академија леонтиќ – Вистина.мк

Академија Леонтиќ нуди можност за секого од 18 до 60+ години: Целосни и половични стипендии и попусти од 50% по повод 30 години постоење

Антонио Димитриевски — Tue, 28 Nov 2023 09:41:42 +0000

По повод 30 години постоење Академија Леонтиќ за прв пат Приватниот центар за стручна обука Академија Леонтиќ од Скопје ќе додели стипендии за учебната 2024/25 година, со цел да се поддржат младите и талентирани лица во развој на нивните вештини и способности. По повод 30 години постоење Академија Леонтиќ за прв пат Приватниот центар за стручна обука Академија Леонтиќ од Скопје ќе додели стипендии за учебната 2024/25 година, со цел да се поддржат младите и талентирани лица во развој на нивните вештини и способности. Врз основа на добиеното Решение за верификација од Министерството за образование и наука, бр. 19-4558/1 од 29. 09. 2008 година, Приватниот центар за стручна обука Академија Леонтиќ во Скопје распишува конкурс за доделување стипендии: – за 12-месечна модуларна обука за фризер (10 стипендии) и козметичар (10 стипендии). – за 6-месечна обука основна модуларна обука за фризер (3 стипендии) и козметичар (3 стипендии). Стипендистите ќе имаат можност да бидат вработени веднаш по завршувањето на обуката во Центарот за убавина Академија и студио Леонтиќ во Скопје. Заинтересираните кандидати треба да ја пополнат апликацијата најдоцна до 25.12.2023 година. Начин на пријава и критериум за избор на пријавените кандидати – Пополнување на апликација за пријава на кандидат (ЛИНК) – Интервју со селектирани кандидати (задолжителна професионална ориентација) – Полагање на квалификациски испит Критериум за избор на кандидатите ќе биде изработка на еден лик на кукла/фризура/дизајн кој ќе биде изложен во Центарот. Сите дополнителни информации околу квалификациониот испит ќе бидат објаснети при интервјуто со секој избран кандидат од пријавената апликација. – Селекција и рангирање на кандидатите кои ги исполниле условите и ги задоволиле критериумите на квалификацискиот испит. Услови за аплицирање На конкурсот може да аплицираат, полнолетни лица со завршено средно образование до 25-годишна возраст. Еден кандидат може да аплицира само за една од понудените стипендии за соодветниот профил и обука. Избор на кандидати за добивање стипендија Сите примени апликации кои ги исполнуваат условите, ќе бидат разгледани од директорот на Обучниот центар и комисија составена од внатрешни и надворешни соработници кои ќе дадат забелешки според однапред усвоените критериуми од Центарот за обука. Сите информации и упатства околу полагањето кандидатите ќе ги добијат една недела пред полагање. Конечниот избор на стипендистите е на директорот на Центарот за обука Академија Леонтиќ. Само избраните кандидати ќе бидат повикани на дополнително интервју, додека оние кандидати кои нема да бидат избрани, ќе добијат соодветно известување по електронски пат. Избраните кандидати ќе бидат известени на 30.12.2023 година кога ќе полагаат квалификациски испит. Резултатите од квалификацискиот испит ќе бидат објавени на 01.02.2024 година. Добитниците на стипендиите ќе бидат објавени јавно на 18.02.2024 година. Кандидатите кои ќе ги добијат стипендиите имаат право да ги користат во 2024/25 учебна година со потпишување договор за обука. Центарот за обука ќе обучи и 24 кандидати до 22-годишна возраст како дел од грижата за деца без родители и без родителска грижа, на децата со посебни потреби и лесна попреченост, на самохраните родители и на семејствата кои се социјално загрозени. Ќе се изучуваат услуги за фризери, козметичари и масери и по завршувањето на обуката ќе бидат вработени во Академија и студио Леонтиќ или кај други работодавци од истиот профил. Обучниот центар за прв пат воведува обука за лица над 55 до 60+ годишна возраст. И за нив се предвидени 6 стипендии, а принципот е прв пријавен прв услужен. За оваа категорија нема посебни услови за доделување стипендии, освен желбата за работа и изучување нови вештини. Побрзајте, пополнете ја апликацијата на следниот линк и очекувајте повик!

Преку програмите „Еразмус +“ организирана е теренска пракса и обука на кандидатите и наставниот кадар од приватниот центар за стручна обука „Академија Леонтиќ“ – Скопје

Антонио Димитриевски — Mon, 11 Mar 2019 10:22:39 +0000

Дел од активностите на ПРИВАТНИОТ ЦЕНТАР ЗА СТРУЧНА ОБУКА „АКАДЕМИЈА ЛЕОНТИЌ“ –СКОПЈЕ се подготовките на Европските проекти преку програмата на ЕРАЗМУС+ КА1 . Благодарение на долгогодишната соработка со НАЦИОНАЛНАТА АГЕНЦИЈА ЗА ЕВРОПСКИ ОБРАЗОВНИ ПРОГРАМИ И МОБИЛНОСТ. Како дел од секторската програма ЕРАЗМУС+, проектите К1, кандидатите и наставниот кадар имаа можност да ги посетат стручните училишта и центри во Европа и да бидат дел од обуките и праксата што ја овозможуваат,преку проектот,,Practice and Management for hair stylism,fashion stylism and make up” КА1 регистарски број 2018-1-МК01-КА102-046881.

Првата посета се реализира во период од 17.01. до 02.02.2019 година,со посета на училиштето во Рига,Латвија,,Riga Style and Fashion Technical School.’’ На оваа мобилност беа 10 кандидати и едно придружно лице.

Втората посета се реализира во период од 11.02.-27.02.2019 година ,десет кандидати и едно придружно лице беа на мобилност во училиштето во Витербо,Италија ,, HIGH SUPERIOR VOCATIONAL SCHOOL ITALY-VITERBO’’.

Во овие две стручни училишта, кандидатите и придружните лица, имаа можност да ја согледат наставната програма,кои техники и вештини се изучуваат во делот од личните услуги за фризери,козметичари,масери и шминкери,а вооедно како е вклопен во истата програма и модниот стилизам.

Додека во училиштето во Витербо,Италија,училиштето искључиво ги изучува кандидатите и учениците од областа на модата.Кандидатите имаа прилика да бидат вклучени во две различни програми кои беа подготвени од страна на училиштето,вооедно во програмата беа вклучени и посета на културни споменици и знаменеитости, а сето тоа благодарение на добрата организација на партнерите што нè прифатија и ги организираа за нас дневните активности и програмата за обука.

Третатата посета беше во период од 30.01-10.02.2019година за двајца наставници на обука во Мадрид,Шпанија во домаќин центарот,,Centro de Educación de Personas Adultas de Paracuellos de Jarama”,а воедно беа посетени уште три стручни училишта и се следеше нивната наставна програма за време на практичната обука.

Оваа можност е од големо значење како за училиштето така и за самите, кандидати и за работниот наставен кадар, зашто им овозможува одржување чекор со сите новитети во козметичката, фризерската, масерската и шминкерската професија,а вооедно и модниот стилизам.Учењето преку индивидуални мобилности создава можности за индивидуите да ги подобрат своите вештини, подобрување на вештините за вработување како и запознавање нови култури и зголемување на културната свест, различноста и прифаќањето на нови традиции, начини на протокол на работа, учење јазици, што придонесува за поттикнување на европскиот дух и припадност на европската заедница.

Кординатор од Скопје,на овие проекти е мајстор-предавач Васка Леонтиќ, која со години настојува да ги привлекува партнерите од странство и да го пренесе своето долгогодишно искуство и да ја претстави Македонија како добар домаќин, а не само наши кандидати да ги посетуваат странските училишта и институции, туку овие мобилности да бидат взаемно посетени и училиштата да продолжат во партнерски развој.

Придобивката од овие мобилности не е само во изучувањето на новитетите од стручната област. Најмногу придонесува кандидатите да се навикнат на различен систем на работа, да бидат самостални, да се прилагодат во нови услови на живот подалеку од кругот на семејниот комодитет, тимски да соработуваат и самостално да водат грижа за себе. Најзначајно од овие мобилности, од сето горе наведено, е реалноста за животот низ европските земји. Кандидатите имаат прилика да ја видат реалната состојба и да направат споредба со својата култура и традиција на живот, динамиката и начинот на работа, а со ова се менува и свеста и размислувањето дали да се замине од својата татковина и да се работи во странство или да се реализира сонот во својата татковина, за тие кои имаат визија и желба за развој на сопствениот имиџ и кариера.

Придобивката за наставниот кадар, придружните лица и кординаторите на проектите, е од огромно значење. На овие мобилности се изучуваат нови методи и техники на предавање, програми кои се изучуваат во делот од личните услуги и како се комбинираат модулите, посебно за најновата програма што изминатите години се применува во стручните, техничките училишта и центри, во областа на личните услуги, а тоа е предметот МОДНИОТ СТИЛИЗАМ.

Дологогодишниот кординатор на европските проекти, Васка Леонтиќ, кои со години ги реализира, подготвува и раководи со кандидатите и наставниот кадар како во Македонија како домаќин, така и надвор од татковината како учесник, на сите мобилности како предавач и кординатор на овие проекти, самата го пренесува искуството и вели: „Имав многу плодна соработка со трите средни стручни училишта и обучни центри, можност да ја согледам придобивката од тие три училишта и центри на овие мобилности, а од сето стекнато искуство и добра соработка со раководителите и предавачите од Европска Унија, да ги воведам и ги напишам модулите за верификација на најновите модули и вештини на обука и техники кои се применуваат во модниот стилизам.“Од оваа учебна 2019 година Приватниот Центар за Стручна Обука ,,Академија Леонтиќ’’ започнува со редовна настава од областа на МОДНИОТ СТИЛИЗАМ,благодарение на обуките преку ЕРАСМУС+ се напишаа и најновите модуларни програми.

(ФОТО) ,,Академија Леонтиќ’’ одржа ревија за фризура и шминка

Слободанка Илиева — Mon, 25 Jun 2018 08:40:15 +0000

Приватниот центар за стручна обука ,,АкадемијаЛеонтиќ’’ од Скопје, ги реализира активностите за теренска пракса кои се дел од наставната програма при изработка на фризура и шминка. Модната ревија, се одржа на 20.06.2018 година во Скопје на Технолошкиот и Металуршкиот факултет. На оваа теренска пракса, која беше и дел од Евалуацијата и Дисеминацијата на проектот преку ЕРАСМУС+, со проектот,"Преку пракса до перфекција",кандидатите кои беа на мобилност во Рига, Латвија и Вилниус, Литванијасо своите придружни лица се преставија со фризура и шминка на завршната модна ревија на студентите преку Технолошкиот факултет, раководено од професорката, модниот дизајнер Лидија Горгиева.

На оваа модна ревија, кандидатите го пренесоа своето стекнато искуство на мобилноста преку проектот ЕРАСМУС+. Преку теренската пракса, кандидатите имаа можност да се престават и стекнат уште едно големо искуство како да се биде учесник и на теренска и тимска пракса. [gallery ids="34220,34219,34218,34217,34216,34221,34222,34223,34224,34225,34226,34227,34228,34232,34229,34230,34231,34235,34233,34234,34237,34240,34239,34238"]