Животната приказна на голманот на иранската репрезентација 25 годишниот Алиреза Бејрандванд  ќе ве остави без зборови. Иран синоќа беше на чекор од сензација и пласман во осминафиналето, но на крајот против Португалија успеаја да освои само бод. Херој на Иранците беше голманот Алиреза Бејранванд кој кон почетокот на второто полувреме при резултат 1:0 за Португалија, му одбрани пенал на Роналдо. Многумина вчера, речиси за прв пат слушнаа за иранскиот голман, но зад неговиот успех се крие голема и тажна приказна. Неговите родители често се селеле на различни локации, барајќи пасишта на кои можат да ги пасат своите овци. Тој е најстарото дете во семејството, па така целиот товар секогаш паѓал на неговите плеќи. Овчар- тоа била неговата професија, но кога не морал да ги чува овците играл фудбал и локалната иранска игра Дал Паран, во која целта е фрлање на тешкиот камен што подалеку. Таа игра подоцна му помогнала во кариерата, бидејќи се прославил фрлајќи ја топката со рака, па така светот се стаписа кога дозна дека при неговата асистенција за гол таа летала цели 70 метри! Извор:Курир.мк