анастасија деа богданоска – Вистина.мк

Анастасија Деа Богдановска го имаше најмедениот месец во животот: „Се учиме, јас од тебе, ти од мене…“ (ФОТО)

Антонио Димитриевски — Fri, 04 Sep 2020 08:56:27 +0000

Македонската водителка и новинарка Анастасија Деа Богданоска и нејзиниот сопруг Богдан Илиевски – „Бетмен“ неодамна за прв пат се остварија како родители, кога на свет дојде нивната ќеркичка, на која и дадоаможеби необично, но преубаво име - Дениција. Но, вистинското мајчинство воопшто не е ленсна работа. Бара исклучителна посветеност, дузина обврски, грст грижи, море нежност, океан љубов, сето време на светот, безброј непроспиени ноќи... Оној кој не бил родите, особено мајка за сефте, не знае како е. Но како и да е, колку и да е тешко и напорно, едно е сигурно: Тоа е најслатката обврска и грижа на светот. https://arhiva.vistina.com.mk/radio-mileva/te-lazat-anastasija-bogdanovska-go-spodeli-iskustvoto-od-poroduvanjeto-gubenjeto-kilogrami-i-pochetokot-na-majchinstvoto/ Токму тоа ем го почувствува, ем го сподели како искуство кое трае и младата мајка, ТВ водителка и новинарка, која подеднакво ужива во слатките маки и благодетите на мајчинството со својата малечка Дениција веќе еден месец. Најслаткиот и најмеден месец во животот, кој секоја мајка посакува да биде вечност. Токму затоа, Деа не можеше да го сокрие задоволството, па прекрасното чувство на искрено мајчинство, таа космичка љубов помеѓу мајката и нејзината прва рожба јавно ја сподели на социјалните мрежи, со една реченица објаснувајќи го тоа неописиво чувство на исконска радост и убавина. Минувајќи ги последните летни денови крај еден од нашите езерски бисери Деа, не можеше да ги сокрие своите чувства. „Е ова е меден месец. Медена моја...“ - напишала гордата и пресреќна мајка, споделувајќи ги заедничките фотографии со своето едномесечно чедо. Човек учи додека е жив, а мајката за мајчинството паралелно додека се грижи за своето чедо... Како и тоа од неа, спознавајќи ги првите тајни на животот, првите предизвици и опкружавењето, светот околу себе. Деа тоа добро го знае, па додека ги запознава тајните на мајчинството, а Дениција од неа го црпи животното искуство, обете се надополнуваат додека се чуваат и разонодуваат. Едната од другата, мајката од ќерката и обратно... Зашто животот е убав, а најубав кога имаш зошто и со кого во љубов да го живееш!

Анастасија Богданоска ја објави првата фотографија од Дениција (фото)

Христина Ѓоргиевска — Sun, 26 Jul 2020 07:53:54 +0000

Македонската водителка и новинарка Анастасија Деа Богданоска и нејзиниот сопруг Богдан Илиевски – „Бетмен“ станаа родители на нивното прво дете – ќерката Дениција. Со стихови од можеби најпознатата македонска поема „Кога ја љубев Дениција“ на македонски литературен деец Петре М. Андреевски, среќниот татко на социјалните мрежи ги сподели радосните вести. https://arhiva.vistina.com.mk/radio-mileva/anastasija-bogdanovska-i-bogdan-ilievski-stanaa-roditeli-od-ljubovta-na-dea-i-betmen-se-rodi-denicija/ На адреса кај Богдан и Анастасија постојано пристигнуваа честитки за новиот член на семејството. За разлика од многу други јавни личности кои имаат навика да не споделуваат фотографии од своите деца, или барем не првиот месец ипол, таков не е случајот со Деа. Имено, водителката набргу по раѓањето на Дениција на својот „Фесјбук“ сподели фотографија од ќеркичката. Од срце фала ви за убавите зборови и желби! ? Дениција ве поздравува откако убаво се најаде и наспа. Бескрајно сме и' благодарни што мене и Богдан не' направи родители, напиша таа во описот. Честитки, да е жива и здрава Дениција.

Анастасија Богданоска и Богдан Илиевски станаа родители: Од љубовта на Деа и Бетмен се роди… Дениција!

Антонио Димитриевски — Sat, 25 Jul 2020 08:59:28 +0000

Кога ја љубев Дениција, како да калемев светлина на мракот, како да топев снегови фатени во движење, како да станував единствен сведок за бакнежот меѓу металот и громот.... Токму со стиховите од легендарната и можеби најпознатата македонска поема „Кога ја љубев Дениција“ на вонвременскиот македонски литературен деец Петре М. Андреевски, Богдан Илиевски - „Бетемен“ ја обзани својата среќа дека тој и неговата сакана, новинарката и ТВ водителка Анастасија Деа Богданоска станале родители. И не случајно Бетмен со оваа своевидна химна на љубовта, поема која би стоплила и камен, а не пак човечко срце ја сподели убавата вест за родителството на социјалните мрежи, зашто првата рожба на среќните родители, нивната ќеркичка го доби токму ова име - Дениција. „Пријатели, се роди Дениција!!!! Станав татко, а Анастасија мајка на најпрекрасното девојче на светов и веков. Двете се во одлична состојба. Јас во неопислива среќа. Фала ви за добрата мисла и енергија“ - напиша на својот Фејсбук профил, Богдан Илиевски, Бетмен, откривајќи го доаѓањето на свет на своето прво чедо. Деа и Богдан се запознале преку заеднички пријател, а шармантната новинарка и ТВ водителка долго време ја криеше врската со својот избраник. Особено додека над него беа надвиснати темните облаци на неправдата и затворската закана заради познатите настани од кобниот 27 април во Македонското собрание. Но, откако Богдан Илиевски попознат по прекарот „Бетмен велит“ ја доби заслужената амнестија, тие го симнаа превезот на нивната љубовна тајна. Богдан ја симна маската на Бетмен, а Деа јавно ја покажа својата љубов! Тогаш, само со една фотографија и само со една максима, онаа добро познатата, извадена од срцата на навивачите на фудбалскиот клуб Ливерпул и нивната легендарна клубска химна „Never walк alone“: Оттогаш Деа и Богдан се неразделни, а по повеќе од година и пол тие станаа родители. Инаку Анастасија Богданоска беше новинар во порталот Курир, новинар и водитил во Канал 5 ТВ од каде замина и стана главен уредник на програмата на Алфа ТВ, а на породилно отсуство замина како водителка на утринската програма „Добро утро, секое утро“, на телевизијата. Редакцијата на Вистина.ком.мк им ја честита приновата и им посакува да се љубат довека и да ја љубат Дениција, како што се љуби најмилото. https://www.youtube.com/watch?v=v5AobTBPP0k&feature=emb_logo

Главната уредничка на ТВ Алфа, Анастасија Деа Богданоска ја симна маската… на Бетмен! (ФОТО)

Антонио Димитриевски — Wed, 02 Jan 2019 09:37:27 +0000

Новинарка во најчитаниот македонски портал, ТВ водителка во Канал 5, однеодамна главен уредник на програмите и содржините на ТВ Алфа. За Анастасија Деа Богданоска јавноста многу малку знае... И приватно и професионално. Ова второто, од она што можеше да се прочита или види од нејзините статии и емиси додека беше лице од фронтот на екранот на Канал 5.

Откако седна на уредничкото столче, наместо неа, останува содржините на националната ТВ Алфа да говорат. Приватноста пак... тотална мистерија! Освен за малкумина кои знаеја која е, со кого е, како се чувствува, што доживува и преживува... На нејзиното лице тоа никогаш не можеше да се забележи, а камо ли дознае. Само насмевка и длабок кристално стаклен поглед во далечина како одбранбен систем, како механизам за компензација на емоциите.

А девојката од сенка, продолжуваше и натаму да чекори по својот пат... Со секој чекор - нова надеж... Надеж длабоко скриена во нејзиното срце, дека еден ден сепак правдата ќе победи. Барем онаа, од личната борба, во која веруваше, заради која никогаш, ама никогаш не чекореше сама... И сега, кога прангите на неправдата паднаа, а правдата и ги отвори вратите на надежта, па таа стана реалност и Деа ги отвори вратите на својата тајна. Па во тоа име, го симна превезот на мистеријата и симнувајќи ја „маската на Бетмен“, јавно ја покажа својата љубов! Една фотографија и само една максима беа доволни: „Чекори, чекори со надеж во срцето и... никогаш нема да чекориш сам... Никогаш“!

Колку за потсетување, Богдан Илиевски - „Бетмен“, заедно со Борис Дамовски и Владо Јовановски беа тројцата нови, кои три дена пред Новата 2019 година беа амнестирани за настаните од 27 април, со одлука на Кривичниот суд.

Илиевски, Дамовски и Јовановски беа обвинети за терористичко загрозување на уставниот поредок и безбедноста. Според обвинението тие се товареа дека на протестите со потпалувачки говори го потпалувале народот!

Кога си на мака да погодиш што држи в рака Анастасија Деа Богдановска, а можеби држи…?! (ФОТО)

Антонио Димитриевски — Fri, 20 Jul 2018 08:13:14 +0000

Македонската ТВ водителка на емисијата „Фронт“ на ТВ Канал 5 , шармантната Анастасија Деа Богданоска е навистина е необична девојка. Загадочна и мистична, доколку некој сака да ја „дешифрира“, ќе треба навистина машки да се потруди и помачи.

Деа едноставно целиот свој имиџ го гради како животот да и е завиткан во велот на мистеријата, па дури и нејзините фотографии и постовите на социјалните мрежи, многу често содржат чудна порака! Веројатно за повеќето, но не и за тој што сака да ја разбере. Така на пример, покрај една од последно постираните фотографии на Инстаграм, на кој водителката преку наслонот на фотелјата ја префрлила левата рака која не се гледа до крај во кадарот, поставила загадочен пост. Дилема, трилема или „мултилема“... Една реченица со повеќе пратпоставки и прашања во неа.

Имено, сакајќи да потенцира колку работата и е заморна за нозете додека стои и ја води ТВ емисијата „Фронт“, Деа прашува: „Можеби во левата рака држам цвеќе...можеби чаша вино...а можеби и штиклите кои едвај чекаш да ги соблечеш штом ќе стигеш дома од работа“.

Можеби! Ама можеби и не мора да носи високи потпетици (штикли) на работа додека „Фронт“ го води стоејќи, зошто емисијата ја води од зад пултот од кој не се гледа во што е обуена, зашто камерата ионака ја снима само до половина!

Затоа, можеби може... и боса! На емисија, секако! Па, откако ќе дојде дома ќе ја ослободи и левата рака... За цвеќе или за чаша вино, можеби? А, можеби... и за нешто трето!?

Анастасија Деа Богданоска беше на аудиција: Ќе пропее или само ќе ги води „Ѕведите на Гранд“? (ФОТО)

Антонио Димитриевски — Fri, 08 Jun 2018 08:14:15 +0000

Деновиве во Скопје се одржува аудицијата за нови таленти на едни од најгледаните регионални музички шоуа како што се „Ѕвездите на Гранд“ и „Никогаш не е доцна“. Стотици млади за првото и возрасни за второто шоу се пријавуваат со желба да добијат шанса да си ја пробаат среќата. Помалку или повеќе талентирани, некои познати, некои тотални анонимуси, откриени и неоткриени таленти чекаат пред вратите на националната телевизија која ги пренесува овие регионални музички натпреварувања. Првиот човек на „Гранд продукција“ - Саша Поповиќ дојде специјално во Скопје, а во жирито за селекција на новите ѕвезди и млади и повозрасни беа Анета - Молика, Ален Хасановиќ, Ленче Кукиќ, Ристе Ристески...

Арно ама, „меѓу сите идни ѕвезди“ и две сегашни ТВ ѕвезди... Две добропознати лица, кои се појавија на аудицијата. Водителот Ване Марковски, кој таму беше по службена должност, како човек кој веќе имал продфесионално искуство со ваквите проекти и таа... новопечената ТВ водителка Анастасија Деа Богданоска, која таму се појави приватно.

Нејзиното ТВ искуство е мало, а ма затоа изгледа желбата голема... Дали и самата да пропее или само да ѕирне како тоа изгледа кога „нема втора шанса за прв впечаток“ пред музичките авторитети кога ќе ти дојдат твоите „пет минути“? Или можеби итрата Деа дојде да „купи“ некоја финта од колегата Марковски за тоа како се води естрадна емисија?

Што и да е причината за ненадејната посета на аудицијата, Деа секако ќе знае од неа да извлече полза. Водителка или пејачка? Кој да знае... Конечно и самата на социјалните мрежи се прашува: „Што е она што е неминливо, во она што е минливо?“ Одговорот можеби е: желбата... Впрочем, никогаш не е доцна, нели?!

Сите на хартија запишуваат рецепт за готвење, само Деа Богданоска запишува рецепт за… (ФОТО)

Антонио Димитриевски — Fri, 27 Apr 2018 08:15:24 +0000

Живееме во тешко, комплексно време, полно со неизвесност, отуѓеност, несреќи... Така што денес е навистина „уметност“ човек да е среќен, задоволен и исполнет. Затоа многумина и се прашуваат: Постои ли рецепт за среќа? Шармантната водителка на Канал 5, Анастасија деа Богдановска го пронајде...

Додека другите на лист хартија запишуваат рецепти за готвење, водителката го запишува својот дневен рецепт... за среќа! И тоа секој ден - различен!

Така на пример, оној вчерашниот, содржи:

И ете ја Деа после емисија, во цветна, летна гардероба со велосипед на прошетка...

...Со два сладоледа в раце! Супер! Ветеното - запишано на хартија, запишаното - исполнето!

Освен она... „Те сакам“ ( I Love You) на рецептот... Остана мистерија кому му е упатено...?! На фотографијата - два сладоледи и две женски раце? А таман мислевме дека другата ќе биде... машка! Арно ама...

Ништо без црно-бело: Деа Богдановска – од селска мома и латекс сирена до зебра! (ФОТО)

Антонио Димитриевски — Thu, 01 Feb 2018 12:42:56 +0000

Новопечената ТВ водителка на Канал 5, Анастасија Деа Богдановска не можете да ја видите да не е средена, стокмена, дотерана, елегантна... Која комбинација и да ја промени на себе одлично и прилега. Од народна носија до латекс...

Од „селска“ мома до латекс сирена.

Сепак, по се изгледа дека една модна комбинација и е омилена. Барем по приложените фотографии во последно време. Шармантната Деа, како најмногу мерак да има на... црно-бело! Тогаш некако делува најсигурна, најсамоуверена... Како што самата знае да каже: „Ја чувствувам слободата на секоја клетка во своето тело“! Од црно-бело, кусо зимско сако, преку црно-бело капутче, до црно-бело фустанче... Да ја прашате, гарант ќе ви каже дека омилено животно и е... зебра!

(ФОТО) Гледачите изненадени: Јелена, Бубе и Билјана имаат нова колешка во „Здраво Македонијо“

Слободанка Илиева — Wed, 10 Jan 2018 08:28:48 +0000

Гледачите на утринската емисија „Здраво Македонијо“ на Канал 5 телевизија утрово беа изненадени од „новата“ водителка пред камерите или поточно подновената Анастасија Богдановска. Така нерасонети, требаше подобро да протријат очи за да ја препознаат Анастасија која во Новата 2018 година влезе пред се со визуелни промени на себе.

Велат дека жените ја менуваат фризурата кога им се случува голема промена во животот, но за Деа доволно голема промена е влезот во Нова година. За нови, убави моменти кои ќе ги памети по добро, таа уште од стартот на месец јануари реши да го посети салонот каде ја доверува својата убавина, а откако седна на фризерското столче, побара да биде поруса, но и со пократка коса.

Периодов се повеќе дами се одлучуваат за популарната „жица“ или „боб“ фризура, а меѓу нив се најде и шармантната водителка која реши да се препушти на трендовите, но сепак да остане своја и уникатна.

Упад во вестите на Канал 5: Водителката посака да биде презентерка!? (ФОТО)

Антонио Димитриевски — Wed, 22 Nov 2017 08:02:28 +0000

Вчеравечер во студиото за вести на ТВ Канал 5 се случи упад! „Неканета“ гостинка влета во студиото од каде се емитуваат вестите сакајќи да види како би изгледало кога таа би била домаќинка во централниот дневник! Не дека нема искуство со политичките содржини - напротив. Токму од таков медиум и дојде пред неполна година во Канал 5. Тоа што сега работи нешто сосема друго... е трета работа!

Арно ама, меракот е голем да се биде главен лик во, за нас веројатно покрај здравјето, „најважната работа на светот“ - вестите! Зашто во оваа земја се започнува и завршува со политиката и политичарите, па затоа и темите од утринската програма со уморните пензионери, стринките и тетките што готват, комуналните проблеми на граѓаните и останатите секојдневни маки на „социјалата“... по се изгледа на Анастасија Деа Богданоска бргу и здосадија!?

Затоа Деа реши ненаметливо да се наметне, па набрзина втрча во студиото за вести и го завзеде централното столче... Не за друго, чисто да види како ја личи! Арно ама, како што и самата забележа, во Канал 5 е тешко да направиш нешто, а да останеш незабележан. Зашто „окото“ на „големиот брат“ постојано те следи!

Па така и шармантната Анастасија не можеше да не остане нерегистрирана! А кога веќе „влета во кадар“, реши да ги искористи своите „пет минути“. Со пар фотографијии и пост на социјалните мрежи! „А, може и ќе менувам сктор... презентер на вести... хммм...!“ - напиша убавата Деа во статусот крај фотографијата!

Може...!? Кога можеше Љубица Бубе Јаневска од презентер на вести да биде прекомандувана во колешка на Роберт, Деа и Спенџарска како водител во утринската програма, зошто да не може и обратно! Сепак, во кадровската политика на Канал 5, не е наше да се мешаме! За тоа, меѓудругото плата прима... „големиот брат“!