Дина Јашари со една порака му ги урна соништата – „Не сум твој сон“ (ВИДЕО)

Антонио Димитриевски — Wed, 22 Nov 2023 06:48:26 +0000

Дина Јашари (23) е млада и талентирана кантавторка која со нејзините авторски песни го освои Балканот. Ја доби наградата „Милан Младеновиќ“ која ја доделува истоимената Фондација од Белград која има за цел да поддржи млади артисти од регионот кои творат на својот мајчин јазик. Песните ги создава секаде, додека е во движење, на велосипед, во парк, автобус, автомобил, дома... Така барем изјави во едно од своите интервјуа. По „последна минаута“, „Зборови“, „Бои“, „Копнежи“, „Досада“, „Дома“.... Дина деновиве ја промовира својата нова песна „Не сум твој сон”. Автор на музиката и текстот е самата Дина, аранжманот го направија заедно со Драги Иванов кој исто така стои зад миксот. Не сум твој сон има и свој видеозапис режиран од Александра Костадиновска, снимен од Дарко Митев, монтажата е на Дарко и Александра. Главната улога во спотот (покрај Дина) ја игра Лука Тошев, кој надвор од оваа улога е клучен член во бендот „Дина и пријателите“ кој ја придружува пејачката на сите нејзини настапи во живо. Како звучи и изгледа кога Дина некому „ќе му го скрши сонот“, проследете во видеото за „Не сум твој сон“ , во продолжение:

„Funk Shui“ со „Метеори“ до ѕвездите (ВИДЕО)

Антонио Димитриевски — Tue, 16 Jun 2020 12:36:58 +0000

„Funk Shui“, имаат нова песна, која всушност претставува сингл - првенец кој го најавува новиот албум кој следи. Темата која носи наслов ,,Метеори” беше уште кон крајот на мај промовирана на каналите на групата и на социјалните и музичките платформи (spotify, deezer, apple music, google play, itunes, pandora, tidal). Веќе на почеток од месец јуни се искачи на музичките топ листи, станувајќи воедно и песна на неделата на хрватскиот влијателен портал muzika.hr. Музиката и стиховите на темата „Метеори“ ги потпишуваат колективно членовите самиот бенд. Продукцијата е задничка со Бен Милчев, кој и ја миксал песната. Бендот го потпишува и видеото на песната, а зад камерата при снимањето стоел Борис Ралев, додека фото сетот го изработила Александра Костадиновска. „По периодот кој наложи пауза во медиумскиот етер, земајќи ја во предвид сериозноста со ширењето на коронавирусот, конечно сите се почувствувавме подготвени да ги споделиме нашите лични искуства од периодот од последните две години. Со тоа сакаме да им понудиме свежина на нашите досегашни, а воедно и идни слушатели, музика и оние кои ја споделуваат страста за музика, ум и чекорите напред. Посветено на сите кои немаа избор и оние кои се борат силно за животот на другите“ - велат членовите на групата споделувајќи ја новата песна „Метеори“ со музичките сладокусци. https://www.youtube.com/watch?v=P-WEUdLlAP0&feature=emb_logo

александра костадиновска – Вистина.мк

Дина Јашари со една порака му ги урна соништата – „Не сум твој сон“ (ВИДЕО)

„Funk Shui“ со „Метеори“ до ѕвездите (ВИДЕО)