александар масевски – Вистина.мк

Андреа со вас визуелно ќе ја сподели својата – „Телепатија“ (ВИДЕО)

Антонио Димитриевски — Tue, 24 Jan 2023 13:52:02 +0000

Последната македонска евровизиска претставничка Андреа Коевска сега го промовираше спотот за песната „Телепатија“ со која се престави на последниот „Макфест 2022“. По лирик видеото кое излезе веднаш по фестивалската изведба, можеби со извесно задцнување, но сепак македонската пејачка деновиве го промовираше спотот за фестивалската песна која е комплетно авторско дело на композиторот и продуцент Александар Масевски. „Работев навистина напорно за да создадам визуелно искуство што оди рака под рака со песната и навистина сум возбудена што можам да ј споделам со вас“ - вели Андреа промовирајќи ја псната на Јутјуб каналот и социјалните мрежи. Потсетете се како звучи погледнета како е визуелирана макфесовската „Телепатија“ на Андреа, во видото во породолжение (КЛИКНИ ТУКА):

Андреа со песната „Circles“ ќе ја преставува Македонија на Евровизија (ВИДЕО)

Антонио Димитриевски — Sat, 05 Feb 2022 08:00:57 +0000

На МРТ 1 вчеравечер, 04 февруари 2022 година во емисијата „Стисни Плеј“ беше избран македонскиот евровизиски претставник, а победата ја однесе Андреа со песната „Circles“. Пред камерите се претставија шесте кандидати за кои народот имаше можност да гласа изминативе денови на специјалнокреираната платформа за гласање. Кали, Лара, Виктор, Јон, Андреа и Рис Флауер се релативно млади музички имиња, кои претходно беа избрани како финалисти на конкурсот кој го распиша МРТ. „Пред сè, благодарам Македонија! Ветувам дека ќе направам сè да ги оправдам вашите очекувања. Честитки за сите учесници во национланиот избор, бевте тешка конкуренција Оваа шанса за мене е одговорност, како професионална, така и лична. Поддршката од страна на публиката и медиумите ми даде голем поттик овие две недели. Александар Масевски, благодарам за Circles! Останува да продолжиме со полна пареа со подготовките за Евровизија и достојно да ја претставиме Македонија во Торино“ - напиша Андреа на социјалните мрежи. Изборот се одвиваше по пат на онлајн гласање, а гласовите од јавноста сочинуваа 50 проценти, додека останатите 50 проценти беа доделени од страна на стручно странско жири. Тркатаза прво место беше до крај незивесна и изедначена помеѓу Андреа и Виктор Апостоловски и неговата „Супермен“, но според правилата на гласањето, Андреа е претставникот на Евровизија бидејќи доби повеќе гласови од стручното жири. Музиката, аранжманот и продукцијата на евровизиската песна ги потпишува Александар Масевски, додека стиховите на песната се заедничко дело на авторот и изведувачот - Александар Масевски и Андреа Коевска.

Андреа со уникатна порака како „да летаме“ со позитивна мисла и енергија низ животот во – „Јавачи“ (ВИДЕО)

Антонио Димитриевски — Thu, 18 Nov 2021 13:53:47 +0000

По неколкуте песни на Англиски јазик, Андреа има нова песна, овој пат на Македонски јазик. „Јавачи“ е името на најновиот сингл достапен на сите музички онлајн платформи веќе од 16 ноември. Со звук кој нè потсетува на 2019-та, а текст кој несомнено може да ја инспирира денешната младина, Андреа пее на македонски и има силна порака која сака да ја пренесе. „Јавачи е песна што ја направивме со Масе во 2019 зашто тогаш кај нас преовладуваше трапот како саунд, но ние одлучивме да вметнеме RnB мелодија, па Јавачи се сними како песна со поп призвук. Пораката која сакам да ја испратам до публиката е дека секој од нас има свој пат и го оди најдобро што може и умее, па така и го носи товарот од своите успеси или неуспеси. Сакам да пренесам позитивна енергија, а во суштина таква е и целата песна, „лета“. Во ниту една сфера од животот не треба да се споредуваме едни со други, зашто сме различни, уникатни и така треба да се сакаме, „да летаме“ низ животот со позитивна мисла и енергија,“ - вели Андреа. По I Know, I Don’t Know Your Name, Betting on You, Heartbreak и Choose My Way, песни со кои ја освојува светската музичка сцена, младата пејачка одлучува да се посвети на матичната публика, па така доаѓа редот и на Јавачи, песна на македонски јазик – нешто на кое не сме навикнати кога станува збор за Андреа. Оваа песна доби и свој видео запис чија продукција и постпродукција ја потпишува Ени Вучидолова, кој е веќе поставен на нејзиниот официјален YouTube канал. „Веќе подолго од една година, постојано се трудам професионално да ја развивам мојата кариера како поп пејач, а тоа значи да издавам нова песни во континуитет кои ќе бидат застапени на сите музичи платформи, а ќе имаат и свои музички спотови. И јас, како професионален музичар, ги надградувам своите вештини, го развивам мојот талент и интензивно работам на квалитетот на гласот и перформансот. Мојата амбиција да успеам во музичкиот бизнис во светски рамки бара многу откажувања, труд и истрајност. Добивам голема поддршка од најблиските, од друштвото, но и од тимот кој стои зад мене. Македонија е мал пазар, но за мене најважен. Овде е мојата отскочна даска, во срцето. Затоа на македонската публика и подарувам песна на македонски јазик. И нема да биде последна, се разбира.“, вели Андреа. Андреа е родена е на 14 февруари 2000 година и живее во Скопје. Љубовта кон музиката се раѓа при нејзиниот прв контакт со госпел, соул и R&B музиката додека одреден период живеела во Харлем со нејзиното семејство. Нејзините родители, доктор и професор, од неа очекувале да одбере „респектирана“ кариера, но таа го следи срцето и се посветува на музиката. Светските музички блогови за неа велат дека „прикажува соул тонови со самодоверба и софистицираност на многу поискусен уметник“ и ја нарекуваат „водечки инди уметник во Македонија“. За Андреа има објавиво музички блогови во САД, Бразил, Полска и Русија. Таа беше интервјуирана за радиа и подкасти во САД, Велика Британија, Холандија и Мексико. Нејзиниот прв сингл „I know“ се емитуваше на преку 200 радио станици во над 40 земји.

„М!“ сака да ви каже дека сепак – „Има назад“ (ВИДЕО)

Антонио Димитриевски — Thu, 04 Nov 2021 13:23:32 +0000

Кој е М? Мартин Каранаков алијас М! е средношколец од скопската гимназија „Орце Николов“, секојдневно пишува стихови и тукушто стана полнолетен. Нови музички остварувања допрва следуваат. Игра кошарка за Работнички, омилен стил му е Boom Bap-от, а тукушто ја објави својата прва песна во стихувано видео (lyrics video): добредојде за раперот М! на нашата сцена. „Има назад“ е насловена траката инспирирана од артисти како Joey Bada$, Nas, Biggie, Mobb Deep и 50 Cent. Музиката, аранжманот и продукцијата на песната ги направи нашиот познат композитор Александар Масевски, а спотот е во режија на Мартин Чичовски. М

Скопјанката Андреа продолжува да „гази“ по светските топ листи со – „Choose My Way“ (ВИДЕО)

Антонио Димитриевски — Mon, 30 Aug 2021 12:38:16 +0000

Петтиот сингл на македонската пејачка Андреа, „Choose My Way“ излезе на 27-ти август. Овој пат Андреа допира до тинејџерите со една помрачна, подлабока електро-поп балада, во која ќе се пронајдат младите, но и повозрасните. „Choose My Way“ се одликува со подлабока текстуална софистицираност за младата артистка и ги истакнува влијанијата на соул и RnB музиката. Откако се појави на сцената, Андреа успешно се пробива и на светските топ листи. Светски познати блогови пишуваа позитивни критики за нејзините вокални способности, нејзините песни како и за нејзиниот уникатен пристап кон музката. Нејзините синглови „I Know“, „I Don’t Know Your Name“, „Betting on You“ и „Heartbreak“ се емитуваа на преку 200 радио станици низ целиот свет во над 40 земји, вклучувајќи ги САД, Велика Британија, Германија, Холандија, Италија, Швајцарија, Норвешка, Франција, Мексико, Канада, Сингапур, Јужна Африка, Грција, Бугарија и други. Композитори музички продуцент на новата песна на Андреа е одново Александар Масевски, стиховите ги напишале заеднички тој и Андреа Коевска, додека мастерингот му е доверен на Darius van Helfteren. Видеоспотот кој следи песната е искреиран и продуциран од Ени Вучидолова (2 by 4 Group) Проследете како звучи „Choose My Way“ од анимираното лирик видео во продолжение: https://www.youtube.com/watch?v=x0kLX4sXGNw&t=147s

Македонката Андреа одново атакува на европските топ листи со – „Talk to Me“ (ВИДЕО)

Антонио Димитриевски — Wed, 07 Apr 2021 12:41:48 +0000

Откако минатата година која за сите нас беше катастрофална и крајно депресивна, младата македонска пејачка Андреа влезе во 2021 со една весела перспектива по големиот успех што токму среде корона пандемија постигна планетарен успех со своите први две песни. Затоа на 2. април годинава реши да го издаде новиот сингл „Talk to Me“. Овој сингл е забавна, безгрижна трака која зборува за уметноста на флертот. „Навистина сакав да направам песна која ќе го одвлече вниманието и ќе им овозможи на луѓето да уживаат, да не се повлечат, туку да се релаксираат и да танцуваат“ - изјави Андреа. Нејзиниот прв сингл, „I Know“ имаше премиера на престижниот британски музички блог Blackplastic, а нејзиниот втор сингл кој излезе нешто подоцна во 2020 „I Don’t Know Your Name“, ги надмина сите очекувања со приближно 140.000 стримови меѓу оригиналот и ремиксите. Оваа млада македонска поп изведувачка во европски подем вели дека целта зад „Talk to Me“ e да се искреира свеж, модерен звук испреплетен со ретро синтвејв елементи. Стиховите од типот: „...Дon’t wanna wait or hold back, don’t wanna lose you out of sight” ја потенцира страсната потреба која луѓето ја имаат во моментот кога прв пат се „затрескуваат“. „Talk to Me“ е паузата која на сите ни е потребна, пауза од сите сериозни теми и е песна која го потсеќа слушателот на среќните, безгрижни моменти во животот. „Talk to Me“ е компонирана, продуцирана и аранжирана од Александар Масевски. Стиховите се на Андреа Коевска и Александар Масевски, а мастерингот го изработил Darius van Helfteren. За песната е снимено и видео кое го потпишува режисерот Владимир Митревски - „Ѓуле“, а во него покрај Андреа се појавуват уште и црномурестиот Амир Смит, како и танчериите од „Тhe Beatrix dancers“. https://www.youtube.com/watch?v=07_4jT5Arks

Андреа не го знае твоето име, но наскоро сите ќе го запаметат нејзиното – „I Don’t Know Your Name“ (ВИДЕО)

Антонио Димитриевски — Tue, 05 Jan 2021 13:49:04 +0000

20 годишната Андреа е новото пејачко име кое уште со првата песна направи вистински бум не само во Македонија, туку и надвор од неа. По само две недели од излегувањето на синглот „I know“, песната почна да се пушта по радиостаниците во 15 европски земји, САД, Јужна Америка, Јужна Африка... Нејзиниот исклучителен вокал го забележал токму композиторот Александар Масевски, кој младата пејачка ќе ја зеде „под свое“, така што Андреа неодамна го издаде и својот нов сингл, одново отпеан на англиски јазик. Темата овој пат носи наслов „I Don't Know Your Name“, и во неа таа одново на најдобар начин ги истакнува своите моќни вокални способности. За неа е снимено и видео во кое главен лик е македонската балерина Стефанија Гаштарска, единствената Македонка која е дел од ансамблот на големата „Бољшој балетска академија“. Новата песна на Андреа можете да ја слушнете и на сите онлајн музички платформи. Композитор, аранжер и музички продуцент на песната е Александар Масевски, кој ги напишал и стиховите, додека мастерингот го направил Дариус Ван Хелфтерен. Режијата на видеоспотот ја потпишува Владимир Митревски - Ѓуле, а зад него стои продукцијата „Фокус филм“. Проследете како сето тоа извучи и изгледа: https://www.youtube.com/watch?v=toVm99dQiMs&feature=emb_logo

На Сања Лефкова и се оствари сонот – ја има првата песна на англиски јазик „Don’t you get it’ (видео)

Слободанка Илиева — Mon, 31 Aug 2020 10:25:49 +0000

Поп пејачката Сања Лефкова која заедно со сопругот и децата веќе неколку години живее во странство, има нова песна која ја изработи во периодот додека престојуваше во Македонија. По последната „Pочеток и крај“ која ја објави во 2018 година, Сања по двегодишна пауза повторно влезе во студиото на Александар Масевски кому ја препушти целосната доверба за музика, тект аранжман и продукција на „Don’t’t you get it“, која недно е прва што ја пее на англиски јазик. -Конечно мојот сон уште од дете се оствари. Сега можете да ја слушнете мојата прва песна на англиски јазик. Се надевам дека песната ќе допре до вас, пишува Сања на својот Фејсбук. Погледнете:

Андреа има песна која ќе ви го забрза пулсот – „Heartbreak“ (АУДИО)

Антонио Димитриевски — Tue, 25 Feb 2020 13:37:19 +0000

За неа велат дека е Македонка која пее песни на англиски јазик со светски звук. А всушност младата Андреа е само уште едно дете, птоизвод од музичката лабораторија на македонскиот композитор, текстописец, продуцент, аранжер... Александар Масевски. По дебитантската „I know“, младата пејачка Андреа Коевска неодамна ја промовираше и втората своја песна, одново испеана на англиски со наслов „Heartbreak“. Очекувано, авторскиот дел и овој пат го потпишува Александар Масевски, како музиката, аранжманот и продукцијата, додека на стиховите на песната, коавтор е самата Андреа. Мастерингот бил направен во Холандија кај Darius Van Helfteren, еден од старите пријатели на Масевски од времето на неговиот долгогодишен престој и студиска работа во Амстердам. Песната нема видеозапис, но има одлична фотографија како за обвивка на ЦД, која ја направил фотографот Тео Костовски. Темата „Heartbreak“ звучи модерно, свежо, моќно, налик на светските хитови, па затоа и не би не зачудило ако за Андреа по некое време повеќе се слушне надвор отколку дома. Впрочем, светот денес е „глобално село“, па со помош на технологијата добрите музички парчиња бргу патуваат на вистинското место. Дотогаш, слушнете ја „Heartbreak“ и внимавајте на слухот... и пулсот:

На Мартија Станојковиќ и треба „Возбуда и љубов“ (ЛИРИК ВИДЕО)

Антонио Димитриевски — Wed, 16 Oct 2019 11:59:17 +0000

Младата кумановка, поп пејачката Мартија Станојковиќ остави забележителен впечаток на последниот „Макфест 2019“. Како со својата песна со која настапи на фестивалот, насловена „Возбуда и љубов“ така и со својот впечатлив и возбудлив сценски настап за кој ја доби и наградата од 500 евра, како изведувач со најдобро изведен перформанс на сцената на „Макфест 2019“. Темата „Возбуда и љубов“ инаку е комплетно авторско дело на Александар Масевски, чии се музиката, стиховите, аранжманот, продукцијата, миксот и мастерингот. Песната е во модерен поп-денс/ар ен би стил, со танцувачки ритам и мелодија и рефрен зачинети со стихови кои се паметат, низ кои провејува позитивната мисла и струи позитивна енергија. Едноставно Мартија добила песна која е адекватна за нејзината вораст и генерација, а таа со својата изведба и одличниот костимиран сценски настап збогатен со соодветна кореографија, на најдобар начин ја донесе песната комплетирајќи го впечетокот. Како минува времето младата кумановка полека расте и со возраста, но и со музичката зрелост, па од нејзиното емотивно и духовно созревање, очекуваме и музички да созрее и прерасне во една од водечките перјаници на домашната естрада, за што го има сиот потенцијал и сите предиспозиции, а времето работи во нејзина полза. Во меѓувреме, уживајте во нејзиното најново фестивалско остварување, лириквидеото за макфестовската „Возбуда и љубов“ иработено од Бојан Стојковски. https://www.youtube.com/watch?v=RjK_3rC_zgs