александар темелков – Вистина.мк

Македонскиот фолк пејач и учесник во „Ѕвездите на Гранд“ стана татко: „Се роди нашиот принц, ти благодарам Господе!“ (фото)

Слободанка Илиева — Thu, 11 Jan 2024 09:17:16 +0000

Велешанецот Александар Темелков и неговата сопруга Сара Срезоска станаа родители за прв пати – им се роди син. Фолк пејачот за убавата и среќна вест се пофали на својот Инстаграм профил каде соопшти дека го добиле најубавиот дар од Бога. „Почитувани фанови и пријатели, јас и мојата сопруга Сара станавме родители. Ни се роди нашиот принц, ти благодарам Господе за овој дар“, напиша Александар на својот Инстаграм профил. Гордиот татко пред три месеци обзнани дека со саканата чекаат принова, а позираа заедно покажувајќи го и трудничкиот стомак со бебето во најава. Александар Телелков кој минатата сезона учествуваше во „Ѕвездите на Гранд“ летово ја запроси неговата сакана, а свадбата ја планираат за претстојното лето. Честитки! фото:Instagram printskrin/ aleksandar.temelkov_official/ You Tube printscreen/ Zvezde Granda

„Ѕвездата на Гранд“ Александар Темелков во љубовен поход со – „Илјада војници“ (ВИДЕО)

Антонио Димитриевски — Mon, 22 May 2023 12:18:24 +0000

Ѕвездата на „Гранд“ Александар Темелков ја промовираше новата песна „Илјада војници“. Ова е негова 11 песна и дека очекува да стане голем хит. Текстот е на Ангела Стерзоска, а музиката и аранжманот на Славко Ристески.

„И оваа песна како и претходните очекувам да стане хит и да им се допадне на публиката. Ова е мојата 11 песна и имам доволно материјал да го објавам првиот албум и да почнам да работам на вториот“, рече Темелков кој годинава ја имаше првата турнеја во Канада каде им пееше на нашинците во Торонто. Иако најмногу е познат по неговите настапи во „Ѕвездите на Гранд“, Темелков рече дека во иднина не планира да настапува во музички шоуа и дека сака да работи на популаризација на своето име и напредок во кариерата. За песната е направено и студиско видео од неговата изведба при снимањето на истата кое можете да го проследите во продолжение (КЛИКНИ ТУКА):

Александар Темелков пее нова „Свадбарска“ (видео)

Слободанка Илиева — Wed, 29 Jun 2022 12:19:48 +0000

Александар Телелков, минатогодишниот учесник во „Ѕвездите на Гранд“промовира нова песна насловена „Савадбарска“. Да потсетиме дека Александар Темелков е младо момче (22. години), вљубеник во македонската народна музика. Песната е дело на Славко Ристески кој ги потпишува музиката и аранжманот, додека тексот е на Стојан Лазаревски. Инаку, пејачот неодамна се стекна со факултетска диплома за енолог, па неговата посветеност освен кон песната ќе биде и виното.

„Птици летајте“ е новата песна на македонскиот пејач и учесник во „Ѕвездите на Гранд“, Александар Темелков

Христина Ѓоргиевска — Thu, 24 Feb 2022 07:00:50 +0000

Младиот пејач Александар Темелков кој публиката го препознава по неговото учество во регионалното музичко шоу „Ѕвездите на Гранд“, деновиве ја промовираше својата нова песна насловена како „Птици летајте“. Пејачот песната ја промовираше со видео од емисијата „ИмаТ немаТ“ на ИнТВ во Австралија. Автор на текстот на песната е Стојан Тоше Лазаревски, музиката е дело на Мики Паневски, а аражманот е на Славко Ристески. Инаку, Темелков учествуваше неколку пати во „Ѕвездите на Гранд“ каде со својата харизма го освои жирито и публиката, но не успеа да стигне до финалето. Пејачот зад себе има веќе неколку авторски песни. Во видеото подолу слушнете ја „Птици летајте“ фото: Принтскрин/инстаграм/aleksandar.temelkov_official/јутуб/

“Ах мори Магде” е најновата песна на нашиот учесник во „Ѕвездите на Гранд“, младиот Александар Tемелков (ВИДЕО)

Антонио Димитриевски — Wed, 20 Oct 2021 13:19:35 +0000

Младиот македонски фолк пејач Александар Темелков, кого пошироката публика го запозна и по учеството во неколку регионални музички натпревари меѓу кои и „ѕвездите на Гранд“, полека но сигурно ја гради своја кариера. Тој веќе има неколку авторски песни позади себе и е блиску до реализација на својот прв албум. „Ах, мори Магде“ е неговата најнова песна за која стиховите ги напишала младата Ангела Стрезовска, а музиката и аражманот се на Славко Ристески. Песната е снимена во студиото „просаун продакшн“ во прилеп, а ртрубата во песната ја свири познатиот Филип Нуне. Александар под покровителство на „Ин продукција“ сними и видеозапис за оваа песна, која деновве го промовираше во етерпот и на Јутјуб каналот. Како звучи и изгледа „Ах мори Магде“ проследете во продолжение:

Драма во „Ѕвездите на Гранд“: Велешанецот Темелков не сакаше ни да го слуша жирито, им го сврти грбот и си замина (видео)

Слободанка Илиева — Mon, 15 Mar 2021 08:25:48 +0000

Тројца Македонци настапија во петтиот круг од регионалното музичко шоу „Ѕвездите на Гранд“, но излезе само еден – велешанецот Александар Темелков. За препознатливиот Александар не светна ниту еден тастер за глас од жирито, а со тоа значеше дека тој автоматски го напушта шоуто. Кога требаше да почнат со коментирње, единствено Марија Шерифовиќ кажа дека не било добро и тој тука завршува. https://arhiva.vistina.com.mk/radio-mileva/aleksandar-temelkov-go-namestija-vo-dzvezdite-na-grand-preku-glava-mi-e-tebe-video/ Александар според кажаното помисли дека повторно се шегуваат како минатиот пат кога сакаа да и напраат стрес на неговата менторка Вики Миљковиќ, но не беше така. Темелков не ни сакаше да слуша понатаму, и се заблагодари на Вики, го сврти грбот и си замина. По емитувањето на емисијата, тој се одласи на својот Инстаграм и напиша дека уште пред настапот знаел што ќе се случи и дека се’ било договорено пред негови очи:

View this post on Instagram

A post shared by Aleksandar Temelkov (@aleksandar.temelkov_official)

Драги мои фанови, пријатели и обожаватели, од срце ви благодарам за бескрајно огромната подршка која сто ми ја пружите овие неколку години. Ви благодарам за секоја пофалба за секој совет за секоја критика вие сте мојата најголема мотивација и затоа ке продолжам и понатаму без разлика на сето ова . Исто така во 5 круг го завршувам моето учество во ова шоу но морам јавно да го споделам ова со сите вас. Јас знаев дека ке испаднам затоа што се пред време се договара кој ќе оди, а кој ке испадне, но сепак сакав да останам достоен до самиот крај и да се појавам за жал вие гледачите не можете тоа да го видите што се случува зад сцената, па на сите ви е малку чудно. А што се однесува до гласањето на жири комисијата се беше договорено пред моите очи и после сето ова мислам дека шоу како што е „Ѕвезде Гранда“ не е за мене или едноставно да кажам не ме заслужува, се стремам кон поголемо нешто од ова шоу али секако ми беше една добра промоција искуство и реклама, но ништо повеќе од тоа затоа што овде не спаѓа само пеењето туку и нешто друго.... Уште еднас ви се заблагодарувам на сите, останете со мене и очекувајте наскоро мои песни и мои музички проекти! – пишува Темелков.

За потсетување, од учествата на македонски кандидати во популарнто шоу, досега најскандалозно беше елиминирањето на Адам Лабунски. Како изгледаше ситуацијата со Темелков погледнете од видеото на 2:19:58 секунди:

Александар Темелков го „наместија“ во „Ѕвездите на Гранд“: „Преку глава ми е тебе“ (видео)

Христина Ѓоргиевска — Tue, 12 Jan 2021 07:53:56 +0000

Во последната емисија на „Ѕвездите на Гранд“, настапуваше и македонскиот кандидат Александар Темелков oд Велес. Тој се претстави со песните „Отац“ и „Ќе ти дојдам вечерва“. По неговата интерпретација, Александар освои три гласа и настана вистински хаос во студиото. Имено, Вики беше лута на своите колеги што му дале толку малку гласови, а жирито имаше различни мислење за Македонецот. „Имаш поубава боја на гласот, некако созреваш како пејач. Мислам дека за неколку години ќе биде океј“, изјави Ана Бекута. „Се’ повеќе си подобар, не знам што е со остатокот на жирито, како да немаат уши? Втората песна беше одлична, така пејат Македонците“, истакна Босанац. „Темелков, преку глава ми од тебе. Се исто пееш. Извини, те молам водете го оттука“, истакна Марија Шерифовиќ. „Никако да се ослободиме од тебе, кој те бре враќа?“, праша Јелена Карлеуша, а тогаш Поповиќ откри дека продукцијата одлучила да го врати во натпреварувањето. На крајот Марија му даде глас на Темелков и тој помина во четвртиот круг. Саша Поповиќ откри дека ова било „наместено“ односно се договориле со Марија, Јелена Карлеуша и Ѓорѓе Давид да не му дадат глас со цел малку да ја исплашат и стресат Вики Миљковиќ. „Јас секако ќе те пуштев. Како да не те пушам? Јас се договорив со Марија, Јелена и Ѓорѓе да не гласаат за тебе, малку и Вики да го почувствува тој стрес“,изјави Поповиќ. Целиот настап на Темелков може да го погледнете во видеото подолу на 2:27:59.

Во студиото настана општ хаос: Само овој Македонец успеа да ја крене Карлеуша во раце (видео)

Христина Ѓоргиевска — Tue, 08 Dec 2020 07:28:01 +0000

Секоја сабота имаме прилика да го гледаме регионалното музичко „Ѕвездите на Гранд“ каде што разни музички таленти, а меѓу нив и претставници од Македонија се трудат во неколку минути да се прикажат во најдобро можно светло. Оваа година во музичкото шоу учествува и Александар Темелков од Скопје кој не е првпат на музичката сцена. Имено, тој пред неколку години исто така се појави во „Ѕвездите на Гранд“ каде што направи вистински хаос со своето појавување. Тогаш Темелков излезе на сцената и ja отпеа песната „Кило горе, кило доле“ и се приблжи на Карлеуша која го крена Македонецот и го врати назад на средина на сцената. Александар во таа сезона на музичкото шоу остави впечаток и беше препознатлив, но не успеа да оствари некој успех. Меѓутоа, изгледа овој Македонец не се откажува, па затоа одлучи оваа година повторно да се врати на добро познатата сцена и повторно да направи вистинско шоу. Имено, во првиот круг , Темелков успеа веднаш да го освои жирито, но и публиката која штом го виде почна да аплаудира. https://arhiva.vistina.com.mk/radio-mileva/samo-shto-se-pojavi-na-scena-publikata-go-pozdravi-so-aplauz-aleksandar-temelkov-povtorno-vo-dzvezdite-na-grand-napravi-haos/ Темелков за свој ментор ја одбра Вики Миљковиќ и заедно работеа на неговото претставување во вториот круг, а емисијата во која ќе настапува Александар ќе се емитува оваа сабота на Канал 5 телевизија. Во најавата за едно од новите изданија на „Ѕвездите на Гранд“ Темелков успеа да ја крене Јелена Карлеуша во раце, а Шерифовиќ довикуваше: „Браво кралу, браво“. Во продолжение погледнете како најпосакуваната жена заврши цврсто во рацете на ова наше момче - Македонче... Е едно е сигурно – Александар не само што ја крена Јелена во раце, туку и публиката ја крена на нозе.

Добра “професорка“: Maкедонците од „Ѕвездите на Гранд“ ги започнаа подготовките за вториот круг со Вики Миљковиќ

Христина Ѓоргиевска — Wed, 13 Nov 2019 09:11:23 +0000

Во септември започна новата сезона на регионалното музичко „Ѕвездите на Гранд“ каде и оваа година има и македонски претставници. Како и претходната сезона, правилата во музичкото шоу остануваат речиси исти, со некои мали измени. Имено, членовите на жирито имаат и улога на ментори, па заедно со своите екипи и соработници ги подготвуваат кандидатите за следните кругови. Во оваа сезона, наместо продукцијата, има и гост – ментор кој гостува само една емисија и може да одбере некој кандидат, па во таква улога ќе ја видиме и македонската пејачката Тијана Дапчевиќ. https://arhiva.vistina.com.mk/radio-mileva/tijana-dapchevikj-so-neverojatna-stilska-transformacija-se-pojavi-vo-dzvezdite-na-grand-i-gi-ostavi-site-so-podotvorena-usta-foto/ Како и во досегашните сезони, така и оваа година во музичкото шоу има македонски претставници, а меѓу нив Стефан Виличковски, Марио Арангеловски, Александра Темелков, Гоце Бошковски... https://arhiva.vistina.com.mk/radio-mileva/samo-shto-se-pojavi-na-scena-publikata-go-pozdravi-so-aplauz-aleksandar-temelkov-povtorno-vo-dzvezdite-na-grand-napravi-haos/ Александар Темелков и Гоце Бошковски за свој ментор ја одбраа пејачката Вики Миљковиќ. Бидејќи наскоро започнува вториот круг на музичкото шоу, Вики Миљковиќ и нејзината екипа започнаа со подготвките на нејзините кандидати. Имено, Александар и Гоце се најдоа во студиото на Миљковиќ каде ги бираат песните за следниот круг, работат на грешките, интерпретација и целосниот настап. Темелков на својот „Фејсбук“ објави фоготафија од студиото, а во описот напиша: „Професионално се подготвуваме за вториот круг со мојот ментор Вики Миљковиќ и Ташке“ напиша Александар на заедничката фотографија. И Гоце Бошковски сподели дел од атмосферата во студиото на Миљковиќ. Инаку, добро е познато дека српската пејачка целосно е посветена на своите кандидати и има ангажирано цела екипа, односно шминкер, фризер, стилист, психолог кои професионално и посветено работат сите заедно. Како Вики ќе ги подготви македонските кандидати и дали ќе поминат во третиот круг, останува да видиме.

Само што се појави на сцена, публиката го поздрави со аплауз: Александар Темелков повторно во „Ѕвездите на Гранд“ направи хаос

Христина Ѓоргиевска — Mon, 11 Nov 2019 07:41:14 +0000

Во последната емисија на „Ѕвездите на Гранд“ настапуваше и добро познатиот Александар Темелков кој досега неколку пати се натпреваруваше во регионалните музички шоуа. Штом се појави на сцената, Темелков беше поздравен со аплауз од публиката која веднаш го препозна. Тој се претстави со песните „Само тебе јас те сакам“ и „Ти ќе си моја“ од Јордан Митев, а жирито го препозна по неговиот глас и знаеше за кого станува збор. По неговата изведба, Темелков доби три гласа односно од Адил, Јелена Карлеуша и Вики Миљковиќ. Со неговите интерпретации тој успеа да ја крене публиката на нозе, па направи вистински хаос во студиото на „Гранд“. Саша Поповиќ истакна дека Темелков е низок, па го покани Ѓорѓе Давид на сцена за да ги спореди по височина. Александар за свој ментор ја одбра Вики Миљковиќ, а Поповиќ за да направи шоу истакна дека погрешил што ја одбрал Миљковиќ и дека требало да ја одбере Карлеуша.

„Цело време навиваш за Јелена. Како никој друг да не постои“ викаше Вики на директорот на продукцијата. „Само сакам нешто да кажам. Не сакам никој да се налути затоа што ја одбрав Вики Миљковиќ, јас сите ги сакам“ вели Темелков, а Јелена додаде: „Не се лутиме, сите сме згрозени“ додаде Јелена, па настана кавга меѓу Вики и Јелена што се случило со нивните кандидати по финалето на музичкото шоу.

Како Миљковиќ ќе го подготви Темелков за следниот круг останува да видиме. Инаку, ова не е првпат Александар да учестува во „Ѕвездите на Гранд“. Тој беше во музичкото шоу и пред неколку години кога и пееше на Зорица Брунцлик. Меѓутоа, остана препознатлив кога пееше „Кило горе, кило доле“ на Јелена Карлеуша која тогаш го зема Александар во раце и го изнесе на сцената. Неговиот настап во последната емисија на „Ѕвездите на Гранд“ може да го погледнете на 1 ч и 33 минути во видеото подолу. https://www.youtube.com/watch?v=OL2MgtNxcbY&t=6599s