актер – Вистина.мк

Почина еден од најпознатите негативци на Холивуд

Слободанка Илиева — Wed, 21 Feb 2024 12:05:31 +0000

Познатиот холивудски актер Пол Д'Амато почина во понеделникот на 76-годишна возраст. Актерот ја загуби четиригодишната битка со прогресивната супрануклеарна парализа, ретка болест на мозокот. Пол е роден во Ворчестер, а како тинејџер на 14 години почнал да работи во театар како асистент, а потоа сакал да стане актер. Да потсетиме, од 1980 година неговата филмска и театарска кариера ќе ја одбележат само улогите на протагонисти во различни продукции, поради што го доби епитетот „најпознатиот негативец на Холивуд“. Тој се прослави со улогата во филмот Slap Shot од 1977 година, во кој се појави како главен негативец. Потоа се појави во Најсмртоносната сезона (ТВ филм од 1977 година), Ловецот на елени (1978), Огнена моќ (1979) и Небесната порта. фото:Printscreen You Tube

Тато се расплака: 80 годишниот актер Роберт Де Ниро ја покажа 10 месечната ќерка Џиа (видео)

Слободанка Илиева — Fri, 09 Feb 2024 07:09:44 +0000

Светски познатиот актер Роберт де Ниро (80), на јавноста и ја покажа својата 10-месечна наследничка Џиа. На новата фотографија до која дојде Page Six, филмската легенда го гушка бебето во неговиот скут и нежно го потпира неговиот образ на нејзината мала глава. – Преслатка е – рече Де Ниро во интервју за People, објавено минатата среда, а тој се насмеа на необичната динамика во неговото семејство откако го пречека седмото дете на 79-годишна возраст. – Сите деца се големи ентузијасти за неа. Дури и внуците. Таа им е тетка, а наскоро ќе станат тинејџери – раскажа Де Ниро. Покрај Џиа, која ја дочекаа пролетта во 2023 година со девојката Тифани Чан, Де Ниро е татко на Дрин (56), Рафаел (47), близнаците Џулијан и Арон (28), Елиот (25) и Хелен (12). Таа има четири внуци, меѓу кои и синот на Дрина, Леандро, кој минатата година на 19-годишна возраст трагично почина од случајно предозирање. Минатиот месец оскаровецот стана емотивен додека зборуваше за своето најмало дете. – Сè со што сум опседнат или загрижен, едноставно исчезнува кога ќе ја погледнам – објасни тој и додаде дека тоа било „прекрасно чувство“. Тој исто така даде увид во неговиот семеен живот со неговата 45-годишна сопруга и бебето Џиа. Зборувајќи за годините, тој објаснил дека се откажал од „напорните работи и кревањето тешки тегови“ и додаде дека „ја издржува својата девојка, но таа работи многу“. Да потсетиме дека Де Ниро и Чен се заедно од 2021 година, а се запознаа на снимањето на неговиот филм „The Intern“ од 2015 година. фото:You Tube printscreen/ Page Six

Мистер Бин обвинет дека неговите коментари некој друг го чинат загуба од големи размери, но тој си стои на ставот (фото)

Слободанка Илиева — Thu, 08 Feb 2024 07:43:55 +0000

Актерот Роуан Аткинсон или попознат како Мистер Бин има големо влијание на јавноста, барем така сметаат од британскиот Дом на лордовите за време на состанокот на Комитетот за животна средина и климатски промени. Тој е обвинет за „оцрнување“ на угледот на електричните возила, што придонесе за нивната слаба продажба. Тинк-тенк Green Alliance со седиште во Лондон ги изнесе своите гледишта за главните пречки со кои се соочува владата на Обединетото Кралство во обидот постепено да ги укине автомобилите со бензин и дизел пред 2035 година. Тие рекоа дека коментарот на актерот Роуан Аткинсон лошо влијаел на таа причина, пренесува Sky News.

View this post on Instagram

A post shared by MR BEAN FAN PAGE (@rowan.atkinson.fan.page)

„Еден од најштетните написи беше коментарот на Роуан Аткинсон во Гардијан, кој беше целосно демантиран. За жал, проверките на факти никогаш не ја достигнуваат истата широчина на публиката како оригиналното лажно тврдење, што ја потврдува потребата да се обезбедат високи уредувачки стандарди“, забележа лоби групата. „Можам да почувствувам како завршува медениот месец“ Статијата на 69-годишниот актер беше насловена: „Сакам електрични возила – и рано ги прифатив. Но, се повеќе се чувствувам измамено.“ Аткинсон напиша дека електричните возила се „малку бездушни“ и ја критикуваше употребата на нивните литиум-јонски батерии.

View this post on Instagram

A post shared by MR BEAN FAN PAGE (@rowan.atkinson.fan.page)

Како алтернативни решенија, тој предложи возачите да го чуваат истиот автомобил што е можно подолго и зголемена употреба на синтетички горива што ќе ја негира потребата од електрични возила. „Сè повеќе чувствувам дека нашиот меден месец со електрични автомобили е при крај и тоа не е лошо“, напиша актерот. Аткинсон, самонаречен ентузијаст за автомобили, има диплома по електротехника и електроника. Тој призна дека ги советувал пријателите уште да не купуваат електрични возила, освен ако немаат стар дизел. фото:Instagram printscreen/ rowan.atkinson.fan.page

Џан Јаман се исуши: Турскиот актер кој е миленик на жените приреди неочекувана глетка од неговото голо тело која на дамите не им се допадна (фото)

Слободанка Илиева — Thu, 08 Feb 2024 07:11:59 +0000

Актерот кого го нарекуваат и најпосакуваниот турски ерген, Џан Јаман, откри дека ослабел 10 килограми за 30 дена. Џан кој го гледавме и од турските серии кои се прикажуваат во Македонија денес изгледа поинаку, но со позадина на големата промена за која вели:

View this post on Instagram

A post shared by Can Yaman (@canyaman)

„Како ослабев 10 килограми за 30 дена? Откако го завршив снимањето на „Violet Like the Sea 2“ ги искористив неколкуте слободни денови и Божиќ, решив да се вратам во мојот роден град за да можам да поминам малку време со моите родители, семејството и другите луѓе кои ми се блиски. Треба малку да се одморам и да се исклучам, но никогаш не претерувам! Сакав да уживам и во турската кујна која многу ми недостигаше. Знаев дека кога ќе се вратам во Рим ќе ме чека напорна работа, радикална промена, да се подготвам за следниот лик: Сандокан! И така беше: штом се вратив, почнав да се активирам … Првата цел беше да ја достигнам идеалната тежина за ликот, а потоа да се фокусирам на менталните аспекти. Тоа беше многу тежок период, за еден месец ослабев речиси 10 килограми, од 94,5 килограми на 85 килограми“, напишал Џан под објавата.

View this post on Instagram

A post shared by Can Yaman (@canyaman)

„Тоа беше, и е, особено интензивна фаза, се откажав од многу задоволства во животот. Морам да вежбам 2 или 3 пати на ден и да постам повремено, 16:8, со низок внес на калории. Сепак, нема причина за загриженост, и покрај исцрпеноста, јас сум совршено здрав, подмладен, детоксифициран и лесен, но пред сè многу задоволен. Сè се случува со континуирано следење од сериозни и компетентни професионалци. На крајот на краиштата, тоа е она што актерите го прават: се трансформираат посветено кога е потребно и одвреме-навреме се обликуваат во нова улога. Ќе продолжам додека не дојдеме до совршениот Сандокан. Сепак признавам дека денес решив да се одморам од правилата и да јадам што сакам … Ве молам продолжете да ме поддржувате како и секогаш. Ве гушкам. Се гледаме наскоро“, напишал актерот. Оваа промена воопшто не им се допадна на неговите следбеници.

View this post on Instagram

A post shared by Can Yaman (@canyaman)

„Треба да ја вратиш тежината“, „Порано изгледаше подобро“, „Почни да јадеш“, „Изгледаш болно“, „Сега си помалку привлечен“, се само дел од коментарите. Џан е познат и по романсата со познатата спортска новинарка Дилета Леота. Сепак, нивната љубов не траеше долго и парот пријателски се раздели фото:Instagram printscreen/ canyaman

Игор Џамбазов го умреа: Лажната вест на социјалните мрежи ја распамети и наежи македонската јавност иако беше само обична глупост (ФОТО)

Антонио Димитриевски — Mon, 29 Jan 2024 08:25:12 +0000

Социјалните мрежи дефинитивно станаа „поле за натпревар кој поголема глупост ќе објави“. Врие од она што се нарекува: „Она од што паметниот се срами - будалата со гордост се фали“, па сме преплавени со тоа кој кај бил, што правел, што јадел, што пиел... Од самобендисани нарциси и „напумпани“ невести до лажни вести...! Меѓудругото и по некоја шокантна, како онаа најновата, која викендов на социјалните мрежи ја распамети и наежи македонската јавност иако беше само обична глупост! Човек да не знае дали да плаче или да се смее, дали е не дај Боже, веста навистина трагична или само трагикомична... За среќа, излезе дека е лажна и смешна, налик на „Викенд на мртовци“, комедијата во која една од улогите играше и главниот протагонист во оваа ситуација во која и самиот овој викенд се најде. Имено, Игор Џамбазов на социјалните мрежи викендов го умреа! „Фејк“ веста ја објавил некој недоветен или поточно „недоквакан“ кој се задскрива зад псевдоним или лажен профил - сеедно, ама затоа никако не е сеедно она што го пласираше, обзнанувајќи проштален статус покрај фотографијата на Игор Џамбазов со зборовите: „Почивај во мир легендо“! Освен што за миг ја распамети јавноста, па некои го протолкуваа како злобна намера, други сепак рекоа дека објавувачот „ги измешал лончињата“, со тоа што наместо фотографијата на покојниот маестро Александар Џамбазов кој почина деновиве пред две години, по грешка „плеснал“ слика на син му Игор! Како и да е, на ова веднаш се огласи македонскиот шоумен со свој одговор со кој ги демантираше и отстрани сите сомнежи дека се случило најстрашното, па на „објавувачот“ му возврати со следниве зборови: „Ќе почекаш малку пријателе. Само што изедов два чизкејка. Тешко дека бргу ќе се умира“ – му порача Џамбаз на „лажниот гробар“, а потоа покрај објавата сподели и свој статус: „Македонијо моја. Што се' немаш ти родено. Понекогаш ми е многу жал за тебе... Жив сум дечки, по обичај. Кога ќе бидам за умирачка, на стори ќе ставам. Без гајле. Систер, @tanjadzambazova полека сфаќам зошто си замина од тука...“ - стои во објавата на Џамбазов.

View this post on Instagram

A post shared by Igor Djambazov (@igordzambazov)

На оваа „лажна умирачка“ реагираа многумина,меѓу кои и мноштвио познати личности кои го прокоментираа овој „идиотски чин“ со кој некој сакал „да си поигра“ или „толку му сечел умот“, па со објавата на глупоста ја распамети јавноста. „Игор воскресна“ - напиша јутјуберот и подкастер, Стефан Лазаров. „Аман бре, нозе ми се пресекоа“ - објави пејачката Андријана Јаневска. „Леле, дали се нормални, бре?“ - јавно праша колешката на Игор, Весна Бејби Петрушевска. „Да си ни жив и здрав“ - му порача Елена Петреска која сега живее надвор од Македонија, на релација Белгија - Франција. „Цццццц...“ - загрижено споделила Тамара Тодевска. „Мене пред три години ме умреа. Секоја година сам помен си вадам“ - го тешеше „лажно покојниот“ шоумен, Пеце 0д „Суперхикс“.... Фото: Instagram/igordzambazov

Актерот итно хоспитализиран: Ѕвездата од филмот „Сам дома“ во критична состојба (фото)

Слободанка Илиева — Thu, 25 Jan 2024 08:07:38 +0000

Ѕвездата на „Сам дома“ Девин Ратри неодамна бил итно е префрлен во болница каде била констатирана критична состојба. Тој сега се опоравува во својот дом, а зошто е загрозено неговото здравје не е соопштено за медиумите. Да потсетиме, Девин пред две години физички ја малтретирал својата поранешна девојка, заканувајќи и се дека ќе умре. Потоа бил виден во ресторан каде испил поголема количина разни видови алкохол, а пиењето го проддолѓил во соседниот бар. После тоа малтретирал девојка во хотел за што сега му се суди. Очигледно, тој има голем проблем со порокот. фото:instagram printscreen/ devinratray

Длабока тага: Ненадејно почина познатиот актер кој сите ќе го паметат по улогата во „Ѕвездени патеки“

Слободанка Илиева — Wed, 24 Jan 2024 11:02:01 +0000

Гери Греам, познат по улогата во серијата „Ѕвездени патеки“, ненадејно почина на 73-годишна возраст. Телевизискиот актер почина во понеделникот, објави неговата поранешна сопруга Сузан Лавел. „Со длабока и голема тага морам да кажам дека Гери Греам, мојот поранешен сопруг, извонреден актер и татко на нашата прекрасна единствена ќерка Хејли Греам, почина денеска“, напиша Лавел на Фејсбук. Во серијата „Star Trek: Enterprise“, Греам го играше амбасадорот Совал. Кариерата на Греам траеше пет децении, почнувајќи од 1970-тите на телевизија и во филмови, со најистакнатата улога како детективот Метју Сајкс во „Alien Nation“. Тој, исто така, глумеше во мини серијата „Scruples“ на „Си-би-ес“ и глумеше заедно со Брус Вилис во ТВ серијата „Moonlighting“. фото:instagram printscreen/ therealgarygraham/ Facebook/ Back to 80s

Ова може да го покаже само тој: Спомените од детството на Сашко Коцев станаа од црни – поцрни, ама пооригинални, здравје (фото)

Слободанка Илиева — Sat, 20 Jan 2024 07:55:09 +0000

Тој е обожуван, на сцена, на филмско платно, лик од детска серија, како стенд-ап комичар, водител, на социјални мрежи... Сашко Коцев едноставно ја плени публиката. На неговиот Фејсбук профил не така често осамнуваат објави од приватноста, но кога ги има, по правило мора да бидат оригинални и во негов стил. Така беше и овој пат. Коцев покажа дека е вистински домаќин кој според резултатот можеби не така често е во кујната, но барем има обиди. Неговиот гастрономски потфат беше сезонска потпечена блага тиква со која тој и неговите две дами требаше да се насладуваат, а тој да се врати со спомените во детството. -Мммм ме потсетува на детството, миризлива и блага крцкава тиква! Повелете! Правена според рецепт, на 280 степени ,3 саати, напиша Сашко, а спомените очигледно станале од црни- поцрни, речиси уништени. Веројатно не го запаметил или запишал добро рецептот од мама или баба, па наместо средно печена, доби карамелизиран ефект повеќе од што треба. Можеби по вкус, но за очите на следбениците, Сашко ја претерал со печење , а богами и трошење струја. Рецепт кој беше со лош ефет од рерната, но ултра успешен на Фејсбук со илјадници лајкови и стотици коментари. Сепак, пофалба за обидот, а за вкусови нели не се дискутира! фото: Facebook/ Sasko Kocev

Ова е мајката на Милош Биковиќ, таа е вистинска дама: „Веруваше дека ќе станам актер, но не ме охрабруваше“ (фото)

Слаѓана Атанасова — Fri, 12 Jan 2024 13:03:33 +0000

Актерот Милош Биковиќ доби син со својата партнерка Ивана Малиќ. Тие решиле да го именуваат наследникот Василије. Актерот направи прослава за семејството и пријателите, па заедно до зори го славеа раѓањето на малиот Василиј. Милош Биковиќ во неколку наврати истакна дека неговото семејство е најголемата поддршка во неговиот живот, особено неговата мајка Марија.

View this post on Instagram

A post shared by Miloš Biković (@bikovic)

- Мојот успех не и е многу важен. Веруваше дека ќе станам актер, но не ме охрабруваше премногу. Кога мојата кариера почна да оди напред, таа ме поддржа - изјави еднаш Биковиќ за рускиот „Esquire“ и откри што и купил на мајка си кога го добил првиот голем хонорар: - И купив стан во Белград, а пред тоа и донесов крзнена капа од Русија, која многу ѝ се допадна. Подароците не и се толку важни. Пораснав во Карабурма и често се селевме бидејќи немавме сопствен стан. Моето семејство порано беше многу богато, но по Втората светска војна изгубивме се поради национализација. Тато беше директор на голема австриска компанија и заработуваше многу пари, но јас не се чувствував толку лесено во живот. Фото: printskrin/instagram/bikovic

Позатиот актер криеше дека се бори со опаката болест: Ѕвездата на „Наркос“ почина на 43 годишна возраст (фото)

Слободанка Илиева — Wed, 10 Jan 2024 12:26:21 +0000

Љубителите на серијата „Наркос“ се во тага и неверување дека почина младиот мексиканскиот актер Адан Канто. Тој починал во вторникот од компликации од апендицитис, изјави неговиот претставник за The Hollywood Reporter. Канто, кој може да биде препознаен по неговите минати ТВ улоги во „Designated Survivor“ и „Narcos“, го играше Арман Моралес две сезони во „The Cleaning Lady“.

Adan Canto, The Cleaning Lady, X-Men and Designated Survivor actor has sadly passed away at 42. pic.twitter.com/U68AVNETKt
— Movieweb (@movieweb) January 9, 2024

Роден е во Сиудад Акуња, Мексико, а пораснал во Тексас, каде ја започнал својата музичка кариера. Има напишано песни за неколку мексикански ТВ емисии и филмови, и на крајот стигна на сцената во адаптацијата на Педро Алмодовар на „All About My Mother“. Неговата прва ТВ улога беше во „Estado de Gracia“ во 2009 година. Американското актерско деби на Адан се случи во криминалната трилер серија „The Following“ на Fox од 2013 година, во која глуми Кевин Бејкон. Продолжи да глуми во ситкомот на ABC „Mixology“, криминалната драма на Netflix „Narcos“, „Blood and Oil“ и „Second Chance“. Неговата прва голема филмска улога беше онаа на суперхеројот Санспот во „X-Men: Days of Future Past“ во 2014 година. Канто се приклучи на серијата на Fox „Designated Survivor“ во 2016 година и има режирано два кратки филма, „Before Tomorrow“ во 2014 година и „The Shot“ во 2020 година. Адан беше сопруг и татко на две малечки деца. фото: Instagram printscreen/ adancanto