ана-марија јанковиќ – Вистина.мк

Нашата мисица и модел Ана Марија Јанковиќ влезе во топ 3 на изборот за „Miss Movie Star“ во Кан и стана „Мис Туризам 2022“ (ФОТО+ВИДЕО)

Антонио Димитриевски — Fri, 27 May 2022 06:56:46 +0000

Дваесетгодишната македонска манекенка, модел и мисица Ана Марија Јанковиќ, учествуваше на изорот за „Miss Movie Star“ кој се одржува во Кан и влезе во топ 3 на изборот, при тоа освојувајќи ја и титулата за „Мис Туризам 2022“. Изборот се одржуваше на 25 мај 2022 во една од ултралуксузните приватни вили на најмонденското собиралиште во Европа на светскиот џет - сет. Организатор на овој престижен настан беше најпознатиот моден ТВ канал, познатиот „Fashion Tv“. На изборот присуствувале и голем број познати личности од светот на филмската уметност и модата, а нашата претставничка блесна на црвениот тепих во моделите што ги носеше на преставувањето.

View this post on Instagram

A post shared by Dario Jankovic General (@dario_general_jankovic)

Инаку Ана Марија Јанковиќ е студент на филмска режија на Интернационалниот универзитет за аудиовизуелни уметности „Еуропа Прима“ во Скопје ( некогашната ЕСРА). Со моделинг и манекенство се занимава уште од мали нозе, меѓу останатото и заради фактот што таа е постарата ќерка на нашиот познат уметнички фотограф и режисер на видеоспотови, битолчанецот со хрватско потекло Дарио Јанковиќ. Во Македонија снимила неколку реклами и рекламно-модни едиторијали заедно со или без нејзиниот татко, а се појавува и во некои од видеоспотовите што тој ги изработи и режираше во рамкоте на неговата „Генерал продукција“. Ана Марија е членка на модната агенција Real Woman Agency од Белград, а пред две години стана ново лице на познатиот моден бренд Guess.

Вака изгледаше нашата Ана Марија Јанковиќ – новото лице на „Guess“ на своето прво појавување на модното шоу на брендот (ФОТО+ВИДЕО)

Антонио Димитриевски — Wed, 22 Jan 2020 08:49:50 +0000

Македонскиот модел Ана Марија Јанковиќ е новото лице на познатиот моден бренд Guess.

View this post on Instagram

FASHION SHOW GUESS

A post shared by General filmstudio (@general_filmstudio) on Jan 18, 2020 at 12:30pm PST

Таа престојува во Лугано, Швајцарија, каде се одржа модна ревија од затворен тип за пријателите на брендот или поточно за нивните најверни потрошувачи. На ревијата покрај најверните купувачи на парчињата на модната куќа, присуствуваа многу познати личности од светот на модата, но и од јавниот живот и шоубизнисот.

View this post on Instagram

FASHION SHOW GUESS

A post shared by General filmstudio (@general_filmstudio) on Jan 18, 2020 at 12:32pm PST

Осумнаесетгодишната манекенка, која е ќерка на нашиот уметнички фотограф и режисерна видеоспотови, битолчанецот со хрватско потекло Дарио Јанковиќ, во неколку наврати се прошета по модната писта, правејќи ги првите чекори не една ревија како ново лице на Guess. Инаку, Ана Марија е членка на модната агенција Real Woman Agency од Белград. Во Македонија снимила неколку реклами заедно со или без нејзиниот татко, а се појавува и во некои од видеоспотовите што тој ги изработи и режираше, како последниот на Јоце Панов на пример, „Ноќас купујем илузије“. Еве како изгледаше нејзината деби прошетка во различни модели по модната писта како ново лице на Guess на ревијата во Лугано:

Ана Марија од Скопје е меѓу најубавите Македонки, а нејзиниот потенцијал го препозна и светски познатиот бренд „Guess“ (ФОТО +ВИДЕО)

Слободанка Илиева — Sat, 18 Jan 2020 10:07:27 +0000

Младата 18 годишна скопјанка Ана Марија Јанковиќ е девојката за која се почесто ќе слушаме, но и ќе бидеме горди што македонската убавина секогаш отскокнува над просечното, а вистинските професионалци тоа знаат да го препознаат. Светската модна индустрија е доста селктивна, но кога е во прашање кристалната убавина на нашата Ана Марија, нема простор за дилема. Имено, Ана Марија, која инаку е ќерка на познатиот македонски уметнички фотограф и режисер на музички спотови, Дарио Јанковиќ, стана дел од семејството на светски познатиот моден бренд „Guess“ и е нивното ново лице. Вчеравечер во Лугано, Швајцарија се одржа модна ревија од затворен тип за пријателите на брендот ( односно најверните купувачи), на која нашиот модел се појави. На неа присуствуваше и челникот на брендот, големиот Пол Марсиано, со кого Ана Марија имаше прилика да се запозане, да поразговара и секако да го воодушеви носејќи ги неговите парчиња.

View this post on Instagram

LUGANO FASHION SHOW GUESS

A post shared by General filmstudio (@general_filmstudio) on Jan 18, 2020 at 2:38am PST

Дел од атмосферата пред почетокот на ревијата во бекстејџот, како и дел колекцијата можете да погледнете на фотографиите и видеото кои екслузивно ги доби Вистина.ком.мк! Нашата убава Македонка останува во Швајцарија, каде на 20-ти овој месец ќе работи на нова фотосесија за брендот. Горди на Ана Марија се и од нејзината матична модна агенција, „Real Woman Agency“ од Белград, кои ги споделија и се пофалија со последните успеси на еден од најбараните модели на агенцијата. Инаку, убавата скопјанка има снимено доста реклами и за домашни брендови, но сега пред неа допрва се отвораат вратите на светската мода.

Јоце Панов продолжува да го освојува регионот со „Ноќас купујем илузије“ (ВИДЕО)

Антонио Димитриевски — Sat, 01 Jun 2019 10:42:36 +0000

Македонскиот пејач Јоце Панов кој веќе неколку години е присутен и на регионалната естрада, го претстави својот нов сингл насловен „Ноќас купујем илузије“, кој е наменет за успех токму надвор од границите на Македонија.

Автори на песната се проверените хрватски музички мајстори, композиторот Миро Буљан и текстописецот Ненад Нинчевиќ, а сето тоа го снимаше и го испродуцира нашиот хитмејкер и продуцент Лазар Цветкоски. Тој ги отсвири и деловите на акустична и електрична гитара, а заедно со Јоце и сестрата Магдалена Цветкоска ги отпеал и придружните вокали.

Новата песна стигна во комплет со видео во реализација на „Генерал филм“, снимено под режисерската палка на Дарио Јанковиќ, а покрај Јоце во видеото се појавува и ќерката на Дарио, моделот Ана Марија Јанковиќ.

Како сето тоа звучи и изгледа, проследете во продолжение: https://www.youtube.com/watch?v=ACS558Ug7v4