ана трајковска – Вистина.мк

„Трансфигурации“ – изложба на Ана Трајковска во МКЦ

Антонио Димитриевски — Tue, 22 Dec 2020 13:33:33 +0000

Монументалниот експериментален графички проект „Трансфигурации“ на младата графичарка Ана Трајковска, изграден е само врз основа на едно клише, на една мала матрица, од која ни се рефлектираат различни полизначни и полидимензионални референци. Овој луциден, рационално обмислен истражувачки проект, во извесна смисла претендира да го „наруши“, односно да го прошири полето на конвенционалните граници на класичното поимање на матрицата на високиот графички печат. Истражувањата и експериментирањата на Трајковска ѝ овозможија да го „отвори“ клишето, да го лиши од границите/маргините, и практично да ги презентира неговите други, поинакви перформанси. Освен што целиот проект е фундиран на една матрица, она што е исто така невообичаено за актуелното дигитално време, тоа е враќањето на авторката кон праизворот, кон архаичната, одамна заборавена методологија на градбената операција, коајшто е целосно мануелно изведена (проектот e целосно изведен без никаква употреба на печатарска машина).

Наспроти статичните отпечатоци на клишето во скулпторскиот медиум, низ репетитивното активирање на матрицата, Трајковска со конвенционалното, но мануелно третирање на печатењето, ќе ја создаде монументалната инсталација испечатена на транспарентна желатинска фолија.

- Конча Пиркоска

Повеќе инфо: https://mkc.mk/event/transfoiguracii/

Ана Трајковска – девојката која е годинешното заштитно лице на МАРС

Слободанка Илиева — Mon, 06 Nov 2017 13:49:53 +0000

Годинава на 14-ти ноември во МОБ ќе се одржи јубилејното 10-то издание на реномираниот Македонски радиски фестивал или попознат како МАРС. Секоја од изминатите години насловниот плакат го красеа македонски убавици, а овој пат таа улога и припадна на Ана Трајковска која е студентка по економија и идна банкарка, а пошироката јавност ја запозна од спотот на Лозано за „Ова лето ќе се памти“.

Освен студиите кои се нејзината главна преокупација, убавата Ана е и фото модел. Извајаното тело, убавото лице, полните усни и долгата црна коса се нејзиниот заштитен знак. За себе вели дека убавото тело го одржува со вежбање и за неа нема поубаво чувство од она по тренинг. Дека навистина се чувствува така од спортувањето и одржувањето на линијата, докажуваат фотографиите на кои блеска од убавина, сексапил и самодоверба. Уживајте во глетката од убавината на ова наше македонско девојче чие лице го краси и е симбол за годишениот МАРС.

Од неа есента ќе ви стане омилено годишно време: Оваа секси кумановка ќе ви го направи денот!

Слободанка Илиева — Wed, 25 Oct 2017 08:19:44 +0000

Убавата Ана Трајковска од Куманово имавте можност да ја запознаете од спотот на поп-пејачот Влатко Лозановски за неговиот летен хит „Ова лето ќе се памти“. Преку приказната од видеото Ана беше девојката на летото преку песна, а за да не ја подзаборавиме, згодната кумановка реши да се фотографира и во есенско светло.

Облечена во провокативна комбинација и качена на велосипед, Ана позираше пред објективот на фотографот Милош Нешковски кој направи магична и безвременска есенска фотографија по која Ана не само во лето, туку ќе ја памтиме и во есен.

фото:милош нешковски