Аки Рахимовски – Вистина.мк

„Парни ваљак“ конечно доби нов пејач: Еве кој ќе го замени легендарниот Аки Рахимовски (ФОТО)

Антонио Димитриевски — Thu, 23 Mar 2023 10:35:40 +0000

Иако долго се „шушкаше“ кој би можел да биде новиот фронтмен на бендот, „Парни ваљак“ официјално ја објави информацијата за музичарот кој ќе го замени легендарниот Аки Рахимовски. „Мојата глава, моите правила подвиг. Игор Дрвенкар, четврток, 23.3. во 12:00 часот. Премиера на нашата нова песна на радио станиците низ регионот и видео на нашиот канал на Јутјуб“, објавија на нивната официјална страна и со тоа потврдија дека отсега ќе настапуваат со пејачот Игор Дрвенкар. Игор пееше во различни бендови, а се обиде и во неколку мјузикли, меѓу кои „Jesus Christ Superstar“, „Resurrected“ и „Beauty and the Beast“. И претходно се шпекулираше дека Игор ќе биде новиот фронтмен на бендот, но сега бендот ги потврди гласините. Легендарниот музичар Аки Рахимовски почина лани во јануари на 67-годишна возраст. Фото: Инстаграм принстскрин/parnivaljak

„Недостигаш тато“: Синот на Аки Рахимовски со емотивна објава по повод една година од смртта на неговиот татко (ФОТО)

Антонио Димитриевски — Mon, 23 Jan 2023 10:15:15 +0000

Синот на легендарниот фронтмен на „Парни ваљак“ Аки Рахимовски, Кристијан Кики Рахимовски на својот Инстаграм профил на 22 јануари објави емотивна порака по повод годишнината од смртта на неговиот татко. „Недостигаш тато. Ништо помалку не болиш од претходно. Можеби со време… Се борам со некоја тага во себе како со ветерници, попусто… Можеби со време… Спиј мирно, тато. Тука си, те чувам. Сите те чуваме. Спиј мирно“ - наведе тој.

View this post on Instagram

A post shared by Kiki Rahimovski (@kiki_rahimovski)

На годишнината од смрта на Аки на неговото вечно почивалиште на гробиштата во Загреб осамнаа букети ио свежо цвеќе, црвени рози и... неколку мали шишиња пиво. „Скопско“, неговото омилено од саканата Македонија, кои верните обожаватели го оставиле. Аки Рахимовски е роден на 5 јуни 1955 година во Ниш, но набрзо потоа неговото семејство се преселува во Скопје. Со 16 годинивеќе свиреше клавијатури во македонскиот бенд „Тор“, кој набргу останува без пејач. Тогаш судбината вмеша прсти и го турна пред микрофонот. „Парни ваљак“ е основан во 1975 година, откако гитaристот и композиторот Хусеин Хасанефендиќ Хус го видел настапот на Аки. Во 30-годишната кариера на „Парни ваљак“ објавил 16 студиски албуми, 14 синглови, пет албуми во живо, четири компилации, две конценртни ДВД-а. Со „Парни ваљак“ сними десетици албуми и одржа низа концерти на просторите на поранешна Југославија. Аки ги испеа најубавите љубовни песни, меѓу бројните песни со кој засекогаш ја одбележа својата интерпретација се „Љубавна“, „Неда“, „Проклета недеља“, „Лутка за бал“, „Као ти“, „Ухвати ритам“, „Угаси ме“, „Јесен у мени“, „Све још мирише на њу“, „Заставе“, „Загреб има исти позивни“, „Моја је пјесма лагана“, „Страница дневника“, „Пусти нек траје“… Аки почина на 22 јануари 2022 година на 66-годишна возраст. Фото: Инстаграм принтскрин/kiki_rahimovski/Tomislav Miletic/PIXSELL

Бајага стана дедо: Легендарниот рокер доби внука! (ФОТО)

Антонио Димитриевски — Fri, 11 Feb 2022 12:20:43 +0000

Легендарниот рокер Момчило Бајагиќ Бајага, кој ги напиша едни од најубавите песни, на крајот на минатата година стана дедо. Имено, снаат за синот на Бајага, Марко се породила на 27 декември и на свет донесла здраво девојче кое го добила името Сара. „Така е, станав дедо“ - потврди Бајага. „Имам убава внука Сара и сега животот ми е порелаксиран. Далеку од тоа да кријам дека станав дедо, едноставно избегнувам да зборувам за мојот приватен живот“ - вели белградскиот рокер. Инаку, Бајага ќе настапи на 26 март во загрепската „Арена“ на концертот на „Парни ваљак“ и пријателите во чест на покојниот Аки Рахимовски. Со пејачот на „Парни ваљак“ се дружеше повеќе од 30 години, се гледаа на концерти низ регионот. „Ме погоди веста за смртта на Аки“ - искрен е Бајага. „Кога Хусеин Хасанефендиќ Хус ми предложи да им се придружам и да ја отпеам „Годините минуваат“, во почетокотот бев збунет, бидејќи така се вика и една од моите песни. Сосема заборавив дека и тие имаат песна со исто име, која беше хит. Аки беше вистински тенор, и тоа подзарипнат тенор, а јас на концертот ќе пеам од истиот клуч, но октава пониско, бидејќи не можам да пеам толку високо како Аки. Убаво е да се оддаде почит на некој кој толку долго забавувал генерации“ - резимира Бајага. Фото: Инстаграм принтскрин/bajagaiinstruktori/КурирТВ

Синот на Аки во Крушево: Кристијан Рахимовски ги посети гробот и спомен куќата на Тоше (ФОТО)

Антонио Димитриевски — Wed, 02 Feb 2022 07:48:06 +0000

Кристијан Рахимовски, синот на неодамна починатиот пејач Аки Рахимовски, допатува во Македонија. Штом стапна на скопскиот аеродром како што самиот рече, пристигнал во земјата на неговото потекло, во татковината на неговиот татко, Аки: „Боже јас си дојдов дома, во земјата на мојот татко“! Дојде за да ја посети неговата тешко болна баба, за која неговиот татко Аки толку се грижеше до последниот ден од својот живот, но и да го запознае поблиското и пошироко семејство, Скопје и Македонија, во кои неговиот татко израсна и ја започна својата музичка афирмација, се' додека подоцна не се вивна високо во естрадните височини во Загреб станувајчи познат, признат, ценет, сакан и популарен целиот регион на бивша Југославија. Кристијан вчера, 01 јануари 2022 во Крушево заедно со министерката за култура на Република Македонија, Бисера Костадиновска-Стојчевскаго и крушевскиот градоначалник, Томе Христоски го посети гробот на и спомен куќата на Тоше Проески. „Со министерката за култура Бисера Костадиновска Стојчевска и синот на покојниот Аки Ракимовски во посета на спомен куќата „Тодор Проески“. Заедно положивме свеќе на гробното место на Тоше и оддадовме почит на големиот пејач, а не изоставивме да поразговараме и за Аки Ракимовски кој го почитуваше нашиот Тоше и постхумно посвети неколку песни“, напиша меѓудругото Христовски на Фејсбук. Кристијан, кој и самиот музичар, ги запозна министерката и крушевскиот градоначалник со својата професионална кариера, која, како што рече тој, е под силно влијание од неговиот татко. Во татковината на Аки, Кристијан доаѓа по 35 години, и освен во Крушево, престојува и во Скопје, запознавајќи ги градот и улиците од детството на неговиот татко, како и неговите пријатели. Министерката Костадиновска-Стојчевска изрази жалење за смртта на Аки и порача дека тој и неговиот „Парни ваљак“ одамна го пробија патот до незаборавот. Таа додаде дека нашата држава секогаш ќе биде благодарна и ќе ја негува почитта кон неговото дело и кон сето она што тој со својата енергија и полудецениската кариера го направи за промоција на културата на нашата држава и на македонската музика. „Крушево, 1 февруари 2022 година - Македонија вчера на свој начин му оддаде почит на никогаш непрежалениот „македонски славеј“ - Тоше Проески (кој на 25 јануари ќе го прославеше својот 41 роденден, а почина на 16 октомври. 2007 година). Имено, дојдов на иницијатива и на покана на министерската за култура на Република С. Македонија и градоначалникот на Крушево да ја посетиме спомен куќата на Тоше Проески во Крушево и таму да запалиме свеќи за никогаш непрежалените (над) национлен музички херој. Во интимна и многу достоинствена атмосфера, со молитви на гробот на Тоше, заедно се потсетивме на ликот и делата на вистински музички великан од нашите краишта, кого со години и години ќе го славиме и оплакуваме слушајќи и пеејќи ги неговите песни. Овој крајно неочекуван гест на министерот за култура на Македонија - дека по само неколку дена откако се простив во Алејата на великаните во загребски Мирогој и го погребав мојот единствен „татко“ - особено ме трогна веста која ја дознав при посетата: дека веќе постои иницијатива да се именува една улица во Скопје, главниот град на Македонија по името на татко ми. Затоа, во име на целото семејство Рахимовски, сакам да им се заблагодарам на градоначалничката на Скопје, Данела Арсовска и на Република С. Македонија за оваа исклучителна чест“ - напиша на својот инстаграм профил синот на Аки, Кристијан Кики Рахимовски за кого многумина веќе тврдт и очекуваат, дека токму тој ќе го замени неговиот татко на местото пејач во „Парни Ваљак“?!

View this post on Instagram

A post shared by Kristijan Rahimovski (@kiki_rahimovski)

Фото: Инстаграм и Фејсбук принтскрин/kiki_rahimovski/Томе Христоски/Danela Arsovska

Бел венец во облик на срце: Двегодишната ќерка на Аки со емотивна посвета на погребот (фото)

Христина Ѓоргиевска — Fri, 28 Jan 2022 11:04:17 +0000

На погребот на Аки Рахимовски имаше и бел венец во облик на срце со посебна емотивна порака. „Тата, рада те имам, (тато, те сакам), стои во пораката на венецот посветен од двегодишната ќерка Антониа која Аки ја доби од врската со Барбара, партнерката со која Рахимовски беше во врска последните две години. Пејачот Аки Рахимовски беше погребан вчера (27.01.2022) на загрепски Мирогој во Алејата на великаните, во кругот на семејството и пријателите. За потсетување, Аки почина во саботата на 22.01.2022 година. фото: Pixsell/igor soban

Скопје ќе добие улица со името на Аки Рахимовски

Антонио Димитриевски — Fri, 28 Jan 2022 10:00:10 +0000

Македонската престолнина Скопје ќе добие улица која ќе го носи името на легендарниот починат пејач на „Парни ваљак“, Аки Рахимовски, обзнани градоначалничката на главниот град, Данела Арсовска. „Аки Рахимовски, легендарниот пејач на „Парни ваљак“, попладнево беше погребан во алејата на великаните на гробиштата „Мирогој“ во Загреб. Ковчегот беше прекриен со македонското знаме“. „Како Градоначалник на Град Скопје, денес иницирав со одлука на Град Скопје една улица во централното градско подрачје да го носи името на Александар Аки Рахимовски“ - напиша та на својот фејсбук профил,споделувајќи видео од нејзината последната средба со Аки во резиденцијата на Претседателот на Хрватска минатата година, каде пејачот гордо ги поздравил со македонските песни кои нему лично му беа најдраги. Градоначалничке... Данела... Скопје и скопјани „те држат за збор“!

Ќерката на Аки со емотивниот говор на погребот ги расплака присутните: „Бегај тато бидејќи горе им е досадно без тебе“ (видео)

Христина Ѓоргиевска — Fri, 28 Jan 2022 06:13:12 +0000

Пејачот Аки Рахимовски беше погребан вчера (27.01.2022) на загрепски Мирогој во Алејата на великаните, во кругот на семејството и пријателите. Најблиските се собраа за последен пат да го испратат Аки, а емотивниот говор на неговата ќерка Дина ги расплака присутните. -Во една прилика ми кажа дека е лесно да се биде висок, но е тешко да се биде голем, голем човек. Ти благодарам што ме научи колку човекот е мал под ѕвездите. Ајде бегај, така ми велеше, бегај ќерко. Бегај тато бидејќи горе им е досадно без тебе. И само да знаеш, само ти, и никој како ти. Те сакам тато, изјави Дина. Потоа започна песната „Зошто си ме мајко родила“, а по неа и I Did It My Way. Фотографијата на Аки на погребот ја носеле неговите внуци. Ковчегот на Аки беше прекриен со македонското знаме. [embed]https://arhiva.vistina.com.mk/pod-makedonsko-zname-i-so-pesnata-zoshto-si-me-majko-rodila-e-pogreban-aki-rahimovski-video/[/embed] Многу музичари дојдоа за последен пат да се простат од Аки. „Нашата улица е тажна откако не си тука... Затоа што тажната песна ја пеат оние што остануваат“, пишуваше пред бината покрај фотографијата на Аки. За потсетување, Аки почина во саботата на 22 јануари 2022 откако му се слошило додека бил на прошетка со сопругата. фото: Igor Soban/PIXSELL/принтскрин/јутуб

Под македонско знаме и со песната „Зошто си ме мајко родила“, е погребан Аки Рахимовски (видео)

Христина Ѓоргиевска — Thu, 27 Jan 2022 19:01:43 +0000

Аки Рахимовски беше испратен од најблиските родни ни и колеги на загрепските гробишта Мирогој. Ковчегот на Аки Рахимовски беше покриен со знамето на Македонија, а на него имаше црвени рози. Аки Рахимовски меѓу другото беше испратен во последното почивалиште во Алејата на великаните на Мирогој со македонската песна „Зошто си ме мајко родила“. На погребот се собраа бројни пријатели и колеги и членови на семејството. Емотивниот говор на неговата ќерка Едина трогна многумина до солзи. „Еднаш рече дека е лесно да се биде висок, но тешко е да се биде голем, голем човек“, рече уништената Едина. „Ти благодарам тато што ме научи дека човдкот е само мал под ѕвездите. Ајде бегај, така ми кажа, бегај ќерко. Бегај тато затоа што им е досадно без тебе. И само така ти знај, само ти тато, и никој како тебе“, рече таа. „Те сакам тато“, го завршила својот говор.

Во чест на Аки во 15 часот на 150 радиостаници ширум регионот ќе се емитува последниот сингл на „Парни ваљак“ – „Поново“

Христина Ѓоргиевска — Thu, 27 Jan 2022 13:53:22 +0000

Во чест на Аки Рахимовски денеска во 15 часот, во време кога во Загреб ќе се одвива церемонијата на неговото испраќање, 150 радио станици од регионот во исто време ќе го емитуваат последниот сингл на „Парни ваљак“ – „Поново“. „Поново“ е последната песна на Аки Рахимовски и кај нас ексклузивно ќе се емитува во 15 часот на националното радио Метрополис Радио Мрежа, на радио Бубамара, Скај радио, Супер радио од Охрид, како и на две интернет-радио станици – Анторис радио и радио Мост. Синглот „Поново“, авторско дело на Хусеин Хасанефендиќ Хус, требаше да претставува најава за новиот албум на Парни ваљак, и за нивната скорешна голема турнеја… Аки почина во саботата на 22 јануари 2022 година. фото: Hrvoje Jelavic/PIXSELL

Македонија се збогува од Аки: Последен поздрав на градскиот плоштад во Скопје

Антонио Димитриевски — Wed, 26 Jan 2022 13:09:47 +0000

Среда, 26-ти јануари, ден пред неговиот погреб во Загреб, Скопје ќе го испрати својот некогашен сограѓанин и голем пријател, легендарниот Аки Рахимовски. Поради епидемиолошките ограничувања, последното испраќање на Аки се организира на Градскиот плоштад, кај тревникот пред „Пелистер“, каде ќе биде отворена книга на жалост и ќе се слушаат неговите песни. Сите пријатели, обожавателите на неговата музика и почитувачите на неговата работа ќе можат од 13 часот да се запишат во книгата на жалост, да положат цвеќе или да запалат свеќа во чест на Аки. Главното собирање се планира од 18 до 19.30 кога хорови, пејачи и пријатели заеднички, за збогување, ќе отпејат некои од најголемите хитови на „Парни ваљак“. Последното збогување со Аки Рахимовски го организира „Радио Бубамара“ со поддршка „КЛС Саунд“ и Град Скопје. На Градскиот плоштад ќе ја слушнеме и песната „Ако згрешам, нека изгорам“ на Пепи Бафтировски, која Аки во клавирска придружба ја сними пред пет години во студиото на „Тавитјан брадерс“.