ана брзанова – Вистина.мк

Мис Европа 2022: Две титули за Македонија на европскиот избор за убавина

Христина Ѓоргиевска — Tue, 01 Mar 2022 07:00:42 +0000

Во понеделник ( на 28.01.2022) во хотелот Хилтон во Бејрут, Либан се одржа големото финале на изборот за Мис на Европа за 2022г. Нашата држава ја претставуваа две девојки, Ана Брзанова, 22 – годишната гевгеличанка и Мија Стерјовска, 18 години од Скопје. Двете влегоа во Топ 10, а на крајот Мија Стерјовска ја освои титулата Втора придружничка, а Ана Брзанова титулата Miss Friendship. Победи претставничката на Србија, а титулата Прва придружничка ја освои девојката од Шпанија. Финалистките од цела Европа веќе 15 дена претстојува во Бејрут, каде се подготвуваа за големото финале. И Мија и Ана се членки на Модното студио Црнокрак кое ја поседува лиценцата за овој најпрестижен Европски избор за убавина.

Мис на Европа за 2022 година: Две Македонки од модното студио „Црнокрак“ на најпрестижниот европски избор за убавина

Антонио Димитриевски — Fri, 25 Feb 2022 07:18:26 +0000

Во понеделник, 28.02, 2022 год. (понеделник) во Бејрут, Либан ќе се одржи изборот за Мис на Европа за 2022 година. Финалистките веќе две недели се во Бејрут, каде се подготвуваат за големото финале. Нашата држава ќе ја претставуваат две девојки, Ана Брзанова, 22 - годишната гевгеличанка и Мија Стерјовска, 18 години од Скопје. И двете се членки на Модното студио Црнокрак, кое ја поседува лиценцата за Македонија за овој најголем европски избор за убавина. Мики Црнокрак, сопственикот и менаџер на модното студио „Црнокрак“ со девојките исто така е веќе две седмици во Бејрут, каде Македонките се подготвуваат за настапот на големиот настан. Да им посакаме добар настап и многу среќа на нашите убавици и се надеваме на убави вести од Бејрут во понеделник вечер.

Познатата манекенка и мисица Ана Брзанова открива: На 21-на година го победив канцерот, два пати бев на работ да се откажам (ВИДЕО)

Антонио Димитриевски — Wed, 03 Nov 2021 07:35:10 +0000

Ана Брзанова е само уште една во низата убавици кои ја продолжуваат традицијата, дома да се враќаат со лента, дијадема и титула. Ана со манекенство и моделинг се занимава четири години, време за кое учествувала на неколку интернационални натпревари во избор за мис, кои за неа преставувале огромно искуство во желбата за освојување на светските модни писти. [embed]https://arhiva.vistina.com.mk/zapoznate-ja-makedonska-ubavica-so-najdolgi-noze-gevgelichankata-ana-brzanova-e-krunisana-za-miss-earth-macedonia-za-2021-foto/[/embed] Младата убавица која важи за најдолгоногата мисица е студентка по финансиски менаџмент која работи како модел и учествувала на четири различни меѓународни натпревари за убавина. Брзанова беше крунисана за Мис на Македонија за 2021 година во јули годинава и ќе ја претставува Македонија на Мис на Светот. Но покрај таа нејзина насмевка, се крие една многу тажна приказна. Имено, младата убавица иако има 21 година, досега два пати успеала да се избори со најтешката болест - канцерот. Сепак, овој животен предизвик не ја спречил да продолжи понатаму и да го живее животот со полни гради. Својата животна приказна, за борбата со опаката болест, но и за досегашната кариера на манекенка, мисица и модел, како и за она што допрва ја очекува на изборите, пред камерите и фотобјективите, но и во приватниот живот, младата гевгеличанка отворено зборува пред камерата на најгледаниот „ТВ магазин од зад сцената - Бекстејџ“.

Запознате ја македонската убавица со најдолги нозе: Гевгеличанката Ана Брзанова е крунисана за „Miss Earth Macedonia“ за 2021 (ФОТО)

Антонио Димитриевски — Wed, 28 Jul 2021 07:15:26 +0000

На Македонија никогаш не и недостасувала убавина. Убавите девојки отсекогаш биле одличје на ова поднебје, па затоа неретко освојуваат и мноштво титули на разни меѓународни и светски натпревари за убавина. Од некогашната меѓу најубавите светски мисици во 70-ите Лидија Велковска, преку Ана Царулевска, Светлана Црнокрак или Вера Мештеровиќ подоцна, како и плејадата други девојки кои со својата убавина на Македонија и носеле титули за мис, па се до последниве како Кристина Димитриевска или Билјана Јаневска, на пример. Гевгеличанката Ана Брзанова е само „уште една во низата“ убавици кои ја продолжуваат традицијата, дома да се враќаат со лента, дијадема и титула. Ана со манекенство и моделинг се занимава четири години, време за кое учествувала на неколку интернационални натпревари во избор за мис, кои за неа преставувале огромно искуство во желбата за освојување на светските модни писти. Младата убавица која важи за најдолгоногата мисица кај нас деновиве исто така ја претставуваше Македонија на уште еден избор - „Miss Earth Balkan“ што се одржа во Босна и Херцеговина. Брзанова која има 21 година гордо ја понесени титулата „Кралица на убавината од Македонија“. Но ова не и е прва титула на нашата кралица меѓу убавиците со нозе „уз врат“. Таа беше избрана за „Топ модел Македонија“ уште во 2019 година, „Мис Глоуб Србија“ следната 2020 година, како и „Мис на Евроазија“, во Србија 2021 година. Долгоногата гевгеличанка ќе ја претставува македонија и на Меѓународниот избор кој ќе се одржи на Филипините. Меѓународен настан насловен „Miss Earth“ кој ќе се одржи во октомври годинава и ќе трае 30 дена, а целиот перформанс ќе го пренесува „Fox TV“. „Чест е да ја претставуваш својата земја после 15 години пауза на таков светски избор на убавина на кој учество ќе земат девојки од 140 земји од светот. Јас сум крунисана да ја претставувам нашата држава таму на изборот за убавина како носител на титулата „Miss Earth Macedonia“ во избор на „Miss Balkan“ - изјави неодамна за локалната GevgelijaNet нивната најубава сограѓанка. И додека чекаме долгоногата гевгелиска убавица одново да биде крунисана за кралица на убавината и да не израдува со нова титула, погледнете дел од нејзините Инстаграм фотографии и уживајте во секој кадар од промената на младата носителка на дијадемата. Фото: Инстаграм принтскрин/brzanovaa