Докторите откриваат: Само 10-на минути од оваа активност дневно го намалува ризикот од прерана смрт

Слободанка Илиева — Fri, 10 Mar 2023 13:10:07 +0000

Познато е дека телесната активност го намалува ризикот од срцеви болести, канцер и други водечки причини за смрт. Меѓутоа, не е јасно колку точно тренинг е потребно за да имате таков резултат. Поради тоа меѓународен тим истражувачи обединиле резултати од 196 претходни студии во кои учествувале над 30 милиони луѓе за да ја создадат една од најголемите анализи спроведени на оваа тема. Експертите наведуваат дека енергична дневна прошетка може да ја спречи најмалку секоја десетта прерана смрт. Енергичната дневна прошетка има свои предности Експертите пресметале дека околу секоја шеста прерана смрт би била спречена доколку испитаниците на студијата би имале најмалку 150 минути умерена телесна активност неделно. Но, дури и половина од тоа, 75 минути неделно или помалку од 11 минути дневно, би можело да ја спречи секоја десетта рана смрт, според метаанализата објавена во магазинот „British Journal of Sports Medicine“. „Тоа вклучува намалување на ризикот од срцеви болести за 17 отсто и канцер за 7 отсто. Лицата чија телесна активност е минимална или никаква, пример 11 минути брзо одење дневно го намалува ризикот од смрт за 23 отсто“, изјавил Сорен Брејж, експерт за телесна активност на британскиот Универзитет Кембриџ и коавтор на студијата. „Сè што треба да направите е да пронајдете малку повеќе од 10 минути секој ден“, изјавил тој. извор:точка.ком.мк

Бременоста не е пречка за секс: Еве кога и колку треба да бидете сексуално активни

Христина Ѓоргиевска — Sun, 13 May 2018 09:33:59 +0000

Без разлика дали во бременоста сте незаинтересирани за секс или се чувствувате повеќе сексапилно од некогаш, поголемиот број на жени сметаат дека бременоста ги променува нивните сексуални животи, и тоа на неочекуван начин. Кога станува збор за сексуалната желба, многу парови доживуваат успони и падови за време на тие девет месеци.

Поради тоа ќе ви откриеме како делува бременоста на вашето тело, на либидото, но и на вашиот однос со партнерот.

Прво тромесечје Повеќето, но не и сите трудници чувствуваат пад на либидото за време на првото тромесечје. Во овој период сте премногу изморени за да размислувате на секс, а болката во градите негативно влијае на вашата желба за допирање. Но, доколку не сте расположени, тоа е сосема оправдано. Една студија покажала дека дури 54 % од трудниците имаат намалена сексуална желба во првото тромесечје. Второ тромесечје За многу жени ова е златниот период од бременоста, посебно кога станува збор за секс. Уморот и мачнините се намалуваат, а со текот на времето повторно ќе се чувствувате секси. Што се однесува до физичките промени, вашиот клиторис и вагина се издолжуваат, поради зголемениот волумен на крв. Поголемит број на жени доживуваат оргазми повеќе пати во овој период. Имајте во предвид дека вашит партнер може да почувствува одредена непријатност плашејќи се да не го повреди бебето за време на сексот.

Трето тромесечје

Кога третото тромесечје се приближува кон својот крај, кај многу парови сексуалната активност се намалува. Однсно, големината на трудничкото стомаче на жената го отежнува водењето љубов. Но и покрај тоа, некои парови продолжуваат да уживаат во сексот сè до самиот пораѓај. извор:точка.мк

активност – Вистина.мк

Докторите откриваат: Само 10-на минути од оваа активност дневно го намалува ризикот од прерана смрт

Бременоста не е пречка за секс: Еве кога и колку треба да бидете сексуално активни