pm PST

Oд пејачот се прости и Сања Цинцева Барби која напиша: „Почивај во мир легендо“.

Од српскиот пејач се простија и македонските учесници во „Ѕвездите на Гранд“, Огнен Здравкоски...

и Мартинијан Кириловски...

Последен поздрав на легендарниот пејач му дадоа и Ристе Ристески кој победи во „Ѕвездите на Гранд“...

И Благица Ѕунѕуровска која победи во „Неки нови клинци“.

Александар Тарабунов на „Инстаграм стори“ напиша: „Почивај во мир легендо“.

Тажната веста за смртта на Шаулиќ ја погоди и Тијана Дапчевиќ која на „Инстаграм“ во описот на заедничката фотографија напиша: „Јас еве не знам што да кажам...само знам дека некој кој така пее никогаш нема да умре...мирно спиј....прерано“.

„Без разлика каква музика слушате неспорно е дека секој знае барем една негова песна, а тоа што го нарекуваат крал на народната музика доволно зборува за неговата величина...“ напиша Лила Филиповска на „Инсатгарам стори“.

Фолкерката Сања Сани Гроздановска на својот „Фејсбук “ сподели фотографија од пејачот, а во описот напиша: „Почивај во мир легендо“.

„Шабан беше еден од пејачите кој ми даде најголема поддршка кога се натпреварував во „Ѕвездите на Гранд“. Беше чест да те запознам легендо. Ти благодарам на сите искрени честитки и ќе живееш во твоите песни кои ги остави“, напиша Ален Хасановиќ на социјалните мрежи.

View this post on Instagram

Šaban je bio jedan od pevača koji mi je dao najveću podršku dok sam se takmičio na Zvezdama Granda, Čast je bilo poznavati te Legendo, hvala ti na svim iskrenim savetima živećeš u svojim pesmama koje si iza sebe ostavio! R.I.P ????

A post shared by Alen Hasanovic (@alen_hasanovic) on Feb 17, 2019 at 6:58am PST

Oд Шабан се простија и Антониа Гиговска....

Елена Миленковска...

Адам Лабунски.

И Тајзи на својот „Инстаграм“ објави фотографија заедно со пејачот.

„Почивај во мир кралу, твојата техника на пеење ќе се изучува со години“, напиша Јоце Панов на „Фејсбук“.

Калиопи Букле исто така изрази тага поради смртта на својот колега, па напиша: Големите секогаш остануваа големи.

View this post on Instagram

Veliki ostaju zauvek veliki...RIP Šaban Šaulić #legend #voicefromheaven #respect ?

A post shared by Kaliopi Official (@kaliopibukle) on Feb 17, 2019 at 3:52pm PST

Владимир Блажев односно Панчо од „ДНК“ исто така преку „Фејсбук“ се прости од пејачот.

„Не сакав да верувам дека е вистина“, напиша Благоја Груевски на „Фејсбук“.

Живко Динев поранешен бас- гитарист и вокал на „Браво бенд“; а сега соло изведувач исто така преку „Фејсбук“ се прости од Шаулиќ.

За потсетување, Шаулиќ беше изведувач на голем број на песни меѓу кои „Жал“, „Иду дани мајко моја“, „Доџи да остаримо заедно“:...

Главна по Саша Поповиќ: Оваа наша пејачка одлучуваше кои Македонци ќе се натпреваруваат на „Ѕвездите на Гранд“

Христина Ѓоргиевска — Wed, 13 Jun 2018 07:34:58 +0000

Повеќе од една деценија, музичкото шоу „Ѕвездите на Гранд“ важи за едно од најгледаните и најпопуларните музички натпреварувања. Од пред некоја година, покрај кандидатите од Србија, почнаа да настапуваат и претставници од просторите на бивша Југославија. Секоја година и Македонија има своите претставници, кои се борат да стигнат подалеку. Аудициите за „Ѕвездите на Гранд“, за македонските претставници се одржуваат во Скопје, во просториите на Канал 5 телевизија. Така, аудицијата за „Ѕвездите на Гранд“ 2018/2019 се одржа пред неколку дена во главниот град. По една година пауза, Поповиќ повторно беше во главното жири и тој го имаше последниот збор кој ќе помине на аудицијата.

Тој истакна дека е задоволен и дека Македонија оваа година има многу добри кандидати. Покрај Поповиќ, во жирито седнаа и македонската пејачка Анета Мицевска која работи под капата на Гранд и пејачот Ален Хасановиќ.

„Многу ми е драго што сум дел од жирито на „Ѕвездите на Гранд“. Навистина имаме квалитетни пејачи и тешко е да се одлучи кој да оди понатаму“, изјави Анета. https://www.youtube.com/watch?v=0dArRaMXPw8&feature=youtu.be Инаку, оваа година македонски претставници кои успеа да стигнат најдалеку беа Огнен Здравковски и Мартинијан Кириловски кои испаднаа во петиот круг, но следната сезона ќе има друга шанса. За потсетување, претходната сезона победи охриѓанецот Ристе Ристески, а пред неколку години финалето на музичкото шоу „Ѕвездите на Гранд“ се одржа во Скопје. фото:принтскрин

Анета и „Молика“ ја нападнаа МРТ и жирито зашто тие годинава не заминале на Евровизија: Кој ли те тебе прелажа?

Антонио Димитриевски — Wed, 21 Feb 2018 08:57:14 +0000

Македонскиот избор за наш претставник на Песна на Евровизија во Лисабон помина. Изборот на стручното жири кое го состави МРТ од речиси 400 пристигнати песни на конкурсот ја одбра групата „Ај Кју“ со песната на нивниот лидер Бојан Трајковски, насловена „Lost and found“.

И како по обичај иако песната се’ уште никој не ја ни слушнал, почанаа задкулисните игри и чаршиските муабети. најмногу на социјалните мрежи се разбира, ама и на некои од медиумите кои имаат „блиски релации“ со оние кои беа кандидати или имаа свои песни на конкурсот. Уште со недели па и месеци пред домашниот избор, односно пред конкурсот воопшто и да биде распишан, почнаа шпекулациите во јавноста за тоа кој годинава ќе ја претставува Македонија на Евровизија. Лобирањата и ПР-от по медиумите и социјалните мрежи секако дека е дозволен, ама кога претпоставките ќе станат „потврдени информации од сигурен извор“, а на крај домашниот есап и желбите нема да се поклопат со есапот на пазар, настанува општа какофонија.

Ѕвездите на кои наводно „им било ветено“ дека сигурно ќе пеат на Евровизија, а ниту самите не знаат кој тоа им ветил, а и да знаат, требале уште претходно да знаат од кого примаат ветувања, наеднаш се наоѓаат „во небрано“... „Изненаѓени и увреѓени“, зашто некој, замислете не си стоел на зборот. А зборот никој и не им го ни дал... Или ги излажал! Трето нема!

Меѓу „несудените“ годинешни македонски евровизиски претставници во Лисабон и фолкерката Анета Мицевска со нејзината група „Молика“. беа од оние за кои наголемо се тврдеше во кулоарите, аи се пишуваше по порталите дека се „сигурни патници“ за Португалија! Арно ама, откако шпекулациите се покажаа како невистинити, фолк ѕвездата и нејзината група со полна уста горчина... Ама и со „дрвја и камења“ по МРТ, која доколку решила годинава да има конкурс, а имаше, ама баш никако не можела да им вети сигурна победа! Или битолските фолкери некој ги „мамел“ или тие „загризале погрешна јадица“, па сега националниот сервис и членовите на жирито им се виновни за она што не го добиле, а на што се надевале! Кој им дал, ако воопшто им дал лажна надеж, само тие си знаат... А ако веќе знаат, редно е да го кажат... по име и презиме!

Како и да е еве на што и кого се „кивни“ битолските фолкери и нивната пејачка. Деновиве на порталот „Естрада Плус“ се појави напис со наслов: „Анета и Молика жалат што го погазија зборот во поглед на евровизискиот настап“! Еве што интегрално пишува во него: „Никогаш повеќе нема да учевствувам или да се појавам на било каков избор , евровизиски или фестивалски кој е во организација на Македонската телевизија, и жалам што си го погазив зборот и јас и моите колеги одгрупата Молика“ - истакна Анета Мицевска која годинава заедно со групата Молика беа едни од потенцијалните претставувачи на нашата земја на Евровизија. Таа изразува огромно каење за сето тоа и додава дека нема никогаш повеќе да се случи. „Не знам ни јас самата што се случи, меѓутоа едно знам дека многу ми е жал што си го погазив зборот и јас и моите колеги од групата Молика. Кажавме дека никогаш повеќе нема да да учевствуваме на било каков настан, било каков фестивал во организација на МТВ, меѓутоа ете бидна што бидна, јас се каам за тоа и повеќе никогаш. Ова беше последно. Никогаш повеќе нема да учевствувам или да се појавам на такво нешто, бидејќи има некој друг што не е компетентен и ќе го оценува моето пеење и тука е мојата публика луѓето од надвор. Така да, ние ќе учевствуваме секаде каде што ме почитуваат и каде што го ценат моето пеење“ - истакна Анета при гостувањето во еден национален медиум.

Според неа и покрај големата поддршка кој ја имале, најповеќе од нивните фанови на социјалните мрежи од тука произлегла идејата да влезат во овој избор. Таа додава дека сето тоа е нефер и нерегуларно кон неа, но како колеги на групата “Ај Кју” им посакува премногу среќа на нивниот настап во Лисабон. Нашата кариера продолжува и понатака, ова беше прв и последен пат за ваков евровизиски настап, децидно истакна Анета.

Чудно но вистинито, ако е воопшто така. До душа, кој губи има право да се лути, но на вистинска адреса. Онаа по која Анета и Молика сега плукаат, како што се МРТ и нивното стручно жири кое пак наместо нив и нивната песна ги избра „Ај Кју“ за на Евровизија, секако дека не заслужиле без ниту еден аргумент да бидат омаловажувани. Ако веќе некој им гарантирал учество, тој некој секако дека има и име и презиме. И веројатно „дебела“ причина тоа да го направи! Ако е така, време е да „измамата“ да се лоцира! Вака, само џабе „лаење“... од пусто незнаење!