ален исламовиќ – Вистина.мк

Во брак се 42 години, а ретко се појавува во јавност: Вака изгледа сопругата на Ален Исламовиќ (фото)

Христина Ѓоргиевска — Sat, 18 Dec 2021 08:08:59 +0000

Пејачот на „Бјело дугме“, Ален Исламовиќ во екот на неговата популарност важеше за голем заводник и миленик на жените. Меѓутоа, неговото срце го освои само една жена – Мaријана. Имено, Ален 42 години е во брак со неа и имаат две деца Уна ( 34 ) и Лара (27). -Маријана ја запознав кога таа имаше 16 години, а јас 22. Не бев никој, само локален пејач во групата „БАГ“. Сите овие години ние двајца заедно пловевме заедно низ сите бури и се трудевме да го сочуваме својот мир. Ми беше најголема поддршка низ се што поминав и во одлуките ги донесував, а тие некогаш беа болни и неизвесни. Бракот е компромис и треба да знаете да го сочувате, вели Исламовиќ. Ален со музиката се занимава од средно училиште. Професионалната кариера ја започна во „Дивље јагоде“, а врвот на својата популарност ја достигна како член на „Бијело дугме“. фото: Зорана јевтиќ/Немања Панчиќ/инстаграм

Ален Исламовиќ покрена нов бизнис: Плантажи што раѓаат милиони! (ФОТО+ВИДЕО)

Антонио Димитриевски — Mon, 05 Apr 2021 08:34:19 +0000

Ален Исламовиќ ретко се појавува во јавноста во последно време, а сега открикако го поминува времето за време на пандемијата на коронавирусот. „Јас сум човек изграден од такви гени што секогаш сака да прави нешто. Избегав од Загреб, кој е затворен, моето семејство живее како во кафез веќе една година, а јас сум тука во близина на Бихаќ, така што сум прилично во природа. Имам плантажа со лешници, имам многу работа, ја средувам куќата ... Поминувам доста време покрај река, мојот круг на пријатели е стеснет и многу сум внимателен“ - рече Ален. Тој се посвети на нов бизнис пред четири години, кога засади дрва со лешници, а пејачот сега откри како му оди бизнисот.

View this post on Instagram

A post shared by Alen Islamovic (@music.alen.islamovic)

„Она што го засадив се најдобрите и најслатките сорти во Европа. Ова се многу големи лешници. Таа сорта кај нас успева, па ја пласирам на пазарот. Се надевам дека приносот и ќе се зголеми. Тоа е работа на иднината, ги советувам сите да започнат да се занимаваат со тоа. Лешникот се користи за сè “ - рече Ален, а потоа откри дека редовно се слуша со Горан Бреговиќ кому му испратил лешници, зашто овој има верверички во дворот и дека едвај чека сето овца да мине за да можат одново да настапуваат. Исламовиќ исто така вели дека е многу внимателен и потенцираше дека неодамна се вакцинирал против коронавирусот. „Бев вакциниран благодарение на Србија и моите колеги кои ми овозможија да ја примам вакцината во Белград, за што благодарен сум им од се' срце. Наскоро ќе дојдам да примам ревакцина. Треба сите да се вакцинираат, да чуваме и себе си и сè околу нас“ - заклучи пејачот во шоуто „Премиера-Викенд Специјал“.

Ја запознал кога имала 16 години: Ова е сопругата на Ален Исламовиќ која не се појавува во јавност

Христина Ѓоргиевска — Tue, 05 Jan 2021 10:09:35 +0000

Пејачот Ален Исламовиќ (63) веќе четири децении е во брак со Маријана, која ја запознал кога таа имала само 16 години. Тоа беше љубов на прв поглед, која продолжува, а од бракот имаат две ќерки, Уна и Лара. Пејачот и неговата сопруга Маријана, која е од католичка вероисповед, ги слават празниците на двете религии. Тој со години неизмерно ја почитува традицијата, а во нивниот дом во Загреб, Божиќ се подготвува еден месец. -Некогаш куќата ја украсувавме на Бадник или неколку дена порано. Па ни беше жал да ја раскитиме, ни изгледаше дека е премалку време за да уживаме во божиќната магија. Така, малку по малку, ја започнав куќата да украсуваме сè порано и тоа им се допадна на сите “, истакна таа во една прилика за„ Јутарњи.хр “. Маријана и Ален се запознале кога тој бил во 20тите години, а таа имала само 16 години. Во тоа време, Исламовиќ веќе беше голема ѕвезда во поранешна Југославија и таа го запознала на нејзиното прво ноќно излегување. "Порано го следев Ален на неговите концерти, но со оглед на одалеченоста премногу ми е напорно. Често знаевме да отпатуваме заедно, па лудо да се забавуваме. Сега годините не ни се за тоа, ако излеземе, оздравуваме три дена“ изјави Маријана, која се откажа од својата работа како медицинска сестра поради семејството, и се избори со огромната популарност што ја имаше нејзиниот сопруг како пејач на„ Бело копче “. и „Диви јагоди“.

Малкумина го знаат овој податок: Ова е вистинското име на Ален Исламовиќ

Христина Ѓоргиевска — Tue, 18 Aug 2020 08:30:59 +0000

Пејачот на „Бјело дугме“ и „Дивљи јагоди“, Ален Исламовиќ беше популарен во екс Југославија, но ретко кој го знае неговото вистинско име. Имено, на почетокот на 80тите кога „Дивљи јагоди“ ја стекнуваше својата популарност, продуцентските куќи го забележале младиот пејач Алија Исламовиќ, но му предложиле да го промени името во Ален. „Кога и се случи популарноста на „Дивљи јагоди“ во која беше и Ален, продуцентите на „Југотон“ добија идеја која нему не му се допадна на почетокот. Му предложија на Алија да го користи уметничкото име Ален со образложение дека тоа подобро звучи и така ќе стекне поголема популарност кај публиката. Тој не сакаше да го послуша советот, но набрзо попушти и ги послуша претпоставените. Денес, речиси никој не знае дека Ален се вика Алија“ вели извор близок на Исламовиќ. Од друга страна, и самиот Ален потврди дека негово вистинско име е Алија. „Точно е. Нема ништо чудно во тоа, многу светски ѕвезди одбираат друго име со кое ќе се претстават во јавност, најчесто некое име кое звучи интересно. Така беше и во мојот случај“, изјави Исламовиќ во една прилика.

Пред да загине, Буштур бил на вечера со Ален Исламовиќ (ФОТО)

Антонио Димитриевски — Thu, 30 Jan 2020 09:13:11 +0000

Македонската кошаркарка легенда, Благоја Георгиевски – „Буштур“ пред тешката сообраќајка во која го загуби животот, бил на вечера на која присуствувал и легендарниот босански пејач на „Бјело Дугме“ и „Дивље Јагоде“, Ален Исламовиќ. „Утринава во сообраќајна несреќа во Скопје загина легендарниот кошаркар Благоја Георгиевски – Буштур. Минатата вечер се дружевме на заедничката вечера. Нека му е вечна слава и големо и искрено сочувство на неговото семејство, пријателите и љубителите на македонската кошарка. Вечно ќе бидеш во нашите срца Благоја“ - напиша пејачот на својот Фејсбук профил.

Лозано и Ален Исламовиќ главни ѕвезди на „Фестивалот на трубите“ во Пехчево

Антонио Димитриевски — Mon, 24 Jun 2019 10:25:50 +0000

Македонската ѕвезда Влатко Лозаноски и поп-рок пејачотАлен Исламовиќ со својот бенд „Кад би био бијело дугме“ ќе бидат главни ѕвезди на деветтото издание на Фестивалот на дувачки оркестри што од 12 до 13 јули ќе се одржи во Пехчево, во организација на локалните власти.

„После повеќе од девет години на сцената, навистина дојде време за сигурно еден од најквалитетните вокали на Балканот во моментов да има концерт во Пехчево и токму на најреномираниот фестивал во Малешевијата и регионот. Момчето, кое има безброј хитови, три студиски албуми и награди на над 20 фестивали во Македонија и во регионот, на 12 јули, на отворањето на Фестивалот на дувачки оркестри Пехчево 2019 ќе се претстави пред пехчевската публика. ’Сонце не ме грее’, ’Ова лето ќе се памти’, ’Јако јако’, ’Километри’, ’Надеж’, ’Мандарина’ и уште многу други песни што ја одбележаа кариерата на Лозано, ќе прозвучат во живо на плоштадот во Пехчево на деветтото издание на Фестивалот на дувачки оркестри Пехчево 2019“, стои во најавата за концертот на Лозано.

„Традицијата на трубите во Малешевијата, понудена како атракција на натсвирување на македонските виртуози на труба, претставува туристичка понуда за гостите во Малешевијата, но и економски бенефит за локалната економија. Исламовиќ, пак, на 13 јули ќе одржи голем концерт на плоштадот Св. Петар и Павле во Пехчево. Публиката ќе има ретка привилегија заедно со него да ги отпее сите негови старо-нови хитови во еден здив“, посочија од општината Пехчево. На фестивалот ќе настапат и бендовите „Брас брадрс“, „Уска Кан“, „Џафер бенд“ и „Сенад бенд“. Општината објави и повик до сите млади таленти од Пехчево кои сакаат да учествуваат на манифестацијата, да се пријават најдоцна до 1 јули.

Ален Исламовиќ во дует со „босанската Шакира“ (ВИДЕО)

Антонио Димитриевски — Thu, 23 May 2019 11:18:58 +0000

Познатиот вокалист на легендарните „Бијело дугме“, Ален Исламовиќ сними дует со својата колешка Енела Палавра, позната и како „босанската Шакира“. Станува збор за темата насловена „Није ми добро“, чиј автор на музиката и аранжманот е Амил Лојо, а стиховите ги потпишува Дивна Миловановиќ. Музичарите оваа соработка премиерно ќе ја претстават во живо на фестивалот „ЦМЦ“ (CMC), кој ќе се одржи на 7 и 8 јуни во Водице. Песната воедно е и прв сингл од новиот албум на Исламовиќ, кој го носи насловот „Тајно“ и на кој ќе бидат сместени нови и стари песни во нови аранжмани, сето тоа во издание на „Кроација рекордс“. https://www.youtube.com/watch?v=61IP0YncMps

Ален Исламовиќ за Влатко Илиевски: „Музиката е сјај, богатство и рај, но за жал и пекол во кој можеш да потклекнеш“

Слободанка Илиева — Wed, 11 Jul 2018 07:07:00 +0000

Влатко Илиевски важеше за комуникативен човек, а иако беше познат, тој луѓето не ги делеше на познати и непознати, за него сите беа исти. Тој беше музичка ѕвезда ама од оние посебните, кои можеа да се дофатат, а не само да сјаат од далеку. Познато е дека во својот живот има посетено повеќе од 150 концерти, одеше специјално во странство за да ја слуша омилената музика, но знаеше да направи респект и на своите домашни и балкански колеги кога доаѓаа во Македонија.

Неговиот Фејсбук профил секогаш ќе сведочи на многуте заеднички моменти кои ги имаше со познатите музичари од регионот како: Горан Бреговиќ, Ѓуле од „Ван Гог“, Сања Долежал од „Нови фосили“, Ален Исламовиќ, Шербеџија, Бајага и многу други со кои беше близок.

Веста за неговата смрт нема кого не шокираше, а Ален Исламовиќ на својот Фејсбук деновиве му посвети статус на нашиот прерано починат актер и пејач за кого напиша:

Почина Влатко Илиевски, музичар, актер, пејач…Македонско момче со добро, златно срце и искрен пријател. Кога во Белград ме праша како да влезе во Комбанк Арената и да го слуша концертот на Дугме му реков да не се грижи, дека јас ќе излезам по него и така и направив. Ја сакаше музиката повеќе од себе, а таа за жал колку што дава, толку и одзема. Музиката е сјај, богатство и рај, но за жал и пекол во кој можеш да потклекнеш. Вечна слава друже”.
фото:фејсбук

Убава, умна и образована: Ален Исламовиќ има ќерка од соништата (ФОТО)

Антонио Димитриевски — Thu, 23 Nov 2017 12:09:43 +0000

Некогашниот пејач на групата „Бијело дугме“, Ален Исламовиќ со децении важи за голем заводник. Ама кога ќе видите како изгледа неговата ќерка ќе се воодушевите.

Имено, најстарата ќерка на Ален и неговата сопруга Маријана важи за вистинска убавица. Јавноста имаше можност да ја запознае во видео записот на нејзиниот татко за песната „Аида“ кој излезе во 2014 година.

Иако имала можност да се занимава со музика, на Уна сепак најважно ѝ било образованието.

Завршила факултет за менаџмент, економија и туризам, а подоцна се омажила за Адам Цера сопственик на ланец ресторани, познати по босанските специјалитети.

„Ја повикавме матичарката во хотелот за да биде поотмено но и да го избегнеме возењето низ град. горд сум на Уна, но и на големиот број на гости. Посебно ми е драго што помеѓу нив беа моите пријатели Горан Бреговиќ и Халид Бешлиќ“ - изјавил по свадбата Исламовиќ кој лично погрижил за музиката, на бината да доведе неколку музички гости како изненадување, а со придружба на бендот и самиот испеал неколку хитови од „Дивље јагоде“ и „Бијело дугме“.

Халид Бешлиќ пеел еден час, а и Бреговиќ не можел да оддолее и да не запее со својот стар пријател и колега од „Бијело дугме“, па заедно со Ален го извеле хитот „Хајдемо у планине“, што особено ги воодушевило гостите.

https://www.youtube.com/watch?v=9u26wp7HCSc