Мартин Костадинов во своето музичко првенче нуди – „Надеж“ (ВИДЕО)

Антонио Димитриевски — Thu, 11 Jan 2024 12:14:40 +0000

Дваесетгодишниот талентиран Мартин Костадинов од Гевгелија го објави своето првенче „Надеж“, песна исполнета со многу емоции кои лесно можат да допрат до слушателите. Младиот пејач освен што го збогати музичкото парче со својот милозвучен глас, се погрижи за текстот на песната како и музиката заедно со Борис Кјаев. Битот е дело на Немања Кипиќ, пратечки вокали се Јасмина Атанасова и Александар Комненовиќ, а зад сценариото за музичкото видео стои познатиот инфлуенсер Александар Динев. Спотот е снимен и едитиран од страна на Александар Комненовиќ, а за кореографијата се погрижи Цветанка Атанасова.

Мартин истакна дека ова дело има посебно значење за него бидејќи отсликува дел од неговиот живот: „Песна која што за мене има огромно значење, неколку минути кои опишуваат една прекрасна, но, и болна етапа во мојот живот. Се надевам дека ќе ви се допадне и ќе уживате во мојот првенец.“ За потсетување, младиот Мартин минатата година се натпреваруваше на музичкото талент шоу „Ѕвездите на Гранд“ под менторство на познатата пејачка Ана Бекута, и дефинитивно остави одличен впечаток. Но, ова е само почеток, Мартин во моментов работи и на втора песна со побрз и весел ритам, а дотогаш слушајте ја „Надеж“.

Благица Ѕунѕуровска „посјајна и од на небо ѕвездите“ пее во – „Види ме“ (ВИДЕО)

Антонио Димитриевски — Tue, 26 Jul 2022 12:23:28 +0000

Младата пејачка и јутуберка Благица Ѕунзуровска пошироата јавност ја запозна уште пред неколку години, кога како слатко мало девојченце од Македонија успеа да победиво регионалното музичко шоу „Некои нови клинци“. По победата Благица се појави и во „големото шоу“, на „Ѕвездите на Гранд“ каде се претстави одлично и заслужено далеку дотурка. По бројните снимени кавери и неколку свои песни, како „Без тебе“ или „Не е фер“, младата пејачка има нова песна. Таа со видеоспот го промовираше своето најново музичко остварување асловено „Види ме”. Песната е комплетно дело на младата пејачка, додека пак аудио мастерингот и видео спотот ги реализираше Александар Комненовиќ. Видеото е снимено во Скопје, во Скопје Евент Центар. Се разботи за интересна, модерна, хитовска летна песна, токму каква што и прилега на возраста на младата талентирана пејачка, која стилски продолжува во зададениот правец кој самиот си го поставила. Она што е евидентно дека таа и авторки и музички и пејачки полека созрева, па не чудно наскоро и со популарноста сериозно да ги загрози своите врснички од типот на Антониа Г. или Мартија С. кои од неа се медиумски далеку поекспонирани и попознати... Но очигледно, само сега за сега. Во продолжение, проследете ја песната и погледнете го видеоспотот насловени по она што Благица ви порачува дека треба да го направите кога е таа во прашање - „Види ме“:

Александар Комненовиќ – Вистина.мк

Мартин Костадинов во своето музичко првенче нуди – „Надеж“ (ВИДЕО)

Благица Ѕунѕуровска „посјајна и од на небо ѕвездите“ пее во – „Види ме“ (ВИДЕО)