анастасија деа – Вистина.мк

Овие познати Македонки покажаа спомен фотографии од детството, а колку се измениле – проценете самите (фото)

Слаѓана Атанасова — Fri, 09 Feb 2024 07:46:49 +0000

Во денешно време лесно е да експериментираме со личниот изглед како и колку сакаме. Но, сепак најискрени фотографии се оние од детството. Затоа, со таква цел социјалната мрежа Инстаграм често подготвува игри за забава, а нашите познати Македонки не останаа имуни на тоа. Колку се измениле покажаа и тие самите откако решија да го прифатат предизвикот кој кружи на социјалната мрежата: „Kако изгледаше како дете“. Прва фотографија од детството сподели познатата инфлуенсерка и водителка Миа Костова. Таа е редовна на мрежата за која низ Инстаграм прашања еднаш изјави дека и претставува задоволство. Мобилниот од рака не го испушта ниту Кристина Димитри која моментално е актуелна со новата песна со храбар наслов… „Ми го е*а денот“. Сега на нејзиното кратко „стори“ се појави фотографија со која покажа како изгледала во нејзиното детство. Интересот за играта продолжи да расте па се охрабри и новинарката и водителка Анастасија Деа Илиевска. Таа пред нејзините следбеници објавува од нејзиниот приватен живот и активностите кои ги има со нејзините две мали дечиња, но сега откри како изгледала и таа како мала. А колку и како се промениле од тогаш до денес останува сами да одлучите ... Фото: printskrin/instagram

Овие познати Македонки одговараа на неколку лични прашања: Миа Костова и Анастасија Деа не останаа имуни на новиот тренд на Инстаграм (фото)

Слаѓана Атанасова — Mon, 25 Dec 2023 10:56:16 +0000

На социјалните мрежи повторно се појави еден интересен предизвик кој во истиот момент стана хит, а многу од познатите личности насекаде низ светот не останаа имуни и веднаш се придружија. Кај нас неодамна еден таков беше предизвикот со двојничките, па додека кружеше апликацијата, јавните личности неуморно ги бараа и веднаш ги споделуваа сличностите со која позната ѕвезда физички потсетуваат една на друга. Новата година е на прагот, а новиот тренд на Инстаграм е како добредојден за игра и забава кај сите. Па откако Тамара Тодевска прва откри сѐ што досега го знаеја само нејзините блиски, таа низ играта сподели и со јавноста нешто плус за неа што досега не сме го знаеле, како тоа од што се плаши, кое и е омилено јадење, пијалок и друго. Но, сега своите приватни и интимни детали ги обелодени и познатата инфлуенсерка и водителка Миа Костова која даде одговори на прашањата кои ја предизвикаа: - Има 39 години, висока е 168 цм, број на обувки 38, хороскопски знак Вага, едно дете, тетоважи 15 - 20, страв од риби, омилено јадење ракчиња, боја црна сива и кафена, омилен пијалок вино, омилени животни куче, љубовен статус среќна, музика smooth jazz. Потоа се охрабри и новинарката Анастасија Деа Илиевска, па и таа ја откри нејзината лична карта која досега многумина не ја знаеле: - Има 33 години, висока е 169 цм, број на обувки 40, хороскопски знак Бик, две деца , без тетоважи, страв од ништо , омилено јадење чоколадо, боја зелена, омилен пијалок вино, омилени животни за неа се сите, љубовен статус мажена, исполнета и среќна, музика може да слуша само еден изведувач/песна со денови. Како и да е, нивните следбеници или се воодушевија или се изненадија откако ги дознаа овие одговори, сепак станаа и побогати со новите информации кои тие низ забава несебично им ги открија. Фото: Принтскрин/Instagram. Miaadria/anastasiia_dea/Tamara.Todevska

Познатите Македонки го славеа „Националниот ден на ќерките“ и објавија фотографии од нивните наследнички (фото)

Слаѓана Атанасова — Thu, 28 Sep 2023 07:05:44 +0000

„Националниот ден на ќерките“ се слави на 25 септември, а ова е годишно одбележување кое се одржува секоја година. Од основањето, тој се рашири низ целиот свет и сега луѓето насекаде го слават. Денот е посветен на ќерките и славењето на нив, како и на нивните достигнувања, славејќи ја љубовта и чудото кои тие ги внесуваат во животот внесувајќи радост во светот. Оваа година објавувањето на фотографија од ќерките стана доста интересен за познатите, така што можевме да ги видиме ќерките на познатите јавни личности. Токму по тој повод вчера на социјалната мрежа Инстаграм погледнавме доста фотографи и од познатите Македонки кои со задоволство се придружија и славеа, а ние ги издвоивме овие пет. Пејачката Тамара Тодевска објави фотографија од нејзината ќерка Хана. Таа е горда мајка на две дечиња, а ќерката е нејзината првородена љубов. Гевгелиската убавица Александра Накова исто така сподели фотографија од нејзината наследничка Леа. Имено, позирајќи како балерина, малата убавица се најде на профилот на нејзината мајка како доказ дека врската мајка - ќерка е нераскинлива. ТВ водителката Милена Антовска- Стаковска е мајка на две ќеркички и беше дел од Инстаграм кратките објави во чест на овој национален ден. Таа објави фотографија од Лана Марија и Јоана и веднаш ја додаде ознаката. Новинарката и водителката, Анастасија Деа Богдановска која за првпат во улогата на мајка се реализираше со ќерка на која заедно со нејзиниот сопруг и го одбраа името Дениција. Деа не е од оние јавни личности кои не ги покажува децата со јавност. Напротив, таа редовно објавува фотографии од наследниците посветувајќи им емотивни пораки, а сега и посвети фотографија на ќерката по повод овој ден. И пејачката Јана Бурческа Бурче се придружи да Инстаграм објавите и ја покажа нејзината ќерка. Таа во октомври 2017 година на свет ја донесе ќерката Дона која оваа година уште малку ќе наполни шест години. Фото: Принтскрин/Инстаграм

Се породи водителката Анастасија Деа Богданоска: „Се роди синко, пијте по една од мене“ – порача таткото Богдан Илиевски – Бетмен (ФОТО)

Слаѓана Атанасова — Wed, 27 Apr 2022 10:25:57 +0000

Се породи новинарката и ТВ водителка Анастасија Деа Богданоска. Поранешната уредничка на утринската програма на ТВ Алфа на свет го донесе своето второ дете, а убавата вест на социјалните мрежи ја сподели нејзиниот сопруг, Богдан Илиевски (Бетмен Велит). Откако, Анастасија и сопругот Богдан Илиевски Бетмен ја добија ќерката Дениција, сега добија и машко чедо како принова. Девојчето доби необично име по една од песните на големиот македонски поет и писател Петре М. Андреевски. Останува сега да видиме дали момченцето ќе добие име по некој од светлите патриотски ликови од нашата историја или можеби ќе биде крстено по името на некој од дедовците како што налага семејната традиција? Како и да решат да се вика, нека им е со среќа приновата на гордите родители, кои за потсетување, во јули 2021 година, кога нивната Дениција наполни една година, Анастасија и Богдан направија свадбена прослава. Фото: Фејсбук и Инстаграм принтскрин/anastasiia_dea