Дарија Максимова со универзална порака, онаква, каква што само чистата детска душа може да посака – „Ајде да се сакаме“ (ВИДЕО)

Антонио Димитриевски — Mon, 10 Jan 2022 17:26:59 +0000

Дека на Македонија не и недостасуваат таленти во различни области, особено во спортот, уметноста, музиката... уште еден доказ е младата скопјанка Дарија Максимова. Оваа младо единаесет и пол годишно девојче е всушност едно од оние деца за кои слободно може да се каже дека се мултиталентирани. Со дарба за актерство, слух, грло и глас за музика, физички предоспозиции за спорт. И сето тоа заедно подеднакво успешно го практикува младата ученичка од основното училиште „Мирче Ацев“ во скопската населба Ѓорче Петров. Дарија е родена на 10. 06.2010 година и втора година ја посетува актерската школа на Весна Бејби Петрушевска, која најмладите ги воведува во тајните на актерската уметност, но и на она што значи добро однесување, култура, поведение, почитување, интеракција и социјализација со другарчињата и средината... Со еден збор како да се биде добар уметник и уште подобро дете. Но, Дарија покрај училиштето кое разбирливо и е на прво место и другарувањето со уметноста во актерската школа на Бејби, покажува афинитети и кон спортот, па така таа тренира и одбојка. Во слободно време покрај читањето книги, акцентот го става кон уште една своја дарба преточена во поинаква уметност. Овој пат музиката, зашто Дарија во слободно време многу сака да пее. Токму преку актерката школа на Весна Петрушевска и желбата и дарбата за пеење, таа прва година учествуваше во детскиот играно-музички ТВ серијал, „Дајте музика“. Учеството во новите епизоди од ова, сега веќе култно детско ТВ остварување, резултираше и со нејзината прва снимена соло песна, насловена „Ајде да се сакаме“. Aвтор на песнатa е проверениот музички мајстор, Никола Мицевски кој ги потпишува музиката и аранжманот на песната, која исто така е снимена и комплетно реализирана во неговото студио, додека текстот го напишала уште една проверена авторска личност, познатата Весна Малинова. Дека светот им припаѓа на најмладите, а меѓу нив оние што предничат се мулти талентите покажува Дарија, чија песна носи универзална, хумана порака, онаква каква што само невината и чиста детска душа може да посака... Затоа, „Ајде да се сакаме“, онака, како што низ песна порачува Дарија.

Тајна чувана 30 години: Лепа Брена и Драган Бјелогрлиќ во филмски бакнеж или повеќе од тоа? (ФОТО)

Антонио Димитриевски — Thu, 18 Jun 2020 08:12:59 +0000

Сите ја паметите сцената кога Лепа Брена го бакнува во уста Драган Бјелогрлиќ во филмот „Ајде да се сакаме“. Уште пред филмот да се појави, тргна шпекулациите дека тој бакнеж, наводно не бил само филнмски: Сега, 30 години подоцна, Брена ја откри тајната и призна дека и било многу непријатно поради тоа. Кога дојде редот на сцената во авионот, каде „паѓа“ бакнежот меѓу неа и Бјела, Брена „се одзема“. „Не ми беше воопшто пријатно кога режисерот Станко Црнобња ми рече дека морам да го бакнам Бјела во уста, онака, љубовно, филмски. Му реков дека не можам, затоа што не сум актерка, на што Црнобња одговори: „Сега си и барам да го направиш тоа со вистински љубовен бакнеж, сериозен и професионален“ - открива Брена. „Се заинаетив и решив да не драматизирам многу, собрав храброст и го бакнав Бјела, онака, како што режисерот бараше од мене. Се сеќавам дека ми беше многу непријатно во тој момент, но од срцето ми падна камен кога режисерот ми рече дека направив одлична работа и дека сè изгледало спонтано и природно“ - открива пејачката.

ајде да се сакаме – Вистина.мк

Дарија Максимова со универзална порака, онаква, каква што само чистата детска душа може да посака – „Ајде да се сакаме“ (ВИДЕО)

Тајна чувана 30 години: Лепа Брена и Драган Бјелогрлиќ во филмски бакнеж или повеќе од тоа? (ФОТО)