андрија – Вистина.мк

Миа Костова распали по владата, министерот за образование и образовниот систем: „Вие веќе не сте злобни и себични, вие сте умоболни“ (ФОТО)

Антонио Димитриевски — Mon, 21 Aug 2023 08:42:43 +0000

Откако летово ги пропатува саканите дестинации и имаше продолжен одмор од соништата, една од највлијателните македонски инфлуенсерки, доскорешната ТВ водителка Миа Костова се врати дома. Септември наближува, па време е за на училиште... Нејзиното синче Андрија годинава треба да тргне во 6-то одделение. Арно ама, како што е веќе на власта и „килавата влада“ им стана навика, учебници и годинава токму за основците од шесто се' уште нема и до почетокот на училишната година нема ни да има. Божем ветија дека годинава ќе бидат испечатени на време, дека нема да има проблеми, ама... Нивното ветување само за „луди и наивни“ е радување, па така и годинава се' што кажаа - излажаа! Демек учебници ќе има, ама малку подоцна!? Така велеа и лани, па учебниците на учениците им стигнаа во јуни, непосредно пред да се распуштат?! Револтирана од најновата „измама“ на надлежниот министер и неговата свита, Миа Костова, како што ја дал Бог „без влакна на јазикот“, буквално „распали“ и по него и по министерството за образование и по цела влада. И со право, зашто децата во континует останаа осакатени заради нечија неспособност, инертност, незнаење, штетни предавнички политики, бизнис интереси... Или сето тоа заедно!? Само што овој пат Миа Костова ваквото нивно однесување не го препиша само на погоре споменатото, па дури ниту на нивните карактери и карактерни особини, туку на нешто многу пострашно... На дијагноза! „Андрија од септември ќе биде 6-то. Без книги. Одделение од кое на дете треба да му се направи сериозна навика за учење и совладување на материјал тековно од ден во ден. Две години беше онлајн, лани имаа една книга по сите предмети, годинава ни тоа. Дали има некој со здрав разум воопшто кој ќе одговара за овие деца кои за 6 години во образование немаат никаква престава за тоа што е всушност школо? Вие веќе не сте злобни и себични. Вие сте умноболни“ - споделила русокосата во својот Фејсбук статус прозивајќи ги политичките „пациенти“ кои во континуитет ни ги „сакатат“ децата за наши пари! Фото: Фејсбук и Инстаграм/miandrija

„Мама ќе е тука и кога не е“: Наследникот на Миа Костова порасна во вистинско момче (ФОТО)

Слаѓана Атанасова — Thu, 29 Jun 2023 06:25:11 +0000

Иако е една од најангажираните и најпопуларните инфлуенсерки во Македонија, Миа Костова пред се’ е мајка, грижлива и посветена на својот син Андрија. Во секојдневните објави на Инстаграм таа неретко знае да сподели некоја интересна ситуација со нејзинииот наследник, а неодамна сподели и традиционален рецепт за стомачен вирус кој не беше реклама туку лек кој брзо помага па, по некое непишано правило и кај нив се активираше токму ден пред нејзиното дете да замине на кампување. Дека е грижлива мајка за тоа нема збор, бидејќи сега на нејзиниот профил сподели и една емотивна порака по повод неговиот роденден. „Животе мој, да си ми со силно здравје и ваква насмевка низ секоја патека во животот. Мама ќе е тука и кога не е“ - напиша Миа на фотографијата која ја сподели на нејзините следбеници. Таа му ја посака најубавата порака која само мајката може да ја изведе, а тоа е и кога не е да е присутна, бидејќи знае да му дава сила на своето најмило и од далечина. Во аголот на фотографијата Миа прикачи и мала слика кога тој беше бебе но, времето брзо лета и сега е веќе „големо“ и среќно момче. Со слика од базен и торта со бројот 11 -сет му посака уште еднаш Среќен роденден. Според фотографиите таа откри дека роденденот го славеле во игротека со летна атмосвера во базен, со роденденски украси, кои веруваме дека му се допаднале на славеникот. Децата брзо растат но, без разлика дали се мали или самостојни индивидуи мајката е секогаш е тука. Честитките со најубави желби пристигнуваа на нивната адреса, а поранешната водителка со задоволство ги сподели на социјалните мрежи. Фото: Принтскрин/Инстаграм/Миа Костова

Имаше убав повод за славење: Миа Костова на Водици го крстеше синот Андрија (фото)

Христина Ѓоргиевска — Thu, 20 Jan 2022 07:57:28 +0000

Екс водителката, инфлуенсерката Миа Костова на вчерашниот голем празник Водици го крстеше својот син Андрија. Церемонијата се случи во Охрид, по осветувањето на водите во Охридското Езеро. Костова на својот „Инстаграм“ сподели неколку фотографии од крштевката на синот. Имено, таа во кусите приказни сподели фотографија од синот и кумата во црква. Потоа, мама Миа позираше со Андрија и со кумата. По церемонијата, екс водителката заедно со синот и неколку пријатели направија прослава на сплав на Свети Наум во Охрид. Со музика, добро расположение, Миа ја славеше крштевката на синот на еден од најубавите верски празници. Таа на крајот се заблагодари на сите за честитките и убавите желби. Да е жив и здрав. фото: инстаграм/миа костова

Миа Костова објасни зошто сака синот да и учи онлајн: „Зарем после сите журки, религиозни збиранки, аеродромски лумперајки… ќе оди во школо нормално како и лани?“

Антонио Димитриевски — Thu, 03 Sep 2020 07:26:53 +0000

Корона пандемијата не само што ни го сврте животот наопаку, туку, покрај здравствените и економските проблеми, предизвика уште еден куп други недоразбирања, дилеми, недоумици... што во длабоко поделено општество како нашево уште толку ја искомплицира ионака замрсената ситуација воречиси во секој сегмент на довчера нормалното живеење. И додека „селото гореше и се' уште гори, бабата (власта) се чешлаше“... Исчешлана и натапирана, ама неспособна и неспремна бабата (владата) во старо - ново руво ја дочека и училишната година. Така затечена и неподготвена ниту знаеше што треба да прави, ниту како да се однесува и справи со проблемот кој уште од месец март имаше половина година за да го решава, па набрзина си го „пикна ѓубрето под тепих“ и го одложи проблемот, пролонгирајќи го почетокот на училишната година, додека не смисли решение, кое ниту има идеја, ниту пак ќе го смисли... Да, постојано смислува, па од ден на ден ги менува импровизациите, кои стариот министер за образование ги почна, новата ни Мила министерка ги продолжува... Па, час имаме „задолжителна“ онлајн настава, час комбинирана, по желба на секој родител, дете или двете за секое дете - поединечно. Смешно, да не е трагично! И месецот септември кога требаше да заѕвони училишното ѕвонче, за некои и прв пат, генијалците од белата куќа на Илинденска го претворија во „продолжен распуст“. Додека не се совземат и не ги средат мислите, за да смислат нешто. Во меѓувреме, децата од цел Балкан и Европа веќе имаат наставата во првата работна недела од новата учебна година. А нашите, кое по баби и дедовци, кое само дома, поголемите по журки и лумперајки по маалските кафулиња... За да го прослават продолжениот распуст или 1-ви септември, ли? Времето тече, а проблемот останува, а со него и дилемата: Да се учи од дома - онлајн или да се оди на училиште? Или образованието да го претвориме во желботека, па кој како сака, така нека прави? Како и да е, и познатите и јавни личности кои имаат деца што одат на училиште го имаат истиот проблем, дилема и недоумица? Или можеби не, зашто секој свесен и совесен си знае да процени што е најдобро, најбезбедно и најздраво за неговото дете. Што да жртвува: социјализицајата или здравјето, физичкото присуство или знаењето? Две добра истовремено нема и засега не може да има, ама од двете треба да се одбере помалото зло, ако така може да се каже! А македонскат водителка и инфлуенсерка Миа Костова очигледно оддамна расчистила со дилемите и знае што е најдобро за нејзиното синче Андрија. Се' додека вирусот е „непознаница“ на која „чарето“ се' уште не и е најдено, ризикувањето на здравјето на конто на физилчкото присуство на настава и социјализацијата на нејзиното дете е беспредметно. Тоа мама Миа јасно си го зацртала, па затоа и јавно го обзанани на социјалните мрежи, поточно, на својот Фејсбук профил, расчистувајќи ја дилемата што потпишала и каква настава ветува дека нејзиниот Андрија ќе посетува! „Потпишав следење на онлајн настава за Андрија, само и единствено заради мерките и протоколите како и задолжителното носење маска за цело време додека трае наставата. На деца од 6, 7 и 8 години? Ниту сметам дека има социјализација на ваков начин ниту сметам дека ова воопшто може да се почитува на таа возраст. Сметам дека учителките ќе полудат за брзо време и крајно сметам дека дишењето во маска 2-3 часа е сериозен удар врз имунитетот на детето, кое ем ќе се разболува почесто, ем после сето ова, ако воопшто има крај, ќе биде болно на развигорче ветер. И уште ме интересира дали на секоја температура во одделение на било кое дете од џеб ќе треба да плаќам по 4000 денари, за да сум мирна? Онлајн или после сите журки, религиозни збиранки, аеродромски лумперајки ќе оди во школо нормално како и лани? Толку! Со среќа нова школска година!“ - јавно порача Миа Костова, јасно определувајќи се за она што смета дека е исправна одлука на еден свесен и совесен родител, на една мајка на малолетно дете - основец! А вие останатите... како сакате, изборот е ваш! Се додека нема министер со „мади*а“ да пресече со закон, наместо „да витка кичма“ на секое „мрчење“ на грст малолетни средношколци - ќе биде вака, како што не било откако е света и века: Училишно-образовна желботека!

Жика Јакшиќ се пофали: „Мојот син е најшколуваниот во својата област во цела Србија“ (ФОТО)

Антонио Димитриевски — Tue, 07 Jul 2020 09:31:43 +0000

За време на последното интервју, Жика Јакшиќ се осврна на неговиот син Андрија и бизнисот на кој му е посветен. Имено, станува збор за производство и продажба на вино, а домаќинот на „Никогаш не е доцна“ и продуцент на „Гранд“ е особено горд на образованието на неговиот наследник. „Работата со вино е многу сериозна. Тоа го започна мојот син Андрија. Тој е најобразован Србин во тој поглед, тој е господар на енологија ( наука која го изучува виното од сите аспекти, од бербата на грозје до производство и складирање на вино) - се пофали Жика во разговорот за српски „Свет“. „Иако тој можеше да ја заврши таа работа каде и да посака во светот, почнувајќи од Калифорнија, преку Канада, Париз и сите други дестинации, успеав да го задржам во Србија и сега тој работи тука“ - додаде Јакшиќ. „Од осум натпревари на кои отиде нашето вино, тој освои исто толку медали. Пет златни, две сребрени и една бронза. Мојот син го направи своето прво вино во 2016 година, како ремек-дело, а последните две години работата се одвива многу сериозно“ - вели Жика и додава: „Тој прави сè. Јас сум некој, кој е да речеме, промо лице, влетувамам во кафеани, ги изненадувам шефовите и газдите и дегустираме вина. Се шегувам, секако“ - вели домаќинот со насмевка, а потоа тој се осврнува и на Боба Живојиновиќ, сопругот на пејачката Лепа Брена, која исто така се проба на ова поле. „Боба започна со таа приказна порано, но нема препишување. Секој работи за себе“ - тврди Жика. Да потсетиме, покрај Андрија, Жика Јакшиќ од вториот брак со водителката Дејана Пауновиќ, има уште еден син -Душан. Иако ставија крај на бракот, двајцата се' уште се во одлични односи.

Миа Костова со емотивна порака до најсканата личност: „Запознав човек што го сакам повеќе од себе“

Христина Ѓоргиевска — Fri, 13 Sep 2019 06:57:18 +0000

Македонската водителка на „Бекстејџ“ и инфлуенсерка Миа Костова често е активна на социјалните мрежи и ги известува своите фановите за нејзините активности. Секогаш кога ќе најде време одговара на разни прашања на нејзините следбеници, дава совети за самодоверба, исхрана, разни мислења за животот итн. Периодов Миа одлучи да стави стоп на секојдневниот живот и да избега од секојдневните рутини, односно водителката е на одмор. Меѓутоа, ни отаму не престанува да „дреме“ по Инстаграм и постојано да објавува нови фотографии. Така, пред некој ден слободно време го искорсти за да повторно реализира комуникација со своите фанови и да одговара на нивните прашања. Еден од фановите ја праша Миа дали некогаш кога ќе излезе и ќе се опушти се чувствува виновно поради детото, а таа одговори: „Понекогаш да, ама знам дека мојот живот не е завршен со неговото раѓање, туку напротив, тогаш почна. Што значи се за него и квалитетното време за мене, за двајцата да сме како што треба“ напиша Миа во „Инстаграм стори“. Исто така во последната објава на својот „Инстаграм“ таа објави емотивна порака која ја посвети на нејзиниот син Андрија. „2012 ми се смени животот комплетно. Запознав човек што го сакам повеќе од себе. Мислев дека секогаш ќе биде бебе. Пречесто се плашев дали добро правам и колку му должам кога е во прашање воспитување и родителска посветеност. Денес, вака сериозно голем ми дава за право да мислам дека може не сум најдобрата мајка на светот, ама можам со право да давам совети за воспитување ако некој ми побара, секако. Кроток, искрен, се радува буквално на се’, задоволен со премалку, полн љубов, разбран секогаш и без исклучок на прва, понекогаш и само со поглед, хармоничен, лесно навредлив и максимално самостоен. Не е оглас за зет, ниту за школо за воспитување. Само кажувам дека е Мој. Ваљда е мој, сомнително со оглед на љубовта кон училиште ? Попљукајте го, јас ќе ви посакам ништо помалку и ништо повеќе од дете како него. Ова е нашето 8мо лето. Те сака мама, *Андрија*, напиша водителката во описот на фотографија со синот. Веруваме дека Миа и Андрија и на овој летен одмор доживеале спомени кои секогаш ќе ги чуват во нивните срца, а дека водителката ќе се врати со полни батерии за нови предизвици и проекти. https://arhiva.vistina.com.mk/radio-mileva/sincheto-na-mia-kostova-dobi-nezgodno-prashanje-na-koe-mama-ima-odgovor-ama-odi-pa-kazi-go-da-te-vidam-foto/

Синчето на Миа Костова доби незгодно прашање, на кое мама има одговор ама… оди, па кажи го да те видам!? (ФОТО)

Антонио Димитриевски — Thu, 15 Aug 2019 07:28:56 +0000

Миа Костова е во Охрид. Водителката на „Бекстејџ“ ужива во езерото и неговите убавини на летните горештини. Се разбира, со неа е и нејзиното синче, малиот Андрија.

Ама ниту тој ниту мама не се сами. Обајцата уживаат во супер друштво. Особено Андрија кој уште од малечок ја покажува својата дружељубивост и емпатија кон другарчињата, односно девојчињата, во случајов ќеркичката на една исто така позната македонска личност, музичар од познато семејство и пејач во рок група.

Деѕтската игра нема крај, особено кога си на летен одмор, а од дружбата на најмладите произлегуваат илјадници прашања и непознаници, на кои, деца како деца, си бараат одговор?!

Така додека мама Миа фаќаше позиција за што подобро да ги улови сончевите зраци, зад грб Андија и неговата мала пријателка си играа. Во еден момент малечката на синчето на Миа му постави „незгодно“ прашање: „А каде живее татко ти?“, на кое малиот Андрија ништо не одговри.

Во тој момент мама Миа беше со мобилниот в раце, па го овековечи моментот. И од дечињата и од туѓата љубопитност, ама и од својот израз на лицето, па ги објави на своите Инстаграм приказни.

Одговорот на прашањето Миа секако добро го знае. И кој е и каде живее. И тоа само таа и уште мал круг на луѓе околу неа. Сепак тоа е една од оние работи кои треба да останат во „кругот“... Се разбира, се' додека мама не одлучи да биде поинаку! А можеби и веќе одлучила, па одговорот е тука некаде, скриен меѓу редови на нејзините објави.

Кој умее да чита, бргу ќе сфати! Кој не... И понатаму нека се распрашува по комшии!

Анѓелка и Андрија? Неееее… Вака изгледа нејзиниот вистински „Андрија“ (ФОТО)

Антонио Димитриевски — Tue, 16 Apr 2019 12:57:27 +0000

Во хит серијата "Андрија и Анѓелка" уживаа се повеќе луѓе крај ТВ екраните, а за тоа е првенствено заслужна брилијантната хемија меѓу главните актери. Меѓутоа, во реалниот живот, Анѓелка го има својот "Андрија".

Неговото име е Дарио Прпиќ, кој сака да се шегува со неговата сопруга на фотографиите и судејќи според сликите на Инстаграм, обајцата се луди во љубовта. Анѓелка воопшто не го крие својот сопруг, па затоа нејзиниот Инстаграм профил е исполнет со нивните заеднички слики. Нејзин омилен хаштаг р #muzizenamackapecena, така што нејзините следбеници веднаш се вознемируваат кога објавува слика со Дариo, а таа не ја има таа ознака.

Дарио, кој долго време е угостител и е менаџер на некои од најпознатите локали во Белград, а тука и таму знае малку да се пошегува, но тој е обично посериозен од неговата сопруга. Синот Јакша, од друга страна, целосно ги симнува гримасите на мајка му!

Анѓелка еднаш изјавила дека нејзиниот син ги наследил изразите на лицето, иако тој физички не личел на неа. Анѓелка и Дарио се венчале во 2011 година, а една година подоцна, малиот Јакша стигнал на свет.

Кога не се на работа, тие обожаваат да уживаат со Јакша, а и многу сакаат да патуваат. Така тие неодамна го посетија Рим, а Анѓелка беше особено разочарана поради тоа што работниците ја чистеле фонтаната па не можела да фрла паричка и да си посака желба.

Андрија покажа во серијата дека е многу љубоморен и дека не е по готвењето. Саканиот на Анѓелка во реалниот свет е значително различен по ова прашање - тој не е љубоморен и е среќен што често се гледа со својот "ТВ ривал" - Андрија. Извор: 24сата.рс Фото: Инстаграм принтскрин

Миа Костова објави фотографија стара 28 години и објасни на кого личи нејзиниот син Андрија (фото)

Христина Ѓоргиевска — Mon, 05 Nov 2018 08:29:51 +0000

Фотографиите во нашите постари албуми се оние кои ни будат спомени секогаш кога ќе ги разгледаме и одлучиме да се потсетиме на некои поминати времиња. Гледањето на тие фотографии ни покажува како изгледало некогаш, во некое друго време, но не потсетуваат како сме изгледале и ние. Некои од нив од нив и покажуваат на кој член од семејството личиме. Македонската водителка на естрадниот магазин „Бекстејџ“, објави ретро фотографија стара 28 години. Имено, Миа во кратките приказни на „Инстаграм“ кои нејзините следабеници може да ги гледат само 24 часа сподели фотографија од себе од далечната 1990 година.

Во описот на „Инстаграм стори“ до фотографија напиша: „Да не се расправате на кого личи Андрија“, мислејќи на нејзиниот син.

View this post on Instagram

Каде бе ти волку голем? ?? Среќно мајка!

A post shared by Миа Костова (@miandrija) on Sep 3, 2018 at 12:36am PDT

Миа Костова вака го испрати на училиште своето синче-прваче: „Каде би ти волку голем“?

Антонио Димитриевски — Mon, 03 Sep 2018 10:39:52 +0000

Водителката Миа Костова и тоа го дочека: да го испрати своето синче Андрија во прво одделение! Стокмени и дотерани како секоја горда мајка и секое прваче, тие обајцата дојдоа во училиштето и подготвени го дочекаа првото училишно ѕвонче.

Таа природно, возбудена и среќна, тој малку збунет но сепак смирен, обајцата ја следеа приредбата што повозрасните другарчиња им ја подготвија и приредија „за добредојде“на новодојдените првачиња!

Нормално, заедничката фотографија снимена неколку мигови пред првиот влез на Андрија во училиштето осамна на нејзините профили на социјалните мрежи!

Покрај неа, гордата и среќна мама Миа напишала: „Каде бе ти волку голем? ?? Среќно мајка“! Епа, нека му е среќно!