анета љуманковска – Вистина.мк

Време за среќа: Анета Љуманковска добива честитки за денот кој за неа секогаш ќе биде розов и најубав (фото)

Слободанка Илиева — Tue, 14 Nov 2023 08:34:55 +0000

Порано велеше дека за секоја посветеност кон работата секогаш има жртва, а во нејзиниот случај тоа беше ќерката која најчесто беше во друштво на баба и дедо. Сега пејачката Анета Љуманковска екс Мицевска, барем според објавите на социјалните мрежи се повеќе време наоѓа за својата Мони и богатење на односот мајка – ќерка. Со разделбата од сопругот и татко на нејзината неследничка, Џими Мицевски, Анета живее ново поглавје. Но, животот оди понатаму, со сите нови предизвици и искушенија што ги носи секојдневието. Не секој ден треба да се гледа од страна на негативното, напротив што посветло и пооптимистично, тоа поубаво, особено кога се има повод како во случајот. За мајките роденденот на нивните чеда е нешто свето, па дури е подраг од сопствениот. Анета овој месец ноември го има тој ден –роденден на ќерката Моника која веќе е возрасна 21 годишна девојка. Преку фотографија со посвета и роденденска честитка, мама Анета ја советуваше Моника што тоа животот ќе и донесе... -Душо моја најмила. Ти посакувам да бидеш силна, во животот ќе сретнеш секакви луѓе, некои ќе те сакаат помалку, некои повеќе. Ќе наидуваш на пречки, но ќе ги надминеш со твојата сила и никогаш не прифаќај помалку од она што си заслужила. Среќен роденден мила моја. Те сака мама. Инаку, евидентно е дека ќерката е копија на мама, а освен убавината ги наследила и талентот за музика. Моника има талент за пеење, но не сака да биде пејачка, а нејзината баба во едно интервју изјави дека наследничката на Анета учи стоматологија и сака тоа да биде нејзина идна професија. Времето носи нови предизвици и нови ветрови, а што ќе донесе во животот на Моника, останува на судбината и вистинските избори. Среќен роденден!

На богата свадба во Германија да пее и жнее се собра кремот на српската естрада, од Цеца до Ацо Пејовиќ, а меѓу нив и нашата пејачка со „златно грло“ (фото)

Слободанка Илиева — Sat, 11 Nov 2023 08:30:02 +0000

Големите музички имиња се се’ почести гости и на големи, мега свадбени веселби на домаќини со подлабок џеб што може да ги исплатат бараните хонорари од суми со многу нули. Една таква свадба се случи викендов во Берлин- Германија каде на сцена за да ги весели гостите и младите, се собра кремот на српската естрада. Цеца Ражнатовиќ, Саша Матиќ, Ацо Пејовиќ, хармоникашот Аца Софронијевиќ и сигурно уште многу други кои камерата од објевените видеа не успеа да ги сними. Покрај музичкиот дел, на свадбата имаше дури и водители, а таа улога им припадна на Милан Калиниќ и Душица Јаковљевиќ, кои како и музичарите си фатија ултра квалитетна тезга. Сето ова успеавме да го видиме преку стори објавите на пејачката која ја нарекуваат македонскиот славеј или пејачката со златно грло, Анета Љуманковска за повеќето попозната како Анета „Молика“. Најзиниот дел за „стори“ објави беше густо нареден со куси видеа, а за загревање почна со објавата пред настап и тоа како е облечена во принт кошула и црно кожно макси здолниште, како и селфи со водителката Јаковљевиќ. Новитетот на неа не остана незабележан – новата фризура која се решила да ја смени со пократка коса. Откако ни презентираше како се дотера битолската дама, следеше и да се покаже вокално на спомената веселба. Откако си го отпеа својот дел, односно го одработи бараното, си седна на масата за музичарите, ги слушаше, уживаше и снимаше своите српски колеги, Цеца Ражнатовиќ, Ацо Пејовиќ, Саша Матиќ... Се пееше, јадеше, пиеше и секако богато се жнееше. Атета е докажано еден од најдобрите вокали на македонската музичка сцена, а младите, односно домаќините на свадбата очигледно дека го сакале најдоброто за големиот ден. За Анета полн џеб и секако реклама плус заедно со музичкиот фолк крем на Балканот. фото:инстаграм принтскрин/Анета Љуманковска

По свадбата во Германија, Анета се врати дома и запеа во „Мерак меана“ каде изненади со новиот младешки имиџ (фото)

Слободанка Илиева — Thu, 09 Nov 2023 08:10:07 +0000

Со или без група „Молика“, Анета Љуманковска екс Мицевска постојано има ангажмани. Неодамна пееше на свадба во Германија заедно во кремот на српската естрада, меѓу кии беа Цеца Ражнатовиќ, Ацо Пејовиќ, Саша Матиќ... Таму Анета се појави со поинаков имиџ, односно нова фризура, пократка и поразлична од порано. Велат дека жените ја менуваат фризурата кога им се случува нешто големо во животот, а на Анета и тоа како и се случи со разводот по две ипол децении брак со колегата и сега екс- сопруг Џими Мицевски. Сега таа новииот освежен имиџ го промовираше и пред камерите на фолк емисијата „Мерак меана“ и пред своите колеги таму. Облечена во црвен елегантен комплет, Анета позираше за на социјалните мрежи каде редовно добива ласкави комплименти. Колешките Даниела и Марија исто така позираа заедно со неа и напишаа по некој комплимент и емотикон. За потсетување, Анета и Џими како што изјавија претходно, ќе настапуваат заедно како Анета и „Молика“ на сите договорени настапи се до месец август следната 2024 година. фото:Инстаграм принтскрин/Анена Љуманковска

Анета Љуманковска екс Молика по разводот редовно први големи промени, а овој пат на сцената има ново засилување (фото)

Слободанка Илиева — Thu, 02 Nov 2023 09:00:08 +0000

Веруваме дека намногумина им треба време да помислат за кого точно станува збор кога ќе се каже Анета Љуманковска, но тоа е попозната за сите Анета „Молика“ Мицевска, сега веќе екс. Откако се раздели од Џими Мицевски по две ипол децении брак, Анета верна остана на музиката, но и на публиката која ја ангжирала како пејачка на „Молика“ се до месец август следната 2024 година. Таа, а исто и сега веќе поранешниот сопруг веќе изјавија во медиумите дека сите настапи како Анета и „Молика“ ќе бидат испочитувани. Договор е дововор, па Анета останува лојална на колгите музичари и секако публиката која ја ангажирала претходно да ја гледа и слуша заедно со „Молика“. Со големите промени автоматски се прилепуваат нови гледишта, ставови, желби, побарувачки, понуди... Анета е доста активна на Инстаграм каде откри дека деновиве е во студиото „Анастасија“. Таму ја сними новата песна под наслов „Жива“, чии автори се Сашко Велков која ја компонирал музиката и го направил аранжманот и Анита Даева, која ги напишала стиховите за песната. Покрај тоа најави и настап со ново инструментално засилување зад себе и тоа бенд од Тетово со кои ќе пее на еден настап во месец декември. Анета е отворена за промени, тука е за сите кои и одговараат, а и таа ним. Едно останува исто желбата за песна, добра забава и секако заработка од она што е нејзината примарна егзистенција од која живее години наназад. фото:Инстаграм принтскрин/Анета Љумантковска/Молика

Џими си го кажа своето за разводот со Анета, а сега и таа доби потреба да се изјасни јавно: „Се’ што се случува е со некоја причина“

Слободанка Илиева — Tue, 05 Sep 2023 07:30:54 +0000

Откако по 22 години и брак и професионална соработка во нивната група „Молика“, музичарот Џими Мицевски и пејачката Анета Мицевска се разделија, секој приватно тргна на своја страна. И обајцата го потврдија разводот, како и тоа дека повеќе не живеат под ист покрив, но договорот да се исполнат до крај договорените обврски со групата (свадби, настапи, турнеји… ) до август следната година – останува да се испочитува. Анета иако неодамна го потврди разводот откако првично Џими за Вистина.мк потенцираше дека се разведуваат, сега таа во интервју за Гламур.мк се доплни за она што се почувствува недокажана. -Се случи тоа што се случи и свесни сме сите дека се’ што се случува е со некоја причина која што само еден Господ ја знае. Најголемата поддршка во овие моменти ми е фамилијата, најмногу мојот брат на кој сум му благодарна до небо. Иако не е тука, тој е многу важна личност во мојот живот без кој не можам да донесам ниту една одлука“, вели Анета за „Гламур“. Таа открива дека не ја користи социјалната мрежа Фејсбук, бидејќи таму може да прочита нбегативни коментари со кои не би можела да се носи. Затоа пак, Инстаграм некако е посигурна зона за неа, па таму веќе е потпишана со моминското презиме Љуманковска и е доста активна. Анеета открива и дека ќе продолжи да функционира како и претходно, ќе ги изработи договорените настрапи со „Молика“ се до следната година, бидејќи песната и сцената се нејзиниот живот. Да потсетиме, пред да застанат на лудиот камен Анета и Џими беа во врска една година, а Џими има и син од првиот брак, а пак во заедница ја добија ќерката Мони. фото:Инстаграм принтскрин/Анета Љуманковска