Ќе се наежите: Тамара Тодевска ја сними акустичната верзија на „Proud“ – ова се коментарите (видео)

Христина Ѓоргиевска — Wed, 24 Apr 2019 07:32:48 +0000

Се наближува ова годинешното издание на „Евровизија“ кое ќе се одржи во Тел Авив, а наша претставничка ќе биде Тамара Тодевска со песната „Proud“. Тамара неодамна беше во Тел Авив каде што ја сними разгледницата за евровизиската песна. Таа откри дека нема да оди на пред евровизиската промотивна турнеја, но и дека секој ден работи со својот тим. Деновиве, таа гостува по емисии и откри како се подготвува за Евровизија, а за тоа повеќе може да прочитате тука.

Откако, Тодевска ја издаде „Proud“, наиде на позитивни коментари од регионот, а песната досега има над 1 милион прегледи. Тамара истакна дека во Тел Авив ќе пее за нејзинта ќерка Хана. Тодевска ја сними и акустичната верзија на „Proud“ која се најде на нејзиниот „Јутуб“ канал. https://www.youtube.com/watch?v=Yg45QzPKd_w Веднаш под објавата може да се прочитаат позитивни коментари од регионот. „Ако има правда во светот, Тамара ќе биде во финале. Ова е ремек – дело и твојот глас...Напред Тамара, твојот горд фан од Белгија“:..

„Браво, браво,браво....Љубов од Србија“.

„Ја сакам...Многу добро Македонија“, „Овој глас е се“, ова се само дел од коментарите на „Јутуб“.

Тодевска исто така истакна дека на сценографијата работат две Швеѓанки кои максимално го вложуваат својот труд. Тамара ќе настапува на втората полуфинална вечер, а како ќе не претстави останува да видиме.

За потсетување, ова не е првпат како Тамара ќе настапува на „Евровизија“. во 2008 година, Тамара заедно со Врчак и Адријан Гаџа ја претставуваа Македонија на „Евросонг“ во Белград со песната „Во името на љубовта“. Во 2004 година беше придружен вокал на Тоше Проески во Истанбул. Во 2014 година ги отпеја придружните вокали на Тијана Дапчевиќ во Данска.

Повеќе на vistina.mk

„Пеколот“ на ТЕА во собна анплагд варијанта (ВИДЕО)

Антонио Димитриевски — Wed, 21 Feb 2018 11:34:13 +0000

Младата и талентирана пејачка Теодора Трајковска, или само Теа како што ја познаваат, претстави акустична верзија од својата последна песна „Пекол“, кој го објави во октомври минатата година.

И двете песни се авторски дела на братско-сестринскиот тандем Лазар и Магдалена Цветкоски, а за одличните акустични изведби Теа ја придружуваа колегите Неврус Бајрам на гитара и Дејан Митровиќ на бас-гитара, сето тоа снимено како црно-бело домашно видео од страна на Нино Спиркоски.

Погледнете го видеото и слушнете како звучи „пеколот“ на Теа во собна анплагд варијанта: https://www.youtube.com/watch?time_continue=90&v=WFUL1BhzW_M

Повеќе на vistina.mk

акустична верзија – Вистина.мк

Ќе се наежите: Тамара Тодевска ја сними акустичната верзија на „Proud“ – ова се коментарите (видео)

„Пеколот“ на ТЕА во собна анплагд варијанта (ВИДЕО)