александра михова – Вистина.мк

Летово се омажи, а сега македонската пејачка за првпат стана мајка и на свет донесе девојче (фото)

Слободанка Илиева — Fri, 02 Dec 2022 09:11:23 +0000

Македонска поп пејачка од Кавадарци, а сега со скопска адреса на живеење, Александра Михова или по ново Цункоска, стана мајка за првпат и на свет донесе здраво и жибо женско бебе. Убавата вест на социјалните мрежи ја сподели пресреќниот татко кој и се заблагодари на својата сакана сопруга што му го дала најубавиот подарок во животот. -Започна еден нов живот. Си добив ќеркичка . Фала ти најмногу за овај прекрасен подарок во животот Александра, пишува тато Михајло. Честитките почнаа да се редат,а не требаше многу време за да се обрати и пресреќната мајка која откри дека се породила во гинекологија Чаир. -Благодариме на сите за честитките. Посакувам Бог на сите да дава вакви убавини . Благодарност до беспрекорниот тим и златните раце на др Зоран Илиевски. За потсетување,во месец март годинава Александра му кажа „да“ на својот сакан Михајло, а запросувањето се случи во Палермо – Италија, а свадбата се случи на крајот од месец септември. Инаку, Александра ја паметиме по учеството во „Македонски Идол“, а својата музичка кариера продолжи да ја гради со свои песни и спотови, учество на домашните фестивали за забавна мелодија, а не ги искучи ниту настапите. фото:Facebok/Aleksandra Cunkoski

Македонската пејачка неодамна му кажа „да“ на саканиот, а сега покажа и дека ќе стане мајка (фото)

Слободанка Илиева — Tue, 20 Sep 2022 05:48:01 +0000

Пејачката која стана позната на јавноста по своето појавување во музичкото шоу „Македонски идол“, кавадарчанката Александра Михова, наскоро ќе стане мајка за првпат. Таа го покажа нараснатото трудничко стомаче од кое се гледа дека штркот наскоро ќе слета. Во месец март годинава Александра му кажа „да“ на својот сакан Михајло, а запросувањето се случи во Палермо – Италија. Брачната двојка сега очекува уште повозбудливи моменти... Деновиве идната невеста правеше и моминска забава со другарките, па вреојатно и свадбената веселба ќе биде наскоро. Идната мама засега не го открива полот на бебенцето, па изгледа таа возбуда од исчекувањето ја чува само за себе и најблиските. Инаку, Александра ја паметиме по учеството во „Македонски Идол“, а својата музичка кариера продолжи да ја гради со свои песни и спотови, учество на домашните фестивали за забавна мелодија, а не ги искучи ниту настапите. фото:фејсбук/александра михова/ Efremov Photography

Македонската пејачка запросена на романтично патување во Италија (фото)

Слободанка Илиева — Mon, 28 Mar 2022 06:45:38 +0000

Пејачката која стана позната на јавноста по своето појавување во музичкото шоу „Македонски идол“, кавадарчанката Александра Михова, му кажа „да“ на својот сакан Михајло. Според објавите преку кои се пофали на својот профил на Фејсбук, запросувањето се случило во Палермо – Италија, а вљубените гулапчиња го овековечија моментот и открија дека си се ветиле еден на друг на отворено покрај море. Александра не често откриваше моменти од приватноста, особено на љубовно поле, но кога веќе дошло до ваков голем момент од нејзиниот живот, со гордост се пофали дека го нашла и избрала вистинскиот. Имено, двојката неколку дена е во Палермо, а го следеле и фудбалскиот натпреват Италија- Македонија, па непосредно ја доживеале победата на нашите. Честитките очекувано се редеа, а повеќето пријатели им посакаат што поскоро да им играат на свадба. Инаку, Александра по учеството во „Македонски Идол“ својата музичка кариера продолжи да ја гради со свои песни и спотови, учество на домашните фестивали за забавна мелодија, а не ги искучи ниту настапите. фото:фејсбук/александра михова

„Ми фалиш“: Македонската пејачка му прати „мали сигнали“ на колегата – ‘рти ли нова љубов на естрадата?!

Слободанка Илиева — Thu, 19 Apr 2018 07:29:17 +0000

Сигурно се сеќавате на македонското шоу „На иста адреса“ кое заврши неславно, а во истото учествуваа неколку наши млади македонски пејачи меѓу кои и Александра Михова и Игор Митровиќ. Оттогаш помина доста време, но како што велат, убавите спомени никогаш не избледуваат, па веројатно и оние на Александра и Игор кои беа доста блиски за време на шоуто каде поминаа извесен период заедно.

Игор пред неколку месеци замина за Танзанија, а пак Александра веројатно носталгична по времето кога секојдневно беа заедно, му напиша на Фејсбук дека и недостига, а коментарот го дополни со фотографија на која се „залепени“ еден до друг.

Истата објава се најде и на профилот кај Игор, кој некако срамежливо си премолчи на ова, но сепак јавно истакна дека неговата пријателка и колешка мисли на него додека тој е многу, многу далеку од дома.

Летово бев да ја посетам мојата сестра во Танзанија и многу ми се допадна животот таму. Видов како се одвиваат работите, се заљубив во местото и како се функционира таму и поради тоа решив да се преселам и да си ја пробам среќата. Воопшто не ми беше тешко да се одлучам на ваков чекор, се уште не сум почнал да работам, но наскоро ќе го средам и тоа прашање, во моментов сум во преговори – откри Митровиќ за „Вечер“ пред неколку месеци.

Носталгијата и спомените очигледно не избледеле и кај двајцата, а дали постои нешто повеќе од тоа, си знаат најдобро самите, но јасно е дека постои повеќе од колегијалното, односно постои пријателство кое дури ни времето, а ни далечината не можат да го променат.

(ФОТО) Неочекувано доживување: Македонската пејачка отиде во Истанбул, а таму се сретна со убавата актерка од „Карасевда“

Слободанка Илиева — Mon, 19 Feb 2018 08:16:14 +0000

Истанбул самиот по себе е вистинско доживување, а особено ако сте љубител на турските серии кои се прикажуваат кај нас, па и на местата каде се снимени многу сцени. Нашата поп-пејачка Александра Михова деновиве замина да ги ужива убавините на прекрасниот град на Босфорот, знаменитостите, чаршијата, оригиналното турско кафе, но и да дочека една посебна средба.

Имено, според она што го објавува на социјалните мрежи, Александра е голем љубител на сериите, па коцките се споија да има можност да ја сретне и актерката Зерин Текиндор која ја игра улогата на Лејла во актуелната серија „Карасевда“ .

Секако, нашата пејачка не ја пропушти приликата да се фотографира заедно со Зерин, а фотографијата и моментот кои сигурно ќе ги памети, ја објави на својот Фејсбук профил.

Оние кои ги следат сериите, веројатно ќе посакаат да бидат на нејзиното место.

Александра Михова: Бев нездраво слаба и купував облека од детски продавници!

Моника Пејоска — Wed, 18 Oct 2017 12:40:49 +0000

Поминаа седум години откако поп-пејачката Александра Михова за првпат се појави пред македонската јавност како млада и надежна девојка од Кавадарци која има желба и талент да биде дел од македонското естрадно небо. Иако тогаш не успеа да биде победник, Михова полека и ненаметливо продолжи да гради кариера со нови песни и настапи на домашните фестивали, а пред неколку години повторно се одлучи да се пријави во реално шоу за музички таленти кое за жал заврши неславно. Денес, за Александра фестивалите се уште се предизвик, како што вели пред се за забава и дружење, а освен тоа во интервју за Вистина.мк откри уште многу детали од својата приватност и кариера. Пред пошироката македонска јавност се промовираше преку домашните музичките шоуа- сметаш ли дека се вистинското место за претставување на една млада музичка надеж, колку ти помогнаа и актуелизираа?

Да. Секако. Прво „Македонскиот Идол“,па фестивалите, Макфест, Скопски, реалното шоу „На Иста Адреса“. Ми помогнаа, не само за промоција,туку и за многу познанства и другарства од музичката сцена и соработки. Учев како да се однесувам на сцена,учев како се пее во живо со оркестар, а сите тие искуства се непроценливи.

Која е вистината со неуспешниот проект „На иста адреса“, почувствува ли каење за учеството поради неславниот крај?

Потпишавме договор и поради тоа не смеам да навлегувам во детали, но ќе кажам дека неубави игри се играат зад кулисите, на и таа мала сцена што ја имаме. „На иста адреса“,беше една тешка задача која сама на себе си ја поставив, но во исто време и најубавата работа која ми се случи во животот. Научив како сама да се борам во една тотално непозната средина на почетокот, од која излезе едно вистинско семејство, вистински другарства и луѓе кои ги засакав. Се каам многу ретко во оние моменти кога ќе се сетам дека 70 дена поминав затворена во 100 м2 и на крај некој убаво не изигра.

Во време кога фестивалите не се тоа што беа некогаш, зошто оваа форма на претставување е приоритет за тебе?

Како што спомнав погоре, фестивалите се место каде еден млад пејач ќе научи многу корисни работи и ќе стекне пријателства за цел живот.

Како автор на твоите песни најчесто се потпишува Андријана Јаневска – нема ли доволно добри композитори за твојот музички вкус и стил освен Јеневска?

Андријана е прекрасен човек пред се, па после се друго. Многу е важно да му веруваш на оној со кого работиш. Секако дека има добри композитори со кои сум остварувала соработка. Андријана ми е пример за храбра жена која е 100 на саат и сепак се справува со сите улоги во животот. Многу се гордеам на такви жени и затоа соработката со неа ме научи многу.

Покрај настапите во кафулиња каде твојот репертоар е забавен, од минатата година почна да настапуваш и на свадби – од каде оваа идеја и дали хонорарот беше пресуден за таквата одлука?

Од секогаш ја сакав македонската народна музика и можеби и затоа реков, во ред, ќе пробам. Хонорарот секако, да не се лажеме дека не е важен дел, но не би рекла и пресуден.

Би преминала ли комплетно во народно?

Не.

Покрај настапите, од неодамна започна со работа во осигурителна компанија во родното Кавадарци – како се снаоѓаш во оваа улога?

Осигурувањето е мојата професија која одбрав да ја работам. Осигурување и дипломирав. Тешко е зашто се уште ја нема кај нас таа да речам “култура“за оваа дејност, но е многу интересна и верувам, сакам да верувам дека луѓето ќе почнат посериозно да ја сфаќаат зашто е неизбежен дел од секојдневието.

Твоето секојдневие не минува без социјалните мрежи, а таму во полето за љубовниот статус стои дека моментално си сама. Што се случи во врската со сограѓанинот Методија, тешко ли е да се најде вистинскиот партнер?

Сингл сум и сум многу среќна. Не е ова само глумење, навистина е така. Учам за себе, многу читам, гледам филмови, уживам во храната, палам кола и патувам каде сакам. Периодот ми е таков,само за себе. Од таа врска имам убави спомени и искрено пријателство пред се. Не знам дали е тешко да се најде вистинскиот човек, но знам дека мораш прво на себе да си станеш вистински и да се запознаеш, па верувам дека после е многу полесно.

Од Александра Михова на Фејсбук го промени името во Alessandra Anna, зошто?

Не знам, :). Веројатно од забава.

Откога се појави во јавноста, па се досега можевме да забележиме промена во однос на твојата физичка форма. Како се бориш со килограмите?

Кога првпат настапив на „Македонски Идол“ имав 48 килограми. Бев нездраво слаба. Купував алишта од детски продавници. Таа снимка до ден денес кога ја гледам се ежам. Од тогаш до денес имам ставено 15 килограми. Тешко ми е понекогаш зашто обожавам да јадам и никогаш не сум држела диети, но кога еден период осетив дека претерувам, прекинав да јадам навечер и почнав малку посериозно во теретана.

Во шоуто „На иста адреса“ пред камерите ја отвори душата за својата приватност иницирана од прашањата на актерката Весна Петрушевска, проговори дека имаше проблеми со депресијата и паничните напади. Од денешна перспектива, сметаш ли дека тоа беше потребно и како се справи со реакциите на јавноста потоа?

Тивки борци се луѓето кои се борат со паничните напади и анксиозноста. Сите молчат, се кријат во себе, не одат на психијатар од страв дека ќе бидат осудени од јавноста и тука настануваат уште поголеми проблеми. Долги години и јас молчев. Можете да замислете, да се борите со таква страшна состојба, а за тоа да знаат само тројца луѓе! Во оној момент кога јавно зборував за тоа доживеав олеснување и бев лута на себе зошто порано не го сторив тоа. Сега дури и јавно на таа темаси правам шеги на сопствена сметка. Мора луѓето да престанат да го живеат ова болно секојдневие и страв што ќе кажат другите. Другите секако ќе кажат нешто, па затоа бори се за себе.

И за крај што ново се подготвува на музички план и дали од Михова може да очекуваме нешто поинакво или се останува во сензибилитетот по кој те запознавме?

Чекам да се наместат некои коцки, да се поклопат некои работи и секако ќе има нешто ново. Не сакам да брзам, се сакам да биде по ред. Сега за сега најнова ми е соработката со фотографот од Кавадарци Мики Ѓорѓевиќ. Момчето е преталентирано и многу се радувам за такви луѓе, го заслужува целото внимание на светот.