александар маленко – Вистина.мк

Петтиот брак на пливачот „ги усвити“ социјалните мрежи: Знаете ли што им е заедничко на Александар Маленко и Емилија Розман?

Антонио Димитриевски — Fri, 15 Oct 2021 07:16:40 +0000

Петтиот по ред брак на Александар Маленко со словенечката инструкторка по пливање и терапевт за масажа во Марибор, 42 годишната Метка Спаравец ја разбранува јавноста, која пак ги „запли“ социјалните мрежи до усвитување. Во дождливото есенско предизборие, новата брачна авантура на некогашниот македоннски пливачки шампион од Охрид и спортистката на годината за 1999 година во Словенија, покренаа уште една дилема: Кој е „брачен шампион“ и во кои тоа „брачни дисциплини“ во Македонија? Се разбира, откако претходно социјалните мрежи не споделија илјада и еден шеговит пост или твит на сметка на најдобриот пливач на сите времиња во „брачните води“, ама на куси патеки! Коментираа(т) сите, со текст или слика, на Фејсбук или Твитер... Од обични луѓе, до познати и јавни личности... Постови и твитови - безброј, а меѓу нив, како што споменавме и на некои од познатите, како водителот на „Јади бурек“ , Јанко Илковски, на пример... ...Или познатата македонска мисица, манекенка и модел, Емилија Розман, која „брачната петтка“ на Маленко, ја искористи да се пошегува и на своја сметка: Кога сме веќе кај неа, дали знаете што им е заедничко на Александар Маленко и Емилија Розман? Претпоставувате, одговорот лежи во „нешто околу бракот“ и во право сте. Засега тие се македонски „брачни шампиони“, барем кога се јавните и познати личности во Македонија во прашање. „Спортот“ е ист - „пливање во брачни води“, само „дисциплината“ им е различна. Тој во број на бракови, таа во времетраење на бракот. Се мажеле и разведувале многумина од нашите познати фаци, некои и по неколку пати, на други пак бракот не им потраал долго, ама овие двајца се дефинитивно - македонски „брачни рекордери“! Имено, Маленко е македонски шампион на долги стази во краток рок, или што би рекле според бројот на склучени бракови, а Розман е шампионка во должината на траење на еден брак. Пливачот до сега пет пати застанал пред матичар, а мисицата „спринтерски“ протрча низ бракот кој и траеше едвај 15-ина дена. Токму затоа, засега тие двајца го делат „брачниот трон“ кој најмногу пати за пред олтар или за најбрз развод е шампион! Фото: Социјални мрежи/принтскрин

Маленко е македонски рекордер во пливање… во брачни води: Тој „една рака“ деца, а заедно со неговата нова, петта невеста, вкупно девет!

Антонио Димитриевски — Wed, 13 Oct 2021 06:43:15 +0000

Некогаш македонскиот машки пливачки мегаталент, велат најдобар на сите времиња, излезе дека најмногу љуби да плива во „брачните води“. Александар Маленко како јуниор редеше рекорди, добиваше медали, собираше трофеи, но како сениор, се покажа дека во пливањето низ животт „се дави“ на секои неколку години. Најновата вест вели дека некогашниот пливачки шампион стана шампион и кога е застанувањето пред матичар во прашање. Или пред олтар сеедно, кој како и бракот не му е баш најсветото нешто. Имено, Александар Mаленко одново се оженил... И тоа по „јубилеен“ петти пат! Овој пат негова избраничка, некои велат „нова брачна жртва“ е негова колешка, инструкторката по пливање во пливачкиот клуб „Браник“ - Марибор, Словенката, Метка Спаравец. Обајцата среќната вест ја обзнанија преку фотографии на социјалните мрежи, а невестата веднаш дури и го додал презимето на малдоженецот кон своето. На некои од фотографиите „младите“ се фотографирани непосредно пред и по венчавката, која била едноставна, без многу сватови и медиумска помпа. Дека „пливањето“ во брачните води на Маленко му е „послаба страна“, а менувањето брачни сопатнички „ахилова петица“ се виде уште при првиот брак со пејачката и ТВ водителка Сузана Турунџиева. Со неа ја има ќерката Лора која во 2019 година му го донесе внучето Јаков. По првата брачна авантура со Турунџиева од која едно време Маленко го презема и презимето, следуваше втората, со исто така позната личност, која подоцна на пливачот му стана сопруга број 2 - актерката Јелена Жугиќ. Во тој брак Маленко и Јелена го добија синот Ахил, но и брачната „реприза“ на пливачот не потраа долго, па тој тргна по „трета брачна среќа“. И тоа во првиот свој интернационален брак со шест години постарата Русинка, Татјана Михалова Фјодорова. Но, и руската бајка со руската „дјевушка - блондинка“ за Маленко не беше вековита, иако и од неа остана уште едно дете од неговото бројно потомство, и тоа одново син. Претпоследна во „брачната низа“ на Маленко и неговото пливање низ „немирните брачни води“ беше одново една Македонка. Враќање дома, во родното место, македонскиот бисер - Охрид, за уште еден, четврти по ред „брачен бисер“ на шампионот во базенот и бракот! Охриѓанката Фанче, ќерка на сопственикоот на еден угледен охридски хотел стана тогаш негова нова сопруга, но се покажа дека не е и последна. Со неа Маленко исто така има „брачно наследство“ од две машки дечиња. И конечно, оваа негова најнова, одново интернационална „брачна авантура“ со Словенката, Метка, за „брачна петка“... Засега само како бројка со која му се бројат браковите... и децата од нив! Но, она што можеби е поинакво и поразлично во овој брак од сите претходни на Маленко е тоа што и на неговата најнова невеста ниту и е „прв пат“, ниту пак таа не е претходно реализирана како мајка. Напротив, Словенката исто како и нејзиниот македонски младоженец има „богат брачен багаж“ зад себе кога се децата во прашање, зашто колку што е познато Метка е веќе мајка на 4 дечиња. Се' на се', Маленко е македонски рекордер во пливање... во брачни води! Тој „една рака“ деца, а заедно со неговата нова, петта невеста, вкупно девет! Јубилејната десетка кога е потомството во прашање, белким ќе дојде наскоро! Нека им е со среќа! Фото: Фејсбук и Инстаграм принтскрин

Руши рекорди во дисциплина брак: Александар Маленко се разведе по четврти пат

Слободанка Илиева — Thu, 02 Apr 2020 07:39:44 +0000

За Александар Маленко изминатиот период во медиумите се пишуваше во написи поврзани со неговата ќерка Лора која се омажи и стана мајка, а тој дедо. Претходно пак, го следеа и скандали со Пливачката федерација на Македонија. Но, сега Маленко е повторно во фокус поради она за кое излегле најмогу наслови досега - бракот односно разводот. Имено, на Маленко повторно не му се плива во брачните води, и решил да се разведе по четврти пат, овој пат од Фанче од Охрид која е сопственичка на хотел. Приказната започна со пишувањата дека Маленко во една утринска емисија открил дека извесно време не живее заедно со сопругата. -По седум години брак се разделивме и толку. Тоа е наш приватен живот и никого не замараме. И нема потреба. Кому да му полагаме сметка, нема потреба од експонирање. Мене само ми е смешно што никој не ми се јавил да ме праша и сега коментираат за нешто што се случило пред година и пол, вели пливачот за ммс.мк Инаку, Маленко и Фанче се венчаа во 2012 година, а од бракот имаат две малечки синчиња. За потсетување, брачната историја на Маленко е ваква: Зад себе има четири брака и пет деца. Прва негова сопруга беше водителката Сузана Турунџиева, со која ја има ќерката Лора, од која доби и внук. Беше во брак и актерката Јелена Жугиќ со која го има синот Ахил. Третата сопруга на Маленко беше шест години постарата Русинка, Татјана Михалова Фјодорава со која исто така има син.