ај кју – Вистина.мк

„Eye Cue“ едноставно знаат дека им е најдобро „До тебе“ (видео)

Слободанка Илиева — Fri, 16 Jun 2023 08:00:47 +0000

Бојан и Марија од Ај Кју по успешната преработка на „Молитва“ ни ја претставуваат нивната нова песна „До тебе“. Музиката и текстот го напишаа сеќе проверениот спој на Бојан Трајковски и Кристина Арнаудова, а продукцијата и аранжманот се на Роберт Билбилов. Песната е снимена во JustRBproduction, а за медиумите изјавија: „За одредени песни едноставно знаеш дека има нешто посебно и дека се поклопиле енергиите на сите вклучени во тимот, токму за оваа песна така се чувствувавме“. Ај Кју спотот го снимија во Лондон, каде во последно време се поактивни на музички план со настапи и снимања, но најавија дека летово ќе имаат настапи и низ Македонија. фото:

„Ај Кју“ ја преработија во поп манир антологиската фолк балада на Виолета Томовска – „Молитва“ (ВИДЕО)

Антонио Димитриевски — Mon, 03 Apr 2023 12:25:20 +0000

Македонскиот бенд „Ај Кју“ кој по нивната евровизиска авантура живее и работи на релација Скопје - Лондон се реши на смел чекор да ја препеат антологиската песна „Молитва“ испеана од македонската фолк пејачка, легендарната Виолета Томовска. Музиката и текстот се авторско дело на братскиот тандем Миле и Ѓорѓи Барбаровски, додека аранжманот за оваа верзија го потпишува Роберт Билбилов, во чие студио Бојан и Марија и ја снимија песната. „Некои песни се предодредени да бидат безвременски, а нас ни претставува голема чест да го продолжиме животот на „Молитва“, да создадеме печат на новото време и да ја запознаеме новата генерација со оваа наша изведба“ - рекоа Марија и Бојан од „Ај Кју“. Како звучи нивната преработка и поп верзија на антологиската „Молитва“ проследете од видеото во продолжение (КЛИКНИ ТУКА):

Бранот удира и жежок допир продира во „Заведи ме“ на Ај Кју (аудио)

Слободанка Илиева — Thu, 11 Aug 2022 12:32:46 +0000

Музичкото дуо „Ај Кју“ кое го сочинува љубовната двојка Марија и Бојан, пред неколку месеци се преселија во Лондон, па оттаму по подолга пауза се активираат со нова песна за македонскиот музички пазар. Темата е насловена „Заведи ме“ , а на истата од далечина, Марија и Бојан работеле заедно со Роберт Билбилов. Текстот е летен, романтичен, љубовен, а музиката е во диско-фанки ритам. Песната ја објавија на интернет каналот Јутјуб, но само во аудио верзија на која ако позадина стои фотографија од Марија во бикини легната под сонцето. Преслушајте го музичкиот поздрав што го испратија „Ај Кју“.

„Ај Кју“ во Маврово: Марија на скии, Бојан на сноуборд на снегот, ама на суво… Ја батали „даската“ па се фати за „амбалажата“… за мајчино млеко! (ФОТО)

Антонио Димитриевски — Tue, 19 Jan 2021 07:54:25 +0000

Зимата и снегот и покрај студот и сите непогодниости, носат и еден куп зимски радости, како за децата така и за возрасните. Особено ако си на планина, во некој зимски ски центар, дома или надвор од Македонија, сеедно... на ваквиот предизвик не се имуни ниту познатитите. Меѓу останатите и нашите евровизиски претставници, Марија и Бојан од дуото „Ај Кју“ беа на планина. На скијање и бордање... во Маврово!

Марија се качи на скиите, се фати за штеките, па се пофали со новата опрема. Бојан е модерен „фраер“, па не скија туку борда... Логично двојката направи и неколку заеднички „колегијални“ фотографии од авантурата на снегот, па ги сподели на социјалните мрежи, што денес е исто така ултра модерно. Си бил некаде, а да не те дознаат сите... Исто како да не си бил нигде!

Арно ама од сите авантури на снегот, највпечатлива на фотографиите е „авантурата на суво“. Имено, во паузата помеѓу две скијања и бордања, двојката „музички колеги“ седна малку да се одмори, згрее и да ја обнови енергијата...

И додека Марија и Бојан чекаа персоналот во рестореанот да им го донесе менито, Бојан не чекаше многу, па откако претходно ја пушти „даската“, се фати за за „амбалажата“... за мајчино млеко!

Така овековечениот „колегијален момент“ осамна постиран на Инстаграм... кај обајцата! Остана само нејасно: Дали тоа Бојан сакаше да провери има ли алтернативни решенија доколку не му се допадне менито, или проверуваше дали е се во ред со „аирбегот“ на Марија, во случај пејачката да падне од скиите на снегот? Што и да е во прашање, едно е сепак сигурно: „колегата“ не остана „со празни раце“!

Кога ќе се спојат две македонски секси убавици на едно место, настанува… „Трепет“ (ВИДЕО)

Антонио Димитриевски — Mon, 09 Nov 2020 09:45:37 +0000

Во време-невреме кога ништо не се случува, кога се бориме за здив, за парче небо и убава вест, создавањето уметност ни доаѓа како награда. Како Божји дар, кој ќе ни го разубави денот, поправи расположението, разведри атмосферата која веќе со месеци е напната, тмурна и мрачна заради чумата на 21 век, коронапандемијата и борбата со неа. Токму затоа и повеќе радува кога две уметнички души ќе се спојата во едно заедничко парче музика. До душа можеби не баш најнова, но сепак наша, македонска, само овој пат поинаку препеана, преаранжирана, прераскажана со поинакви звуци и тонови, обоена со поколоритни ноти, со специфики која секоја од нејзините изведувачи ја носи во себе. И кога на сето тоа ќе и се придодаде визуелизацијата на нивниот музички израз, спојот на двете македонски секси убавици на едно место предизвикува... „Трепет“. И тоа онаков како што треперат жиците на харфата и гитарата, трепет каков што Сара Мејс и Марија од дуото „Ај Кју“ го создадоа со нивната интерпретација на старото макфестовско музичко дело, како благодет за уживање во овие есенски денови. Песната и стиховите се инаку авторско дело на самата Сара Костадиновска и е настаната пред неколку години, кога на „Макфест“ ја изведе Тања Би, тогаш во аранжман на Дамир Имери. Идејата одново да ја преработи во соработка со „Ај Кју“ потекнала од посилната половина на дуото, Бојан Трајковски, а во ваква или слична верзија беше премиерно изведена од Сара Мејас и Ај Кју на последниот „Skopje Unplugged 2020“ на скопски Камник. „Бојан и Марија честопати ми зборуваа за оваа песна. Ова лето го искористивме слободното време што го имавме повеќе од вообичаеното, ја стокмивме „Трепет“ и ја отсвиревме премиерно на Skopje Unplugged 2020. Ни се допадна изведбата и како сето тоа звучеше, па решивме да ја крунисаме со спот за да влеземе со трепет во есента“. „Ова е за сите оние што знаат да уживаат и се среќни со тоа што го имаат“ - ќе изјави Сара за настанувањето на „Трепет“. Доживејте го и вие аудио-визуелно нивниот „Трепет“, овој пат заеднички преаранжиран од самата кантавторка Сара Мејс и Ај Кју, снимена во студиото „Подрумот“, а визуелизирана од Кристијан Шемко. Уживајте во видеото во продолжение: https://www.youtube.com/watch?v=-NlqeT9e3_k&feature=emb_logo

Марија од „Ај Кју“ среде поле во проѕирен миле фустан, а во фокусот повторно бујните гради (фото)

Слободанка Илиева — Tue, 06 Oct 2020 07:47:23 +0000

Бојан и Марија од музичкото дуо „Ај Кју“ неодамна настапија на „Макфест“ со песната „Ти си ми сон“, а нешто подоцна ги спакуваа куферите и заминаа да живеат во Англија откако добија виза. Засега нема ништо ново да објават од Кралството на социјалните мрежи, но затоа тука се провокативните фотографии и стајлинзи на Марија. Меѓу поновите објави на нејзиниот Инстаграм се најде фотографија на која таа позира среде поле облечена во бел "миле" фустан.

View this post on Instagram

Во новото издание на #Vogue ќе читате:

A post shared by Maria Eye Cue (@mariaeyecue) on Sep 21, 2020 at 10:15am PDT

Транспарентноста на овој бохо модел ја разбранува фантазијата на следбениците. Особено во фокус беа нејзините гради кои доминираа од целосната слика. Суптилната провокација и разголувањето станаа дел од јавното претставување на Марија, а неодамна токму на „Макфест“ уште еднаш покжа дека е умешна во тоа.

View this post on Instagram

You are my dream... 🎼 #makfest2020

A post shared by Maria Eye Cue (@mariaeyecue) on Sep 24, 2020 at 10:47am PDT

Имено, Марија беше облечена во тоалета, во која изгледаше прилично предизвикувачки, со сето она што мајката природа и го дарила, а модната креаторка сето тоа го спакувала во крецијата која го сервираше на увид нејзиниот потенцијал. https://arhiva.vistina.com.mk/radio-mileva/aj-kju-ne-osvoija-nagrada-na-makfest-ama-zatoa-marija-najshirokograda-so-dekolte-za-vlazni-pogledi-a-bojan-so-humor-na-svoja-smetka-no-mozebi-na-tugja-adresa-video/

„Ај Кју“ не освоија награда на „Макфест“ ама затоа… Марија „најширокограда“ со деколте за „влажни погледи“, а Бојан со хумор на своја сметка, но можеби на туѓа адреса? (ВИДЕО)

Антонио Димитриевски — Tue, 22 Sep 2020 07:51:08 +0000

Скопското љубовно-музичко дуо „Ај Кју“ по преставувањето на Македонија на „Евровизија“ и „тезга“ прошетката по неколку клубови низ Европа, по пауза од пет години му се врати на најстариот македонски фестивал на забавни мелодии, кој трае три и пол децении во континуитет - „Макфест“. Сепак, Бојан и Марија и покрај атрактивниот настап останаа со „празни раце“ по нивната изведба на песната „Ти си ми сон“. Наградите на годинешниот „Макфест 2020“ ги одминаа и останаа само „нивен сон“, но затоа не ги одминаа некои други нешта, како впечатливиот изглед, особено кога е во прашање стајлингот на баеги „раскомотената“ пејачка на дуото и секако, уникатниот хумор на своја сметка, но, дали не и на туѓа адреса, на расположената посилна половина на „Ај Кју“?! Имено, Марија беше облечена во свечено здолниште, во кое изгледаше прилично предизвикувачки и провокативно, со сето она што мајката природа и го дарила и ја надарила, а модната креаторка сето тоа го спакувала во крецијата која го сервираше на увид нејзиниот граден потенцијал. Таквата смела комбинација резултираше со тоа пејачката да ја го понесе епитетот „најширокограда“ на макфестовската сцена, со деколте за „влажни погледи“ кај машката публика. Или барем кај оние, вистинските мажи, зашто Марија покрај песната имаше и визуелно што да понуди. Впрочем нејзиниот колега и љубовен партнер од дуото, тоа најдобро го знае... Проверено! https://arhiva.vistina.com.mk/radio-mileva/aj-kju-vo-mavrovo-marija-na-skii-bojan-na-snoubord-na-snegot-ama-na-suvo-ja-batali-daskata-pa-se-fati-za-ambalazata-za-majchino-mleko-foto/ А кога сме веќе кај колегата, Бојан Трајковски покрај тоа што го знаеме како автор и изведувач, познат е и по својот несокојдневен смисол за хумор. Некогаш разбран, некогаш несфатен, ама секогаш доволно содржаен за да побуди и поттикне на размислување. Така и овој пат, лидерот на „Ај Кју“ тргна да се шегува на своја сметка, иако можеби „меѓу редови“ сакаше некому да му испрати и поинаква порака во стилот на онаа народната: „Ти кажувам ќерко, сети се снао“! Имено, Бојан во едно од видео-интервјуата дадени по завршувањето на фестивалот, во стилот на политичарите по изборно гласање, побара да се прегласа, зашто како што рече: „Водиме во Чучер - Сандево, победуваме во Струмица...“ Се разбира на шега, на своја сметка, ама „на шега-на смеа, во секоја шега-половина вистина“ или...? Можеби во неговата шега на своја сметка, „меѓу редови“ има и скриена порака упатена до некого? Патем, за тоа како ја подготвувале песната дури „цели 20 минути“ додека Марија готвела, а Бојан ја „склепал“, за неговата одлука на Макфест 2020 „да пее малку потивко за да на му пречи на плејбекот“, за тоа дека по настапот „певаљката“ ќе си ја носи дома... и уште некои други нешта, кои не останаа незабележани дури и од поедини колеги на „Ај Кју“ како Сара Мејс на пример, погледнете и слушнете во видеото на Точка ТВ, подолу: https://www.youtube.com/watch?v=dr17uNOUNbk&feature=youtu.be&fbclid=IwAR2LZzcH1gFpEn6BbVsp_CSn5LYf-Wf5AGgYUgxsPn3zYrmVi_eO3BtA6_I Фото: Инстаграм принтскрин/Јутјуб скриншот Видео: Јујуб/Точка ТВ

На Бојан од „Ај Кју“ гитарата сепак не му е омилен инструмент: Музичарот повеќе „се пали“ на малку поинакви звуци (ФОТО)

Антонио Димитриевски — Tue, 28 Apr 2020 07:34:40 +0000

Скопското евровизиско љубовно-музичко дуо „Ај Кју“, излезе од карантинот за да сподели „култура во време на корона“, па музицираше во рамките на истоимената манифестација организирана од Град Скопје, на која скопските музичира „од под балкон, на покрив или под пенџере“ се обидуваат да го забавуваат народот, додека тој чмае во изолација заради корона пандемијата. Скопје и не само Скопје и понатаму седи дома, а Бојан и Марија откако ја завршија својата музичка мисија се вратија назад во изолација... Се разбира со 14.500 или 29.000 денари во џебот, зависи како градоначалникот Шилегов и неговата свита гледаат на нив? Како група и „две во едно“ или „две одделно“, па секому му следува ветенета сума уметнички „минималец“. Малку пред тоа, навидум мирната, тивка и повлечена Марија ја шокираше јавноста, откако на социјалните мрежи сподели разголена фотографија. Пејачката гола, затскриена само зад стара акустична гитара, од сите предрасуди ослободена, позираше како од мајка родена. https://arhiva.vistina.com.mk/radio-mileva/marija-od-aj-kju-se-sobleche-gola-pejachkata-od-site-predrasudi-oslobodena-pozira-kako-od-majka-rodena-zadskriena-zad-stara-gitara-foto/ И не помина долго, по пејачката на „Ај Кју“ нов шок ни приреди посилната половина на ова дуо - гитаристот и лидер на бендот, Бојан Трајковски. Додека во домашни услови тој и Марија се подготвуваа за своето онлајн музицирање, следуваше неговото шокирање на јавноста. Имено, меѓу сите инструменти во собата за проби, се најдоа и едни конги. Не се гитара и не се жичан инструмент, ама сепак - комплимент за тоа, како најпрвин на нив Марија го покажа своето музичко умеење и „чувство за осет“ за ритам. Веднаш потоа и се придружи Бојан, па така заедно, како „дуо -трио“ ја продоллжија ритмичката ударна сеанса, во која на „гитарџијата“ одненадеж му се пружи шанса да ги слушне своите „омилени звуци“! Додека така заедно свиреа, пејачката во еден момент му заврте грб, па се поднаведна веројатно да земе нешто што беше оставено до неа, а Бојан го искористи моментот за да го смени “инструментот“. Неговите „брзи прсти“ за миг од конгите се префрлија на бујната задница на расната љубовница и колешка, па лекцијата што очигледно веќе му е позната на „перкусионистот“, не му беше тешка. Ја отсвири совршено, иако се чини дека со „парти-турата“ тука не беше свршено... Како и да е, Бојан од „Ај Кју“ покажа дека гитарата сепак не му е омилен инструмент. Музичарот повеќе „се пали“ на малку поинакви звуци... Брзопотезно изведени и природно произведени! Впрочем, не му е прв пат да покаже дека има „брзи и лепливи прсти“ подготвени за миг да се фатат за нешто цврсто или меко, како ланската зима, кога на очиглед ја зграпчи амбалажата за... „мајчино млеко“! https://arhiva.vistina.com.mk/radio-mileva/aj-kju-vo-mavrovo-marija-na-skii-bojan-na-snoubord-na-snegot-ama-na-suvo-ja-batali-daskata-pa-se-fati-za-ambalazata-za-majchino-mleko-foto/

Марија од „Ај Кју“ се соблече гола: Пејачката од сите предрасуди ослободена, позира како од мајка родена, задскриена зад стара гитара (ФОТО)

Антонио Димитриевски — Fri, 17 Apr 2020 10:08:18 +0000

На пејачката на скопското дуо „Ај кју“ очигледно во карантинот покрај тоа што и е тесно и тешко и станало и жешко. Јасно е дека на сите не ние лесно да ја издржиме „казната што живот значи“, но разни луѓе, очигледно различно ја доживуваат осаменоста и затвореноста во четири ѕида. Така, едни клаустофобијата ги гуши, други карантинот ги нервира, трети пак ги инспирира... Оттаму се изродија и морето предизвици на социјаллните мрежи, кои не само што треба да помогнат за надминување на здодевноста, туку некои од нив ја будат фантазијата и предизвикуваат љубопитноста: Што тоа таму се случува зад затворени врати? А помеѓу врати и ѕидови, најразлачни видови или поточно типови карактери. Естрадата - посебна сорта. Пеење, танцување, перници околу појас со колан врзување, чистење, готвење, гимнастика... и уште каква се' не ти практика покажаа естрадните ѕвезди во мирување, за разонода и смирување на „разиграните живци“. Она што е најново е најновиот предизвик, кој го постави младата пејачка на поп дуото „Ај кју“ - Марија. Откако ја „изгуслаа“ Евровизија, па се обидоа да чепнат нешто и по Европа, музичко - љубовната двојка Бојан и Марија, корона пандемијата ги натера своето „Ај кју“ да го вратат дома. Дали заради „хормоните пуштени на најјако“ во крантинот или желбата свесно да се крене некому адреналинот - не знаеме, ама затоа она што сите дознаа и видоа е како изгледа пејачката на дуото кога е гола. Имено, задскриена само зад стара акустична гитара, Марија од сите предрасуди ослободена, се соблече како од мајка родена за да позира. Наводно, во прашање е најновиот предизвик која сама го постави и наслови: „Гол гитара предизвик“, па ги прозва другарките да ја следат. Предизвик или маркетиншки трик, а можеби и обете, ќе покаже времето. Она што остана дилема е зошто токму гитара? Дали Марија одбра да се соблече зад гитарата, заради тоа што токму нејзиниот љубовник ја свири или...? Ако е така, веројатно многумина веќе посакаа, наместо гитара, тој да свиреше некој друг инструмент, како на пример... кларинет!?

Марија од „Ај кју“ во дилема: Пејачката јавно побара помош од следбениците (фото)

Христина Ѓоргиевска — Thu, 07 Nov 2019 08:14:49 +0000

Кога станува збор за физичкиот изглед, жените секогаш знаеме да направиме некои промени со кои ќе изгледаме позадоволни и среќни пред огледалото.

Некогаш знаеме да го промениме стајлингот, „мејкапот“, да ја промениме фризурата односно да ја скратиме косата или да ја промениме бојата на косата. Македонската пејачка Марија Ивановска од групата „Ај кју“ претходната година одлучи да инвестира во својот изглед и направи промена, односно ја скрати косата и стана блондинка. https://arhiva.vistina.com.mk/radio-mileva/nema-da-ja-prepoznaete-marija-od-aj-kju-napravi-drastichna-promena-foto/ Меѓутоа, изгледа дека Марија деновиве се размислува повторно да направи промена и да ја промени бојата на косата Изгледа пејачката е во дилема и не знае дали да остане русокоса или да биде бринета, па ги праша своите следбеници на социјалните мрежи. „Следниот чекор е да останам русокоса или да станам бринета“ праша Марија и остави оние кои ја следат да гласаат. Нејзините фанови гласаа 39% за русокоса и 61% бринета, а Марија на својот фризер му порача дека ќе има работа и што треба да направи од нејзината коса. Дали пејачката ќе направи промена и наскоро ќе ја видиме со нов изглед останува да видиме.