александар билјановски дадар – Вистина.мк

За вакво уредување од ентериерот треба да се има умешност: Ѕирнете во домот на стилистот Дадар (фото)

Слободанка Илиева — Sat, 10 Jun 2023 07:05:37 +0000

Уредувњето во домот е одраз на карактерот на личноста, што е логично и сосема разбирливо, оттука, ентериерот од домот на познатиот македонски стилист Александар Билјановски- Дадар може да се опише како смирен, топол, но со доза на еклектичност. Домот на познатите секогаш е интересен за љубопитното око на јавноста. Дадар е еден од најпознатите и најбараните стилисти во нашата земја, а неговата медиумска актуелност никогаш не била во надолна линија. На социјалните мрежи најчесто гледаме фотографии од неговиот салон каде ги стилизира дамите, овој пат ќе погледнете каде живее Дадар, односно како изгледа неговата оаза на мирот, интимата- неговиот дом. Сонцето после дождот беше момент тој да направи неколку фотографии и да ги објави на Инстаграм, а од истите да видиме како изгледа дневниот престој. За ваквото уредување многумина ќе се согласат дека треба да се има умешност да се спојат неколку стилови, од минимализам до рустика, за да се дојде со некоја блга доза на еклектичност која дава една совршена целина од уредувањето. Деталите се оние кои го имаат примарното место, темните бои и растенијата кои дававаат свежина и позитивна енергија. Кога може да направи совршенство од шминка и фризура, немаше сомнеж дека истото го може и во домот. Чиста перфекција! фото:Инстаграм принтскрин/ Александар Дадар

Дупер ја заокружуваат 2022 година со „Дадада“ (видео)

Слободанка Илиева — Wed, 21 Dec 2022 11:13:04 +0000

Музичкото дуо „Дупер“ ја заокружува годината со нова песна насловена „Дадада“ за која снимија и спот. Темата е типично во нивниот препознатлив стил, динамична и позитивна со ритам кој тера да играте и да ја запеете. Музиката и аранжманот се дело на Борис Какуринов, додека текстот е напишан од Илчо Нечовски. Спотот пак, е снимен под режисерската палка на Трифун Ситниковски. За потсетување, бендот кој постои четири години денес го сочинуват Борис Какуринов (гитара и клавијатури) и Илчо Нечовски (бас и вокал). Кариерата ја започнаа како трио во 2018 година кога од нигде никаде преку ноќ станаа популани меѓу младата популација со хитот „Не сум твој тип“. Тогаш групата функционираше како трио, а во неа беше и тапанарката Марина Баракоска, која по неколку издадени песни, заради несогласување со останатите двајца членови го напушти бендот, во кој останаа Борис и Илчо. Во продолжение слушнете ја новата „Дадада“: фото:Јутјуб принтскрин

Дадар: „Кога зборувам со некоја жена секогаш замислувам како треба да е нашминкана“ (ВИДЕО)

Антонио Димитриевски — Fri, 27 May 2022 05:47:32 +0000

Александар Билјановски – Дадар цели 22 години ги разубавува дамите. Сеедно дали се тоа од јавниот живот или сосема обични девојки и жени кои доаѓаат во неговиот салон, Дадар вели дека за него е предизвик кога треба некого да разубави. Како минуваат годините, така и тој го менува стилот, па сега веќе не ја шминка секоја девојка со виолетови нијанси како на почетокот. „Тогаш мислев дека знам сè и дека секоја жена треба да ја шминкам со виолетово, без разлика дали ѝ стои или не. Низ годините научив нови трикови и техники, и сега со дамите секогаш се договараме пред да почнам да ги шминкам“, ни кажа Дадар во разговорот. Ни откри и дека оваа сезона хит се интензивни бои, зелени, портокалови и розови нијанси. Во неговото студио доаѓаат сите. Од домашни и странски пејачки и актерки, до бизнисменки и политичарки, скоро и да нема некој со кого Дадар не соработувал низ годините. Искрен е кога вели дека на почетокот имал многу поголема самодоверба, но и младешки ентузијазам и дрскост. Која дама и да дошла за да ја нашминка, тој никогаш не се плашел дека тоа нема да ѝ се допадне. Шминкањето му е прва љубов, а почнала во осмо одделение кога случајно нашол цртеж од око што го нацртал татко му. Вели, толку многу се опседнал со сликата што окото почнал да го црта буквално секаде. „Потоа почнав да шминкам, прво сестра ми близначка, братучетките, другарките, секогаш имав модели на кои можам да вежбам. Знаеш, на сестра ми ѝ велат дека ѝ е лесно оти Дадар ѝ е брат, па во секое време има професионална шминка, а таа е спортски тип, сосема спротивна од мене и доаѓа да ја шминкам еднаш во две - три години. Имам и брат, кој е пет години постар од нас и со кого сме многу блиски“, раскажува за „Репортер“ познатиот мејкап артист. Тука ни ја раскажа и приказната за невестата што му заспала на столче додека ја шминкал пред свадба, но и за поранешната Мис на Македонија, Сања Николиќ. Кога се запознале, Сања го прашала дали е добро нашминкана. „Ѝ кажав дека изгледа одлично, ама кога ме праша што би сменил, ѝ реков дека белата боичка за очи би ја заменил со кафена, би избрал друга боја на кармин а и поинаква сенка. 'Па добро ми викаш убаво сум нашминкана, а ништо не ти се бендиса'. И така почна нашето пријателство“, низ насмевка се сети тој. За пријателството со Каролина и дали купува билети за концерти или пејачите секогаш му даваат гратиси, Дадар зборува многу искрено. Тука се и приватните муабети за внуците кои не крие дека ги обожава. Но и за тоа дали имаат дамите нереални очекувања кога ќе дојдат кај него, кои се матурските трендови и што им препорачува на невестите оваа сезона, дали има клиенти мажи и што бараат тие... Гледајте го видеото.

Дарар се присети на старите добри времиња заедно со Емина Јаховиќ (фото)

Слободанка Илиева — Wed, 20 Jan 2021 08:19:03 +0000

Голем број регионални ѕвезди кога доаѓаат за настапи во Македонија, безрезервно му ја препуштаат довербата на талентираните раце на нашиот најпознат стилист Александар Билјановски - Дадар. Меѓу нив – плејада на познати лица, јавни фаци од естрадата, модата, медиумите, уметноста, културата… Затоа неговите вешти раце во кои е преточено сето негово знаење и умеење постојано се на начија глава или лице… Во зависност дали е шминката или фризурата во прашање!

View this post on Instagram

A post shared by Dadar (@dadaralex)

Покрај познатите и непознатите Македонци, не ретко на неговата доверба се препуштаат и музичките ѕвезди од регионот кои безрезервно му веруваат. Коронавирусот стави една силна блокада на многу нешта, па и на спојот на уметноста, а кај Дарар веќе цела година не била некоја балканска ѕвезда.

View this post on Instagram

A post shared by Dadar (@dadaralex)

Несталгичен по времето, Дарар се присети на соработката со Емина Јаговиќ и сподели неколку фотографии со убавата и позната пејачка, а следбениците му поласкаа за работата.

(ФОТО) Дури и сопругот да стане љубоморен: Дадар и посвети коментар на Каролина каков досега не и дал на никоја

Слободанка Илиева — Tue, 19 Jun 2018 07:27:31 +0000

Македонското девојче Каролина Гочева, долги години соработува со својата стилистка Цаци Паковска, но освен неа одврзани раце кога е во прашање шминката му дава и на својот исто така долгогодишен соработник, стилистот и нејзин пријател Александар Билјановски или попознат како Дадар. Нашиот познат македонски стилист во својата долгогодишна кариера се грижи за изгледот на многу познати лица и тоа не само домашни, туку и оние кои доаѓаат од регионот. Неговиот префинет вкус досега пофалил многу убави лица на познатите Македонки, но кога е Каролина во прашање тој и поласка на најдобар начин што знае и умее.

A post shared by Dadar (@dadar_alex) on May 8, 2018 at 1:01pm PDT

Инспириран беше да ја стави својата уметност на нејзиното лице, а потоа инспирацијата ја пренесе и во коментар на фотографијата на која таа позира во неговото студио, а гласи вака:

Совршено е не кога нема што да додадеш туку кога нема што да одземеш.Едноставно, Каролина

A post shared by Dadar (@dadar_alex) on May 31, 2018 at 2:22pm PDT

Совршено е не кога нема што да додадеш туку кога нема што да одземеш. Едноставно, Каролина, поласка Дадар.

Дадар беше главен на „Моден викенд Скопје“: Ја ослободи својата магија и создаде совршенство!

Слободанка Илиева — Thu, 26 Oct 2017 07:54:07 +0000

Изминатите денови на Скопје по шеснаесетти пат му се случуваше Модниот викенд каде продефилираа моделите од новите колекции од домашната модна сцена. За се за изгледа совршено, професионално и на ниво, кога станува збор за шминката – зад сцената беше задолжен нашиот познат стилист со долгогодишна кариера, Александар Билјановски – Дадар.

Тој беше на задача да ја реализира шминката кај манекенките, а за таквото искуство ја ослободи својата уметничка замисла за нешто поартистична шминка за на сцената. Па така, на дел од равиите, манекенките се појавија со ултра впечатлива и уникатна шминка, а по секое завршено дело, Дадар ги фотографираше и финалните резултати ги објави на социјалните мрежи.

Секој уметник е особено среќен кога има прилика да избега од комерцијалното, а овој пат Дадар имаше вистинска можност за тоа , а ја изработи на ниво кое му доликува на еден уметник како него.