акни – Вистина.мк

Ова се четири едноставни навики кои ќе ви помогнат да се ослободите од акните и митесерите

Слободанка Илиева — Mon, 29 Jan 2024 14:00:37 +0000

Акните, митесерите и мозолчињата мачат голем број луѓе. Во зимските месеци, кога носиме џемпери и подебела облека, тоа не се забележува. Штом дојде летото и периодот на полесна и поотворена гардероба, почнуваме да се чувствуваме непријатно поради тој видлив проблем. Мозолчињата на овој дел од телото можат да бидат многу иритирачки бидејќи се наоѓаат позади и не се директно видливи за нашите очи како оние на лицето. За да ги решите, обидете се со следните совети. Почесто перете ги градниците Многу жени немаат навика често да ги перат градниците. Сепак, покрај тоа што е исклучително важно од каков материјал е направен, внимавајте бидејќи се потите и таму со текот на времето може да се размножат голем број бактерии. Графниците треба да се перат после секое друго носење. Редослед на туширање Доколку не сте знаеле, грбот треба да го истуширате последен, бидејќи хемикалиите и одредени масла во шампоните и балсамите можат да ги затнат порите на кожата. Уште една работа на која треба да внимавате е составот на препаратите со кои ја третирате кожата. Редовен пилинг Пилингот на кожата е ставка која не смееме да ја прескокнеме – затоа што ги отстрануваме мртвите клетки и ја поттикнуваме кожата да се регенерира побрзо и поуспешно. Ако не знаете кој производ за пилинг да го земете, проверете дали се базираат на следните состојки: АХА или БХА киселини. Оптимално, треба да правите пилинг 2 до 3 пати неделно со цел темелно да ги исчистите порите и да го отстраните слојот од мртви клетки. Салицилната киселина (БХА) има одлични антиинфламаторни својства, па затоа може да се користи во лето со соодветен заштитен фактор. Не прескокнувајте го грбот кога го триете телото Кожата на грбот е исто толку важна како и кожата на лицето. Не заборавајте да нанесете слој хидратантен крем за да ги нахраните клетките на кожата. Ако претпочитате да користите сапун за туширање, имајте на ум дека тие го нарушуваат нормалниот pH фактор на кожата и ја сушат премногу! извор:попара.мк

Мачнини, тешка дремка и паника во пет наутро, а сега Антониа има нова трудничка мака: „Кажувајте решение, брзо!“ (фото)

Слободанка Илиева — Tue, 21 Mar 2023 09:22:18 +0000

Младата пејачка Антониа Гиговска е на средината од бременоста. Дека тоа е така откри на својот Инстаграм со објавата дека правела фетален ехо-стрининг на бебето, преглед кој се врши во петтиот месец од бременоста. Ако се водиме по ова, Антониа Гиговска би требало да се породи околу месец јули. Бидејќи прави пауза од настепите и е целосно посветена на себе во деновите од бременоста, пејачката е се’ поактивна на социјалните мрежи каде ги споделува своите труднички искуства. Ако на почетокот од бременоста имаше проблем од утринските мачнини и одредена храна, потоа се појавија тешки дремки во необично време и место, ограчичувањето за спа- цернтри кои и недостигаат и слично. Во една од своите понови објави откри и дека има прашања до докторот во пет часот наутро, веројатно од панични моменти со прашалници кои ги има секоја трудница. -Ви благодарам на се’ досега, само јас ѕвонам во пет наутро, се надевам не сум досадна трудница, му се обрати Антониа на лекарот кој ја следи нејзината бременост, а е толерантен и за ваквите најзини неочекувани повици. Сега се појави нов проблем, а тоа се акните кои вели дека никогаш порано ги немала со таков интензитет. Го снимаше своето иритирано чело, разбирливо поради хормоналните промени во нејзиното тело, па побара брзо решение од поискусните. Бидејќи е трудница за првпат, веројатно се’ и е оправдано, а оние жени кои веќе го поминале ова, веројатно им е јасно каков период живее идната мама чии предизвици допрва доаѓаат. фото:Инстаграм принтскрин/Антониа Гиговска

Заборавете на Маја Маринковиќ, ова е најголемата трансформација досега: „Не се разбудив убава преку ноќ“ (фото)

Слаѓана Атанасова — Wed, 09 Nov 2022 12:39:00 +0000

За задругарката Маја Маринковиќ често се вели дека „го сменила личниот опис“ и дека сега изгледа неспоредливо поинаку во споредба со првото појавување пред ТВ камери, нешто што може да се каже и за друга поранешна задругарка, Ермина Пашовиќ. Ермина беше учесник во третата и четвртата сезона на „Задруга“, каде беше актуелна, а милионската публика ја запозна сосема природно, без корекции. Сепак, откако ја напушти четвртата сезона шоуто, Пашовиќ реши да се ослободи од сите несовршености кои со години и ја нарушуваа самодовербата, а резултатот е повеќе од совршен. Еден од водечките проблеми на Ермина беше лицето со акни , па откако го реши проблемот со нив, отиде на ласерско отстранување на лузните. За ова одвоила од 150 до 250 евра по третман, а според извори направила четири од нив. Набргу потоа го оперирала носот, а оваа интервенција започнува од 3.000 евра. Потоа посетила хирург да и ги подигне очните капаци и за тоа издвоила 900 евра, а сакала и мачкини очи чија цена е 4.000 евра. Ермина ги среди градите и за нив потроши 3.800 евра, но и нови јаболчници за 900 евра. Пашовиќ не застана тука, туку ги зголеми усните кои ја чинеа околу 500 евра, но ја коригираше и ја обликуваше вилицата со методот „Jaw lan“ кој се прави со хијалуронски филери и чини до 1.000 евра. За да го постигне посакуваниот изглед, поранешната соработничка отишла и на ботокс во три региони, за што платила околу 250 евра. Сè на сè, кога ќе се земе предвид сето она што на Ермина не и се допаднало и што променила, сето тоа ја чинело 15.250 евра.

View this post on Instagram

A post shared by Ermi Ermina Pasovic (@ermi.bolan)

Фото:Принтскрин/Инстгарам

Без комплекси: Александра Јанева отворено и без резерва откри со каков естетски проблем се соочува (фото)

Слободанка Илиева — Sat, 15 Oct 2022 08:05:36 +0000

Ако некогаш природната убавина и негуваното лице беа на пиедестал, денес живееме во време кога на прво место е силната шминка и естеските корекции. Секој има лично право на избор за тоа како преферира да го трансформира, стилизира или негува својот изглед, но врмињата дојдоа дотаму што се’ поголем дел од припадничките на понежниот пол наликуваат една на друга со волуменознте усни и екстремно мали носиња. Реалната слика ретко кој ја покажува, особено пак ако се има некаков естетски проблем, тогаш шминката „оди на кило“... Пејачката Александра Јанева е во редот на оние ретките. Таа иако е јавна личност и постојана е на сцената која бара појака шминка, Јанева гледа тоа да го минимизира, но и да го покаже своето вистинско лице, односно проблемот со акни, црвенило, затворени пори за кој отворено и без резерва откри пред следбениците на Инсаграм.

View this post on Instagram

A post shared by Aleksandra Janeva (@aleksandrajanevaofficial)

Александра освен што покажа како естетски реално изгледа нејзиниот проблем, ги покажа и резултатите по козметичките третмани кои ги применува и е задоволна од истите. Со шминка или без неа, Јанева ги мотивираше и инспирираше своите следбенички да бидат со што помалку резерва и комплекси и да не ја маскираат реалноста.

View this post on Instagram

A post shared by Aleksandra Janeva (@aleksandrajanevaofficial)

Витруелниот свет и новото модерно време за женскиот изглед ја искривија сликата за женската убавина, но барем можеме да се потсетиме дека секоја дама барем понекогаш има по некое мозолче, црвенило или пак со годините и нова брчка. фото:Инстаграм/Александра Јанева

Количината на стрес влијае и на нашата кожа: Дознајте што се „стрес акни“

Слаѓана Атанасова — Tue, 19 Jul 2022 12:00:01 +0000

Постојаните акни во зрелата возраст се секако нешто што посакуваме да го оставиме зад нас во тинејџерските денови. Има моменти кога избувнувањето на акните кај возрасните може да укаже на поголем проблем, надвор од општото објаснување за затнати пори. Стресот и хормоните можат да предизвикаат појава на акни на лицето. Што се стресни акни? „Кога доживувате стрес, вашите хормони на стрес се зголемуваат и ги поттикнуваат вашите лојни жлезди да произведуваат повеќе масло, што потоа предизвикува акни“, објаснува д-р Дона Харт за „Бирди“. Ако забележите дека вашите акни се појавуваат главно за време на менструацијата, веројатно имате хормонални акни, а не акни поврзани со стрес. – Хормоналните промени, главно зголеменото ниво на андрогени, ги имаат истите ефекти врз лојните жлезди. Разликата е во следењето на предизвикувачите на акни, на пример, по периоди на стрес наспроти поредовните акни што се појавуваат со месечните менструални циклуси.

„Не се срамете од оваа ситуација“: Зои Блаж објави храбра фотографија за која многу девојки никогаш не би се осмелиле (фото)

Слободанка Илиева — Mon, 25 Jan 2021 08:16:07 +0000

Пејачката Зорица Блажева или Зои Блаж како што и е уметничкото име, оддамна не е активна. Од музиката и пеењето се префрли на шминкањето, па ако нема нови песни, не значи дека дозволи да биде заборавена во јавноста. Таа неодамна му кажа „да“ на својот избраник, ракометарот Тадеј Матијашиќ и по неколкугодишна врска ја официјализираа љубовта со свршувачка.

View this post on Instagram

A post shared by Zoi Blaz Official (@zoi.blaz)

Зои постојано на својот Инстаграм објавува фотографии од своите шминкерски дела на своето и на лицето на своите клиентки, но овој пат сакаше да го покаже другото лице под козметиката.

View this post on Instagram

A post shared by Zoi Blaz Official (@zoi.blaz)

-Со оваа порака сакам да им кажам и пружам подршка на сите девојки што имаат проблем со акните... Не се срамете од оваа ситуација , сакајте се себе онакви какви што сте , излезете надвор со крената глава и без шминка , кога ќе ве праша некој еј што ти е со лицето, насмевнете се и кажете им: Ќе помине ... И ако имате проблем со акните и неможете да ги излечиме толку брзо , морате да имате трпение , самодоверба , да ширите љубов бидејќи и тоа е еден вид на лекување ... Не се замарајте со негативни коментари и не им забележувајте на таквите .... За оние што сакаат да не прашаат во врска со лицето: Бидете помеки не не повредувајте - прашајте не дали имаме болка , како сме , дали треба да ни помогнете ... Бидејќи ако не напаѓате и навредувате покажувате колку сте нелуѓе ..... Девојки заедно сме посилни , во секое време пишете ми , ве сакам, пишува Зои охрабрувајќи ги сите девојки и жени кои имаат ваквов проблем да бидат храбри и самоуверени за она со кое се соочуваат со својата кожа.

View this post on Instagram

A post shared by Zoi Blaz Official (@zoi.blaz)

Објавата на Зои во знак на поддршка се најде и на „стори“ приказните кај: Тамара Тодевска, Јана Бурческа, Александра Јанева...

Како да спречите појава на акни предизвикани од носењето маски?

Слободанка Илиева — Tue, 21 Jul 2020 11:45:28 +0000

Маските за лице станаа неизбежни во изминатите неколку месеци. Но, носењето маска подолго време може да предизвика одредени проблеми со кожата на лицето. Иритацијата од маската најчесто се јавува кај луѓе кои инаку имаат чувствителна или проблематична кожа. Проблемот се јавува кога бактериите, потта и природните масла што се лачат во порите ќе останат блокирани помеѓу кожата на лицето и маската. Потоа може да дојде до појава на мозолчиња, црвенило и иритација. За да го спречите тоа, треба да почитувате неколку правила. Како прво, не заборавајте да го миете лицето редовно. Соодветната хигиена ја намалува можноста за развој на бактерии, а тоа е токму она што сакате да го постигнете. Исто така, важно е да користите хидратантни кремови бидејќи тие го зачувуваат здравјето на вашиот епител и формираат заштитна бариера помеѓу лицето и маската. Сведете ја шминката на минимум. Одлучете се за полесни производи за да ѝ овозможите на кожата да дише додека е покриена со ткаенина. Ако можете, користете меки памучни маски бидејќи тоа ќе го намали триењето и иритацијата од маската. На крај, не заборавајте да ја исперете маската во машина за перење по секоја употреба. извор:кафепеуза.мк

Еве кое овошје помага за лицето со акни

Михаела Христова — Wed, 06 Nov 2019 13:45:48 +0000

Никој не сака да има проблематична кожа, особено не дамки или лузни од акни. При лекувањето на лузни останати од акни, важно е да се прави разлика помеѓу лузните и темните дамки, бидејќи тие обично се привремени. Темните флеки се предизвикани од инфекции и создаваат црвенило по лицето, кое обично се смирува и во период од три до шест месеци. Лузните од акни се трајни и имаат различен облик и големина. Тие настануваат откако ќе ја стиснете акната, а бидејќи кожата повторно се затвора после зараснувањето – настанува лузна. Многумина мислат дека единствениот начин да се ослободиме од здодевните акни е одењето на скапи ласерски третмани. Но, тајната лежи во една многу едноставна состојка, која речиси сите ја имаат во својот дом – мандарина. Мандарината, или било кое друго овошје кое има високо ниво на цитрус, може да се користи за правење на „масло“ за лице. Ова овошје може засекогаш да го отстрани појавувањето на акни и тоа само за неколку часа. Оваа маска исто така ја навлажнува косата, го разубавува тенот, и дава свежина на кожата, младешки сјај и многу други позитивни работи.

Лимонот ќе ви помогне да бидете поубави

Ангела Димитрова — Wed, 30 Oct 2019 13:02:15 +0000

Лимонот е добро познато дека изобилува со витамин Ц и е одличен како додаток во исхраната, но ова извонредно овошје може да се користи и како природна состојка за нега на вашата убавина.

Решение за акни и митесери

Лимоновиот сок ефикасно ја чисти кожата. За борба против акните и митесерите, исечкајте еден лимон и со парчињата истријте ја кожата на целото лице, со исклучок на пределот околу очите. Со лимонот може да додадете и малку мед, кој е одличен за хранење на кожата, а резултатите од оваа комбинација ќе бидат брзо видливи. Откако ќе ги нанесете, оставете да делуваат 5-10 минути, па потоа исплканете го лицето.

Побели заби

Направете домашно средство за избелување на забите од сода бикарбона и лимонов сок. Измешајте ги заедно и нанесете ги на забите со помош на стапче за уши. Оставете да отстои една минута и потоа измијте ги забите со четка.

За осветлување на косата

Наместо да користите фарби и разни други хемикалии за осветлување на косата, постигнете го саканиот ефект со лимон! Додадете лимонов сок во вашиот регенератор и поседете на сонце неколку часа пред да ја исплакнете косата. По неколку повторувања, вашата коса ќе добие значајно посветла нијанса.

За помеки усни

За да го ублажите проблемот со испукани усни, истријте ги со парченце лимон, а потоа исплакнете ги. На овој начин ќе ги отстраните мртвите клетки, а вашите усни ќе бидат мазни и меки. Единствено мора да запомните дека лимоновиот сок не смеете долго да го држите на вашата кожа, бидејќи после некое време киселината ќе почне да ја оштетува вашата кожа, особено ако сте изложени на сонце.

Направете сами маска од банана против акни

Ангела Димитрова — Wed, 30 Oct 2019 12:19:19 +0000

Бананите се прородно антибактериско средство и одлични се за отстранување на дамки. Оние кои имаат чувствителна кожа можат да ја користат бананата како пилинг, а антиоксидансите и витамините во неа ќе го обноват колагенот во кожата и ќе помогнат во борбата против борите. Па еве и една згодна и брза маска од банана против акни: една банана, една голема лажица млеко, една голема лажица пченкарно брашно и малку мускантно оревче. Испасирајте ја бананата и помешајте ја со останатите состојки, па нанесете ја на чисто лице. Кога ќе се исуши измијте го со млака вода.