албанија – Вистина.мк

Мелита е одново вљубена: Познатата скопска трендсетерка ужива во прегратките на ново момче? (ФОТО+ВИДЕО)

Антонио Димитриевски — Sat, 26 Aug 2023 06:38:26 +0000

Некогашната многу популарна ТВ водителка, денес можеби најпознатата скопска трендсетерка Мелита Ракичевиќ има ново момче? Позната по својот живот „на висока нога“ исполнет со луксуз, гламур и раскош, меѓу кои составен дел е и престојот на егзотични дестинации, Мелита и овој пат сподели моменти од нејзиното уживање. Дестинацијата не ја откри, како ни личноста со која го споделува ова волшебство, иако многумина наводно ги препознале и двете нешта... Убавиот ресортот велат е во Албанија, близу Тирана, а човекот со кој ги дели сништата е... Кој го знае, ќе го препознае! Кој не - почекајте... Можеби Мели нема да изостави, по некое време самата да ви го претстави?! Сеедно, едно е мошне видливо, а тоа е дека расната скопска убавица овој пат и јавно ги споделила своите чувства. Се разбира сето она што и се случува, Мелита редовно го споделува на своите профили на Инстаграм и Тик Ток, но овој пат се' некако наликува како покрај задоволството и емоциите да ја преплавиле. Шампањско и свежо овошје во доволни количини како дел од редовната понуда на менито на бујната скопска трендсетерка, по што на уживањето и задоволството му нема мерка... Особено ако страста е зачинета и со емоција, тогаш „кочниците попуштаат“ до ниво на максимална комоција и бајковити мечти, кои се претвораат во слатка стварност. Мелита до сега сто пати покажала дека и тоа како знае да го мине денот... Како рибетина во базенот или цицлеста сирена во аквариум... Се' зависи како ја доживувате во вашиот „имагинариум“!

View this post on Instagram

A post shared by 💎MELITA 💎 (@melitameli)

А потоа на сончање со „рибарот“ која уловил во својата „љубовна мрежа“... За нежни допири “нога до нога“ колку меѓу љубовта и страста да се воспостави баланс и рамнотежа. Она другото доаѓа малку подоцна... Кога сонцето ќе почне да заоѓа и магијата на ноќта ќе почне да се наѕира над тераста на хотелското плато, близината на дружењето многу подобро оди со шолја еспресо и макијато. Утрото носи нов ден, ама ако денот по утрото се познава, како минала ноќта по првата утринска фотографија се распознава... Кренатите женски нозе на стаклената ограда од хотелската тераса, можат само да наговестат колку ноќта била бурна... и страсна! Ова мора да е рецепт за совршена љубов... Само, има една дилема која веројатно и низ нејзините мисли скита: Дали одново и се случи љубов на Мелита? Фото и видео: Инстаграм/melitameli

Сораја Вучелиќ се бори за живот: Старлетата итно оперирана по страшната сообраќајна несреќа

Слаѓана Атанасова — Tue, 08 Nov 2022 07:51:47 +0000

Сораја Вучелиќ се бори за живот. Старлетата во саботата доживеала страшна сообраќајна несреќа на границата со Албанија и е во тешка состојба. Вучелиќ наводно имала скршеници на ребрата и внатрешно крварење. Поради ова таа вчера од Албанија била префрлена во Хрватска на итна операција. - Лекарите од саботата се борат за животот на Сораја. Веднаш по несреќата била префрлена во приватна клиника во Албанија каде и била оперирана. Сепак, вчера состојбата и се влошила и почнала внатрешно да крвари. Семејството и пријателите решиле да ја префрлат во Хрватска на нова операција – раскажува за Информер извор близок на старлетата и објаснува што всушност се случило во кобната сабота. - Сораја со пријателката замина од Космет за Албанија. Таа управувала џип „мерцедес“ во кој удрило комбе. Од силината на ударот Сораја за малку ќе прелетала низ возачкото седиште. Таа со градите удрила во воланот при што и ги скршила ребрата и ги повредила внатрешните органи. Според него, сцената на сообраќаен прекин била морничава! - Автомобилот е целосно уништен! Пожарникарите морале да ги извлечат Сораја и нејзината пријателка од џипот. Итната помош брзо пристигнала на местото на настанот и ја нашле во несвест. Ја приклучиле на инфузија и ја однеле во приватна клиника. Лекарите детално ја прегледале и утврдиле дека има скршеници на ребрата, повреди на вратот, белите дробови и стомакот, па затоа била оперирана. Но, вчера ненадејно се појави ново крварење и таа мора да оди на нова интервенција - вели изворот за Информер. Фото:Принтскрин/Инстаграм

Миа Костова доби засилување на одмор во Албанија: Пристигна најважната жена во нејзиниот живот (фото)

Христина Ѓоргиевска — Tue, 13 Jul 2021 07:01:09 +0000

Екс водителката, а сега инфлуенсерката Миа Костова летово го поминува надвор од Македонија односно во соседна Албанија. Имено, уште пред да започне летната сезона таа најави дека нема да биде во Скопје. Така, уште во јуни ги спакува куферите и заедно со нејзината пријателка, како и синчето Андрија замина во соседството. Миа таму е ем работно, ем одмара. Поточно кажано таа е дел од маркетингот и пр-от на „Havana beach“. Водителката не пропушта секојдневно да објавува фотографии покажувајќи како го поминува времето, делејќи препораки, совети, одговарајќи на прашања на нејзините следбеници. Како што најави на едно „Инстаграм стори“, ако се биде како што треба таму ќе остане до крајот на август. Кој не би сакал да биде на работен одмор и речиси цели три месеци, посебно по стресот, стравот по пандемијата со коронавирусот да се одмара и ужива на плажа. Додека ужива под зраците на сонцето, во освижителни летни коктели и бара спас од силните горештини, Миа овој пат на одмор доби засилување. И тоа не било какво засилување, туку една од најважните жени во нејзиниот живот односно нејзината мајка. Водителката во кусите приказни на „Инстаграм“ објави селфи со госпоѓа Оливера, па покажа кој и дојде на „гости“ на одмор, но и покажа од кого ја наследила убавината. Нема сомнеж дека мајката на Миа е права бомба за нејзините години. На нејзините фотографии на Инстаграм на кои позира во бикини, изгледа секси и згодно, како времето да застанало за неа. Многумина помлади девојки можи само да и позавидат на витката линија.

View this post on Instagram

A post shared by Olivera Dilindarski (@dilindarski_o)

Убав одмор женски! фото: принтскрин/инстаграм/миаандрија

Миа Костова летото го поминува надвор од Македонија, а сега ја објави и првата фотографија во бикини: „На толку фоловери немам слика за „их, бе машала“

Христина Ѓоргиевска — Wed, 07 Jul 2021 07:03:46 +0000

Летната сезона и одмори се во полн ек, а дамите како едвај да чекаа да го распослат својот сексапил на плажа. Некои повеќе, некои помалку го покажаа своето (не)совршено тело, а на нивните социјалните мрежи може да се забележат фотографии во бикини. Откако попуштија корона протоколите и малце стивна ситуација со коронавирусот, луѓето се опуштија, па се „распуштија“ на плажа. Некогашната македонска водителка, а сега инфлуенсерка Миа Костова ова лето го минува надвор од Македонија. Имено, Костова заедно со нејзиниот син и нејзината пријателка Тијана Кулиќ овие три месеци ќе ги поминат во соседството односно Албанија. Инфлуенсерката уште пред неколку месеци најави дека ќе нема да биде во Скопје за време на летниот период, а во Албанија освен тоа што ужива, таа е дел од ПР-от и маркетингот на „Havana Beach“. Токму поради тоа често на социјалните мрежи споделува фотографии од местото каде и одмара и работи, а на своите следбеници им го препорачува велејќи дека е одлична дестинација за одмор. Миа речиси секојдневно споделува фотографии од нејзиниот работен одмор, покажувајќи како го поминува времето. Костова досега објавуваше често објави, но на ниту една не е во бикини. Таа сега се одлучи на својот „Инстаграм“ профил да ја сподели и првата фотографии во бикини за ова лето и го покажа своето разголено тело, но и своите бројни тетоважи. -На толку фоловери немам слика за ‘их бе машала, многу си слатка срц’. Мислам дека е многу некоректно од моја страна. Еве една, следна којзнае кога пак“, напиша таа покрај постот. Објавата за краток период доби над 4 000 лајкови, а под неа коментар остави и водителката Марјана Станојковска која остави срце за својата колешка. Инаку, Костова откри дека ако биде се како што треба во Албанија ќе остане до крајот на август.

На Миа Костова заминувањето во Албанија не и тргна како што планираше: „Поима неам како стасав тука“

Христина Ѓоргиевска — Tue, 08 Jun 2021 06:56:59 +0000

Maкедонската екс водителка, а сега инфлуенсерка Миа Костова е активна на социјалните мрежи и редовно ги известува своите следбеници за нејзините новости. Така, пред неколку месеци таа најави дека летото заминува од Македонија поради работен ангажман и нема да биде во Скопје. Спои убаво и корисно: Миа Костова летото ќе го помине надвор од Македонија – еве каде заминува (фото) – Вистина.мк (vistina.com.mk) Имено, Миа замина во соседна Албанија каде што ќе биде таму следниот период, а на социјалните мрежи често објавува сториња и покажува како си поминува. Водителката сега раскажа што и се случило пред да замине и со какви проблеми се соочила. „ Да ви раскажам што стои зад овие месец дена до тргнувањево наваму и мојот совршен изглед на плажа со сите плус кила што си ги носам од нервози и хаос недели наназад. Ретроградниов меркур да му се наплукам, направи сѐ да полудам од документи, коли, трансакции и се по список. Покрај мојот дискус што гордо си го носам, од скоро сум сопственик и на торакален синдром како и тазе дискус на вратни пршлени. Главоболки неподносливи и аналгетици секој ден за да станам од кревет. Поима немам како стасав тука. Сѐ тоа пропратено со анксиозност и панични со кои умирам секои 3-4 саата. Ама си реков, не бе Миа не може да е појако од тебе. Утрово станав во 4:15. Не спијам. Ама има да одам контра колку што ме држи сила, а не е дека некој излегол на крај со мене. Нема ни ова :) Сликава е почеток на едно долго лето баш тука. Со надеж дека ќе почне да ме боли уво за сѐ па и за тоа дека може да полудам или да умрам ама па нарачав аперол, мислам дека е глупо да ти текне на аперол ако стварно умираш. Ве сакам бескрајно“, напиша Костова. Се надеваме дека лошиот период е зад Миа, како и дека следните месеци ќе се препушти на уживање и полнење батерии.

Спои убаво и корисно: Миа Костова летото ќе го помине надвор од Македонија – еве каде заминува (фото)

Христина Ѓоргиевска — Thu, 27 May 2021 06:28:03 +0000

Некогашната водителка Миа Костова често е активна на социјалните мрежи. Имено, Миа како Инстаграм инфлуенсерка често се дружи со нејзините следбеници, се фали што има ново, што подготвува, рекламира одредени производи, модни парчиња, снима „Јутуб“ видеа, а знае да се вклучи во живо и да дебатира со своите следбеници или пак да некој совет, мислење. Така пред некое во кратките приказни на „Инстаграм“ таа откри дека заминува од Македонија на некое време, но тогаш не откри детали каде оди и на колку време. „Периодов што следи најавувам уште еден Охрид и едно поинакво патување кон крајот на април во Албанија. На почетокот на летото ја напуштам Македонија на неколку месеци. Сè тоа ќе биде споделено со вас. Сега може да си помуабетиме…“, напиша тогаш водителката, Миа Костова на неколку месеци ја напушта Македонија, а еве што вели на прашањето дали би влегла во „Задруга“ – Вистина.мк (vistina.com.mk) Меѓутоа, сега Костова одлучи да открие каде заминува и зошто. Имено, на „Инстаграм стори“ некој од следбениците ја праша Миа каде заминува, а таа одговори: „Дерми, Албанија на едно 2, 3 месеци“, а потоа откри и зошто нема да биде тука следниот период. „Дел сме од приказната на Хавана во Дерми. На наше огромно задоволство преку нас ќе гледате се што се случува таму и добредојдени сте, секако“, напиша водителката. Миа овојпат спои убаво и корисно, па сигурно ќе ужива и ќе ги наполни батериите, а на нејзините следбеници ќе им пренесе како си поминува.

Албанската претставничка на Евровизија со нов гаф: Прво ги провоцираше Србите покажувајќи двоглав орел на црвениот тепих, па сега ја ископира Лепа Брена (ФОТО)

Антонио Димитриевски — Wed, 19 May 2021 10:59:40 +0000

Претставничката на Албанија на годинешната Евровизија во Ротердам, со нов гаф. Имено, таа најпрвин предизвика скандал кога на црвениот тепих покажа двоглав орел, симбол на така наречената Голема Албанија. Сега, Анџелија Перистери се појави на еден од фестивалските настани со иста црвена тока каква што Лепа Брена носеше на церемонијата на доделување на ланските MAC 2020 награди во Белград. И тоа не е единствениот гаф на албанската претставничка на Евровизија кога станува збор за овој моден детал! Таа се појавуваше преку ден со токата на главата, што е надвор од правилата за носење тока. Строго модно правило е дека токата вечерен моден детал кој се носи исклучиво од 18 часот натаму, а до тогаш строго шешир или шапка. Фото: Инстаграм принтскрин/anxhelaperisteriofficial/lepabrenaa

Албанската влада се изгоре со забраната за игрите на среќа, сега го гаси пожарот: Ќе ја направи ли Македонија истата грешка?

Антонио Димитриевски — Mon, 01 Feb 2021 12:36:06 +0000

Во Албанија на 1 јануари, 2019 година стапи на сила закон со кој се забрани сите облици на игри на среќа. Ваквиот закон беше аргументиран како начин земјата да се справи со зависностите и да ги заштити финансиите на домаќинствата, а албанската влада велеше дека со овој акт ќе го оневозможи и приливот на „црни фондови„ и ќе се намали криминалот во земјата. Но законот речиси вопшто не профункционира и не донесе никакви позитивни резултати. Ја чека ли Македонија истата судбина по најавата на законот со кој практично се предвидува затворање на 95% од сите објекти во кои се приредуваат игри на среќа? Влегува ли Македонија во вакво сценарио и враќање во деведесетите, во времето на илегални објекти за игри на среќа и црн пазар? Теренски анкети спроведени во Албанија кои се однесуваат на игрите на среќа, покажуваат дека наместо овие дејности да исчезнат, тие само се преместија на други, нелегални, локации. Играчите продолжија да играат во камуфлирани простории што носи огромни штети по буџетот на земјата, но и ризици за играчите. Пред усвојувањето на Законот, економски експерти во Албанија укажуваа дека затворањето на легалните објекти во кои се приредуваат игрите на среќа може да има ризични последици за економијата, но и за луѓето вработени во овој сектор. Овие предвидувања се покажаа како точни. Државата ја изгуби контролата над игрите на среќа, илјадници луѓе вработени во секторот останаа без работа, а секна и приливот на средства во државната каса. По затворањето на легалните игри на среќа во Албанија, државниот буџет на годишно ниво трпи загуби од над 60 милиони долари. И албанските психолози укажуваа на ризиците од забраната на игрите на среќа. тие сугерираа дека играта нема да запре и дека оние кои сакаат да играат секогаш ќе најдат начин како тоа да го прават. Рестриктивните закони секаде се покажале како многу погрешни и затоа ниедна европска земја нема вакви закони за игри на среќа. Подоцна, нивните анализи покажаа дека по спроведувањето на законот во Албанија, состојбата е поалармантна од претходно. Луѓето кои сепак сакаат да играат се кријат на ризични места, каде што државата нема никаков пристап, а забраната за игрите на среќа воопшто не го намали обложувањето. По направената грешка, албанската Влада две години подоцна го менува пристапот кон оваа проблематика. Иако согласно актуелниот Закон, казината се дозволени само во хотелите и одморалиштата со 5 ѕвезди кои се меѓународно сертифицирани и под амблемот на некој бренд, од неодамна казината повторно се враќаат и на други локации. Притоа за да се добие потребната лиценца за отворање, секое правно лице или здружение на правни лица мора да исполни посебни услови, а состојбата во секторот и индустријата е се уште лоша и неогранизирана. Несомнено дека вакво сценарио ја чека и Македонија доколку Владата посегне по носење на рестриктивен закон кој ја ништи легалната индустрија и го отвора патот на нелегален пазар на игри на среќа. Според анализите на експертите, од ваквиот закон Македонија ќе губи над 250 милиони евра годишно по сите основи. Преку ноќ без работа ќе останат повеќе од 8,000 луѓе кои се директно вработени во објектите, а десетици илјади индиректно ќе трпат загуби. Според податоците, околу 54.000 работни места во земјата индиректно се одржуваат од оваа индустрија. Понатаму, околу 800 објекти ќе останат без прилив од кирии,а одливот на пари од даноци кон сивиот пазар ќе биде страотен. Ако се знае дека ваквиот пристап во регулација на игрите среќа е неефикасен, не се практикува во ниедна европска земја а резултатите во соседството се лоши, кој е тогаш мотивот на Владата? Владата во меѓувреме се уште тактизира и не го поставува најавениот закон на ЕНЕР каде ја најави само дистанцата од 500 метри, по што упатените направија анализи и јасно укажаа на штетите од ваквиот закон.

Ирена Вељовска ужива на море во Албанија како да е жена на султанот: Секси чочек, мини стриптиз, па сосе алишта во базенот (ФОТО)

Антонио Димитриевски — Wed, 16 Sep 2020 07:23:55 +0000

Македонската фолкерка Ирена Вељовска ништо не може да ја спречи да го живее животот... И тоа по свое. Ниту здравствените опасности или економската немаштија и немањето тезги заради познатата корона пандемија, не и застанаа на патот, летото да го помине онака како што сака. Во ситуација кога границите се затворени Ирена најде начин како и каде да замине на море, па за летна дестинација ја одбра Албанија. Секојдневно споделените фотографии и видеа на социјалните мрежи покажуваат дека пејачката ужива „за сите пари“ во Дерми, заборавајќи и на короната и на сите други проблеми. „Толку е релаксирано, толку луѓето се опуштени, нема протоколи, за нив не постои зборот корона. Сам се чуваш. За морето немам што да кажам. Уживам навистина во морска храна, коктели и секако овошје и зеленчук, не сакав да си ја прекршам диетата“ - изјави фолкерката за порталот ММС. Ирена кажа дека „сама се чува“, но пејачката покажа дека и сама умее да се забавува... До душа, како што вели: „не е имуна на грев“, но засега ужива сама во летната морска романтика. Дење соблечена крај хотелскиот базен или неговата плажа, а ноќе... Чаша-две добро вино, малку музика за опуштање и ноќната романтика по старата добра практика, Ирена ја замени со луда журка, овој пат крај базенот. А таму, распена и разиграна, македонската фолк грација во соло акција... А кога Ирена ќе тргне во акција, тоа не завршува без атракција. Така и овој пат, најпрвин журката започна со секси чочек и стомачни танци, за потоа фолкерката да ги фрли штиклите, па по мини-стриптизот сосе алишта заврши во базенот. На непланирано ноќно капење или само „ладење“ на вжештената атмосфера - одговорот го знае само Ирена!? Или можеби утрото е попаметно од ноќта, па утинските фото - пози најдобро зборуваат „како се вози“ ноќта, кога ќе ти дојде... желба за забава, опуштање и гушкање со чаршафите во хотелската постела. Или жешките кадри снимени од перспектива на плафонот, кажуваат дека сепак имало „кој да ја вози“... камерата на дронот? Фото: Инстаграм принтскрин/irenaveljovska

Во оваа земја во месец август може да летувате за само 170 евра и никој нема да ви бара ПЦР тест

Христина Ѓоргиевска — Tue, 04 Aug 2020 12:45:48 +0000

Бидејќи како последица на пандемијата коронавирус на сила во земјите од ЕУ забранет е влезот на македонските државјани, се отвораат некои нови можности за летување. Една од нив, барем што се однесува до земјите кои што физички ни се поблиску е Албанија. Летување на југот од Албанија Недалеку од грчкиот остров Крф се наоѓа и едно од албанските летувалишта кои што поради пандемијата коронавирус е избор за многумина. Саранда припаѓа во областа Валона и се карактеризира со мноштво убави уредени плажи и многубројни природни убавини. Сместувачките капацитети се на задоволувачко ниво, а во местото постои и убаво уредено шеталиште, многу ресторани и кафулиња, но и многубројни продавници. Освен тоа, во околината на Саранда се наоѓаат и многубројни знаменитости, кои што секако дека треба да се посетат. Колку чини летување во Саранда? Поради моменталната ситуација со пандемијата коронавирус, ова албанско летувалиште е вистинска авантура. Таму најевтината варијанта во приватно сместување за 4-члено семејство на почетокот на месец август изнесува околу 170 евра. Додека пак најскапата опција во ова летувалиште изнесува 2.590 евра за 7 ноќи со доручек, за 4-члено семејство. Станува збор за резорт со 5 ѕвезди, кој што е 2 километри оддалечен од центарот на Саранда и кој што има сопствена плажа. извор: курир.мк