ана курникова – Вистина.мк

Преслатка: Вака изгледа 7 – месечната ќерка на Енрике Иглесијас и Ана Курникова

Христина Ѓоргиевска — Fri, 18 Sep 2020 10:24:07 +0000

Познатиот пар на почетокот на оваа година се остварија во улогата на родители, а нивните деца растат далеку од папараците и очите на јавноста. Тие речиси никогаш не објавуваат фотографии од наследничките, но овојпат не можеа да одолеат и направија исклучок. Имено, Ана на својот „Инстаграм“ објави фотографија од малата Мери која е облечена во бело фусанче кое потсетува на вимблодонскиот стил. „Вимблдоне, пристигнувам“, напиша таа во описот.

View this post on Instagram

A post shared by Anna Kournikova Iglesias (@annakournikova) on Sep 16, 2020 at 11:40am PDT

Инаку, последен пат малата Мери јавноста можеше да ја види во април кога Курникова објави фотографија на која ја држи ќерката. Освен Мери, парот ги има и близначките Лиса и Николаса, а Курникова и во двата случаја криеше дека е бремена.

Eнрике Иглесијас и Ана Курникова го добија третото дете

Христина Ѓоргиевска — Tue, 11 Feb 2020 11:39:25 +0000

Некогашната тенисерка Ана Курникова и пејачот Енрике Иглесијас повторно се реализираа во улогата на родители и тоа по третпат. Ова информација ја потврди братот на Енрике кој гостуваше во една емисија на радио станицата ADN. „Веќе станав чичко“ изјави Хулио, а на прашањето дали бебето е родено, Хулио кратко одговори „да“. Меѓутоа, братот на пејачот не сакаше да го открие полот на детето. „Тоа е тајна“ кратко изјави Хулио и додаде: „Мојот брат сега има три деца. Многу е среќен“. За потсетување, Ана Курникова пред две години ја роди ќерката Луси и синот Николас.

Енрике Иглесијас и Ана Курникова повторно ќе станат родители

Христина Ѓоргиевска — Thu, 30 Jan 2020 09:24:36 +0000

Пејачот Енрике Иглесијас го чека своето трето дете со долгогодишната партнерка Ана Курникова. Во шпанскиот магазин „Хола“ објавени се фотографии од парот на јахта во Мајами каде се гледа трудничкиот стомак на Ана. Тие не ги потврдија овие пишувања. Меѓутоа, за нив не е ново да кријат дека ќе станат родители. Имено, во 2017, Енрике и Ана станаа родители на близнаци, а оваа вест ја обелоденија дури кога се родија близнаците. Тогаш се шпекулираше дека близнаците ги родила сурогат мајка, но Ана ги демантираше овие пишувања покажувајќи го трудничкото стомаче. Иглесијас ретко зборува за својот љубовен живот со Ана. Тие својата врска ја започнаа во 2011 година кога се запознале на снимањето на видео записот за неговата песна „Еscape“.

Станаа родители, без никој да знае: Славната двојка доби близнаци!

Слободанка Илиева — Tue, 19 Dec 2017 12:05:58 +0000

Веќе 15 години се во врска и често зборуваа дека документите и брачните завети не им значат ништо. Сепак, многумина се изненадија од информацијата дека Ана Курникова и Енрике Инглезијас станаа родители. Тенисерката и пејачот сакале никој да не знае за бременоста, особено медиумите, таа со (не)појавување во јавност, а тој да не зборува пред претставниците на седмата сила.

Последен пат кога папараците ги фотографираа, беше во месец октомври минатата година. Курникова родила близнаци во саботата, пренесува магазинот ТМЗ.

На бебињата им ги дале имињата Николас и Луси. Интересно е дека Енрике по повеќе од една деценија не го запозна татка си со својата избраничка, бидејќи како што и самиот вели, немало погоден момент за тоа.