амбасадор – Вистина.мк

Со песната „Хеликоптер“, Фазлија стана познат во светот, ја доби титулата „Амбасадор“, а сега постигна уште еден успех (фото)

Слаѓана Атанасова — Tue, 24 Oct 2023 11:21:19 +0000

Фолк пејачот од Босна и Херцеговина Фазли стана глобално популарен благодарение на песната „Хеликоптер“ која ги освои корисниците на Тикток, потоа светските ѕвезди од Ким Кардашијан до Бритни Спирс, а сега постигна уште еден успех. Имено, пејачот од 90-тите живее во Линц во Горна Австрија, а неодамна беше прогласен за официјален културен амбасадор на овој регион. Фазлија сега е дел од туристичко промотивно видео, а официјалниот магазин на регионот објави интервју со него. Изјавувајќи дека сакаат да допрат до луѓето преку Интернет во 2024 година, ја земале предвид неговата популарност на Интернет и го ангажирале за кампањата. Целта на промотивното видео беше да се претстави сета мултикултуралност на Горна Австрија со „Хеликоптер“ како музичка подлога, а последната порака беше: „Сите сме култура“.

View this post on Instagram

A post shared by U.S. Air Force (@usairforce)

Да потсетиме, на официјалниот Инстаграм профил на американското воено воздухопловство беше објавено видео од еден од нивните хеликоптери со турбофолк песната „Хеликоптер“ на пејачот Фазлија. „УХ-1Н е корисен хеликоптер што се користи за поддршка на различни мисии низ воздухопловните сили. Од воздушен транспорт, до надзор, до мисии за пребарување и спасување, УХ-1Н е секогаш подготвен и достапен за поддршка“, описот на снимка, која го прикажува наведениот модел на хеликоптер. Фото: Принтскрин/Инстаграм/Уса ин форс/Јутјуб

Му приоѓа и од чиста мира го удира со тупаница в лица: Осамна видео од нападот на Драган Бјелогрлиќ врз режисерот Гага Антонијевиќ (ВИДЕО)

Антонио Димитриевски — Mon, 23 Aug 2021 09:36:12 +0000

Актерот Драган Бјелогрлиќ го нападнал режисерот Предраг Гага Антонијевиќ, а на социјалните мрежи се појави видео од нападот. Инцидентот се случил во Ниш, каде се одржува филмскиот фестивал, во нишкиот хотел „Амбасадор“ во четири часот наутро. На видеото се гледа како Бјелогрлиќ му приоѓа на Антонијевиќ одзади и го напаѓа од чиста мира. Според медиумите, во моментот на нападот, Антонијевиќ седел со Владимир Кецмановиќ, уредникот на културната редакција на РТС, кој исто така е сведок на овој немил настан. Шокирани гости станале и пришле да ги разделат актерите. Погледнете како тоа изгледало: Фото: Јутјуб принтскрин Видео: Јутјуб

Предновогодишниот концерт „Come fly with me“ на Павле Камилоски ја крена публиката на нозе (фото)

Дејан Донев — Mon, 30 Dec 2019 08:23:47 +0000

Извонредниот и наградуван баритон, Павле Камилоски ја заврши својата веќе успешна година со уште еден спектакуларен концерт. На својот предновогодишен концерт во МНТ, Павле ги пееше безвременските песни на Френк Синатра, Дин Мартин, Мајкл Бубле и останати, како и Божиќни песни кои ја пренесоа празничната еуфорија на присутната публика и не ја оставија рамнодушна. Полната сала на МНТ беше на нозе и со овации го испратија овој спектакл кој за прв пат се случуваше во Скопје. Камилоски изведе и прекрасен дует со Александар Тарабунов, а на сцената му се придружија еминентни и искусни музички имиња од Македонија, заедно со балетски уметници. „Come fly with me“ оддаде почит кон едни од најслушаните артисти преку лична, оригинална изведба на евергрините, како и со самата режија, сценографија и кореографија што покажа дека продуцентите нудат новитети со секој следен проект. По успехот кој го постигна со своето ремек дело „Мала Италија патува“, Павле Камилоски, неодамна беше награден со меѓународно признание во Неапол, Италија – „Амбасадор на Италијанската музика за 2019 година“ во Источна Европа.

Извонредниот Павле Камилоски се здоби со признанието „Амбасадор на италијанската музика за 2019 година“

Дејан Донев — Mon, 11 Nov 2019 13:32:11 +0000

Извонредниот баритон Павле Камилоски со својот музички талент и уметнички квалитет заради кои е веќе препознатлив на меѓународната музичка сцена, се здоби со признанието „Амбасадор на италијанската музика за 2019 година во Источна Европа“. Во Неапол, Италија на 9ти ноември 2019 година се одржа мултидисциплинарната конференција на тема „Неапол против криминалот. За Животот, Идните генерации и Семејството. Законитост, одговорност и безбедност на граѓаните. Медицински иновации, истражувања, психологија, здравство, психијатрија и науки“ на чиј крај се одржа гала вечер и беа доделени меѓународни награди за 2019 година кои се состојат од доделување на трофеј и комеморативен медал на авторитативните личности кои се одликуваат со својата активност во областа на културата, уметноста, музиката, спортот, медицината, науката и новинарствотото, предводена од Гувернер, Генерал, Професор, Доктор Катело Мара, каде што Павле Камилоски беше награден за заслугите кои тој досега ги стекнал со неговата професионална работа. Воедно му се доделува престижна награда и за неговиот музички проект „Мала Италија Патува“ и неговата вродена љубов и талент за медитеранската музика и безвременските музички креации. По примањето на престижната награда, Павле настапи со својот репертоар во Салонот Маргарита пред еминентната публика. Павле Камилоски е главната ѕвезда и мотивација на проектот „Мала Италија Патува“, настан на кој се изведуваат познати италијански музички дела, безвременски ноти и џез евергрини, кои воедно претставуваат основи на медитеранската култура, а истите ги исполнува во различно светло. Оваа мелодиска програма се одржува веќе 5 години по ред и е единствена од својот вид на македонската музичка сцена. Покрај соло концертите и успехот постигнат во матичната земја, Камилоски ја шири својата публика интернационално. Бројните гостувања во регионот и самостојниот предновогодишен концерт во Софиjа, Република Бугарија, го потврдуваат огромниот успех и одличните критики за проектот. 2019та година за Камилоски е година за која ќе каже: “Ова е година која ми го оствари сонот”. Престижното признание силно ги истакнува заслугите досега стекнати со професионалната работа и музичкиот талент на Камилоски, како и за вродената љубов за медитеранската музика, за раѓањето на нова мелодиска програма и воведување на нови и поинакви вечери во нашата земја, кои придонесуваат за зголемен интерес на овој вид настани од светска класа.

Сузи Кортез дури и кога ќе отиде да се замие, мажите полудуваат (ФОТО 18+)

Антонио Димитриевски — Thu, 31 May 2018 11:44:56 +0000

Старлетата се разголе за поддршка на Аргентина и Перу пред Светското првенство во Русија. Таа стана позната благодарение на титулата Mis BumBum во 2016 година, и неа ја следи армија од 1, 2 милиони следбеници на Инстаграм. Деновиве објави невидена секси слика која на прв поглед делува сосема обично - девојката отишла во тоалетот да се замие... Секако, се додека погледот на фотографијата не ви заскита надолу... каде се разбира, доминира нејзината сочна задница!

Нејзината фотка за рекордно време доби повеќе од 50.000 лајкови и 500 коментари и додворувања. Интересно е тоа што Кортез која е избрана за меѓународен амбасадор на Мунијалот, неодамна го шокираше светот со изјавата дека мажите ретко ѝ пристапуваат.

„Мажите често се вулгарни и полни со самодоверба на социјалните мрежи, но кога ќе ме видат во живо или стануваат премногу нервозни или ништо не зборуваат. Од друга страна, жените знаат да бидат многу интересни и исклучително драги“ - вели оваа секси бринета.