Ајрис Апфел – Вистина.мк

Тијана Дапчевиќ инспирирана од најпознатата „геријатриска старлета“ – има 101 година, а за мода се уште е пример број еден (фото)

Слободанка Илиева — Wed, 02 Nov 2022 09:30:35 +0000

Тијана Дапчевиќ отсекогаш важела за јавна личност за која стилот и модата е индивидуална работа, па иако секогаш е во тренд, таа е модна индивидуалка која не се претопува во толпата конформисти. Препознатлива фризура, секогаш средени нокти, специчичен избор на стајлизи кој граничат со унисекс или со еден збор, негувана дама во секој поглед која зрачи со маркантност. Дапчевиќ е позната по андрогениот изглед кој е нејзин заштитен стилски печат, па затоа и фотографиите каде имала „испади“ во некое поженствено и за неа несекојдневно издание, се изненадувачки. Тијна од неодамна е член на жирито на музичкото шоу „Пинкови ѕвездички“ од каде постојано е пред камери со нов изглед и инспирација за следната емисија.

View this post on Instagram

A post shared by Tijana Dapčević (@tijana.dapcevic)

На најновото последно снимање, со изборот на аксесоари и облека, таа не потсети на светски познатата модна легенда Ајрис Апфел. Пред се поради бојата на косата и фризура, а најмногу по кружните очила кои се заштитен знак на Ајрис, која всушност е инспирација за светските модни дизјнери што веројатно си создале и очилата кои ги носи Тијана. За оние што можеби првпат се сретнуваат со нејзиниот лик и дело, Ајрис Апфел долги години работела како моден дизајнер и дизајнер на ентериер, страствен патувач е кој од секое место бара естетика која ќе ја донесе до инспирација, а притоа има место во нејзиниот дом.

View this post on Instagram

A post shared by Iris Apfel (@iris.apfel)

Својата кариера ја почнува во 40-тите како новинарка на Women's Wear Daily, еден од најваторитативните модни весници, а во текот на кариерата се занимава со дизајн на накит и со уредување на ентериери. Така, таа со сопругот, го декорира просторот во Белата куќа за девет претседатели, а заедно ја основаат и текстилна компанија.

View this post on Instagram

A post shared by Iris Apfel (@iris.apfel)

Самата на шега се нарекува „геријатриска старлета", а всушност бидувајќи тоа што е, им дава домашна задача на жените кои бараат внимание притоа копирајќи се едни со други. Имено, таа е и најстарата жена за која е изработена Барби кукла. Ајрис е позната и по своите мудри мисли за убавината и модата, а меѓу последните таа вели: -Во изминатите 100 години научив дека стилот е се’, а со тоа и многу подобро место за да се искажеш отколку во кујната, Вели Апфел.

View this post on Instagram

A post shared by Iris Apfel (@iris.apfel)

Нашата Тијана Дапчевиќ е вистински пример на жена која совршено знае да го изрази и автентично да го претстави визуелно она што го чувствува како најдобро за себе.

View this post on Instagram

A post shared by Tijana Dapčević (@tijana.dapcevic)

Tотално поразлично од останатите, а со тоа, таа дефинитивно би била еднен од идеалните примери на Ајрис. фото:Instagram Iris Apfel/Tijana Dapcevic/COURTESY MATTEL

Модна икона: Ексцентричната Ајрис Апфел зрачи со уникатност и екстраваганција

Горан Силјановски — Tue, 24 Jul 2018 11:48:13 +0000

Тешко е да се поверува дека Ајрис Апфел е на чекор до својот 97 роденден. Каде и да се појави, препознатливата супербабичка привлекува внимание со ексцентричниот стил, волуменозните кружни очила, смелата смисла за мода, изостреното чувство за комбинирање на различните принтови и желбата за забава.

Неуморната старица, која милува да се нарекува себеси „геријатриска старлета“ и е пример дека третата доба од животот не мора да биде здодевна, е родена на 29 август 1921 година во Асторија, Њујорк, под името Ајрис Берел. Таа е единствено дете на стакларот Семјуел Берел и сопственичката на бутик за облека Сејди Берел. Во својата младост Ајрис работи за списанието за убавина, мода и модни трендови „Women’s Wear Daily“, понекогаш нарекувано и „библијата на модата“, од каде преминува да работи за дизајнерката за ентериер Елионор Џонсон. Токму таму открива дека поседува дарба за наоѓање ретки и уникатни нешта, дарба која во подоцнежните години ќе се преточи во нејзините неповторливи ентериери и огромната колекција на редок накит и модни додатоци. Својот колоритен и разигран стил започнува да го „гради“ по склучувањето на бракот со Карл Апфел во 1948 година. Заедно тие ја основаат текстилната компанија „Old Worlds Wavers“. Патувајќи низ светот, Ајрис започнува да купува модни додатоци и облека кои се далеку поразлични од оние карактеристични за Западот и ги носи на свечените прослави. Колоритна облека од продавници за втора употреба, алишта со традиционални мотиви од различни земји низ светот, белегзии карактеристични за племиња, па дури и ѓердани направени за коњи и слонови – сето ова склопено со стил во препознатливите стајлинзи на старицата која трајно се смести меѓу модните икони.

За неа, критичарката на New York Times Роберта Смит ќе рече: „Уште пред да постои зборот мултикултурализам, госпоѓа Ајрис го носеше“.

Во стилот на Ајрис повеќе е подобро и поради тоа таа секогаш е интересна и никогаш не делува здодевно и излитено. Ексцентричната дама која нема намера да се пензионира, бидејќи смета дека „пензионирањето е судбина полоша од самата смрт“, вели дека најголемата грешка на луѓето е што се гледаат себеси во огледало и бараат некој друг што не е таму. „Кога не се облекувате како сите, не мора да мислите како сите“ – вели жената која заедно со својот сакан има учествувано во реставрацијата на Белата куќа за девет претседатели на САД. Ајрис излегува од сенка и стекнува светска слава во 2005 година кога музејот на уметностите „Метрополитен“ посветува една од своите изложби на нејзина колекција. Насловена „Ретка птица“, изложбата ја сместува во модните икони на денешницата. Луѓето започнуваат да се запрашуваат која е сопственичката на ова луда, но магична колекција, а медиумите започнуваат да го пишуваат нејзиното име. Иако е неочекуван, нејзиниот успех е огромен. „Ништо од она што сум направила, не сум го очекувала. Едноставно се случи“ – вели скромната госпоѓа. „Сметам дека модата и стилот немаат никаква врска со годините... Секоја возраст на некој начин има своја убавина. Кога си млада, можеш повеќе да го покажуваш твоето тело. Но, како што старееш, не можеш да се бориш со гравитацијата. Можеш да направиш лифтинг на лицето ако сакаш, но ако имаш 80 години, никој нема да помисли дека имаш 32. Тоа е смешно“. Во чест на Ајрис, Алберт Мејзел го снима документарниот филм „Iris“, кој премиерно се прикажува на Филмскиот фестивал во Њујорк во октомври 2014 година. Нејзиниот сопруг умира една година подоцна на 100-годишна возраст. ТРЕЈЛЕР ЗА ДОКУМЕНТАРНИОТ ФИЛМ „IRIS“ Во март годинава, Ајрис добива и своја верзија од познатата кукла Барби, а креативната директорка на Џими Чу, Сандра Чои, создава сандали инспирирани од максималистичкиот стил и етничкиот накит на Ајрис. „Јас велам, облекувај се за да се задоволиш себеси. Слушај ја музата во тебе и користи ги шансите. Носи нешто што вели ‘Тука сум денес’“ – советува инспиративната дама.