Гуру Харе го опеа колективниот – „Карантин“ (ВИДЕО)

Антонио Димитриевски — Wed, 29 Apr 2020 12:34:38 +0000

Искусните и талентирани музичари знаат да бидат креативни и инспирарни во секоја ситуација. Така и во ова време-невреме на светска корона пандемија, македонскиот гитарист, композитор и музичар Игор Атанасовски, попознат под уметничкиот прекар „Гуру Харе“ актуелната реалност ја преточи во песна, насловена „Карантин“. Таа се појави минатиот викенд и претставува акустично и меланхолично промислување на периодот низ кој минуваме со стихови, кои велат: „Светот е во очај, паника и страв, не се знае кој е болен а кој здрав, карантин, изолација, колективна хибернација...“. Акустична балада, како авторско, автобиографско доживување на општиот колапс што ни се случува додека сме затворени во своите домови, со принудно одземена слобода, приклештени и приморани на живот во 4 ѕида... Акустична ода на црната реалност во изолација... до следната наша мутација! Карантин Светот е во очај, депресија и страв не се знае кој е болен, а кој е сеуште здрав Чекам нови вести, уморен без здив затворен сум дома, во кома полужив Карантин, изолација колективна хибернација Карантин, цивилизација секој нов ден нова мутација Мигови на свесност, и пак потонувам веке не знам дал сум буден или лошо сонувам Светот е во очај, паника и страв не се знае кој е болен, и дали има некој здрав? Карантин, изолација колективна хибернација Карантин, цивилизација секој нов ден нова мутација! https://www.youtube.com/watch?v=4jW_RVH9AUA&feature=emb_logo

акустична балада – Вистина.мк

Гуру Харе го опеа колективниот – „Карантин“ (ВИДЕО)