ајвар – Вистина.мк

Важни совети за домаќинките кои прават ајвар: Не правете ги овие грешки

Слаѓана Атанасова — Tue, 24 Oct 2023 13:30:55 +0000

Прочитајте кои грешки за време на подготовката на ајварот треба да ги избегнувате. Ајварот е неизоставен дел од зимницата и е омилен во многу семејства. Некој го сака лут, некој благ, некој со домати, но секако гурманите не можат да му одолеат. Меѓутоа за време на подготовката, многу домаќинки прават одредени грешки кои го расипуваат неговиот вкус. 1. Погрешна математика За добар ајвар, но и за останатите зимници, клучни се добрите продукти, но и вистинската мерка. Кога станува збор за зеленчукот, доколку не го правите само со пиперки, би требало на секои три килограми пиперки да ставите килограм домати. 2. Бирате слаби пиперки Кога купувате пиперки, замолете го продавачот да ви ја пресече пиперката за да бидете сигурни во дебелината на овој зеленчук, бидејќи токму од тоа зависи квалитетот. Пожелно би било и да ја пробате. Одличната пиперка е зрела и дебела. 3. Печете ги пиперките Највкусниот ајвар има фина арома која не можете да ја добиете доколку не ги печете пиперките. Најдобро е да го направите тоа на жар, а се препорачува да се користат природни дрва или јаглен. 4. Прекратко ги печете Пиперката и доматите треба добро да се измијат и да се испечат со повремено вртење. Кога кожата (лушпата) ќе почне да се одвојува, тогаш пиперката е печена. Не е доволно само да потемни, но водете сметка и да не го изгорите зеленчукот. 5. Не ги цедите доволно добро Излупените пиперки ставете ги цедалка да се цедат цела вечер, најмалку 12 часа. Истото треба да го направите и со доматите. Ајварот ќе има подобар вкус, а времето на варење ќе биде намалено. 6. Постојано мешајте За ајварот да биде кремаст и за да се мачка совршено, важно е трпеливо да се меша. 7. Ги оставате семките Многу домаќинки во ајварот додаваат феферонки, но доколку не сакате луто, добро би било пиперките да ги исчистите од семки. Исто така, од семките треба да бидат исчистени и пиперките и доматите. 8. Премногу сол Солта се додава постепено, а пред секое пробување потребно е ајварот да се олади во чинија. Доколку го пробате додека е топол, нема да го почувствувате вкусот. 9. Валкани рабови За зимницата да ви стои подолго, задолжително теглите најпрво стерилизирајте ги. Но, со еден трик нема потреба да се грижите. Пред да ги затворите со капачето, избришете ги рабовите на теглата со алкохолен оцет. 10. Постепено ладење Теглите затворете ги со стерилизирани оригинални капачиња и ставете ги во загреана рерна на 100 степени (еден час до час и половина). Исклучете ја рерната и оставете ја во неа да се оладат. Чувајте ги на мрачно и ладно место.

Тамара Тодевска се подготвува за зимата: Пејачката традиционално правеше ајвар во Драчево, ама во мешањето „се замеша“ и некој друг (фото)

Слаѓана Атанасова — Mon, 16 Oct 2023 10:00:45 +0000

Македонската пејачка Тамара Тодевска и оваа есен замина во скопската населба Драчево за како и секоја година, традиционално, побрза да го приготви највкусниот домашен македонски специјалитет, надалеку познатиот ајвар. Таа на Инстаграм објави фотографии со кои се пофали дека заедно со татко и по стариот рецепт ја отворија сезоната на ајварот и лутеницата. Дека одлично се забавувале додека го приготвувале се гледа и од објавата на Тамара, која со насмевка и во добро расположение го задевала татко и Велко Тодевски. Иако, со поскапувањата според некои поисплатливо е да се купи, домашниот, заедно со целиот процес на подготвување е незаменливо чувство. Така, старите навики останаа и кај пејачката, па омилената зимница од пипеки повторно ќе се најде на домашната трпеза. Оваа година во мешањето „се замеша“ и нејзината ќерка Хана, која реши да помогне и да учествува во целиот процес. А, наследничката на Тамара со тоа покажа колку е вредна и трудољубива, ама и како се создаваат домаќински навики кај девојчето уште од малечка. Атмосфера за мерак, која го собира семејството заедно, која и годинава е предизвик за сите кои за жал, полека ја запоставија и се откажаа од оваа прекрасна традиција. Фото: Принтскрин/Инстаграм/Тамара Тодевска

Направете шарен ајвар: Семејството ќе ужива во вкусот, а пријателите ќе ви го бараат рецептот

Слаѓана Атанасова — Tue, 26 Sep 2023 12:15:18 +0000

Постојат безброј рецепти за вкусна зимница, но секоја година сакаме да пробаме нешто ново и вкусно, Оваа година направете шарен ајвар. Сите ќе ви го бараат овој рецепт. Состојки: 12 kg пиперки 3 kg модар домат 2 kg моркови 1,5 l масло 250 g шеќер 200 ml оцет 4 лажици сол 100 g сенф Подготовка: Пиперките и модрите домати испечете ги, излупете и сомелете. Морковите сварете ги и сомелете ги. Сите зеленчуци измешајте ги во голем сад, па додајте го маслото, шеќерот, оцетот и солта. Варете во длабоко тенџере на умерена температура, со повремено мешање, додека не забележите згуснување на дното на садот. Тргнете ја смесата од оган и додајте го сенфот. Чистите и суви тегли ставете ги во рерна, вклучете ги на 100 степени и по 15-20 минути пресипете го топлиот ајвар. Затворете ги теглите, замотајте ги во пешкир и оставете ги да се изладат. Извор: Курир

Марија Луиса Тодоровска е скарана со бидермаерот, ама затоа одлично и оди со ајварот: Пејачката со нова тактика како да привлече маж за женидба? (ФТО)

Антонио Димитриевски — Thu, 21 Sep 2023 08:31:37 +0000

Марија Луиса Тодоровска дефинитивно е мајстор да го привлече вниманието на јавноста на себе и да се најде во центарот на збиднувањата, кои ако ги нема, умее и самата да ги исфабрикува.Така беше и овој пат кога пејачката беше гостинка на една свадбена веселба. Само што овој пат марија не пееше туку беше една од „сфаќите“, задно со нејзината мајка. Стокмена и елегантна пејачката променила дури два фустана... Еден црвен за по невестата, другиот за свадбената веселба во кафеана. Дали запеа или беше само обична гостинка, Марија не кажа, ама затоа кажа и покажа нешто друго.

View this post on Instagram

A post shared by Marija Luisa (@luisa.todorovska)

Дека Марија се' уште не е мажена и не е некоја информација, зашто тоа го знаат и врапчињата... Патем, неодамна јавно откри и дека дури нема ни момче за сериозна врска. Токму затоа на секоја свадба што ќе се појави сите роднини, пријатели, познаници и останатите гости со нетрпение очекуваат да видат дали токму таа ќе го фати бидермаерот кога ќе дојде редот невестата да го фрла меѓу немажените моми. Арно ама, пејачката и овој пат сите ги разочара, зашто оддамна има поинакво искуство и се' уште исто мислење за бидермаерот. Оти бидермаерот и е фатен уште од 2018 година, ама оттогаш ништо не се случува, никој не ја запросува, па затоа во него повеќе не верува! Дури во една прилика Марија Луиса Тодоровска заклучи дека или е толку малер или на секој нејзин фраер самата таа му личи на бидермаер… Зашто, сите што ја фатиле и биле со неа, после неа – се оженија! Затоа, откако оддамна заклучи дека не е до бидермаерот, пејачката најде нова тактика како да ги привлече момчињата за женидба. А како поинаку, ако не како вредна домаќинка. Почетокот на есента е време за зимниица, па затоа распеаната битолска убавица реши да превземе акција и поинакви мерки и да покаже дека умее да лупи печени пиперки... Зашто Марија Луиса Тодоровска можеби е скарана со бидермаерот, ама затоа одлично и оди со ајварот! Но, за да биде посекси и попривлечна, Марија Луиса во свечено мини фустанче и сандали во клечечка поза се фатила за работа, чисто за да покаже колку ја бива... И тоа за две нешта. И за домаќинска подготовка на зимница, а и за инспирација за работа на оној што ќе реши да лупи со неа од каршија. Ем работата ќе тече како подмачкана, ем возбудата ќе стане толку голема, што нема шанси да не заврши со двојно задоволство. Од ајварот - прсти да излижеш, а и желбата на домаќинката што и е тетовирана под пупачето да и ја исполниш... меѓудругото! После ова се наметнува само еден заклучок: Оној кој не сака вакво чупе за жена, или е несфатен или е... „обратен“!? Фото: Инстаграм/luisa.todorovska

Направете совршен ајвар со помош на една тајна состојка

Слободанка Илиева — Wed, 31 Aug 2022 11:33:34 +0000

На почетокот на есента веќе домаќинките планираат да подготват зимница, а некои од нив веќе започнале да подготвуваат ајвар. Поголем дел од домаќинките имаат свој рецепт за оваа омилена зимска намирница, но понекогаш добро е и малку да промените некои работи. Покрај модар патлиџан, лук и лути пиперки, пикантен и совршен вкус на ајварот му дава и ренот. Оние кои сакаат лута и зачинета храна, ќе уживаат во овој вкус, а не мора да го менуваат својот рецепт. Подготовка: За почеток - испечете ги и излупете ги пиперките. Исечкајте ги или измелете ги, па пржете ги , мешајќи и додавајќи масло за јадење. На половина од подготвувањето додадете сол, а на крај кога ставате есенција, изрендајте помала количина рен (на 3 килограми пиперки околу 300 грама рен) и измешајте го во ајварот. Откако ајварот ќе биде готов, потребно е да го ставите во соодветни тегли, а потоа може да дегустирате. извор:кармин/точка.ком.мк

Најголемите грешки кои ги правите кога подготвувате ајвар

Слободанка Илиева — Fri, 12 Aug 2022 12:47:17 +0000

Прочитајте кои грешки за време на подготовката на ајварот треба да ги избегнувате. Ајварот е неизоставен дел од зимницата и е омилен во многу семејства. Некој го сака лут, некој благ, некој со домати, но секако гурманите не можат да му одолеат. Меѓутоа за време на подготовката, многу домаќинки прават одредени грешки кои го расипуваат неговиот вкус. 1. Погрешна математика За добар ајвар, но и за останатите зимници, клучни се добрите продукти, но и вистинската мерка. Кога станува збор за зеленчукот, доколку не го правите само со пиперки, би требало на секои три килограми пиперки да ставите килограм домати. 2. Бирате слаби пиперки Кога купувате пиперки, замолете го продавачот да ви ја пресече пиперката за да бидете сигурни во дебелината на овој зеленчук, бидејќи токму од тоа зависи квалитетот. Пожелно би било и да ја пробате. Одличната пиперка е зрела и дебела. 3. Печете ги пиперките Највкусниот ајвар има фина арома која не можете да ја добиете доколку не ги печете пиперките. Најдобро е да го направите тоа на жар, а се препорачува да се користат природни дрва или јаглен. 4. Прекратко ги печете Пиперката и доматите треба добро да се измијат и да се испечат со повремено вртење. Кога кожата (лушпата) ќе почне да се одвојува, тогаш пиперката е печена. Не е доволно само да потемни, но водете сметка и да не го изгорите зеленчукот. 5. Не ги цедите доволно добро Излупените пиперки ставете ги цедалка да се цедат цела вечер, најмалку 12 часа. Истото треба да го направите и со доматите. Ајварот ќе има подобар вкус, а времето на варење ќе биде намалено. 6. Постојано мешајте За ајварот да биде кремаст и за да се мачка совршено, важно е трпеливо да се меша. 7. Ги оставате семките Многу домаќинки во ајварот додаваат феферонки, но доколку не сакате луто, добро би било пиперките да ги исчистите од семки. Исто така, од семките треба да бидат исчистени и пиперките и доматите. 8. Премногу сол Солта се додава постепено, а пред секое пробување потребно е ајварот да се олади во чинија. Доколку го пробате додека е топол, нема да го почувствувате вкусот. 9. Валкани рабови За зимницата да ви стои подолго, задолжително теглите најпрво стерилизирајте ги. Но, со еден трик нема потреба да се грижите. Пред да ги затворите со капачето, избришете ги рабовите на теглата со алкохолен оцет. 10. Постепено ладење Теглите затворете ги со стерилизирани оригинални капачиња и ставете ги во загреана рерна на 100 степени (еден час до час и половина). Исклучете ја рерната и оставете ја во неа да се оладат. Чувајте ги на мрачно и ладно место. извор:курир.мк

Снеже Велков смени дисциплина: „Џабе вежбањето… од утре ќе почнам да плетам“!? (ФОТО)

Антонио Димитриевски — Tue, 11 Jan 2022 10:07:21 +0000

Македонската ТВ водителка и пилатес инструкторка Снеже Велков имаше возбудлива вечер. Не, не баш бурна, онака како што некои веднаш си помислија, ама сепак доволно возбудлива и непредвидлива, што за малку ќе ја попишманеше да престане да го прави она што најмногу го сака - вежбањето! А еве и зошто. Имено, таа најпрвин му се ираздува на првиот годинешен снег во престолнината, па реши да малку да прошета по маалските сокаци... „Снег е повторно Снежана“ - како во песната или „Снеже на снеже“ - како што напишала во постот што самата го споделила синооката водителка од вечерната, јануарска, снежна прошетка. И кога „детската радост“ ќе ти мине, а од прошетката ќе потрошиш калории и ќе огладнеш, ете си назад дома, на топло чајче и некое залче... за „лајт“ вечера. А има ли подобро залче од лепче и ајварче кое ептен лизга со топлото чајче. И се' би било како подмачкано, само да можеше ајварчето веднаш да биде намачкано, арно ама на Снеже и илезе проблем. Русокосата убавица сама дома, нема машка рака да потфати, зашто теглата со ајварчето никако да се отвори. Бре труди се да ја отвори, да го одврти капачето, ама тоа пустото како залиено, како да е заварено за тегличето, па никако да се отвори. Врти сучи, никако да попушти... „Дајте бе навежбан човек да ми отвори теглата во само еден потег“ - се пожали Снеже, ама навежбан кај неа дома нема, освена - неа! Кога сфати дека не е до вежбањето, на остроумната убавица и текна да се послужи со лажица. Лажичето како помагало под капачето, колку притисокот да попушти, а воздухот да излезе и оп... тегличето се отвори! Жива среќна и насмеана што нема да остане гладна, ама и видно разочарана во својата досегашна пилатес пасија, домаќинката Снежа(на) реши од утре да смени дисциплина! Ем остроумна, ем баеги умна, Снеже брзо сконта: „Џабе е вежбањето, од утре ќе почнам да плетам“! Пред да се прешалта на новото хоби, со плетено капче на главата, белким за урнек, следното утро Снеже и се врати на старата љубов вежбањето, ама со извлечена поука: „Откако ми пишавте дека за отварање тегла не требаат мускули туку техника, се прфрлив на вежбање задник... Ќе се најде!“ - сподели Снеже. Е сега, за што тоа ќе и се најде, што ли ќе отвора со него - прашаа едни, каква ли тоа техника ќе применува и дали и тоа јавно ќе го споделува - се интересираа други, а Снеже за да им ја скрати љубопитноста го сподели одговорот. За што меѓудругото може да и се најде, ако добро го извежба задникот. И неа, и на многу други: „Улиците се замрзнати... Паѓањето на г'з , секогаш е опција“! - додала пилатес инструкторката во пораката! Или народски кажано: „За добро газе, никогаш нема лоши последици... Дури и на 'лизгав' терен!“ Фото: Инстаграм принтскрин/velkovsneze

Срце од ајвар: Ноне доби најнеобична роденденска честитка од најсаканата личност! (ФОТО)

Антонио Димитриевски — Tue, 28 Sep 2021 06:37:23 +0000

Роденден е денот што го чекаме цела година... Само што некои го чекаат дома, некои но бекој локал, кафеана, кафетерија, клуб, дискотека, игротека... Зависи од возраста, желбите. замислите и можностите. Но, има некои што роденденот ќе го дочекаат далеку од дома, а сепак опкружеени со најблиските, најмилите, најдрагите личности во мислите... Некогаш ним роденденот на далечина им го честитавме со писма и телеграми, денес за среќа сето тоа оди многу побргу или за миг, преку современите можности на денешната технологија, интернетот и социјалните мрежи. Роденден славиме сите, секако и познатите личности, или барем оние кои некогаш тоа биле... А денес се токму далеку од дома, живеат и работат некаде таму по белиот свет, како што е случајот со некогашната македонска поп ѕвезда, пејачката Нона Неделковска или само Ноне. Токму денес, 28 септември на македонската „џепна венера“ и е роденден. Сто пати сме рекле дека на дамите не им се бројат годините, особено не на Ноне, зашто според нејзиниот младешки „бејби фејс“ изглед, ако не и ги знаете и да сакате не можете да и ги изброите. „Најшетаната велешанка“ во моментов повторно не е дома... Крстари преку седум мориња и океани, работејќи веќе со години на прекуокеанските крузери. Но тоа не значи дека роденденот не го слави...Или пак случајно најблиските и пријателите и го заборавиле. Напротив, уште од рано изутрина на нејзиниот Фејсбук почнаа да пристигаат роденденски честитки во вид на бројни пораки... Со најубави „желби рој“, емотикини на љубов, среќа и радост..., со по понекоја фотографија! Нај печатлива, но и науникатни, најкреативна и веројатно најмногу полна со љубов роденденската честитка од мама Мимоза! Цвеќе, бомбони, балони, емотикони, чоколади, пијалак... сето тоа веќе сме го виделе безброј пати во роденденските честитки и е очекувано да се сподели покрај убавите зорови. Но, она што мајка и на Ноне и го „спакува“ како фотографија со роденденска честитка, навистина ретко се гледа. Или поточно - се гледа за прв пат и затоа е ем оригинално, ем уникатно, ем „златно“! Две недели претходно ќерката и го честиташе роденденот на мајката, а сега мама и возврати на себесвојствен начин: Две срценца од тазе подготвено ајварче, со свеќички што горат во нив, два пати по три парченца сирење, едно варено јајце и чаша свежо цеден овошен сок. Сето тоа прекрасно гарнирано со свежи цветчиња и сервирано во чинија на масата како роденденска појадок честитка за својата ќерка. Да се стопиш од среќа, а и прсти да излижеш... Секако во првата прилика кога „форевер јанг“ Нона ќе се врати дома. Роденденот нека и е среќен, најсреќен... честитка и од редакцијата на Вистина.ком.мк! Фото: Инстаграм принтскрин/nona.nedelkovska

Почна сезоната за правење ајвар: Следете го овој рецепт и ќе имате највкусна зимница

Христина Ѓоргиевска — Thu, 09 Sep 2021 13:15:43 +0000

Почна сезоната за правење на ајвар. Ако го следите овој рецепт, ќе ја направите највкусната зимница. СОСТОЈКИ: 10 кг црвени пиперки 3 модри патлиџани 500 мл зејтин сол 1 лажица шеќер ПОДГОТОВКА: Испечете ги пиперките. Кога ќе бидат печени, оставете ги 15 минути во ќеса за полесно да се лупат. Откога ќе ги излупите и ќе ги исчистите од семките, ставете ги во мрежаста цедалка да се цедат 1-2 часа. Во меѓувреме испечете ги, излупете ги и исцедете ги модрите патлиџани. Потоа и пиперките и модрите патлиџани ставете ги во тенџере и варете ги на не многу силен оган. Откога ќе почне да врие, постојано мешајте го ајварот за да не ви загори. Кога течноста од пиперките ќе испари, почнете да додавате зејтин. Никако не го ставајте целиот зејтин одеднаш, туку постепено. Кога зејтинот ќе почне да избива на површина, значи дека веќе не треба да ставате зејтин. Тоа значи и дека ајварот ви е при крај. Додадете сол, промешајте, оставете уште 10-15 минути да се повари со постојано мешање и тргнете го од оган. Ставајте го ајварот во загреани тегли и убаво затворете ги. Оставете ги теглите да се оладат, па следниот ден складирајте ги на ладно и темно место. извор: Курир.мк

Оброк направен за миг – посна проја со ајвар

Слободанка Илиева — Mon, 22 Mar 2021 14:46:26 +0000

Вкусно, здраво, евтино и готово за час! Можете да го направите во тава, или како мафин. Време е за пост, а посната проја со ајвар е идеален оброк или ужина. Ќе уживате во секој залак. Потребни состојки: - 400 мл. вода - 100 мл. масло - 1 лажица сол - 4 лажици ајвар (лут или благ, по избор) - 300 гр. пченкарно брашно - 150 гр. бело брашно - 1 прашак за пециво Подготовка: Измешајте вода, масло, ајвар, сол, брашно и прашак за пециво. Истурете во калап за проја. Доколку калапот е од метал, намачкајте го со масло и брашно или ставете хартиени корпи, за пројата да не се залепи. Загрејте ја рерната и печете на 200 степени околу 25-30 минути. Пројата ќе ја задржи свежината и неколку дена по подготовката. извор:точка.ком.мк