алишта – Вистина.мк

Грешки кои сите ги правиме, а дебело не чинат: Овие три работи никогаш не треба да ги переме во машина за алишта

Слаѓана Атанасова — Tue, 18 Jul 2023 12:45:33 +0000

Одредени материјали не смеат да се перат во машина за перење. На пример, градникот не треба да го переме во машината за перење, бидејќи жицата има тенденција да го оштети барабанот. Исто така, спојките на градникот можат да го уништат остатокот од облеката, а постои можност и да се заглават, па растегнувањето на градникот при перење е неизбежно. Друга работа се вратоврските кои се направени од чувствителни материјали и не можат да се перат во машина. Рачното миење или хемиското чистење се секогаш безбедна опција кога станува збор за вратоврските. Костими за капење – може да се оштетат прерамките, корпите за сунѓер. Повеќето костими за капење имаат и одредени украсни елементи, мониста, светки и може да паднат при перење. Кожни патики и кожни производи Строго се препорачува хемиско чистење за кожни производи, бидејќи перењето во машина може целосно да го уништи материјалот. Волна и кашмир Пред перење алишта, секогаш гледајте ја етикетата на облеката, па со сигурност ќе знаете дали може да се перат во машина или не. Волната и кашмирот се материјали кои бараат само хемиско отстранување на дамки. обичните машини за перење немаат програма која адекватно би ги третирала дамките на овие материјали, па може да ги оштетат.

Извор: Курир

Не очајувајте: Има решение за облеката која ви се намалила при перење, еве што да направите

Слободанка Илиева — Thu, 20 Apr 2023 11:44:02 +0000

Барем еднаш во животот ви се случило да фрлите маица во машина за перење, а откако ќе ја извадите таа да биде еден број помала заради погрешно наместената температура. Не очајувајте, и за тоа постои решение. 2.Маицата или кој било друг дел од облеката ставете да отстои во таа вода, а повремено нежно тријте ја за влакната од ткаенината да се опуштат. 3.По половина час извадете ја маицата од водата, но без да ја исцедите, туку само благо стиснете ја да излезе вишокот вода. 4.На рамна површина раширете еден пешкир и на него ставете ја маицата, па потоа свиткајте го пешкирот за да го впие вишокот влага. 5.Оставете така да отстои 20 минути, а потоа одвиткајте го пешкирот. 6.Раширете нов, сув пешкир и на него нежно истегнете ја маицата до каде што можете. 7.Оставете ја маицата да се исуши на пешкирот, а ако не сте задоволни со резултатот, повторете ја постапката. извор:курир.мк

Кога ќе се обои облеката во машината: Трик кој ќе ви помогне да ја вратите првобитната боја

Слаѓана Атанасова — Fri, 17 Feb 2023 14:00:13 +0000

Најпрво проверете ја етикетата на облеката којашто сакате да ја “санирате”. Секако дека воопшто не е тешко да залута темно парче облека во морето од бела облека, а потоа и истото тоа парче облека да ги обои сите останати светли парчиња! Црвениот чорап или маичка често се виновник за како краен резултат да добиете розова облека, а кога случајно ќе залута некоја црна чорапа или маичка, ќе добиете сино-сиви парчиња. До ваква незгода доаѓа затоа што поголемиот дел од облеката со интензивни бои испушта дел од бојата особено ако се пере на повисоки температури. Тоа е особено чест случај со поновите парчиња облека. Токму затоа добро е шарената облека секогаш да се пере одделно. Кога ќе се случи ваква незгода, најпрво проверете ја етикетата на парчето облека коешто сакате да го “санирате” од настанатата незгода. Ако на неа пишува дека предметот не смее да се избелува, тогаш треба да заборавите на таквите сретства. Во поголемиот дел од случаевите белата облека од 100% памук сепак го поднесува тоа, бидејќи во ваков случај најчесто се работи за постелнина, пешкири или долна облека. Се што треба да направите е да ја потопите обоената облека во вода во којашто сте додале малку сретство за избелување. Оставете така да отстои 15 до 30 минути, а потоа исперете повторно на брз програм и вклучете двојно испирање. Ако се работи за чувствителна облека којашто не поднесува избелувал, во следното перење додадете крпчиња за извлекување на вишок бои (ги има во речиси сите маркети). Можете и во преградата за прашок да ставите течност за отстранување на дамки и повторно да ја исперете облеката на вообичаениот начин. Извор: Курир

Избегнувајте ја оваа просторија кога сушите алишта дома – ја зголемува влажноста на воздухот за 30 проценти

Слободанка Илиева — Wed, 16 Nov 2022 13:00:44 +0000

Сушењето алишта станува вистинска болка кога ќе дојде есента. Оние кои немаат машина за сушење алишта или перална, се принудени да ги исушат алиштата на метална сушара во една од собите. Експерти за перење процениле која просторија треба да се избегнува, пренесува „Експрес“. Иако нивото на влажност во затворен простор ќе се зголеми, во ред е да ги исушите алиштата во затворен простор се додека сте презеле чекори за справување со влажноста. Во принцип, најдобро е да ги сушите алиштата во простории каде што не поминувате многу време. – Никогаш не сушете алишта во спалната соба – советуваат експертите. Влажните алишта ја зголемуваат влажноста на воздухот за 30 проценти, го зголемуваат ризикот од потешкотии со дишењето за време на спиењето и на тој начин го загрозуваат имунитетот. Не само што поттикнува мувла во просторите за живеење, туку може да доведе и до респираторни проблеми, а влажните алишта може да добијат непријатен мирис на мувла. Затоа, подобро е да не ги сушите влажните алишта во просторијата каде што спиете. извор:попара.мк

Трик кој може да ви помогне да ги отстраните непријатните мириси и дамки од облеката: Се што ви треба е состојка која ја имате во кујната

Слаѓана Атанасова — Tue, 01 Nov 2022 13:42:36 +0000

Состојка која ќе ви биде моќен сојузник во перењето алишта Веќе е добро познато дека алкохолниот оцет може да го замени омекнувачот, бидејќи ги отстранува дамките и не остава мирис на оцет на алиштата, но неговата примена е многу поширока. За разлика од обичните детергенти и омекнувачи за алишта, алкохолниот оцет е природно средство за чистење, а исто така е и многу поевтин. Еве 8 причини зошто алкохолниот оцет треба да стане ваш главен сојузник при перење облека: Истурете половина чаша алкохолен оцет врз алиштата пред да ги ставите во машината за перење. Оцетот ќе ја заштити бојата на облеката, ќе го зголеми ефектот на детергентот и ќе спречи да останат остатоци од детергент на облеката по миењето. Користете алкохолен оцет наместо омекнувач. Истурете го во преградата за омекнувач и оцетот уште подобро ќе ја заврши работата на омекнувачот, бидејќи алиштата ќе бидат помеки, а околината почиста. Киселината во алкохолниот оцет успешно ќе ги отстрани дамките од дезодоранси и трагите од пот од белата облека. Алкохолниот оцет ги неутрализира непријатните мириси на облеката, што значи дека без проблем ќе го отстрани мирисот на чад од нив. Многу е тешко да се отстранат животинските влакна од некои видови ткаенина, но алкохолниот оцет помага и тука. Едноставно додадете го во машината и влакната ќе исчезнат. Ако користите алкохолен оцет при перењето алишта, ќе го спречите и статичкиот електрицитет на вашата облека. Додадете 6 лажици алкохолен оцет во алиштата што ги миете рачно и оставете ги да отстојат половина час. На овој начин можете да перете и долна облека и костими за капење. И самата машина може да ја исчистите со алкохолен оцет. Оцетот ќе ги отстрани сите нечистотии како и трагите од бигор и мувла, пишува „Zadovoljna.hr“. Извор: Курир.мк

Алиштата никако не смее да ги сушите на радијаторите, има добра причина за тоа

Слаѓана Атанасова — Mon, 26 Sep 2022 13:00:44 +0000

Студените денови веќе дојдоа, а во текот на доцната есен и зимата многу домаќинства алиштата ги сушат на радијаторите. Но, експертите предупредуваат дека тоа може да биде опасно од повеќе причини. Големи се шансите да се создаде мувла, а следна причина е влагата која ќе се создаде во домот. Следната причина е и можноста од избувнување пожар. Кога со влажната или мокра гардероба ќе ја прекриете површината на радијаторот може да дојде до непосакувана кондензација. Тоа доведува до појава на мувла или влага. Кога радијаторите се блокирани со алишта се блокира нормалната циркулација на воздухот во домот. На вашето домаќинство во тој случај може да му биде потребна повеќе енергија за да се загрее. Иако можеби звучи чудно, сепак ако веќе сушите мокри алишта на радијаторите, би требало да отворите прозорец за вишокот влага да излезе. Ако се работи за чувствителна ткаенина треба да знаете дека таа може да се запали. Извор: Курир.мк

Во машината ставете аспирин, облеката ќе ви биде бела и чиста

Слободанка Илиева — Tue, 06 Sep 2022 11:39:32 +0000

Кога еднаш ќе дознаете зошто ставањето на аспирин во Вашата машина за перење алишта е препорачливо, ќе останете навистина изненадени. Овој совет ќе Ви помогне околу перењето на бели алишта, а ќе воочите дека оваа таблета може да се натпреварува со индустриските средства за отстранување на флеки и белеење. Наполнете сад со 3 литри врела вода и растворете 5-6 таблети аспирин. Најдобриот начин е да ги здробите за да се растворат побрзо. Ставете ја белата облека во водата и оставете да седи потопена во вода цела ноќ. Другиот ден, ставете ја облеката во машина за перење алишта заедно со неколку таблети аспирин за да добиете оригинална бела боја. Доколку ги следите овие чекори, резултатите ќе Ве воодушеват. Ќе воочите дека овој трик е поефектен од комерцијалните средства за отстранување на флеки или за белеење, бидејќи на овој начин нема да ја оштетите облеката. извор:курир.мк

Kaква личност е партнерот – според тоа каде ја остава нечистата облека?

Riste Zdravkov — Thu, 19 Aug 2021 09:36:40 +0000

Зависно од местото на кое ги складираат валканите алишта, се издвојуваат пет карактеристични типови на мажи. Складирањето на облеката може доволно да го открие карактерот на особата што е присутна во вашиот живот. И тоа сосемо искрено и отворено. Направено е забавно истражување меѓу припадничките на понежниот пол, во однос на навиките кои ги имаат нивните дечковци и сопрузи, при соблекувањето и ослободувањето од валканите алишта. Така се искристарилизирале петте типови на мажи, кои имаат заеднички особини што ги следат таквите навики. И резултатите се навистина занимливи. Еве каква личност е партнерот – според тоа каде ја остава нечистата облека: 1. Валканите алишта ги расфрла насекаде по дома, а најчесто се паднати на подот... Вообичано станува збор за претенциозни мачо фраери и заводници, кои сметаат дека ним сѐ им е дозволено, како и дека тие се единствените важни во секоја приказна. Нивната реченица секогаш започнува со „јас“. Ретко ги признаваат сопствените грешки, а баш никогаш дека се инфериорни во нешто. Сметаат дека се алфа мажјаци, а најсреќни би биле ако партнерката ги поистовети со аполон. 2. Ја сложува нечистата облека на посебна подлога и секогаш ја пере на истиот начин... Нема да ви откриеме топла вода, доколку ви кажеме дека се работи за класична „бубалица“, односно маж кој секогаш следи идентична линија, па ретко се осудува да проба нешто ново. Кај него сѐ е сведено на математичка формула и сѐ мора да биде под конец. Во спротивно, верува дека во светот ќе му се случи апокалипса. 3. Носената гардеробата си ја реди на столче или фотелја, чекајќи да се насобере куп... Во прашање е креативец што не прифаќа сместување во калапи. Овој маж смислува различни сценарија и во неговата глава постојано се мотаат по сто идеи, ама честопати знае во сиот хаос и да се изгуби. Тој секогаш има по неколку решенија за проблемите, забавен е и духовит, но тешко е да го држите во еден правец. Затоа со ваквите типови е потребно да бидете мошне внимателни. 4. Ја помирисува облеката, па ја враќа во гардероберот меѓу чистите алишта, ако не смрди премногу... Па добро, зарем има и такви? Според истражувањето, постојат многумина. Овие мажи помеѓу чистата гардероба ги враќаат носените чорапи, кошули и маици. Потоа облекуваат нешто друго, а по неколку дена, одново ги земаат валканите алишта. За перење се одлучуваат дури тогаш кога ќе осетат смрдеа. Ваквите типови или имаат змија во паричникот, па за нив секој трошок е непотребен, или, пак, ги избегнуваат домаќинските обврски по секоја цена. Пријателите и девојките го имаат веќе почувствувано тоа на своја кожа. Некои можеби им приговориле, ама нивниот ментален склоп не го разбира ова. Баш ниедна особина не е за пофалба, нели? 5. Валканите алишта ги остава во бањата и чека друг да му ги испере... Погодувате? Ова е класичен примерок на мамин син, кој никогаш и ништо во животот не морал да работи по дома. А, и понатаму смета дека нема зошто да го прави тоа, дури и да живее сам, или, пак, со партнерка. Не му е тешко да ја одвои гардеробата на правото место, но сѐ повеќе од ова за него е научна фантастика. Сепак, можно е да се превоспита, иако станува збор за долготраен и напорен процес. Особено ако неговата мајка е некаде во близина. Алиштата нема сами да се исперат. Но, ајде убедете го некако!

Како домаќинка од филм за возрасни: Џорџина на Роналдо пружа алишта соблечена по танга (фото)

Слободанка Илиева — Sun, 03 May 2020 08:12:49 +0000

Како за целиот свет, така и за славниот фудбалер Роналдо и неговата свршеница Џорџина, важат правилата за изолација поради коронависусот. Атрактивната Џорџина не само што му го разгорува оганот на својот сакан додека се во карантин, туку и на многуте следбеници на социјалната мреѓа Инстаграм каде објави ултра жешка фотографија. Имено, таа позира додека ги пружи алиштата на балконот, а е расоблечена по танга и свртена со бујниот задник во прв план. „Алиштата се пружени“, напишала Џорџина, а коментарите се редеа еден под друг: „Брутално“, „Бомбастично“, „Го сруши интернетот“, се само некои од коментарите, но некои имаa и приговор. Инаку, Џорџина и Роналдо се во изолација во нивната семејна куќа во Португалија, а изгледа дека убавицата се одлучила да ги преземе домашните работи.

Немојте да сушите алишта на радијатори, тоа може да ви го загрози здравјето

Христина Ѓоргиевска — Tue, 04 Feb 2020 13:45:28 +0000

Многумина од нас практично го користат греењето на становите во зима, па облеката ја сушиме во станот или на самиот радијатор. Но, истражувањaтa покажаa дека тоа и не е најдобра идеја затоа што така можеме да го загрозиме нашето здравје. Испарувањето на детергентот и омекнувачот до кое доаѓа поради сушење на облеката на радијаторите предизвикува зголемен ризик од појава на алергени и со самото тоа појава на алергии. Експертите велат дека покрај радијатор секогаш треба да чувате сад со вода, затоа што во спротивно воздухот се суши толку многу, а тоа негативно влијае на респираторната слузница која станува толку сува што привлекува разни алергени и предизвикувачи на разни инфекции. Исто така, се покажало дека сушењето на гардероба во станот го зголемува нивото на влага за 30 проценти и дека со себе предизвикува зголемен ризик од астма и алергии на кои особено се изложени најмладите. И покрај предупредувањата на експертите дека за сушење облека се наоѓа алтернативен начин, од старите методи не се откажуваат дури 87 проценти од домаќинствата во Глазгов, каде е спроведена студијата. Три четвртини од сто испитани домови имале влага, грини, што укажува дека старите навики мора да се променат. Симптомите на респираторна инфекција се бројни – кашлање, хроничен замор, иритација на очите, грлото и кожата, главоболка или гадење. Извор: denar.mk