андријана петрушовска – Вистина.мк

Андријана Петрушовска со „Зајди зајди“ доминираше во „Ѕвездите на Гранд“: Изведба за ежење и восхит – „Ти си наша гордост“ (видео)

Слободанка Илиева — Mon, 11 Mar 2024 11:22:11 +0000

Најновото издание од шестиот круг на регионалното шоу „Ѕвездите на Гранд“ беше вистинско музичко доживување за гледачите. Како се стеснува кругот од најдобрите учесници, така шоуто станува се’ поинтересно, подраматично и повозбудливо. Особено кога на сцената настапуваат македонски таленти, тогаш посебна гордост е кога жирито веднаш реагира со глас, а нималку заобиколени не се ниту ласкавите комплименти кои се голем поттик за учесниците. Едно такво топење од убаво и стимул секогаш да биде на врвот на задачата и да избира што поголеми вокални предизвици, имаше скопјанката Андријана Петрушовска.

View this post on Instagram

A post shared by Andrijana Petrusovska (@andrijanapetrushovska)

Во овој круг Андријана издоминира уште откако стапна на сцена со својот визуелнен печат и изборот на песната „Зајди зајди“, публиката од старт ја награди со охрабрувачки аплауз. Облечена во црвена богата наметка и златно венче на главата во вид на круна, убавата Андријана блесна на сцената како никогаш досега. По првиот отпеан стих, жирито не додржа, а да не стисне на тастер за глас, а први беа Вики Миљковиќ, Марија Шерифовиќ и Цеца Ражнатовиќ, а по нив не ги поштедија дланките, а богами ниту пофалбите и останатите членови на жирито.

View this post on Instagram

A post shared by Andrijana Petrusovska (@andrijanapetrushovska)

Со изведбата на „Зајди зајди“ никој не остана рамнодушен, а исто и за втората песна, „Робинка“ од Брена кога нашата талентирана Македонка ја симна наметката и во склад со музичкиот избор беше компактана на сцената, возбудлива и впечатлива. Коментарите на жирито беа крајот кој го красеше делото, односно дека Андријана едноставно беше комплетен пакет без мана. Мили како нејзин ментор додаде дека Петрушовска оди само напред и прави срцето да му биде полно. Истото и го порачаа и следбениците на социјалните мрежи кои нагласија многупати дека е наша гордост – македонска. Според се’ она што се случуваше, следно ја гледаме Андријана во седмиот круг кога очекуваме нова комплетна доминација од кога повторно ќе не направи горди што имаме вака талентирана убавица која никого не остава рамнодушен. Настапот на Андријана можете да го погледнете на 1:16мин фото:Instagram printscreen/ andrijanapetrushovska/ Zvezde Granda

Андријана Петрушовска како божица во шестиот круг од „Ѕвездите на Гранд“: Возбудливо издание на македонското девојче од кое секој сака да ѕирне што крие наметката (фото)

Слободанка Илиева — Fri, 01 Mar 2024 10:44:53 +0000

Атрактивна, харизматична, егзотична, а пред се’ талентирана, дарена од Бога со моќен глас кој не остава рамнодушни за да посакаат да ја слушаат повеќе, па дури и Саша Поповиќ кој и оваа година ја повика да се натпреварува повторно. Младата 24 годишна скопјанка Андријана Петрушовска втора сезона по ред го плени регионот од сцената на регионалното музичко шоу „Ѕвездите на Гранд“. Минатата година беше финалистка и за влакно не допре до триумф, но оваа сезона како што тргнале нештата досега, Андријана е на добар пат овој пат да успее. Секое нејзино појавување се очекува да биде, и е вистинско вокално доживување, а богами и визуелно. Атрактивната Македонка е празник за уши и очи, а секое следно издание таа умее секогаш да биде на висина на задачата. Жирито воопшто не се мисли и не ги штеди дланките да стисне тастер и да и даде глас, па и сега таа стигна до шестиот круг кој гледачите допрва ќе имаат можност да го гледаат на телевизија. Она што Петрушовска ќе го пее овој пат и каков е нејзиниот музички избор и на менторот Мили, засега е непознато, но она што се знае е дека Андријана ќе изгледа како божица – македонска божица!

View this post on Instagram

A post shared by Andrijana Petrusovska (@andrijanapetrushovska)

На нејзиниот Инстаграм профил таа го најави следното претставување на големата сцена на „Гранд“, а наедно најави и нови почетоци кога сценскиот стајлинг е во прашање. -Задоволството и самодовербата уште посилни заедно со Елена Лука и тимот на професионалци со кои започнуваме една нова и успешна приказна! Рефлексијата е очигледно блескава, кога си опкружен со професионалци!- нашиша таа во описот најавувајќи ја соработката со најголемата македонска модна куќа која безрезервно им дава поддршка на младите музички уметници и голем дел од познатите Македонки во шоубизнисот. А кога оние што најдобро си ја знаат работата, ќе земат се' во свои раце кога модата и инспирацијата е во прашање, а моделот е и повеќе од совршен и инспиративен, резултатот е токму таа блескавост на сцена. Изборот падна на дводелна впечатливо црвена комбинација која ја истакна нејзината витка манекенска става, а е сочинета од свилено макси здолниште и топ со долги ракави украсен со златни детали под градите. Минималистички, но ултра впечатливо, но и со возбудлива нота од богатата и раскошна црвена наметка која веројатно ќе открие што се крие под неа од втората песна. Круната на главата како детаљ беше совршеното надополнување дека Македонија има кралица на сцената на „Ѕвездите на Гранд“ со која ќе се гордее. Она што веќе го видовме визуелно како најава преку слика, останува да слушнеме и како ќе се спои со моќниот вокал кој не се сомнемаме и без резерва да прогнозираме дека ќе ја однесе понатаму како и досега. фото: Instagram printscreen/ andrijanapetrushovska

Македонска доминација во „Ѕвездите на Гранд“: Мики и Андријана покажаа дека победата повторно може да биде наша (видео)

Слободанка Илиева — Mon, 12 Feb 2024 11:47:00 +0000

Жирито на „Ѕвездите на Гранд“ не ретко знае да каже дека Македонија е најплодната почва на музички таленти, па дури и дека им е чудно да сретнат Mакедонец кој не знае да пее. Оваа сезона на шоуто како и останатите претходни имаме кандидати со импресивни настапи кои секогаш оставаат силен впечаток, го освојуваат жирито, а и регионалната публика.

View this post on Instagram

A post shared by Andrijana Petrusovska (@andrijanapetrushovska)

Во измината и најнова емисија на сцената настапуваа тројца македонски кандидати: Мелиса Зијадиќ, Мики Секуловски и Андријана Петрушовска. Комплетна доминација на сцена направија најпрвин Мики со освоени шест гласови за директен пласман, а по него при крајот на шоуто пееше и Андријана. Атрактивната црнокоса исто така имаше инпресивен настап со изведбата на „Црно и бело“ од Калиопи каде уште еднаш покажа дека за неа вокално нема преголем залак, па повторно се пласираше директно во следниот круг. Мелиса за разлика од нив оваа емисија немаше наклонетост од жирито, а особено доби модна критика дека направила лош избор, за неа не и беа позитивни коментарите ниту околу комплетната изведба.

View this post on Instagram

A post shared by MELI (@melisazijadic)

Мики Велики, како што го нарекуваат уште еднаш ја затресе сцената со својот моќен вокал, рокерскиот став и избор на песни со кои постјано докажува дека најмногу му лежат.

View this post on Instagram

A post shared by Miki Sekulovski (@mikisekulovski)

Андријана пак, како минатогодишна финалистка, очекувано добива ласкави коментари и тоа дека таа е комплетен пакет на сцена каде што се чувствува самоуверено и искусно.

View this post on Instagram

A post shared by Podrška Takmičarima (@podrska_takmicarima)

Македонија од претходните сезони имаше двајца победници, Ристе Ристески и Славица Ангелова, па ако судиме од излагањата на жирито, а и од оние на публиката на социјалните мрежи, Мики и Андријана се новите победници без да се оди во понатамошните кругови до финале. Со нивните настапи секогаш изгледа како да е финале, а македонската публика може да биде горда на своите претставници кои гризаат најјако. Настапот на Мики можете да го погледнете од видеото на 1:53, додека на Андријата од 2:14 минути. фото:Instagram printscreen/ podrska_takmicarima andandrijanapetrushovska/ You Tube printscreen/ /Zvezde Granda/ mikisekulovski

„Без тебе немаше да бидам тоа што сум сега“: Андријана Петрушовска не го заборави Ѓорѓе Давид, па еве што му понуди безусловно, сега кога му е најтешко! (ФОТО)

Антонио Димитриевски — Fri, 26 Jan 2024 09:34:21 +0000

Македонската учесничка во “Ѕвездите на Гранд“, атрактивната Андријана Петрушовска со секој свој настап се повеќе ја плени и публиката и жирито во најпознатото регионално музичко талент шоу. При последниот настап речиси ги скара членовите на жирито каде најмногу во клинч влегоа нејзиниот минатогодишен ментор Ѓорѓе Давид и овој сегашниот, Александар Милиќ - Мили. Ѓорѓе тврдеше дека кога тој и бил ментор минатиот пат најмногу блескала и била најдобра, а Мили дека дури кога тој ја земал под свое, Македонката вистински пропеала. „Со Ѓорѓе имав прекрасна соработка, имавме доста проби и сé беше коректно од негова страна, беше одличен ментор. Се надевам дека и со Мили ќе имам толку добра соработка и дека ќе напредувам. Вежбаме и се договараме околу песните. Јас се надевам дека со Мили уште повеќе ќе напредувам, не можам сигурно ништо да кажам, но се надевам“, изјави Андријана за Гранд по нејзиниот настап. Во меѓувреме, на Ѓорѓе Давид му се случи она што се случи, враќајќи се кон белград од Гевгелија - сообраќајна несреќа кај Куманово со смртни поледици, во која тој прегази и усмрти жена. И додека истражните органи ја вршат својата работа, пејачот и член на „гранд“ жирито очаен, во тешка психичка состојба не можејќи да се помири со настанатата ситуација побарал стручна психолошка помош. „Ѓорѓе е добро! Иако физички е речиси целосно закрепнат, психички воопшто не е. Бара психијатар, не може да спие, слуша лелеци и вресоци, пред очи постојано му се сцени од несреќи. Не знаеме како ќе се опорави од ова, дефинитивно му треба разговор“ – соопштил извор за српските медиуми. Освен тоа Ѓорѓе моментно не можеше да ја напушти Македонија зашто му беа одземени документите, што дополнително влијаело на неговата психа: „На предлог на Основното јавно обвинителство Куманово, на странски државјанин кој учествувал во тешка сообраќајна незгода кај Табановце изречени се мерки на претпазливост – привремено одземање на патни и други исправи (лична карта и возачка дозвола) за преминување на државата. граница и обврска за пријавување во Судот – информираат од државното обвинителство во Скопје – соопштија пред неколку дена од Обвинителството. Во целата оваа непријатна ситуација една од првите која му ја понуди својата помош и поддршка на некогашниот ментор беше токму неговата бивша кандидатка Андријана Петрушовска. Ако не повеќе, барем морална, тоа освен лично, му го соопшти и јавно, откако се огласи на своите Инстаграм приказни со заедничка фотографија и порака со зборови на утеха, безрезервна помош и безусловна поддршка. „Без тебе немаше да бидам тоа што сум сега. Сите ја знаеме твојата добра душа и сакам да знаеш дека ја имаш нашата безусловна поддршка“ - му порача Андријана Петрушовска на Ѓорѓе Давид. Дали и лично се слушнале или можеби и виделе, што друго му понудила пејачката како помош на својот учител и пријател, засега останува непознато. П.С. Во меѓувреме српските медиуми објавија дека Ѓорѓе Давид е пуштен да си оди дома во Србија, па откако ќе се врати во Белград најави прес конференција на која ќе ги обзнани сите детали за несреќата. А на своите Инстаграм приказни ја реобјави заедничката фотографија со Андријана Петрушовска на која и се заблагодари за поддршката со зборовите: „Благодарам ќерко“!, зачинувајќи го постот со емотикон на срце! Фото: Инстаграм/andrijanapetrushovska/djordje_david

Андријана Петрушовска го скара жирито на „Гранд“: За едни врескаше како да се кара додека пее, беше надвор од интонација и фалшираше, за други блескаше и беше никогаш подобра“

Антонио Димитриевски — Wed, 24 Jan 2024 08:36:28 +0000

Македонската учесничка во “Ѕвездите на Гранд“, атрактивната Андријана Петрушовска со својот настап во последното издание ги скара членовите на жирито на најпознатото регионално музичко шоу. Имено, по нејзиниот настап изби жестока полемика, каде најмногу во клинч влегоа нејзиниот минатогодишен ментор Ѓорѓе Давид и овој сегашниот, Александар Милиќ Мили. Андријана инаку се најде во дуел со Вања Јовановиќ која доаѓа од тимот на Снежана Ѓуришиќ, а конечниот резултат гласеше 4:3 за нашата кандидатка. Но нејзиниот настап не помина без кавга и радикално поделени мислења меѓу членовите на жирито. Така на пример, Марија Шерифовиќ овој пат не беше воодушевена со изборот на песните на атрактивната Македонка, а нејзиниот настап го оцени како просечен, истакнувајќи дека во претходниот круг била далеку подобра: „Песната 'Море од пелин' е мојата омилена баладна, но ти викаше. Ниту ја доживеав ниту почувствував, ништо не се случи. Викаш како да се караш, правиш чуда.И втората песна не ти легна, имаше фалшеви.Тоа се причините зошто не гласав вечерва“ - изјави Марија за Андријана, а Цеца Ражнатовиќ го сподели со неа своето мислење. „Беше надвор од интонација, но од друга страна ми блескаше“ - додаде таа. Ана Бекута пак, ја пофали Андријана: „Се гледа колку ја познаваш оваа работа. Те слушав на една прослава, пееше се', од Силвана до Нирвана. Браво Андријана! Мојот глас секогаш ќе го имаш“ - и порача Бекута. Вики Миљковиќ откако го преиспита своето мислење и го спореди со она на колегите, само кусо порача: „Мене Андријана ми беше никогаш подобра. Ти имаш став, појава си“ - и рече Вики! Последниот збор го имаа менторите, кои за малку што не се фатија за врат, откако Мили тврдеше дека дури под негова закрила Андријана пропеала онака како што треба! На тоа жестоко реагираше Ѓорѓе Давид, кој демантирајќи го колегата, тврдејќи дека Петрушовска токму најдобрите настапи ги имала кога била кај него во тимот, потсетувајќи ги сите на нејзиниот настап во полуфиналето, кога ги пееше песните на Марија Шерифовиќ и Јелена Карлеуша, кога како што рече, со својот стајлинг и интерпретација тогаш ги надминала сите. “Тоа беше врвот на врвовите и не верувам дека некој ќе го достигне со неа“ - рече Ѓорѓе, по што Мили се најде повикан.Страстите во студиото се разбрануваа, но „клинчот“ го спречи Шерифовиќ:„Саша прекини ги овие глупости“ - му рече Марија на крајот. Настапот на Андрија погледнете го на 59.00 минута од видеото...

За скопјанката Андријана Петрушовска, Саша Поповиќ направи исклучок од правилата на шоуто: Пејачката прави „хаос“ во Гранд, а ништо помалку жестока и секси не е ниту на приватните настапи (фото)

Слободанка Илиева — Mon, 15 Jan 2024 10:07:32 +0000

За тековната сезона на популарното регионално музичко шоу „Ѕвездите на Гранд“, Саша Поповиќ направи преседан по однос на правилата, а се' тоа само за атрактивната скопјанка Андријана Петрушовска. Долгокосата убавица иако беше финалистка минатата сезона, сега е единтвената која има шанса повторно да се натпреварува. Секое нејзино претставување веќе е очекувано поласкано, па дури и повеќе од претходно, а Андријана само дополнително собира поени како кај жирито, така и кај публиката. Младата скопјанка веќе добро уиграна во шоубизнисот, а паралелно со подигањето на актуелноста преку шоуто, таа не остава простор за пауза и мирување пре публиката. Бог бил дарежлив и за глас и за стас, а таа многу добро знае каде и на што треба да работи за да биде во фокус. Петрушоска е незапирлива, па редовно има полна аденда со настапи низ земјава. Викенд „стори“ објавите редовно и се набиени, а густо е и се бара резервација плус за да ја слушнат и видат секси Андријана. Таа вешта во се’, мерак за уши, ама и за очи. Сцената бара сексапил, тоа продава во денешно време, а особено кога пејачката е така природно згодна и надарена. Жестока и секси на сцена, но исто и на Инстаграм каде редовно чести со жешки стајлинзи, провокативни пози и заводлив поглед. Рамнонодушни речиси и да нема, особенио за коментар во кој стојат само пофалби, а и валкани мисли од бујната фантазија. Петрушовска е целосен пакет кој Саша Поповиќ добро знае зошто го бара пак. фото: Instagram printscreen/ andrijanapetrushovska

Македонскот дуел предизвика раздор во „Ѕвездите на Гранд“: Андријана Петрушовска и Мелиса Зијадиќ го ставија жирито на тешки маки (видео)

Слободанка Илиева — Mon, 18 Dec 2023 10:11:55 +0000

На жирито од „Ѕвездите на Гранд“ им е добропознато дека кога на сцената ќе застанат напретварувачи од Македнија, тогаш важи правилото дека никој нема да остане рамнодушен. За познатите судии важи тоа дека Македонците се најталентираната нација за пеење и дека кај нас „нема“ некој што не е од Бога надарен за пеење. Во најновата емисија на популарното шоу во дуел се најдоа две Македонки, скопјанката Андријана Петрушовска и Мелиса Зијадиќ од прилепско Лажани. Овој спој очекувано не беше нималку лесен за оценка, особено затоа што Андријана е веќе проверено импресивен кандидат од претходната сезона кога беше во финале, а помладата Мелиса исто така одлична надежна ѕвезда која допрва ќе се истакнува. Одлука за тоа која е подобра, сепак мораше да има. Претходното претставување, Петрушовска заврши во бараж, што беше апсурд со оглед на тоа дека минатата сезона била финалист, а сега се тоа поради изборот на песните со кои се претстави. Овој пат нештата завршија поинаку, а Андријана се пласираше директно во следникот круг со освоени пет гласа, додека Мелиса иако минатиот пат беше една од најпофалените, сега заврши во бараж со три гласа. Жирито со поделени и различни мислења. Марија Шерифовиќ предложи на Ѓорѓе Давид да му се одземе правото на глас бидејќи секогаш е наклонет на Македонците. -На Ѓорѓе одземете му го правото, не мора да гласа во оваа емисија, предложи таа. Шерифовиќ сметаше и дека Вики не мора да коментира, но таа не остана без збор и оценка за двете. -Петрушовска, многу добро изгледаш, модерна си, добро пееш, а ова дете освен што е слатка, пее како ангел, кажа Вики. Беше тензично и напнато се’ до самиот крај, бидејќи ова беше важен круг кога шоуто преминува во друга фаза. Имено, секој од учесниците кои поминаа во бараж, меѓу кои и Мелиса, мораа да добијат свој ментор, а исто и останатите. Па така, ментор на Андријана од следните емисии ќе биде Александар Милиќ- Мили, додека Цеца Ражнатовиќ ќа и помага и ќе ја подучува Мелиса Зијадиќ. Како изгледаше ова погледнете од целосната емисија во продолжение на 2:03 фото: Instagram printscreen/ andrijanapetrushovska/ melisazijadic/ You Tube видео: Zvezde Granda

Андријана Петрушовска подеднакво привлечна како на сцената на „Гранд“, така и на настап: Сексапил што „пали“ и поглед што „убива“… од возбуда! (ФОТО)

Антонио Димитриевски — Sat, 16 Dec 2023 07:40:12 +0000

Андријана Петрушовска е една од најатрактивните учеснички кои се појавиле на музичкиот натпревар „Ѕвездите на Гранд“. Македонската претставничка плени со својата појава, од која зрачи убавина и сексапил, зачинети со доволна доза на провокација која ја надополнува неодоливата фигура на пејачката. Андријана во секое ново издание изгледа толку предизвикувачки, што покрај солидното пеење на нејзиниот изглед при настапите на „Гранд“ сцената, тешко кој можеше да и одолее и од жирито и од публиката. Но, она што ја прави разликата не е видливо само додека беше на сцената на „Ѕвездите на Гранд“, туку и сега на нејзините настапи, каде Андријана подеднакво атрактивно изгледа. Во прилог на ова тврдење е потврдата од видеата и фотографиите кои пејачката ги споделува со своите следбеници на „Инстаграм“. Расната Македонка сиот свој телесен раскош не штеди да го покаже и кога е на бината на настап во некој од локалите или ноќните клубови во Македонија. Имиџот можеби поразличен, ама затоа секапилот ист па дури и посилен. Сексапил што „пали“ и поглед што „убива“... од возбуда! Без оглед дали е во кусо фустанче, шарени панталони и сандали или фармерки и високи чизми... ...Она што ја „пали“ и привлекува публиката покрај песната е нејзината евидентна телесна убавина. Телесен раскош изразен во долги нозе и колкови за танцување, убаво заоблената задница и длабокото деколте, доволни за предизвикување „бура во главата“. Особено кај нејзините машки обожаватели кои се и најбројни и најверни, а и „најзапалени“ по пејачката и нејините телесни убавини. А како и не би биле, кога Андријана Петрушовска колку и да го менува стајлингот, што и да носи на себе, едно нешто никогаш не е дискутабилно: Возбудата секогаш е пуштена на најсилно! Фото: Инстаграм принтскрин/andrijanapetrushovska

Таа сега е единствен женски кандидат во „Ѕвездите на Гранд“ од Македонија, а претходно беше близу до победа: Реакциите на жирито за настапот на Андријана Петрушовска поделени, а оценките сосема неочекувани (видео)

Слободанка Илиева — Mon, 13 Nov 2023 08:12:42 +0000

Минатата сезона од талент шоуто „Ѕвездите на Гранд“, атрактивната и талентирана 24 годиншна кандидатка од Скопје, Андријана Петрушовска стигна до финале. Тогаш под менторство на Ѓорѓе Давид Андријана најчесто избираше поп-рок песни и важеше за една од најдобрите натпреварувачи, па така се испостави до самиот крај кога победата и изгега за влакно. Оваа нова и тековна сезона Андријана се реши повторно да се проба, ако ништо друго барем за реклама и константна актуелност на ТВ екраните од најгледачиот музички формат. Па така, сега во сосема поинакво светсло, од стајлинг и музички избор, Петрушовска застана да пее пред жирито на Гранд и тоа во дуел со Шејла Зониќ (29) Од Тузла која беше воодушевувачко музичко откритие на вечерта. Иако беше вокално феноменална, Андријана за разлика од минатата сезона кога ги собираше сите 6-ки, сега во силната конкуренција освои само еден глас. Таа сега беше во тимот на Цеца Ражнатовиќ и се претстави со песните: „Златен ден“ и „ Иванова Корита“. Саша Поповиќ истакна дека ова е интересен и пред се квалитетен дуел, бидејќи и двete кандидатkи буквално „го срушија“ студиото. Сепак, со оглед на оценките, мислењето на жирито во однос на македонската кандидатска беше поделен. Прва се огласи Ана Бкута која и порача дека требало попаметно да одбира песни. Мили пак и кажа дека се подобрила од минатата сеозна што ја изнервира Вики Миљковиќ, која тврди дека Петрушовска минатата сезона била во финалето и дека е маестрален кандидат, а ваквите коментари се излишни за некој што бил во финале. Повторното појавување на Андријана предизвика полемика меѓу членовите на жирито, а Саша Поповиќ реши да открие зошто направил преседан во нејзиниот случај. - Таа е единствената избрана кандидатка која беше во финалето, а се уште е во конкуренција. Тоа го направивме во последен момент, откако еден кандидат отпадна. Ова беше преседан. Имаме многу девојки од Србија, Црна Гора и Босна, но само таа од Македонија - објасни тој, по што Бекута додаде дека Петрушовска е одлична кандидатка, но дека вечерва имала сериозен противник. По долгата дискусија која траеше подолго од пеењето, Андријана Петрушовска со еден глас замина во бараж, но таму ќе беше апсурд ако отпаднеше, а разбирливо се случи она што требаше – одлука да ја гледаме повторно. фото: Grand.nova.rs/Grand Online printskrin

Ѓорѓе Давид доби специјално внимание од три згодни Македонки, а едната од нив покажа дека имаат посебен однос (фото)

Слободанка Илиева — Sat, 11 Nov 2023 08:20:18 +0000

Рокерот, актер и член на жирито на „Ѕвездите на Гранд“, Ѓорѓе Давид Николиќ деновиве доби стотици честитки кои му дојдоа убаво и му направија топло на душата. Имено, Ѓорѓе стигна на прагот од седмата животна деценија, односно го прослави својот 59-ти роденден. За свои години Ѓорѓе Давид одлично се држи и одржува, а дека тоа е така покажува неговиот физички изглед.

View this post on Instagram

A post shared by Djordje David Nikolic (@djordje_david)

Од теретана до солариум, тој не се остава на забот на времето.

View this post on Instagram

A post shared by Djordje David Nikolic (@djordje_david)

Покрај себе Ѓорѓе секогаш има убави жени, од помлади до повозрасни, а овој пат по повод роденденот повеќето од нив му покажаа специјално внимание, со убави зборови од желбите за уште многу години пред себе.

View this post on Instagram

A post shared by Djordje David Nikolic (@djordje_david)

Меѓу дамите кои се приклучија на честитките беа и трите познати Македонки, две од нив како негови ученички чиј ментор беше додека се натпреваруваа, а третата како негова пријателка и соработничка. Периодов најблизу до него покрај работата е актуелната победничка со која сега настапуваат заедно, Славица Ангелова која прикачи заедничка фотографија од сцена, разбирливо со роденденска честитка. На Инстаграм осамна и приватна фотографија од Андријана Петрушовска, чиј ментор исто така беше тој. Андриијана покажа дека со Ѓоле се блиски, седнати еден до друг, залепени глава до глава. Момент кој младата пејачка сега сметаше дека треба да го открие како за овој посебен ден. Следеше и честитката со заедничка фотка со водителката Вера Мештеровиќ за која Ѓорѓе своевремено во едно интервју кажа: -Со Вера дури имам и сериозни деловни приказни. Вера Мештеровиќ е некој кој е задолжен за мене во Македонија по секое прашање, изјави Давид за „Женски магазин“. Сигурно дека покрај вакви честитки од талентирани и згодни убавици, Ѓорѓе Давид се чувствуаше не постар, туку помлад и во полет. Среќен роденден! фото:Инстаграм принтскрин